އިންޑިއާގެ އެހީގައި 46 މިލިއަން ރުފިޔާގެ މަޝްރޫއުތަކެއް ހިންގަުމުގެ އެއްބަސްވުމުގައި، ފޮރިން މިނިސްޓަރު ޝާހިދު (ކ) އަދި އިންޑިއާއިން ރާއްޖެ ކަނޑައަޅާފައި ހުންނަވާ ސަފީރު ސުންޖޭ ސުދިރު ސަލާމްކުރައްވަނީ-- ފޮޓޯ: ނިޝާން އަލީ/ މިހާރު
02 ފެބުރުއަރީ 2020 - 16:03
17 comments
އިންޑިއާއިން ދޭ 46 މިލިއަން ރުފިޔާގެ އެހީގައި ހަ މަޝްރޫއެއް ހިންގުމުގެ އެއްބަސްވުމުގައި މިއަދު ސޮއިކޮށްފި އެވެ.
ފޮރިން މިނިސްޓްރީގައި ބޭއްވި ރަސްމިއްޔާތުގައި އެ އެއްބަސްވުމުގައި ސޮއިކުރެއްވީ ފޮރިން މިނިސްޓަރު އަބްދުﷲ ޝާހިދާއި އިންޑިއާއިން ރާއްޖެއަށް ކަނޑައަޅާފައި ހުންނަވާ ސަފީރު ސަންޖޭ ސުދިރެވެ.
މި އެހީ ދެނީ އިންޑިއާގެ ހައި އިމްޕެކްޓް ކޮމިއުނިޓީ ޑިވެލޮޕްމަންޓް ޕްރޮޖެކްޓް (އެޗްއައިސީޑީޕީ) ސްކީމުގެ ދަށުންނެވެ. އެހީގައި އައްޑޫގެ ފަސް ސަރަހައްދެއްގައި އީކޯ ޓޫރިޒަމް ތަރައްގީކުރުމާއި ހއ. ހޯރަފުށީގައި ބިއްލޫރި ފުޅީގައި ފެން ބަންދުކުރާ ޕްލާންޓެއް ހެދުން ހިމެނެ އެވެ.
އެއްބަސްވުމުގައި ސޮއިކުރެއްވުމަށް ފަހު ޝާހިދު ވިދާޅުވީ އައްޑޫގެ ހިތަދޫ، މަރަދޫ، ފޭދޫ، ހުޅުދޫ އަދި މީދޫގައި ތަރައްގީކުރާ ޓޫރިޒަމް ޒޯނުތަކަކީ، ޓޫރިޒަމް ކުރިއެރުވުމަށް ވަރަށް މުހިއްމު ތަންތަނަށް ވާނެ ކަމަށެވެ.
އެ ސިޓީގައި ހިންގާ މަޝްރޫއުގެ އަގު 38 މިލިއަން ރުފިޔާއަށް އަރަ އެވެ.
ޝާހިދު ވިދާޅުވި ގޮތުގައި ޕްލާސްޓިކާ ދެކޮޅަށް ސަރުކާރުން ފަށާފައިވާ މަސައްކަތުގެ ދަށުން، ހޯރަފުށީގައި ގާއިމްކުރާ ޕެން ޕްލާންޓުން އާއްމުންނަށް ސާފު ފެން ލިބޭނެ އެވެ. އެ މަޝްރޫއުގެ އަގަކީ އަށް މިލިއަން ރުފިޔާ އެވެ.
އިންޑިއާގެ އެހީގައި 46 މިލިއަން ރުފިޔާގެ މަޝްރޫއުތަކެއް ހިންގުމުގެ އެއްބަސްވުމުގައި ސޮއިކުރަން ބޭއްވި ރަސްމިއްޔާތަށްފަހު، އައްޑޫގެ މޭޔަރު ސޯބެ ވާހަކަދައްކަވަނީ-- ފޮޓޯ: ނިޝާން އަލީ/ މިހާރު
ސަފީރު ސުދިރު ވިދާޅުވީ މި ހަ މަޝްރޫއުން، ރާއްޖެ އާއި އިންޑިއާގެ ގުޅުން ވަރަށް ރަނގަޅަށް ރަމްޒުކޮށްދޭ ކަމަށެވެ. މި މަޝްރޫއުތަކުގެ ފައިދާ ސީދާ ރައްޔިތުންނަށް ކުރާނެ ކަމަށް ވެސް ވިދާޅުވި އެވެ.
އޭނާ ވިދާޅުވި ގޮތުގައި އިންޑިއާއިން ހަމައެކަނި ބޮޑެތި މަޝްރޫއުތަކަށް ސަމާލުކަން ދިނުމުގެ ބެލުމުގައި ރައްޔިތުންގެ ދިރިއުޅުމަށް ހެޔޮ ބަދަލުތައް އަންނާނެ ކަންކަމަށް ވެސް ހޭދަކުރާނެ އެވެ. އިޖުތިމާއީ ދާއިރާއިން މިހާރު ވެސް ބޮޑެތި މަސައްކަތްތަކެއް ކުރަމުން އަންނަކަން އޭނާ ފާހަގަކުރެއްވި އެވެ.
އޭނާ ވިދާޅުވި ގޮތުގައި އެ މަޝްރޫއުތައް ފެށުމުގެ ބާރު މިހާރު އޮންނާނީ ކައުންސިލްތަކުގެ އަތްމަތީގަ އެވެ.
އެ ރަސްމިއްޔާތަށް ފަހު ބޭއްވި ނޫސްވެރިންގެ ބައްދަލުވުމުގައި އައްޑޫ ސިޓީގެ މޭޔަރު އަބްދުﷲ ސޯދިގު (ސޯބެ) ވިދާޅުވީ ގޭދޮރު އެޅުމާއި މަސް ފެކްޓްރީގެ ތިން މަޝްރޫއެއް އިންޑިއާގެ އެހީގައި މިހާރު ވެސް އެ ސިޓީގައި ހިންގަމުން އަންނަ ކަމަށެވެ.
މިއަދު ސޮއިކުރި އެއްބަސްވުމުގެ ދަށުން ހިންގާނީ ޓޫރިޒަމަށް އިއުލާނުކޮށްފައިވާ ފަސް ސަރަހައްދުގެ މަގުތަކާއި ބީޗު ރީތިކުރުމުގެ މަސައްކަތް ކަމަށް ވެސް އޭނާ ވިދާޅުވި އެވެ. އެތަންތަނުން ދޫކޮށްފައިވާ 63 ބިމުގައި ސިޓީ ހޮޓަލާއި ގެސްޓްހައުސް އަޅަން ވާއިރަށް، އެ ސަރަހައްދުތަކުގެ މަގުތަކާއި ބީޗުތައް ރީތިވާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޒާ
02 February 2020
އެހެން ނޫހެއްގަ އޮތީ 38 މިލިއަން ކަމަށް، މި ނޫހުގައި މިއޮތީ 46 މިލިއަން ކަމަށް، ކޮބާ ރަނގަޅު އަދަދަކީ...؟؟؟
ވެރޯނިކާ
02 February 2020
15 ވަރަކަށް މަޝްރޫއު، ޖުމްލަ އަގު 2 މިލިއަން ޑޮލަރަށް ނާރާ، އެކަމަކު އިރުއިރުކޮޅާ ދެން އޮންނާނީ މިވާހަކަ، ހުޅުމާލޭގަ ދެންހަމަ ރީއްޗަކަށް ރަށުމެދުގަ ހިކިފަސްތާ 4 ބުރިޖު އަޅާފަ އޭގެދަށުން ކޮނެގެން ކޯރުހެދުމުގެ މަޝްރޫއު އެއީ ސާޅީހަކަށް މިލިއަން ޑޮލަރު، ހެޑިންއަކަށް ނުވެސް އަރާ.
ޗައިނާ
02 February 2020
ކީއްވެބާ ޗައިނާއިން ރާއްޖެއަށް އެހީވީ އެމީހުންގެ ނިކަމެތިންގެ ހާލު އެންމެ ތަންކޮޅެއްވެސް ސަހަލެއްނޫން
މޯޑް
02 February 2020
ތި މަސްރޫއުތަކުގެ ފޮނިމީރުކަން ރަށްއިތުންނަށް ލިބޭނި ދުވަހަކަށް މިހާރު މި އިންތިޒާރު ކުރަނި.
ގޯސް
02 February 2020
ކަލޭނޭ ތިޔަދަނީ އަޅުވެތިކަމާދިމާއަށް. ރާއްޖޭގެ އުތުރާ ދެކުނު އެވެރިންގެ ދަށަށްދިޔައީ. އިންޑިޔާއަކީ އިގްލާސްތެރިއެއްނޫން. ތިޔަހާވަރަށް އިންޑިޔާ އުނގައްނުވެއްޓޭ.
ކޮރަލް
02 February 2020
އިތުރު ތަފް ސީލް ބޭނުމެވެ.
ރަދީފުއްދީނުލް އަކްބަރު
02 February 2020
ތީގެ ބަދަލުގައި މަމެން އިންޑިޔާނުންނަށް ދޭންޖެހެނީ ކޯންޗެއް.
ނިރު
02 February 2020
ތިއީ އިންޑިޔާ ރަގަޅަށް ކޮލިޓީ ކޮންޓްރޯލް ކުރާތި ކަމަކު ނުދާނެ ދެދުވަހުން ތަން ބޮލަށް ވެއްޓްނީމަކާ
ތެދުވެރިޔާ
02 February 2020
އިންޑިޔާގެ ބޭނުމަކީ ކޮންކަމެއްކަން ދިވެހިންނަ ވިސްނެނީ ކިހާވަރަކައްތަ؟
މަންޑޭލާ
02 February 2020
އިންޑިޔާ އަބަދުވެސް ބޭނުންވަނީ ރާއްޖޭގެ މުހިމްމުތަންތަން ނަގައިގެން އެމީހުންގެ ބާރުގެ ދަށުގަ ރާއްޖެ ބޭއްވުން. އުތުރާ ދެކުނުގަ އެމީހުންގެ ބަދަރުހަދާ ރާއްޖޭގެ އިގްތިސޯދު ފޭރިގަތުން.