18 އެޕްރީލް 2020 - 20:00
43 comments
ކޮރޯނާވައިރަސް އަށް ޕޮޒިޓިވްވި މީހަކާ ކޮންޓެކްޓްވި މީހަކާ އެކު ކޮންޓެކްވެ، އޭނާ ނެގެޓިވް ވި ނަމަވެސް، އެސްޓީއޯގެ މެނޭޖިން ޑިރެކްޓަރު ހުސައިން އަމްރު އަމިއްލަ އަށް އެކަހެރިވެ ވަޑައިގެންފި އެވެ.
މާލެއިން ކޮވިޑް-19 އަށް ޕޮޒިޓިވްވި މީހާއާ ކޮންޓެކްޓްވި މީހަކު ކ ކާށިދު އަށް ދަތުރުކޮށްފައިވާތީ އެޗްޕީއޭއިން އެ ރަށް މޮނިޓަރިންގެ ހާލަތަށް ގެންގޮސްފައި ވެއެވެ. އަދި އެ މީހާ ޓެސްޓު ކުރުމަށް ފަހު ނެގެޓިވްވުމުން އެ ރަށް ވަނީ އާންމު ހާލަތަށް ބަދަލުކޮށްފަ އެވެ. މި ދަތުރަކީ އަމްރު ވެސް ބައިވެރިވެވަޑައިގެންނެވި ދަތުރެކެވެ.
މި ކޭސްއާ ގުޅިގެން އަމްރު ކަރަންޓީންކުރަން އެޗްޕީއޭ އިން މަސައްކަތް ކުރުމުން ކަރަންޓީނަށް ވަޑައިގަންނަވަން ދެކޮޅު ހައްދަވާފައިވާ ކަމަށް ބުނެ ސޯޝަލް މީޑިއާގައި ދައުރުވަމުންދާ ވާހަކަތައް އޭނާ ވަނީ ދޮގުކުރައްވައިފަ އެވެ.
Hello Athif. @HPA_MV can verify I was never asked to be in quarantine, as my contact tested negative. But taking no chances in this crisis, I have been in isolation since patient 21 tested positive. Like we always say, please verify before spreading false news https://t.co/e21K1q0v0H
— Amr 🎈 (@HusenAmr) April 18, 2020
އަމްރު ވިދާޅުވީ ކަރަންޓީން ވާން އެޗްޕީއޭއިން އަންގާފައި ނުވާ ކަމަށެވެ. އަދި ކޮންޓެކްޓްވި މީހާ ވެސް ނެގެޓިވް ކަމަށާއި އެކަމަކު އެންމެންގެ ރައްކާތެރި ކަމަށް ވިސްނައި މިހާރު ހުންނެވީ އަމިއްލަ އަށް އައިސޮލޭޓް ވެގެން ކަމަށް ވެސް ވިދާޅުވި އެވެ.
މި ދަނޑިވަޅުގައި މައުލޫމާތުތައް އާންމުކުރާއިރު ރަނގަޅަށް ތެދުދޮގު ބެލުމަށް ފަހު ނޫނީ އެކަން ނުކުރުމަށް އަމްރު ވަނީ އިލްތިމާސް ކުރައްވައިފަ އެވެ.
މާލެއިން ކޮވިޑް-19 އަށް ޕޮޒިޓިވްވި ފުރަތަމަ ކޭސްގައި ހިމެނޭ މީހާއާ 200 އަށް ވުރެ ގިނަ މީހުން ކޮންޓެކްޓް ވެފައިވާއިރު، މިއީ މުޅި ދުނިޔެ އަށް ބަލާފައި ވެސް ރެކޯޑު އަދަދެއް ކަމަށް ސަރުކާރުން ބުނެ އެވެ. މާލެއިން މިހާތަނަށް 14 މީހަކު މި ބައްޔަށް ޕޮޒިޓިވް ވެފައިވާއިރު އޭގެ ތެރޭގައި ފުރަތަމަ ކޭސްއާ އެއްވެސް ގުޅުމެއް ނެތް ދެ މީހަކު ހިމެނެ އެވެ. އަދި ބިދޭސީއަކު ވެސް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރީތި މޫސަ
20 April 2020
ރާއްޖޭގެ މަޖުލީހުގެރައީސާއި މަޖުލީހުގެ ބައެއްމެންބަރުން މިކަމުގަ ރައީސް ސީރިއަސްވެލެއްވިވަރަށް ސީރިއަސްވީނަމަ ވަރަށްބޮޑުތަން ރަނގަޅުވީސް ނަމަވެސް ރައީސް ރައްޔިތުންނަށްޓަކައި ކުރެއްވިމަސައްކަތުގައި އަވަދިނެތިއުޅުއްވާތަންފެނިގެންދިޔައީ އަމީނާއި، މަބުރޫކު އަދި މެޑިކަލްޓީމު. ދެންތިމީހުންފެނިގެންދިޔައީ ގޭގަކުޅެންތިބިތަން
ޒެޑް މޭން
19 April 2020
މިދަނޑިވަޅުގައިވެސް މަޝްޚޫރުވާން.
ޑރ ލައިލާއަލީ.
19 April 2020
ދެންވެސް އަންނިބުނާހާ ގޮތެއްނުހަދާނީ ރައްޔިތުން ހުންއައުމުގެ ކުރިން ރަޖާލައިގެން ގޭގަ ތިބިނަމަ މިހާލަތައް ދާކައް ނުޖެހުނިސް
ދެރަ
19 April 2020
ޢަސުލު މިކަން ގޯސްކުރީ އެމްޑީޕީގެ އިސްވެރިން. އޭގެ ތެރޭގައި މަޖިލީހުގެ ރައީސާއި އެންޕީން ހިމެނޭ. މިމީހުން އުޅުނުގޮތުންނާއި ދެއްކި ވާހަކަތަކުން ރައްޔިތުންނަށް އޮޅުނީ.
އަހމަދު
19 April 2020
ސަރުކާރު އެބަ ހިނގާތަ މަށެތް ނުދެނަހުރިން ހިނގާކަމެއް، އަހަރެން ކޯޓަށް ޖަމާކުރި ފައިސާއެއް ލިބެންވާ ފަރާތައް ނުލިބި މެއިލް ކުރީމަ މެއިލް އަށްވެސް ޖަވާބެއް ނުލިބޭ
ޒުލޭހާ
19 April 2020
އަމްރުއަކީ ވަރަށް ދެއްކުން ތެރި އަދި އެވެސް ތަނެއް ހިންގުމުގެ ހުނަރު ނެތް މީހެއް! ސަބަބު؟ ކާޑުގެ ބާވަތްތަށް މާލޭގެ ގިނަ ފިހާރަތަކުން ހުސްވެފަ ހުންނަތާ 4 ދުވަސް! އެހެނަސް އަމްރު ފެންނަނީ ސޯޝަލް މީޑިޔާގަ މީހުންނަށް ރައްދު ދިނުމުގަ! ތަންކޮޅެއް ހަރުދަނާކަމެއް ހުންނަންޖެހޭ! އެކްޓިވިސް ގޮތްގަޑު ދޫކޮށް ހަވާލުވެފައި ވާ ބުރަ މަސައްކަތް ކުރުމަށް 100% ވަގުތު ދޭންޖެހޭ! ނޫނީ މަގާމުން ދުރުވޭ! އެސްޓިއޯއަކީ ބައްފަގެ ސޭލް ފިހާރައެއް ނޫން!
ފައްލަންބޭ
20 April 2020
ހިންގަން އެނގޭ އެކަކުވެސް "އަބަ" ހުރިތަ؟؟
ރަނާ
19 April 2020
ވާވަރު ވީމަ.. ރައްޔިތުން ވީހާލެއް ވާން ދޫކޮށް ލާފަ މޮޅުވާހަކައެއް ދައްކާފަ ފިލަނީތޯ....
ހެލާ ހަސަން ދީދީ / ގަންފޭދޫ
19 April 2020
އަމުރުވަރު ނާގާބިލު އެމްޑީއަކު އަދިމިވީހާތަނައް އެސްޓީއޯ އަކައްނާދޭ ' ސުޕަމާރޓްގެ ތަކެތީގެ އަގުބޮޑު ކަންމަތީ ފިހާރަތަކައްވުރެ އަގުބޮޑު ނަޓެއްލާ 350ގުރާމް ފުޅިޔެއް ކަންމަތީ ފިހާރައިން 60ރުފިޔާ ސުޕަރމާޓުން 72ރުފިޔާ އަމުރު އިސްތިއުފާދީފަ ގެޔައް އެކީ ޢައިސޮލޭޝަން އައްދޭ
އަބްދުއްالله
19 April 2020
އަމުރު އެކަހެރިވުމުގެ އަމުރު އަމިއްލައަށް ކުރީދޯ؟
ކަމުންރެކޭ ބަހުންމެޓާ
19 April 2020
މަސައްކަތްކުރަންވީގޮތަށް ނުކުރެވުމުން ރައްޔިތުންގެ ޝަކުވާތައް ގިނަވެ ބޯހާސްވުމުން ސިކުޑި ހަމަޖައްސާލަން އަމިއްލައަށް އެކަހެރިވެލީ.