ހިބަރު ޖެހިފައި އޮތް ނަނު އޮޅިގެން މީހަކު މަރުވެއްޖެ

ށ. ފުނަދޫގައި ހުންނަ ދިރާގުގެ 280 ފޫޓުގެ އެންޓަނާ.

އާސިމާ ނިޒާރު، މިހާރު

14 ޖެނުއަރީ 2020 - 12:47

ށ. ފުނަދޫ ކައިރީގައި މަސް ބާނަން އެކަނި ނުކުމެ އުޅެނިކޮށް ހިބަރެއް ޖެހުނު ނަނުގައި އޮޅިގެން މޫދަށް ވެއްޓުނު މީހަކު މިއަދު މަރުވެއްޖެ އެވެ.

އެރަށު އާދަމް އިބްރާހިމް (އާދަމްބެ) މަރުވީ، ބެލެވޭ ގޮތުގައި، ހިބަރު ޖެހިފައި ހުއްޓާ އޭނާގެ ޝަހާދަަތް އިނގިލީގައި ނަނު އޮޅި، މޫދަށް ވެއްޓުމުން ވެސް ސަލާމަތްނުވެވި، ގެބިގެންނެވެ. އޭނާ ސަލާމަތްކުރަން އެހެން ބަޔަކު ގޮސް ނެގި އިރު ވެސް ހިބަރު ހުރީ ޖެހިފައި ކަމަށާއި އާދަމްބެ ނެގީ ނަނު ކަނޑާލައިގެން ކަމަށް، "މިހާރު"އާ ވާހަކަ ދެއްކި ބައެއް މީހުން ބުންޏެވެ.

އެ ރަށުގައި ހުންނަ އަތޮޅު ކައުންސިލްގެ މެމްބަރަކު ވިދާޅުވީ އާދަމްބެ މޫދަށް ވެއްޓުނުކަން އެނގުމުން އެހިސާބަށް ދިޔައީ އޭނާގެ ދޯންޏާ ހާހެއްހާ ފޫޓު ދުރުގައި މަސްވެރިކަމުގައި އުޅުނު ދެ މީހެކެވެ.

އެ މީހުންނާ ހަވާލާދީ މެމްބަރު ވިދާޅުވި ގޮތުގައި، ހިބަރެއް ޖެހިގެން އެ ދަމަން، ދޯނީގެ ކުރީކޮޅުގައި ހުރެ އާދަމްބެ މަސައްކަތް ކުރިތަން އެ މީހުންނަށް ފެނުނެވެ. އެކަމަކު ކުޑައިރުކޮޅެއް ފަހުން ދޯނީގައި އޭނާ ނެތުމުން އެ ހިސާބަށް އެމީހުން ދިޔައީ އެވެ.

"ދިޔައިރު މި އޮތީ މޫދަށް ވެއްޓިފައި،" ކައުންސިލް މެމްބަރު ވިދާޅުވި އެވެ.

އޭނާ ވިދާޅުވި ގޮތުގައި އޭރު ވެސް އާދަމްބެގެ އެއްވެސް ހަރަކާތެއް ނެތެވެ. އެކަމަކު ހިބަރު ހުރީ އޭރު ވެސް ނަނުގައި ގަނެފަ އެވެ. އެހެންކަމުން އޭނާ ނެގީ، ނަނު ބުރިކޮށްލައިގެންނެވެ.

"ޝަހާދަތް އިނގިލީގައި ނަނު ބޮޑަށް ބެދިފައި ހުރީ. ކަރުގައި ވެސް ކަންވާރު މަޅިއެއް އެރިފައި ހުރި،" މެމްބަރު ވިދާޅުވި އެވެ.

އެކަމަކު ކަރުގައި ހުރި ނަނު އެހާ ބާރަށް އޮޅިފައި ނެތުމުން ބޮޑަށް ބެލެވެނީ، ހިބަރު އަޑިއަށް ދެމިގަނެގެން ދިޔައިރު އާދަމްބެއަށް ސަލާމަތްނުވެވި، ނޭވާ ހުސްވީ ކަމަށެވެ.

އާދަމްބެއަކީ ފަތިސް ނަމާދަށް ފަހު އަބަދުވެސް މަހަށް ދާ މީހެކެވެ. އޭނާ މިއަދު ވެސް ނުކުތީ ފަތިސް ނަމާދަށް ފަހު އެވެ. ރާއްޖޭގައި މި ފަހުގެ ތާރީހުގައި ވެސް ހިނގާފައި ނެތް ފަދަ މި ހާދިސާ ހިނގީ 11 ޖަހާކަންހާއިރެވެ.

"ވަރަށް އަހުލާގު ރަނގަޅު، ހިތްހެޔޮ މީހެއް އެއީ،" އާދަމްބެއާ ބެހޭ ގޮތުން މެމްބަރު ވިދާޅުވި އެވެ.

ފުނަދޫ ކައުންސިލްގެ މެމްބަރު އަލީ ހާލިދު ވިދާޅުވީ 15-20 ފޫޓުގެ ދޯނީގައި އެކަނި މަހަށް ނުކުތުމަކީ އެ ރަށުގެ ގިނަ ބަޔަކު ކުރާ ކަމެއް ކަމަށެވެ. އެކަމަކު އެއީ ނުރައްކާތެރި ކަމަކަށް ވާތީ އެފަދަ ކަންކަން ނުކުރަން ނަސޭހަތް ވެސް ދީފައިވާނެ ކަމަށް އޭނާ ވިދާޅުވި އެވެ.

ށ. ފުނަދޫ މަސްވެރިކަން މަރު

36 ކޮމެންޓް, 301 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ރީތި މޫސަ

15 January 2020

إِنَّا لِلّهِ وَإِنَّـا إِلَيْهِ رَاجِعونَ. ސުވަރުގޭގެ ދާއިމީނިއުމަތްލައްވާ އާއިލާއަށް ކެއްތެރިކަންދެއްވާށި އާމީން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުލް

15 January 2020

މިފަދަ އަޚްލާޤު ހުރި ހިތްހެޔޮ ރަނގަޅު މީހުން މަރުވެ ހުސްވަނީތަ. އަދި މިފަދަ ގޮތަކަށް، ޙިކަމަތަކީ ކޮބައިބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަރުކެހި

15 January 2020

އެކަނި މަހައްފުރުމަކީ އެއްވެސްހާލެއްގާ ރަގަޅުކަމެއްނޫން ކިތަންމެއަހުލާގުރަގަޅުވިޔަސް ހިންހެޔޮވިޔަސް އަދި ތަޖުރިބާހުއްޓަސް އެކަނި މަހައްފުރުމަކީ ބުއްދިވެރި ކަމެއްނޫން މަދުވެގެން ދެމީހުން ތިބެންޖެހޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްތާޛްޒަކީ

14 January 2020

އާދަމްބެ އަކީ ވަރަށް އަޚުލާގު މަޑުމައިތިރި މީހުން އިހުތިރާމް ކުރާ މީހެކެވެ. އަޅުގަޑު ވެސް ދަންނަ ވަރަށް ހެޔޮ މީހެކެވެ. އަދި، މަޢުލޫމާތު މުއްސަނދި ވަރަށް ހޭލުންތެރި ވެސް މީހެކެވެ. މާތް ﷲ މައްޔިތާގެ ފުރާނައަށް ހެޔޮ ރަޙްމަތް ލައްވައި ފާފަ ފުއްސަވައިދެއްވައި ޝަހީދެއްގެ ގޮތުގައި ސުވަރުގޭ ގައި ލައްވާށިއެވެ. އާމީން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢާސިފު

14 January 2020

3 މީހުން ހަމަކޮށްގެން ނޫނީ ދަތުރަކު ނުނިކުތުމަށް އިރުޝާދު ދެއްވާފައިވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހީދު

14 January 2020

ހިތާމަވެރި ހާދިސާއެއް. އެކަނި މަހަށް ނިކުންނަ މީހުންނަށް ފުލުހުން އަދި ކައުންސިލް އިދާރާތަކުން ވެސް ފިޔަވަޅު އަޅަންއެބަޖެހޭ. ގއ.ކޮލަމާފުށީގައި ވެސް އުޅޭ އޭގެ މީހެއް. އެކަންތައް ހުއްޓުވަން ފުލުހުންނާއި ކައުންސިލްގެ ފަރާތުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުހުސިން ހަމީދު

14 January 2020

إِنَّا لِلّهِ وَإِنَّـا إِلَيْهِ رَاجِعونَ. ވަރަށްވެސް ހިތާމަވެރި ހާދިސާއެއް. މިކަހަލަ ހާދިސާތަކުން އިބުރަތް ހޯދާ ފަރުވާތެރިވުން ވަރަށް މުހިއްމު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައުދު

14 January 2020

އެކަނި ކަނޑު މައްޗަށް ނިކުންނަމީހުންނަށް ފިޔަވަޅު އަޅަންވީ.އެހެންމީހަކަށް އެއްޗެއް ދޭން ޖެހިދާނެތީ ނުގެންދަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުހުސޭނުބެގެ އާދަން

14 January 2020

إِنَّا لِلّهِ وَإِنَّـا إِلَيْهِ رَاجِعونَ. އެކަނި ކަނޑުދަތުރުކުރުމުގައި ވޭތުވެދިޔަ 12 މަސް ދުވަހު ހިތާމަވެރި ކިތައް ހާދިސާ ހިނގައިދިޔަތޯ. ދައުލަތުނ ކިތައްފައިސާ ޚަރަދު ކުރިތޯ. ކިތައް ފުރާނަ ގެއްލިދިޔަތޯ. މިކަމަށް ކޮންފިޔަވަޅައްތޯ އަޅާނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނުބެގެ މުޙައްމަދު

14 January 2020

މި ގައުމުގައި މިއުޅެނީ ހަރުދަނާ ޤާނޫނެއް ނެތިގެނެއްނޫން، އަދި އަޅާނެ ފިޔަވަޅެއްވެސް ހެދިފައި ނެތިގެނެއްނޫން، ހަރުދަނާ ވާންވީ ރައްޔިތުންގެ ވިސްނުން، އެނގޭ މީހުން ކިޔައިދިނީމައި ޤަބޫލުކުރަންވީ. އަމިއްލަޔަށްވެސް ހޭލުންތެރިވާންވީ. ކޮންމެމީހަކީވެސް އެމީހެއްގެ އަމިއްލަ ފަރުދީ ޒިންމާ އަދާކުރާ މީހަކަށް ވާންވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާނީ

14 January 2020

މީހުންގެ އަމިއްލަ ފަރުދީ ޒިންމާ ދޯމީ.. އެމީހާ އެކަނި ފުރައިގެން ދިޔައިމަ ދެން ސަރުކާރުން ކޮންފިޔަވަޅެއް އަޅާނީ.. އަބަދު އެވެއަރނަސް ކޮށްދޭން ރޭޑިއޯ ޓީވީން ވާހަކަދައްކަނީ. ދެން ކީއްކުރާނީ..