ޚަބަރު / ޕީޖީ އޮފީސް

ޕީޖީގެ މުވައްޒަފަކު ކޮވިޑް-19 އަށް ޕޮޒިޓިވްވުމުން އަދީބުުގެ ޝަރީއަތް ކެންސަލްކޮށްފި

ކުރީގެ ނައިބު ރައީސް އަހްމަދު އަދީބު، މީގެ ކުރިން ބޭއްވި ޝަރީއަތުގެ އަޑުއެހުމަކަށް ކޯޓަށް ހާޒިރުކުރަނީ. -- ފޮޓޯ/މިހާރު

09 ޖުލައި 2020 - 16:08

ޕްރޮސެކިއުޓާ ޖެނެރަލްގެ އޮފީހުގެ މުވައްޒަފަކު ކޮވިޑް-19 އަށް ޕޮޒިޓިވްވުމުން ކުރީގެ ނައިބު ރައީސް އަހުމަދު އަދީބުގެ ޝަރީއަތް ކެންސަލްކޮށްފި އެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތާ ގުޅިގެން މަގާމުގެ ނުފޫޒު ބޭނުން ކުރުމާއި ރަސްމީ ހައިސިއްޔަތު ނަހަމަ ގޮތުގައި ބޭނުން ކުރުމާއި މަނީ ލޯންޑްރިން ހިމެނޭ ގޮތުން ހަތް ދައުވާއެއް އަދީބުގެ މައްޗަށް ދައުލަތުން ކްރިމިނަލް ކޯޓުގައި އޮތީ އުފުލައިފަ އެވެ.

އެ މައްސަލަތަކުގެ ޝަރީއަތް މިއަދު މެންދުރު ބާއްވަން ހަމަޖެއްސިޔަސް، އެ އަޑުއެހުން ކެންސަލްކުރީ ޕީޖީ އޮފީހުގެ މުވައްޒަފަކު ކޮވިޑް-19 އަށް ޕޮޒިޓިވްވުމުން އެ އޮފީސް ޑިސްއިންފެކްޓް ކުރަން ޖެހުމުން ކަމަށް ކްރިމިނަލް ކޯޓުން ބުންޏެވެ. އެހެންވެ، އެ މައްސަލާގެ ޝަރީއަތް މިހާރު ތާވަލް ކޮށްފައިވަނީ އަންނަ އާދިއްތަ ދުވަހު ބޭއްވުމަށެވެ.

އެމްއެމްޕީއާރުސީގެ ޚިޔާނާތާ ގުޅިގެން އަދީބުގެ މައްޗަށް ކުރިން އަށް އަހަރުގެ ޖަލު ހުކުމެއް ވެސް އިއްވި އެވެ. އެކަމަކު ފަހުން ހައި ކޯޓުން ވަނީ އެ ހުކުމް ބާތިލްކޮށްފަ އެވެ. ފަހުން ދައުވާ އުފުލި މައްސަލަތަކާ ގުޅިގެން އަދީބު މިހާރު ހުންނެވީ ގޭ ބަންދުގަ އެވެ.

ކުށްކުރުން ކްރިމިނަލް ކޯޓް ޕީޖީ އޮފީސް ކުރީގެ ނައިބު ރައީސް އަދީބު

5 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އާކަމެއްތަ

10 July 2020

ނޫސްވެރިން ކީއްވެތަ ނުލިއުނީ މިއީ ކިތައްވަނަ ފަހަރުކަން ޝަރީއަތް ކެންސަލްވި؟ ކޮންމެވެސް ދުވަހަކުން އަންނަ ޕްރެޝަރެއްގަ ޝަރީއަތް ފަހަރެއްގަ ބޭއްވުނަސް ހުކުމެއް ނާންނާނެ އޭނައަކަށް މިސަރުކާރު އޮތްހާ ހިނދަކު. އޭނާ ގެއްލުވާލި ފައިސާތައްވެސް ހޯދަން އުޅެނީ ޔާމީނު އަތުން. ޔާމީން އޭނާ ލައްވާ އެބުނާހާ ކަންކަން ކުރުވިނަމަ މިދިޔަ ސަރުކާރުގަ އޭނަ ޖަލުގަ އޮންނާކަށް ނުޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލިބޭ

09 July 2020

އަދީބާއި ޒިއަތުގެ މައްސަލައެއް ކުރިއަކަށް ނުގެންދާނެ، އެއީ ހުރިހައި މައްސަލަތަކެއްގެ ހެކިވެރިން އެ މީހުން ތިބޭނީ އަރާ މުގަ ބައިތިއްބާފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިޔެ1

09 July 2020

އިންސާފަށް ބުނަންޔާ އަދީބު އަށް ވަރަށް އަދަބު ދެވިއްޖެ. ކިތައް އަހަރުވީ ޖަލުން ކޯޓުން ތަޅުވާތާ؟ ދައުލަތުން ރޭޕު ކުރާމީހުން ފަހަތުން ދާންވެއްޖެއްނުން. އެޔޮއް ބޮޑު ހުޅުމާލޭ ޔޫތު ސިޓީ، ބުރިޖް، ކޮލިޓީ އެތައް ރިސޯޓެއް ވުޖޫދަށް ގެނައުމަށް މަގުފަހިކޮށްދެއްވި. ޔާމީނު ލާރިކޮޅު ދަވާލީމައި ވެސް ކުއްވެރި ވަނީ އަދީބު؟؟