ކޮވިޑް-19: ބަންދުގެ މުއްދަތު ޖަހާނީ ވީޑިއޯ ކޮންފަރެންސްކޮށް

ކްރިމިނަލް ކޯޓް: މުއްދަތު ޖެހުމަށް ދެން ކޯޓަކަށް ނުގެންދާނެ

އާމިނަތު ޝިފްލީން، މިހާރު

23 މާޗް 2020 - 22:17

ހަލުވިކަމާ އެކު ފެތުރެމުންދާ ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން، ކުށުގެ ތުހުމަތުގައި ހައްޔަރުކުރާ މީހުންނަށް ބަންދުގެ މުއްދަތު ޖެހުން ވީޑިއޯ ކޮންފަރެންސް މެދުވެރިކޮށް ކުރިއަށް ގެންދާ ގޮތަށް ނިންމައިފި އެވެ.

ފުލުސް އޮފީހުން މިރޭ ބުނީ، ބަލިމަޑުކަމާ ގުޅިގެން ރައްކާތެރިވުމަށް ފުލުހުން އަޅާފައިވާ ފިޔަވަޅުތަކުގެ ތެރެއިން، ބަންދުގައި ތިބޭ މީހުންނަށް މާދަމާ އިން ފެށިގެން މުއްދަތު ޖެހުން ކުރިއަށް ގެންދާނީ، ކްރިމިނަލް ކޯޓާއި ފުލުހުންނާ ދެމެދު ކުރާ ވީޑިއޯ ކޮންފަރެންސަކުން ކަމަށެވެ.

ފުލުހުން ބުނިގޮތުގައި މި އަޑުއެހުންތަކުގައި، ގާނޫނީ ވަކީލުންނަށް، ދޫނިދޫގައި ނުވަތަ ކްރިމިނަލް ކޯޓުގައި ތިބެގެން ބައިވެރިވެވޭނެ އެވެ.

ކޮޮރޯނާވައިރަހަށް ރާއްޖެ އިން 13 މީހަކު ޕޮޒިޓިވްވުމާ ގުޅިގެން ސަރުކާރުގެ އޮފީސްތަކާއި ސްކޫލްތައް ވެސް ވަގުތީ ގޮތުން ބަންދުކޮށް، ޒަރޫރީ ބޭނުމެއް ނެތި ބޭރުގައި ނޫޅެން ވަނީ އިލްތިމާސްކޮށްފަ އެވެ.

ފުލުހުން އަންނަނީ މަގުމަތީގައި ބޭނުމެއް ނެތި އުޅޭ މީހުންނަށް ނަސޭހަތްދީ، ގެއަށް ވަނުމަށް އިރުޝާދު ދެމުންނެވެ.

ފުލުހުން ކްރިމިނަލް ކޯޓް

7 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ބޮޑުމީހާ

24 March 2020

ބަންދުކުރަންޖެހޭ މީހުން އަވަހަށް ބަންދުކުރޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހީދު

24 March 2020

. ޤާނޫނީ ވަކީލުންނަށް ކޮވިޑް 19 ގެ ބިރު ނެތީ ހެއްޔެވެ. މިފަދަ ޚުތޫރަތްތެރި ވަގުތުގައިވެސް ފުރާނަ އަތްމައްޗަށް ލައިގެން އަޅުގަނޑުމެން މިޖެހެނީ މުއްދަތު މަޖިލިސްތަކަށް އެކި ރަށްރަށަށް ދަތުރުކުރާށެވެ. ފުލުހުންނަށް ކޮޓަރި ކޮޅުގައި ތިއްބަވައިގެން މުއްދަތު މަޖިލިސް ބޭއްވޭ ގޮތަށް، ވަކީލުންނަށްވެސް ގޭގަ ތިއްބަވައިގެން ވަކާލާތު ކުރެވެންޖެހޭނެ ކަމަށް ޤަބޫލު ކުރަމެވެ. މިހާރު ތިޔަ ގެންގުޅުއްވާ އުޞޫލު ރަނގަޅެއް ނޫނެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިއްރުފުލުސް

24 March 2020

ވަކީލުންނަށް ވެސް އެމީހުންގެ ގޭގަ ތިބެގެން ވީޑިއޯ އިން ވަކާލާތުކުރެވެންވާނެ ނޫންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްސެ

24 March 2020

ހައްޔަރުގަ ތިބި ބޭރުމީހުންތައް ޑީޕޯޓްކޮށްލާ އޭގަ މީހެއްގެ ހައްގުތައް ނުހިމެނޭ ކުށްތަކުގަ ހައްޔަރުވެފަތިބި. މިފަދަ ދަޑިވަޅެއްގަ ދައުލަތައް ކިހާ ބޮޑު ބުރައެއް ތިއެންމެން ދައުލަތައް ނަގައިގެން ކާންދީ ބޯންދީ ބޯހިޔާވަހިކަންދީ ބަލަހައްޓާ ތިހަދަނީ.