ޚަބަރު / ވީޓީވީ

ވީމީޑިއާގައި މުސާރައެއް ނުދޭ، މިހާރު ބުނަނީ ކުންފުނި ހުއްޓާލަންޖެހިދާނެ ކަމަށް

އާމްދަނީ ލިބޭނެ ގޮތެއް ޖޫން މަހުގެ ނިޔަލަށް ނުފެނިއްޖެ ނަމަ، ވީޓީވީ ހިންގާ އައިލެންޑް ބްރޯޑްކާސްޓިން ކޮމްޕެނީގެ ހިންގުން ވަގުތީ ގޮތުން މެދުކަނޑާލަން ޖެހިދާނެކަން އެ ކުންފުނީގެ މުވައްޒަފުންނަށް މިއަދު އަންގައިފި އެވެ.

ވީމީޑިއާގެ ހިންގުން ހުއްޓާލަން ޖެހިދާނެކަން އަންގައި އެ ކުންފުނީގެ މުވައްޒަފުންނަށް ފޮނުވާފައިވާ ސާކިއުލާގައި ބުނެފައިވަނީ މައި ކުންފުނި ވިލާ ގްރޫޕަށް ޓޫރިޒަމް ސިނާއަތުން ލިބެމުންދިޔަ އާމްދަނީ ކޮވިޑް-19ގެ ސަބަބުން އެއްކޮށް ހުއްޓިފައިވާ ކަމަށެވެ. އެހެންވެ ކުންފުންޏަށް ވަރަށް ބޮޑު އަޑިގަނޑަކާ ކުރިމަތިވެފައިވާ ކަމަށް ބުނެފައިވެ އެވެ.

އެހެންވެ މިހާލަތުގައި ކުންފުނީގެ ހުރިހާ ހިންގުމެއް ވަގުތީ ގޮތުން ހުއްޓާލަން ޖެހިދާނެ ކަމަށާއި ޖޫން މަހާ ހަމައަށް މި ހާލަތުން އަރައި ނުގަނެވޭ ނަމަ މުވައްޒަފުންނާ މެދު ގޮތެއް ނިންމައި އަންގާނެ ކަމަށް ބުނެފައިވެ އެވެ.

"މިހާލަތުގައި ކުންފުނި ދެމެހެއްޓުމަށް ކުރެވުނު މަސައްކަތުން، އާމްދަނީ އިތުރުކުރެވޭނެ އެއްވެސް އަލި މަގެއް މިހާތަނަށް ފެނިފައި ނުވާތީވެ، ކުންފުނީގެ އޮޕަރޭޝަންސް ވަގުތީގޮތުން ހުއްޓާލަން ޖެހޭ ދަރަޖައަށް ކަންކަން ގޮސްފައިވާކަން ހިތާމައާއެކު ދަންނަވަމެވެ." ރާއްޖޭގެ އެންމެ ބޮޑު އެއް ވިޔަފާރިވެރިޔާ ގާސިމް އިބްރާހިމްގެ ވިލާ ގްރޫޕްގެ ދަށުން ހިންގަމުން އަންނަ ކުންފުނިން ފޮނުވި ސާކިއުލާގައިވެ އެވެ.

އެ ސާކިއުލާގައި ބުނެފައި ވަނީ މި ހާލަތުގައި މުވައްޒަފުންނަށް މުސާރަ ވެސް ހަމައަށް ދެވެން ނެތުމުން އޭޕްރިލް މެއި އަދި ޖޫން މަހު ހުރިހާ މުވައްޒަފުންނަށް ވެސް ދެވެން އޮތީ 2،222ރ. ކަމަށެވެ. އަދި ކުންފުނީގެ ހިންގުން މެދުކަނޑާލިޔަސް ތިން މަހުގެ މުސާރަ އާއި ރޯދަ އެލަވަންސް ހުރިހާ މުވައްޒަފުންނަށް ވެސް ދޭނެ ކަމަށް ބުނެފައިވެ އެވެ.

"މިހާރު" އާ ވާހަކަ ދެއްކި ވީމީޑިއާގެ މުވައްޒަފަކު ކިޔައިދިން ގޮތުގައި، ކޮވިޑް-19 ގެ ސަބަބުން ކުރިމަތިވި ދަތިކަމަކަށް ފަހު މެނޭޖްމަންޓުން ވަނީ ދެ ފަހަރަކު މުވައްޒަފުންނާ ވަކި ވަކިން ބައްދަލުކޮށް ހާލަތު އަންގައިދީފައިވާ ކަމަށެވެ. ބަދަލުތައް އަންނާނެ ކަމަށް ބުނެފައިވަނީ އޭޕްރިލް މަހުން ފެށިގެން ކަމަށާއި ނަމަވެސް މާޗް މަހުގެ ފުރިހަމަ މުސާރަ ވެސް ލިބިފައި ނުވާ ކަމަށް އޭނާ ބުންޏެވެ.

"މާޗް މަހުގެ މުސާރަ ލިބުނީ މަހުގެ ފަހުކޮޅު 6000ރ. ހުރިހާ މުވައްޒަފުންނަށް، ރޯދަ އެލަވަންސް އަދިވެސް ނުލިބޭ، އޭޕްރިލް މަހުގެ މުސާރަ ވެސް އަދިވެސް ނުލިބޭ އެ ހުރިހާ އެއްޗެއް ދޭނެ ކަމަށް ބުނި، އެކަމު ލިބޭނެ ދުވަހެއް ނޭނގި ތިބެން ޖެހުނީމަ ވަރަށް އުނދަގޫ،" އޭނާ ކިޔައިދިނެވެ.

އެ މުވައްޒަފު ކިޔައިދިން ގޮތުގައި ކޮންމެ މަހެއްގެ ވެސް 10 ވަނަ ދުވަހުގެ ކުރިން މުސާރަ ދޭނެ ކަމަށް އެގްރީމަންޓުގައި އޮންނައިރު ވެސް މަހުގެ ފަހުކޮޅަށް ދާއިރު ވެސް މުސާރަ އެއްކޮށް ނުލިބޭ ކަމަށެވެ. އަދި މުސާރަ ދޭނެ ކަމަށް ބުނާ ދުވަހަށް ނުދޭތީ ވަރަށް ބޮޑަށް ދަތިވާ ކަމަށް ބުންޏެވެ.

ކޮވިޑް-19 ފެތުރެން ފެށުމާ އެކު ދަތުރުފަތުރު ހުއްޓުމަކަށް އައިސް، ޓޫރިސްޓުން އައުން ހުއްޓުމުން ރިސޯޓްތައް ވަނީ ބަންދުކުރަން ޖެހިފަ އެވެ. ރާއްޖޭގެ އިގްތިސާދުގެ އެންމެ މުހިންމު މަސައްކަތް ކަމަށްވާ ޓޫރިޒަމަށް މި އައި ހީނަރުކަމާ އެކު ރާއްޖޭގެ މުޅި އިގްތިސާދު ވަނީ ވަރަށް ބޮޑު ހީނަރުކަމެއްގެ ތެރޭގަ އެވެ.

49 ކޮމެންޓް, 163 ރިއެކްޝަންސް

icon happy icon happy 12%
icon sad icon sad 58%
icon angry icon angry 31%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

ގަޓް ބްރޯ

14 May 2020

ބޮޑުކަމެއް ދިމާވުމުން ގައުމު ހިންގަން ހަވާލުވެތިބި މީހުން ފަހަތަށްޖެހި، ގައުމެއް ހިންގުމުގެ އެއްވެސް ތަޖުރިބާއެއް ހިކުމަތެއް ނެތް ބަޔަކާ ހަވާލުކުރުމުން ދެން ވާނެ ހައެތި މިވަނީ. ސަރުކާރުގަ ތިބި ގިނަ ސިޔާސީ ފަރާތްތަކަކީވެސް ހުސް "ބޯ"ތަކެއް. ކަމެއް ރާވައި ހިންގުމުގެ އެއްވެސް ކަންފުޅެއްނެތް. ގަވައިދާ ޚިލާފަށް އުޅޭ ބިދޭސީންގެ ބަޔަކަށް ބަލިޖެހުމުން ފިލައިގެން ބަލިފަތުރަމުން ތަށުތެރޭ ދުވާއިރު އެކަން ހުއްޓުވުނު ބަޔަކުވެސް ނެތް. މިއޮތީވާ ގައުމެއް.

The name is already taken The name is available. Register?

ދެރަ

14 May 2020

ކޮންމެ ވިޔަފާރިއެއްވެސް ކުރެވޭނީ އެވިޔަފާރިއަކުން އެވިޔަފާރިއެއް ހިންގާނެ ލާރި ލިބިގެން. އެއިރުން ޓޫރިޒަމް ދައްވިޔަސް ވީމީޑިއާވެސް ހުއްޓާލާކަށް ނުޖެހުނީސް. މަސައްކަތްކުރަން ތިބި ބަޔަކުވެސް ކުރިން އެކަމަށް ވިސްނައިގެން ހަރަދު ހޯދަން މަސައްކަތްކުރިނަމަ އެހެން ނުވީސްހެން ހީވަނީ.

The name is already taken The name is available. Register?

ސައްލެބެ

14 May 2020

ތިކަން ތިޔާހެންވާނީ ތިތަނުން ލިބޭ އެއްޗެއްނެތި ހުސް ހަރަދުދަންޏާ.

The name is already taken The name is available. Register?

އައިސް

14 May 2020

ތި ތަން ހުންނަނީ ވަރަށް ފައްކާ ތަނެއްގަ ސުޕަމާކެޓެއް ހަދާލަން. ޤާސިމް އަދި ނުކުރާ ވިޔަފާރިއެއް ވީމަ ބުނެލީ

The name is already taken The name is available. Register?

ދެލޯ

13 May 2020

ޤާސިމަށްވުރެ ބޮޑު ނިކަމެތި ފަޤީރެއް މިޤައުމުގައި ނެތް. އެހެންވީމާ ވާނީ ތިހެން. އަދިވެސް މިޤައުމުގައި ރަށެއް އޮތިއްޔާ އަތުނުލެވުގެން އުޅެނީ.

The name is already taken The name is available. Register?

ބަރުބާދު

13 May 2020

ކުރީގަހީކުރިން ގާސިމް ކަމައް އެންމެ ހަރުދަނާ މީހަކީ!!!!. އެކަމަކު ހަތަރު ފަސް ރިސޯޓުއޮވެ ކަންމަތީފިހާރަޔައްވުރެވެސް ހާލުގަ. އަދިވެސް ބަޔަކު އުކާލާފަތިއްބަސް ސިޔާސީ މީހަކުވިއްޔާ ބައްކުރެވޭތޯބަލާ. ހަގީގަތަކީ ތިޔަ ބައިގަނޑު ގާސިމް އައް ދަޅަދައްކާފަ ދަވާލުންނޫންކަމެއްނުކުރޭ.

The name is already taken The name is available. Register?

ގަރަމް

13 May 2020

ވީމީޑިއާ ހަދިޔާކޮށްލާ.

The name is already taken The name is available. Register?

ހަމަ އަސްލ

13 May 2020

ކިރިޔާ ގޮތެއް އޮތަސް ވިލާގެ ވަޒީފާ އަށް ދާނެ ކަމއްނެތް

The name is already taken The name is available. Register?

އަލިހަންދްރޯ

13 May 2020

ހުއްޓައެއް ނުލާނެ. މަދު ބަޔަކު ލައިގެން ކުރިއަށް ގެންދާނެ. ގިނަ މީހުން ހީވަނީ ކަޑާލާނެހެން.

The name is already taken The name is available. Register?

ގާކޮށި ހުސޭނުނު

13 May 2020

ހުއްޓާލާ 2023 ވަނަ އަހަރު ރިޔާސީ އިންތިހާބަށް ގާސިމް ތަށްޔާރުވޭ މުއްސަދި މަހުޖަނަށް ކާމިޔާބުވާނެ ތިޔައީރަށްޔިތުންނަށް ހިޔޮ އެދޭމީހެއް

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454

Share your opinion about "Mihaaru" new website

"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް

ނަން އަދި ޚިޔާލު ޖައްސަވާ!
Please fill in name and opinion.
ތިޔަ ޚިޔާލު ލިބިއްޖެ. ޝުކުރިއްޔާ!
We have recieved your message. Thank You!