12 ބިލިއަނުން ބަޖެޓް ދަރަނިވެދާނެ: އަމީރު

އަމީރު: ގާނޫނުގައިވާ ގޮތަށް ނޫން ގޮތަކަށް އެކަކު ވެސް ވަޒީފާ އިން ވަކިކުރެވިގެން ނުވާނެ. ސްޓިމިއުލަސް ޕެކޭޖްްގެެ އެންމެ ބޮޑު އަދި މައިގަނޑު ޝަރުތަކީ ދިވެހި މުވައްޒަފުންގެ ވަޒީފާ ކަށަވަރު ކުރުން. ޖޮބް ސެންޓަރުގައި ހުރިހާ މުވައްޒަފުން ރަޖިސްޓްރީވާން ޖެހެނީ މި ސަބަބަށް ޓަކައި. އެލަވަންސެއް ދޭން ބަލާއިރު ވެސް މިއީ މުހިންްމު ކަމެއް. ނޯޕޭ ދެވޭނެ ގޮތްތައް ވެސް އެބަހުރި ގާނޫނުގައި. އެކަމަކު ފޯސްވާ ގޮތަކަށް އެކަން ކުރެވިގެން ނުވާނެ.

ތަރުޖަމާނު މަބްރޫކް އަޒީޒު: ބޭސް ފަރުވާ ކުރަން ބޭރަށް ގޮސްފައި ތިބި މީހުންގެ ތެރެއިން ރާއްޖެ ނާދެވި ތިބި މީހުންނާއި އެ މީހުންގެ ބެލެނިވެރިންގެ ކެއުމާއި ހުރުމުގެ އިންތިޒާމު އާސަންދަ އާއި އެންސްޕާ އިން ވަނީ ހަމަޖައްސައިދީފައި.

އަމީރު: ވަޒީފާ ގެއްލޭ ފަރާތްތަކަށް ދޭ އެލަވަންސަކީ ކިހާ އެލަވަންސެއް ކަމެއް އަދި ނުނިންމަން. އަޅުގަނޑުމެން އެބަ މަސައްކަތް ކުރަން އައިއެފްސީ މެދުވެރިކޮށް 50 މިލިއަން ޑޮލަރު ބީއެމްއެލް އަށް ހޯދައިދެވޭތޯ. އޭގެ މަސައްކަތްތައް އޮތީ ވަރަށް ކުރިއަށް ގޮސްފައި.

އަމީރު: އަންނަ ހަފުތާގައި ސްޓިމިއުލަސް ޕެކޭޖްތައް ދޫކުރަން ފަށާނެ.

ސައީދު/ ބީއެމްއެލް: އަޅުގަނޑުމެން ކޮންމެ ނިންމުމެއް ނިންމާއިރު ވެސް ވިސްނަން މިއީ އިންސްޓިޓިއުޝަނެއްކަން. އެހެންވީމަ، އަޅުގަނޑުމެން ޔަގީންކަން ދެން މި ހާލަތުގައި އަޅުގަނޑުމެން މިކޮށްދޭ ކަންކަން އެއީ ބޭންކުގެ ކެޕޭސިޓީގައި ބޭންކަށް ކޮށްދެވިދާނެ ކަންކަން ކަން.

އަމީރު: އަޅުގަނޑު މިތަނަށް އައުމުގެެ ކުރިން އައިއެމްއެފްގެެ ބަޔަކާ ވީޑިއޯ ކޮންފަރެންސެއްގައި ބައިވެރިވިން. ދުނިޔޭގެ އެހެން ފައިނޭންޝަލް ޖަމިއްޔާތައް ވެސް ބަލާނީ އައިއެމްއެފްގެ ބަސް. އައިއެމްއެފާ އަޅުގަނޑުމެން ވާހަކަ ދައްކަނީ އެތަނުގެ ޕްރޮގްރާމަކަށް ދާން. މިކަހަލަ ހާލަތަކަށް ހިނގައްޖިއްޔާ އައިއެމްއެފުން ލިބޭނެ ޕެކޭޖްތައް ހުރޭ. މި ހާލަތަށް ހިނޖައްޖިއްޔާ އެތަނުން މިހާރު ވެސް ލިބޭނެ 30 މިލިއަން ޑޮލަރު. އެ ވާހަކަތައް އެބަ ދައްކަން އައިއެމްއެފާ. އެކަމަކު ކާރިސާ އަކަށް ދިޔައީމަ ޕްރޮގްރާމަކަށް ދާކަށް ނޫން އަޅުގަނޑުމެން މި ވާހަކަ ދައްކަނީ.

ސައީދު/ބީއެމްއެލް: ބީއެމްއެލް އިން ލޯނު ނަގާފައިވާ މީހުންގެ އަދަދު 55،000 އަށް އަރާ. މި ދަނޑިވަޅު އަޅުގަނޑުމެން ބޭނުން ވަނީ އެ އެންމެންނަށް ވެސް ފަސޭހަ ގޮތެއް ހަދައިދޭން.

އަމީރު: ސްޓިމިއުލަސް ޕެކޭޖްގައި ހިމެނޭ ލޯނުތައް ލިބޭލެއް ފަސޭހަ ވާނެ. އާންމުކޮށް ލިބޭ ލޯނުތައް ލިބޭ ގޮތަށް ވުރެ އެ ލިބޭލެއް މާ ފަސޭހަވާނެ.

އަމީރު: ހިލޭ އެހީގެ ގޮތުގައި ނުލިބި އޮތް 100 މިލިއަން ޑޮލަރު ހޯދަން އެބަ މަސައްކަތް ކުރަން. އެ ލިބޭނެ ކަމުގެ ޔަގީންކަން ވެސް އެބައޮތް.

ސައީދު/ ބީއެމްއެލް: 10 މިލިއަން ރުފިޔާގެ މަތީގެ ލޯނުތައް އަޅުގަނޑުމެން މި ދެނީ އެއްވެސް ރަހުނަކާ ނުލައި ތިން އަހަރުގެ މުއްދަތަކަށް. މީގެ އިތުރުން ރިސޯޓްތަކަށް ވެސް އަދި ވިޔަފާރިތަކަށް ވެސް ލޯނުތަކުގެ ވަކި އަދަދުތަކެއް ކަނޑައެޅިފައި އެބަހުރި.

އަމީރު: ސަރުކާރުގެ ވިސްނުމެއް ނޫން މި ދަނޑިވަޅު ސަރުކާރުގެ މުވައްޒަފުން މަދުކުރުމުގެ. އެކަމަކު ކުންފުނިތަކުން ވެސް އެބަބަލާ އެ ކުންފުނިތަކަށް ހަރަދު ކުޑަކުރަން. އެ ކުންފުނިތަކަށް ވެސް އަޅުގަނޑު ވާނީ އިންސްޓްރަކްޝަން ދީފައި. އޭގެ ތަފުސީލުތައް އަންނަ ހަފުތާގައި ލިބޭނެ.

އަމީރު: ލޯނު އަދާކުރަން ފެށުމުގައި ހަ މަސް ދުވަހުގެ ގްރޭސް ޕީރިއަޑަކީ ރަނގަޅު ނިންމުމެއް ކަމަށް އަޅުގަނޑު ދެކެން. މި ލޯނަކީ 6 ޕަސެންޓްގެ އިންޓަރެސްޓާ އެކު ދޭ ލޯނެއް.

އަމީރު: މި ހާލަތު ހިފެހެއްޓުމުގެ އަޅުގަނޑުމެންގެ ކެޕޭސިޓީ އެބަހުރި. އަލުން ހާލަތު ބަދަލުވާ އިރު އަޅުގަނޑުމެން ތައްޔާރަށް ތިބުން މީގައި މުހިންމީ.

އަމީރު: ސަރުކާރަށް އާމްދަނީ މަދުވެގެން 12 ބިލިއަން ރުފިޔާ ގެއްލިގެންދާނެ. އެ ފައިސާ ސަރުކާރުތަކުން ވެސް ހޯދަން އެބަ މަސައްކަތް ކުރަން. ބައިލެޓަރަލްކޮށް ވެސް އެބަ ވާހަކަ ދައްކަން. ބަޖެޓްގައި ހިމެނޭ 150 މިލިއަން ރުފިޔާގެ ހިލޭ އެހީގެ ތެރެއިން މިހާރު ވެސް އަޅުގަނޑުމެންނަށް ވަނީ 50 މިލިއަން ޑޮލަރު ލިބިފައި.

އަމީރު: ވަޒީފާ ގެއްލޭ ފަރާތްތައް ޖޮބް ސެންޓަރަށް އެންގުން ވަރަށް މުހިންމު. އެއްވެސް ރިސޯޓަކުން މުވައްޒަފެއްގެ ވަޒީފާ ގެއްލިގެނެއް ނުވާނެ. އޭގެ މާނައަކީ އަޅުގަނޑުމެން ލޯނެއް ނުދޭނެ ވަޒީފާއިން ވަކިކޮށްފައިވާ ނަމަ.

އަމީރު: ލޯނު ހޯދާ ފަރާތްތައް ޖޮބް ސެންޓަރުގައި ރަޖިސްޓްރީ ވާން ޖެހޭނެ. ކޮވިޑް 19 އާ ގުޅިގެން ވަޒީފާ ގެއްލޭ ފަރާތްތަކަށް އަޅުގަނޑުމެން ތިން މަހުގެ އެލަވަންސެއް ދޭނެ

އަމީރު: ޕެކޭޖްތަކުގެ އެންމެ ބޮޑު ބޭނުމަކީ ރިސޯޓް ދާއިރާގެ ވެސް އަދި ވިޔަފާރީގެ ދާއިރާގެ މުވައްޒަފުން ވެސް ހިމާޔަތް ކުރުން. ސްޓިމިއުލަސް ޕެކޭޖް މި ހިނގާ ގޮތަކީ 10 މިލިއަން ރުފިޔާ ލިބިފައިވާ ވިޔަފާރިތަކަށް ޓޫރިޒަމް ސެކްޓާ ނުހިމަނައި ލޯނު ދޫކުރާނީ ބީއެމްއެލް އިން. އޭގެ ދަށުން ލޯނުތައް ދޫކުރާނީ އެސްޑީއެފްސީން. އަމިއްލަ ފަރާތްތަކަށް ވެސް ލޯނު ދޫކުރާނީ އެސްޑީއެފްސީން

ސުޕްރިންޓެންޑެންޓް އޮފް ޕޮލިސް ހުސެއިން ސަމީރު: މާދަމާ މަގުތަކަށް ނުކުމެ އުޅުން މަނާ ގަޑީގައި ހުއްދަ ނެތި ނުކުމެ އުޅޭ ފަރާތްތަކާ ދޭތެރޭ އަޅުގަނޑުމެން ފިޔަވަޅު އަޅާނަން. ޖޫރިމަނާ ވެސް ކުރެވޭނެ. ފުލުހުން އަޅާ ފިޔަވަޅުތަކަށް އެއްބާރުލުން ދިނުން އެދެން.

ސައީދު: މުހިންމު ދެ ނިންމުމެއް އަޅުގަނޑުމެން ނިންމިން. އެއީ ކޮމްޕަައުންޑް އިންޓަރެސްޓް ނުނެގުން. ދެން އޮތީ ލޯނަށް އިތުރު ހަ މަސް ދުވަސް ދިނުން.

ސައީދު: އަޅުގަނޑުމެން ވަރަށް ބޮޑަށް ބެލިން ބައިނަލް އަގުވާމީ ބޭންކްތަކަށް ވެސް. ފުރަތަމަ 6 މަސް ދުވަހު ބޭންކަށް އެއްވެސް ފައިސާއެއް ލޯނަކަށް ދައްކާކަށް ނުޖެހޭނެ. ސެޕްޓެމްބަރުގެ ނިޔަލަށް އަޅުގަނޑުމެން ފުރުސަތު ދޭނަން ފަސް ކުރުމަށް އެދުމުގެ ފުރުސަތު. ވަރަށް ގިނަ ބޭފުޅުންގެ ސުވާލު ހުރި މާޗް މަހުގެ ޕޭމަންޓާ ދޭތެރޭ. އަޅުގަނޑުމެން އެ ފައިސާ ރީޕޭ ކޮށްދޭނަން. ދެ ވަނަ ހަަ މަސް ދުވަހު ދައްކަން ޖެހޭނީ 20 ޕަސެންޓް މަދުކޮށްފައި.

ބީއެމްއެލްގެ ސްޕޯކްސް ޕާސަން މުހަންމަދު ސައީދު: ލޯނުތައް ފަސްކޮށްދިނުމަށް މާދަމާ ފުރުސަތު ހުޅުވާލާނަން. ލޯނު ފައިސާ ފަސްކޮށްދިނުން މިއީ ހަމައެކަނި އަޅުގަނޑުމެން ކުރާ ކަމެއް ނޫން. އަޅުގަނޑުމެން މިކަމުގައި ބެލީ މުޅި ބޭންކް އޮތީ ދިވެހިންނާ ގުޅިފައި. ލޯނުތައް ނަގާފައި އޮތީ ވެސް ދިވެހިން ކަމަށް ވާތީ އެ ގޮތަށް ނިންމީ.

އަމީރު: މި ހާލަތާ ގުޅިގެން ބަޖެޓްގެ ހާލަތު ވަނީ ބަދަލުވެފައި. ކުރިން އޮޮތް ހާލަތެއް ނޫން މިހާރު އޮތީ.