ޕީއެންސީގެ ރައީސް އަބްދުއްރަހީމް: އިދިކޮޅު ކޯލިޝަން ބައިބައިކޮށް، ރިޔާސީ ޓިކެޓް ހޯދަން ބަޔަކު އުޅުނަސް އެ ފުރުސަތު ނެތް ކަމަށް ވިދާޅުވި -- ފޮޓޯ/މިހާރު
27 ޑިސެމްބަރ 2019 - 23:22
އިދިކޮޅު ޕީޕީއެމާއި ޕީއެންސީ ބައިބައިކޮށް، 2023 ގެ ރިޔާސީ ކެންޑިޑޭޓް ކަން ހޯދަން ބަޔަކު ކިތަންމެ މަސައްކަތެއް ކުރި ނަމަވެސް އެ ފުރުސަތު ކުރީގެ ރައީސް އަބްދުﷲ ޔާމީން ނޫން ބޭފުޅަކަށް ނޯންނާނެ ކަމަށް ޕީއެންސީގެ ރައީސް އަބްދުއްރަހީމް އަބްދުﷲ މިރޭ ވިދާޅުވެއްޖެ އެވެ.
އިދިކޮޅު ކޯލިޝަން މިހާރު އޮތީ ކޮޅު ބެދިފައިވާ މަގެއްގައި ކަމަށާއި އެކަމުން ސަލާމަތްވުމަށް އެހެން ވިސްނުމެއް ހޯދަންޖެހޭ ކަމަށް ކުރީގެ ހޯމް މިނިސްޓަރު އުމަރު ނަސީރު މިއަދު ވަނީ ވިދާޅުވެފަ އެވެ.
އިދިކޮޅު ކޯލިޝަނުން މިރޭ ދ. ކުޑަހުވަދޫގައި ބޭއްވި ޖަލްސާއެއްގައި ވާހަކަ ދައްކަވަމުން އަބްދުއްރަހީމް ވިދާޅުވީ އިދިކޮޅު ކޯލިޝަންގެ ބައިބައި ކުރަން ސަރުކާރު ކޯލިޝަންގެ ތެރެއިންނާއި އެހެން ގޮތްގޮތުން ބަޔަކު މަސައްކަތް ކުރިޔަސް ކާމިޔާބެއް ނުވާނެ ކަމަށެވެ. އެ ކޯލިޝަންގެ އަމާޒަކީ 2023 ވަނަ އަހަރުގެ ޔާމީން ވެރިކަމަށް ގެނައުން ކަމަށް ވިދާޅުވި އެވެ. އެމަނިކުފާނު ނޫން އެހެން ބޭފުޅަކަށް ރިޔާސީ ޓިކެޓް ނުލިބޭނެ ކަމަށް އަބްދުއްރަހީމް ވިދާޅުވި އެވެ.
"އަޅުގަނޑުމެން ވާ ވައްދަން ނޫޅޭ. އަޅުގަނޑުމެން ތި ބޭފުޅުން ޖަހާ މަޅިއެއްގައި ނުބެދޭނެ. އަޅުގަނޑުމެން މި ތިބީ ފިސާރި ކެރިގެން ސާބިތުކަމާ އެކު. އެއާ އެކީގައި ދަންނަވާލަން ބޭނުންވަނީ ތިކުރާ މަސައްކަތް ކާމިޔާބުވިޔަކަ ނުދޭނަމޭ. ޕީޕީއެމް ޕީއެންސީގެ ރިޔާސީ ޓިކެޓް ލިބިވަޑައިގަންނަވާނެ ކަމުގެ ކުލަ ހުވަފެން ދެކެވަޑައިގަންނަވާނެ ކަމެއް ނެތް." އަބްދުއްރަހީމް ވިދާޅުވި އެވެ.
ދައުލަތުން އުފުލި މަނީ ލޯންޑްރިންގެ ދައުވާ ސާބިތުވެ ޔާމީން ގެންދަވަނީ ފަސް އަހަރުގެ ޖަލު ހުކުމެއް ތަންފީޒު ކުރައްވަމުންނެވެ. އެ ހުކުމާ އެކު ރިޔާސީ އިންތިޚާބުގައި ވާދަ ކުރެއްވުމުގެ ގާނޫނީ ހުރަސްތަކެއް މެދުވެރިވެފައި ވަނިކޮށް، 2023 ގައި އިދިކޮޅު ރިޔާސީ ކެންޑިޑޭޓަކީ އެމަނިކުފާނު ކަމަށް ޕީޕީއެމާއި ޕީއެންސީން ވަނީ ނިންމައިފަ އެވެ.
އަބްދުއްރަހީމް ވިދާޅުވީ އިދިކޮޅު ކޯލިޝަން އޮތީ ކޮޅު ބެދިފައިވާ މަގެއްގައި ނޫން ކަމަށާއި އެ ކޯލިޝަން ދަތުރު ކުރަމުން ދަނީ މަންޒިލް ސާފުކޮށް ފެންނަން އޮވެގެން ކަމަށެވެ. އަދި އެ ކޯލިޝަންގެ ލީޑާޝިޕްގައި ތިބީ ސަރުކާރު ޖަވާބުދާރީ ކުރުވުމުގެ ހިތްވަރު ހުރި ބައެއް ކަމަށާއި ހަނު ތިބުމަށް ފަހު ކުއްލިއަކަށް ނިކުމެ މިއަދު ބަޔަކު ދައްކާ ވާހަކައަކުން އެ ކޯލިޝަންގެ ވިސްނުން ބަދަލު ނުވާނެ ކަމަށް އޭނާ ވިދާޅުވި އެވެ.
"ޕީޕީއެމް ޕީއެންސީގެ ލީޑާޝިޕަކު ނުހުންނާނެ ރައީސް ޔާމީނަށް ހަރާން ކޯރުވާނެ އެއްވެސް މީހެއް. އަޅުގަނޑުމެން މިއަދު މި ކުރަމުން ގެންދާ މަސައްކަތަކީ ރައީސް ޔާމީން މިނިވަން ކުރުމުގެ މަސައްކަތް އެކަންޏެއް ނޫން. އަޅުގަނޑުމެން މި ކުރަމުން ގެންދާ މަސައްކަތަކީ 2023 ވަނަ އަހަރު ރައީސް ޔާމީން މި ގައުމުގެ ވެރިކަމަށް ގެނައުމަށް ކުރަމުންދާ މަސައްކަތް." އަބްދުއްރަހީމް ވިދާޅުވި އެވެ.
އޭނާ ވިދާޅުވީ ޔާމީން ހުންނެވީ މިހާރު ވެސް ސާބިތުކަމާ އެކު ކަމަށާއި އެމަނިކުފާނު ހުންނެވީ ގައުމުގެ ހައްގުގައި މުޅި އުމުރަށް ޖަލުގައި އޮންނަން ޖެހުނަސް، އެކަމަށް ވެސް ތައްޔާރަށް ކަމަށް އަބްދުއްރަހީމް ވިދާޅުވި އެވެ. އަދި އެމަނިކުފާނު މިނިވަންކުރަން ކުރަންޖެހޭ އެންމެ މުހިންމު ކަމަކީ އަންނަ ލޯކަލް ކައުންސިލް އިންތިޚާބުގައި އެ ކޯލިޝަނަށް ތާއީދު ކުރުން ކަމަށް ވެސް އަބްދުއްރަހީމް ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ބޮޑުމީހާ
29 December 2019
ސިޔާސީ ލީޑަރުން ވަށައިގެން އުޅޭ މީހުންވެސް އެބަޖެހޭ ވަރަށް ބޮޑަށް އިސްލާހުވާން. ރާއްޖޭގެ ޝަރުއީ ކޯޓަކުން ހުކުމެއްކޮށް ރިޔާސީ އިންތިހާބުގައި ވާދަނުކުރެވޭނެކަން ކަނޑައެޅިގެން އިގޭއިރު ކޮން ސަކަރާތެއް މިޖަހަނީ. މިގޮތަށް އެމްޑީޕީން ވެސް އުޅުނު ރޫހާނީ ލީޑަރު ފިޔަވައި އެހެންމީހަކަށް ޓިކެޓް ނުދޭން އުވަގަށާ މެޝިނަށް ވޯޓް ލައިގެން. އެންމެ ފަހުންޖެހުނީ އެހެން ކެޑިޑޭޓަކު ނެރެން.
ޓިނު
29 December 2019
އަދުރޭ ތިއުޅެނީ އެކަމަށް ދަހިވެގެން ؟
ޓިނު
29 December 2019
ބުނާތީއިވޭ 800 އަށްވުރެ ގިނަދުވަސްވެއްޖެކަމަށް ރާއްޖޭގައި އިސްލާސްދީ އޮންނަތާ ؟ އަދުރޭ ބުނާގޮތުން ޔާމީނު ނެތިއްޔާ އިސްލާދީނެއް ނޯންނާނެ؟
ހަބީބު
28 December 2019
އަދުރޭ ހިތުން އަދުރޭޔައް ޓިކެޓު ލިބޭނެ ނަމަވެސް ހިސާބު ކިތާބު ނުދަންނަ މަގުމަތީ ބަޒާރުގަ ދަމާކަނޑަން އުޅުނު 50 ×50 ވީމަ ދެލައްކަ ހަމަވާ ބައި ކުޅަނދަކައް ރައްޔިތުން ވޯޓެއް ނުދޭނެ
ޙޯޙޯ
28 December 2019
ތިހެންވިއްޔާ އޭނަ ބާއްވަބަލަ އުމުރު ދުވަހު ޖަލުގާ. ގައިމު ބިލިއަނުން ގައުމަށް ފައިދާވާނެ!
ޙުސެނ
28 December 2019
ޢއަދި އަދުރޭއާއި ނިހާނު އަދިޒަ މީރު އާއި ރިޔާޒު ގެ ހިޔާނާތުގެ މައްސަލަ ބެލު މައް އަވަސް ކުރު މައް ގޮވާލާމީހުން ބައިވަރު އެތިބެނީ ފިލާ
ފޮނިބޮކި
28 December 2019
ހުރިހާ ބާރަކާއި ހުރިހާ ވަސީލަތަކާއި ސަރުކާރުގެ ހުރިހާ މުއައްސަސާތަކާއި އެ މުއައްސަސާގެ މުވައްޒަފުންގެ ބޭނުންކޮށްގެން ފައިސާއާއި ނުފޫޒު އޭގެ އިމަށް ބޭނުންކޮށްގެން އިންތިޚާބަށް ނިކުތުމުންވެސް ރައްޔިތުން "ބޮޑުތަނުން" ނޫނެކޭ ބުނެ، ބާކީކޮށްލުމުން، ވެރިކަމުގައި ހުރެ ދިވެހިންނަށް ވީ ޚިޔާނާތްތަކުން ކަމެއް ތިލަވެ، ސާބިތުވެ އަދި ޖަލުހުކުމެއް ތަންފީޒުކުރަމުންދާ މީހެއް އަލުން އަނެއްކާވެސް ވެރިކަމަށް ގެންނަ ވާހަކަ ދައްކާނީ ހާދަ ގޮތެއް ނެތް މީހުންނެވެ.
އްލަކިން ނޯލަ
28 December 2019
ގައު މު އޮތީ ރީދޫހުން ޖެހިފަ މިހުން ޖެހު މުގެ އަސްލަކީ ތިބޭފުޅުން ގެ އަ މަލުތަށް .. ޑަބަލް ޕީ (ޕީޕީއެ މް ޕީއެންސީ) އަށް ލިބޭނެ ވޯޓެއް ނޯންނާނެ ..
ހަބީބު
28 December 2019
ޖިނާއީ ކުށެއް ސާބިތު ވެއްޖެ މިހަކައް މީގެ ފަހުން ވެރިކަމައް ނާދެ ވޭނެ ގޮތައް ގަނޫނު ބަދަލު ކުރަންޖެހޭ. އޭގެ ފަހުން ދީނީ ރަނގަޅު އާދައިގެ ރައްޔިތަކު ވެރިކަމައް ގެންނަންޖެހޭ
ށޭޒު
28 December 2019
ހަނދާން ނައްތާލާ އޭނާ އަށް ވޯޓުދޭނެ ބަޔަކު ނޫޅޭނެ