ފިޝަރީޒް މިނިސްޓަރު ޒަހާ ވަހީދު ރައްޔިތުންގެ މަޖިލީހުގެ ޖަލްސާއެއްގައި ޖަވާބުދާރީވެވަޑައިގަންނަވަނީ
25 ފެބުރުއަރީ 2020 - 15:22
32 comments
ރާއްޖޭގެ މަސްވެރިންގެ ހާލަތު ފިޝަރީޒް މިނިސްޓްރީން ނުބަލާ ކަމަށް ވިދާޅުވެ، މިނިސްޓަރު ޒަހާ ވަހީދުގެ އިސްތިއުފާއަށް ރައްޔިތުންގެ މަޖިލީހުގެ މިއަދުގެ ޖަލްސާގައި އެމްޑީޕީގެ ބައެއް މެމްބަރުން ގޮވާލައްވަައިފި އެވެ.
ޔޫޓިލިޓީ ރެގިއުލޭޓަރީ އޮތޯރިޓީގެ ބިލަށް ބަހުސް ކުރުމުގައި ކަނޑިތީމު ދާއިރާގެ އެމްޑީޕީ މެމްބަރު އަބްދުﷲ ޝަހީމް އަބްދުލް ހަކީމް ވިދާޅުވީ ފިޝަރީޒް މިނިސްޓްރީ ފެއިލް ވެއްޖެ ކަަމަށެވެ. އަދި މަސްވެރިންގެ ހާލަތު އެމިނިސްޓްރީން ނުބަލާ ކަމަށާއި އެހެންވެ ފިޝަރީޒް މިނިސްޓަރު އިސްތިއުފާ ދެއްވަން އޭނާ ގޮވާލެއްވި އެވެ.
ޝަހީމް ވިދާޅުވީ އެ މިނިސްޓްރީ ހިންގެވޭ ވަރުގެ ބޭފުޅަކު އެ މިނިސްޓްރީއަަށް ލައި، މަސްވެރިންގެ ހައްގުތައް ހިމާޔަތް ކޮށްދޭން ޖެހޭ ކަމަށެވެ.
އޭނާ ވިދާޅުވި ގޮތުގައި މަޖިލީހަށް ވަޑައިގެން ސަރުކާރަށް ސަނާ ކިއުއްވާފައި މެމްބަރުންނަށް ވަޑައިގެންނެވިދާނެ އެވެ.
"އަޅުގަަނޑުމެން މިތަނުން މަސްވެރިންގެ ބިލެއް ވެސް ފާސްކޮށްފިން. އަޅުގަނޑުމެން އެ ބިލް ފާސްކުރި އިރު އޭގައި އަޅުގަނޑުމެން ލިއުނިން އެކަން ކުރާނެ އުސޫލުތަކަކާއި ހަމަަތަކަކާ. އެހެން ނަމަވެސް މިއަދު ކޮބައިތޯ މަސްވެރިންގެ ހާލަތު؟ މިނިސްޓްރީ އޮތީ ކިހާ ހިސާބެއްގައިތޯ؟ ކޮބައިތޯ މިނިސްޓަރު؟" ޝަހީމް ސުވާލު ކުރެއްވި އެވެ.
ޒަހާއާ މެދު ވަރަށް އަވަހަށް ފިޔަވަޅު އަޅާނެކަމުގެ އިންޒާރު މީގެ ކުރިން މަޖިލީހުގެ ޖަލްސާއެއްގައި ބިލެތްދޫ ދާއިރާގެ އެމްޑީޕީ މެމްބަރު ދޮންބިލެތް އަހުމަދު ހަލީމު ވަނީ ދެއްވައިފަ އެވެ.
ރައްޔިތުންގެ މަޖިލީހުގެ ކަނޑިތީމު ދާއިރާގެ މެމްބަރު އަބްދުﷲ ޝަަހީމް
"މިއަދުގެ ހަގީގަތަކީ ފިޝަރީޒް މިނިސްޓްރީ ފެއިލް ވެއްޖެ. ފެއިލް ވެއްޖެ. އަޅުގަނޑު ގޮވާލަން މިނިސްޓަރު އިސްތިއުފާ ދެއްވާ. ދެއްވާފައި އެ މިނިސްޓްރީ ހިންގޭ ވަރުގެ މީހުން އެތަނަށް ލައިގެން، ދިވެހި މަސްވެރިންގެ ހައްގުތައް ހިމާޔަތްކޮށްދެއްވާ،" ޝަހީމް ވިދާޅުވި އެވެ.
އެކަމަކު އޭނާގެ ވާހަކާގައި ގެއްލިގެން އުޅެނީ މަސްވެރިންގެ ކޮން ހައްގެއް ކަމާއި މަސްވެރިންގެ ހާލަތު ދަށަށް ދިޔައީ ކީއްވެގެންކަން ވިދާޅެއް ނުވެ އެވެ.
ޝަހީމްގެ ފާޑުވިދާޅުވުން އަމާޒުވީ ހަމައެކަނި ޒަހާއަކަށް ނޫނެވެ. ސަރުކާރުގެ ކުންފުނިތައް ހިނގާ ގޮތަށް ވެސް އޭނާ ފާޑުވިދާޅުވި އެވެ.
އޭނާ ވިދާޅުވި ގޮތުގައި ކުންފުނިތަކުން ހިދުމަތް ދޭ ގޮތާ މެދު ރަައްޔިތުން ޝަކުވާކޮށް، މެމްބަރުންނާ ސުވާލުކުރެ އެވެ. އޭގެ ސަބަބަކީ ސަރުކާރު ހިންގާ ކޯލިޝަންގެ އެކި ޕާޓީތަކަށް ނިސްބަތްވާ އެމްޑީންނާއި ޑީއެމްޑީން، ކުންފުނިތަކުގައި ތިއްބެވުން ކަމަށް ވިދާޅުވި އެވެ.
"ޖުމްހޫރީ ޕާޓީ މީހުން އިސްކޮށްގެން، އަދާލަތު ޕާޓީ އިސްކޮށްގެން ބޯޑުތަކަށް އަޅުގަނޑުމެންނަށް ލެވިދާނެ. ނަތީޖާ މި އޮތީ ފެންނަން. މުއައްސަސާތައް މި އޮތް ދަނީ ފެއިލްވަމުން. އިއްޒަތްތެރި ރައީސް، މި ސަރުކާރު ފެއިލްވުމުގެ ކުރިން ސަރުކާރުން ވަރަށް ފުންކޮށް އެބަ ވިސްނަން ޖެހޭ،" ޝަހީމް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިސްމާލި
26 February 2020
ތިއުޅެނީ މަސްވެރިންގެ ހައްގެއް ގެއްލިގެނެއް ނޫން. އަމިއްލަ ޕާޓީ ނޫންމީހެއް ހުރެގެން ނަޝީދުއަށް ހަމަނުޖެހެވިގެން ހަޖަމު ނުވެގެން ތި އުޅެނީ. ލާފަ އޮންނަ ބިލާ ބެހޭގޮތުން ވާހަކަ ނުދެއްކޭ ބަޔަކު ބޭރުކުރެވޭނެ ގޮތެއް ހޯދިއްޔާ މާ ރަނގަޅެއްނު.
މުޙުއްމާ
26 February 2020
އިސްތިޢުފާއަށް ނުގޮވާ މަޑުމަޑުން ތިބެ ބަލަ. އިންތިޚާބަށްފަހު ވައިރަސް ޕްރޮގްރާމް ރަންކޮށްލީމަ ތިހުރިހާ ވައިރަސްތަށް ދާނެ.
މިން
26 February 2020
ކެރެންޏާ މަސްވެރިއެއް ލާ ބަލަ މިނިސްޓަރަކަށް. ނުކިޔަވާތިބި އަޑުގަދަކުރާ ތަޖުރިބާއެއް ނެތް މީހުންނަށް ބޮޑެތި މަގާމުތައް ދޭ ގޮތަށް މަސްވެރިއަކަށް މިނިސްޓަރުކަން ދިނަސް ހަމަ ރަގަޅުވާނެ.
ކަނބިލި
26 February 2020
ގަބީލާގެ މީހުން ނޫން މީހުން ކަ މަކު ނުދާނެ. އިތުބާރެއް ނުކުރެވޭނެ. ގަބަލީ ސިކުނޑީގެ މީހުންނަށް ޑި މޮކްރަޓިކް ވެރިކަ މެއް ނުކުރެވޭނެ
ކަކުނިބޯ
26 February 2020
މަސްވެރިންނަށްލިބޭ އާމްދަނޫދަށްވަނީ ޑޮލަރުގެ ހަމައަގަށްވުރެބޮޑުކޮށް ވިޔަފާރިވެރިބް ޑޮލަރު ގަންނަންޖިހޭތީ މުދަލާހިދުމަތުގެ އަގަށްބަލާ މަހަށް ފުރުން ފީޒިބަލް ނުވާތީވެ. މިކަމުަގއި ފެއިލްވީ އިކޮނޮމިކް މިނސްޓަރ، ގަވަރުނަރު އަދި ޓްއަރިޒަމް މިނިސްޓަރަ އަދި ޓެކްސް ކޮމިޝަނަރ އެގިއްޖެތަ މިއީ ލައްކަވަހަކަ އަދޮވެސް ބޭރުޤަުމުތަކުގައި ރާއްޖެއަށްލިބޭ ބޭރުފައިސާ ބަހައްޓަން ފުރުސަތުދީގެން ދެލޯމަރާލައިގެން ތިބޭ.
ހާޖަރާ
26 February 2020
ދެން ރާއްޖޭގައި ހުރި ހުރިހާ ވަޒީފާއެއް އެމްޑީޕީއަށް ދޭންވީނުން. އެކަމަކު އެމީހުން ދޯ ކިޔަނީވެސް މިއުޅެނީ އާއްމު ރައްޔިތުންނަށް ރަގަޅުގޮތް ހޯދާ ދޭންށޭ. އެކަމަކު އެމީހުންގެ މީހަކު ނޫނީ ވިއްޔާ ވަޒީފާ ގަނޑެއްގައިވެސް ހުރެގެން ނެތް ވާކަށް. މަށަށް ފެންނަނީ އެހެންވިދާޅުވާ ބޭފުޅާ ވަޒީފާ ލިބުމުން އެދާއިރާގެ ރައްޔިތުންނަށްވީ މަންފާއާއި ދޭތެރޭ ވިސްނާލަން.
ފާނަކޮށި
26 February 2020
މަޖްލިސްގައި ގިނައިން ހޮވައިފާ ތިބީ ތަޢުލީމީފެންވަރެއްނެތި ނުކިޔަވާ ތިބިމީހުން........ތަނެއްދޮރެއް ނުބާލާ މަޖްލިސް މެންބަރުންގެ އަމިއްލަ ބިލްތައްފާސް ކުރީމާ ރައްޔިތުން، ތިޔަ މެމްބަރުންނަށް ބަލައެއްނުގަނެވޭނެ.......ކަންކަންރަނގަޅު ނުކުރެވެންޏާ އިސްތިއުފާ ދޭންވީ ތިޔަމެމްބަރުން ނެވެ.
ކަނޑު ދާއްބަ
25 February 2020
މަޖިލީހުގަ މިހާރުއެތިބީ ތަނެއްދޮރައް ދަންނަބައެއްނޫނެވެ. ވިސްނާލަބަލަ ކޮންމެހެން އިސްތިއުފާދޭށޭ ބުނާކައް ނުޖިހޭ ތިއީ.ބާރުގަދަރައްޔެތުން މަޖިލީސް ކަމުނުދަންޔާ ވޯޓްނަގާފަ ބޭރުކޮށްލަބަލަ އެއީ ފިރިހެނުން ކަންކުރާ ގޮތަކީ
ބިގަރުބެ
26 February 2020
ތެދެއް، މީހުނަށް ފުރައްސާރަ ކުރަމުން ހަޚޭއްނުލަވާ. ކޯޓްއަމުރެެއް ނެރޭކަށް، ފްރޭމް ކުރާކަށް ތިމީހުނަކަށް ނުޖެހޭނެ، ތިޔަ މަޖިލިހުން ނިންމާލެވިދާނެ. ނޫނީ ތިޔަޕާޓީ އެކަނި މިފަހަރުވެސް ވޯޓްލައިގެން އިންތިޚާބުކުރި ރައީސްގެ އަރިހުގައި ގޮސް މަޑުމަޑުން ރީތިކޮށް ނޫނީ ފިސާރި ގޮތުގައި ބާރަށް ދަންނަވާ، ވަޒީފާ އަތުލާފަ ގެއަށް ފޮނުވާލަން.
ފަރީޝާ
25 February 2020
އެމްޑީޕީ އަށް ރީތިނަމެއް ލިބޭކަށް ޒަހާ ބޭނުމެއް ނުވޭ. ޔާމިނު ބޭނުން ނުވެގެން ކަނޑާލީ މިނިސްޓަރ ކަމުން.
ބައްލަވާ
26 February 2020
މިނިސްޓަރެއްނޫން ކުރީގަ ކޯޑިނޭޓަރު
މުނާފިގު ދޮނޭގެ ޕަޕެޓްސް
26 February 2020
މިޕާޓީއަށް ރީތިނަން ހޯދެނީ އެޖެންޑާ ލިޔުމުންނާ ލައުޑް ސްޕީކަރުން އެކަނި!!! އެއް ޕޯޑިއަމުގައި ގޮވާފާނެ ކިހިނެއްހޭ ރާއްޖޭގައި ބްރިޖެއް އަޅާނީ؟ ކާކުހޭ ކޮށްދޭނީ؟ ކޮންތަނަކުންހޭ ފައިސާ ހޯދާނީ؟ ދެން އެއްމެން އަތްޖަހާނެ! އަނެއް އެއްވުމުގައި ބުނެފާނެ ކޮންއިރަކުހޭ ތިމަންނަ ބްރިޖް ނޭޅޭނެއޭ ބުނީ؟ ބްރިޖް އެއީ ތިމަންނަމެންގެ ތަޞައްވުރެކޭ. އެކަހަލަ ވިސްނުމެއް މިރާއްޖޭގެ އެހެންބައެއްގެ ނުވެސް ހުންނާނެއޭ! ދެންވެސް ހެސްކިޔާފަ އެއްމެން އަތްޖަހާނެ!
ދޮން މަނިކު
25 February 2020
ފިޝަރީޒް މިނިސްޓަރެއް ހުރޭތަ މިހާރު؟ މަވެސް ސަރުކާރާއި އެކު ނިދިފަ މިއިންނަނީ...