އަނިޔާ ލިބިފައި ތިބި މީހުންނަށް ހިތްވަރު ދީ އިންސާފު ހޯދައިދިނުމަށް ގޮވާލައި އިއްޔެ ބޭއްވި މުޒާހަރާގައި ބަޔަކު ޕޯސްޓަރުތަކެއް ހިފައިގެން އަޑުއުފުލަނީ.-- ފޮޓޯ: އަހުމަދު އަވްޝަން އިލްޔާސް /މިހާރު
11 ޖުލައި 2020 - 11:26
ގެސްޓް ހައުސް އެސޯސިއޭޝަން އޮފް މޯލްޑިވްސް (ގޭމް)ގެ ސެކްރެޓަރީ ޖެނެރަލް (އެސްޖީ) ސައުދުﷲ އަހްމަދު އެ ތަނުގެ އަންހެން މުވައްޒަފަކަށް ޖިންސީ ގޯނާކުރި ކަމަށް ކުރާ ތުހުމަތާ ގުޅިގެން މަގާމުން ވަކިކޮށްފި އެވެ.
ގޭމުން ނެރުނު ނޫސް ބަޔާނެއްގައި ބުނީ އިއްޔެ ރޭ ބޭއްވި އެ ޖަމިއްޔާގެ ހިންގާ ކޮމެޓީގެ ޖަލްސާގައި، އެސްޖީގެ މަގާމުންނާއި ހިންގާ ކޮމެޓީގެ މެމްބަރުކަމުގެ މަގާމުން ވަކިކުރަން، އެ ކޮމެޓީގައި ހިމެނޭ 14 މެމްބަރުން ފާސްކޮށްފައިވާ ކަމަށެވެ.
ގޭމްގެ އެޑްމިނިސްޓްރޭޓާއަކަށް އުޅުނު އަންހެން މުވައްޒަފަކަށް ޖިންސީ ގޯނާކުރި މައްސަލަ މިހާރު ވަނީ ފުލުހުންނަށް ވެސް ހުށަހަޅައިފަ އެވެ. އަދި އެ މައްސަލައާ ގުޅިގެން އޭނާގެ ބަޔާން ވެސް ފުލުހުން ވަނީ ނަގައިފަ އެވެ.
ޖިންސީ ގޯނާގެ މައްސަލަ ބެލޭނެ އެކަށީގެންވާ މާހައުލެއް ނެތުމުން ކަމަށް ވިދާޅުވެ އެ އެސޯސިއޭޝަންގެ ރައީސް މޫސާ ނާސިހް ވަނީ މީގެ ކުރިން ވަނީ އިސްތިއުފާ ދެއްވައިފަ އެވެ. އަދި އެއާ އެކު، ސަބަބު ހާމަކުރުމެއް ނެތި، ސައުދު ކުއްލި ގޮތަކަށް ސަސްޕެންޑްކުރި އެވެ.
އޭނާގެ ގޯނާ ތަޖުރިބާކުރި ކަމަށް ބުނާ ވިކްޓިމް "މިހާރު" އަށް ކިޔައިދިން ގޮތުގައި އެކި ފަހަރު މަތިން ސައުދު އޭނާ އަށް ޖިންސީ ގޯނާކުރީ ވަޒީފާ ހަމަޖައްސައިދިނުމަށް ފަހު އޭގެ ބަދަލެއްގެ ގޮތުން ކަމަށް ބުނެ އެވެ. ވަޒީފާއެއް ބޭނުންވެފައި ހުއްޓައި ގޭމް އިން ވަޒީފާ ލިބުނީ ސައުދުގެ އެހީތެރިކަމާ އެކުގައި ކަމަށް ވިކްޓިމް ބުންޏެވެ. "ވަޒީފާ އަށް ނުކުތް ހިސާބުން ފެށިގެން ވެސް އެކި ދުވަސް މަތިން ދިޔައީ ގޯނާކުރަމުން. ފުރަތަމަ ސަމާސާއަކަށް ހަދާފައި، ބޮޑު މަޖާގަނޑަކަށް ހަދައި އެ އަމަލުތައް ހިންގަމުން ދިޔައީ. އެކަމަށް އިންކާރުކުރާތީ ބުނަނީ ވަޒީފާ ހަމަޖައްސައިދިނީމަ ބަދަލެއްގެ ގޮތުން ކޮންމެވެސް ކަމެއް އޮންނަން ވާނެއޭ،" ވިކްޓިމް ކިޔައިދިނެވެ.
އޭނާގެ ތަޖުރިބާތައް ސޯޝަލް މީޑިއާގައި ވެސް ވަރަށް ތަފުސީލުކޮށް ހިއްސަކުރި އެވެ.
އޭނާ ބުނީ ވަޒީފާ އިން ވަކިވާން ނިންމައި މައްސަލަ އެސޯސިއޭޝަންގެ ހިންގާ ކޮމެޓީ އަށް ހުށަހެޅުމުން، ޓެރަސް މަތިން ފުންމާލާނެ ކަމުގެ ބިރު ސައުދު ދެއްކެވި ކަމަށެވެ. އެކަމަކު މައްސަލަ ޕޮލިހަށް ރިޕޯޓްކުރީ، އެ ކަންތައް ބޮޑުވެ، އެހެން މީހަކަށް ވެސް އެ ބިރު އޮވެދާނެތީ ކަމަށް ބުންޏެވެ.
ޖިންސީ ގޯނާއާ ގުޅުން ހުރި އެކި މައްސަލަތަކާ ގުޅޭ ގޮތުން މި ފަހުން އަންހެނުން އަންނަނީ ވަރަށް ފާޅުކޮށް ވާހަކަ ދައްކައި، އެ މީހުންގެ ތަޖުރިބާތައް ހިއްސާ ކުރަމުންނެވެ.
އަންހެން މުވައްޒަފުންތަކަކަށް ޖިންސީ ގޯނާކުރި ކަމުގެ ތުހުމަތާ އެކު ޓޫރިޒަމް މިނިސްޓަރު ކަމުން އަލީ ވަހީދު މިހާރު ވަކިކޮށްފަ އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ނުހައްގުއަނިޔާ
12 July 2020
ބައެއް ބޭފުޅުންނަށް ގަބޫލުކުރަން ދަތިވިއަސް މިހާރު ޖިންސީ މައްސަލަތަކުގެ ގާނޫނުގައިއޮތް ގޮތުންއޮފީސް މާހައުލުގައި ރައްޓެހި އަންހެނަކާއި ދިމާލަށް ބެލެވޭގޮތަކުން، އުފަންދުވަހުގެ ތަހުނިޔާ ކިޔުމުން، ފޭސްބުކްގައި ފްރެންޑް ރިކުއެސްޓް ކުރުން ނުވަތަ ކޮފީއަކަށް އިންވައިޓްކުރުން ފަދަ ކުޑަކުޑަ ކަމަކުން އަންހެން ކުއްޖާ ނުރުހިއްޖެނަމަ އެއޮތީ ޖިންސީ ފުރައްސާރައަށްވެފައި. ގަބޫލުލުކުރަން ތަކުރާރުކޮށް މިފަދަ އަމަލެއް އަންހެނެއްގެ ނުރުހުމުގައި ކޮށްގެންނުވާނެ .
ނުހައްގުއަނިޔާ
12 July 2020
ނުހައްގުން ޖިންސީ އަމަލެއްގެ އިލްޒާމް އަޅުވާ ފްރޭމްކޮށް ވަޒީފާއިން ވަކިކުރި މީހުންގެ ހައްގުގައި ގިނަބަޔަކު މިއާރޓިކަލް އަށް ކޮމެންޓްކޮށްފައި ހުރިތަން ފެނިއްޖެ. ޢެބޭފުޅުންނަށް އޮތް އުފާވެރި ޅަބަރަކީ މިގޮތައް ނުހައްގުން ޖިންސީ ކަންތަކުގެ އިލްޒާމް އަޅުވާ މީހުންނާއި ދެކޮޅަށް އަބުރުގެ ދައުވާކުރެވި އެމީހުންނަށް ހަރުކަށި ފިޔަވަޅު އެޅުމަށް ގާނޫނަށް އިސްލާހު ގެނައުމުގެ މަސައްކަތް ފައްޓަވަން ވިލިމާލެ ދާއިރާގެ މަޖްލިސް މެމްބަރު އުޝާމް ނިންމަވައިފި.
ނުހައްގުއަނިޔާ
12 July 2020
އަހަންނަކީވެސް ޖިންސީ ފުރައްސާރައިގެ ދޮގު ތުހުމަތުކޮށް 25 އަހަރު އަދާކުރިވަޒީފާ ގެއްލި 2 އަހަރާއި ބައިވެފައިވާ މީހެއް. ޢަދާކުރީ ސަރުކާރުގެ ކުންފުންޏެއްގެ ސެކްޝަނެއްގެ އިސް މަގާމެއް. އަމިއްލައަށް ދިފާއުވުމަށްވެސް ރަނގަޅަށް ފުރުސަތުނުދީ ވަޒީފާއިން ވަކިކުރީ އަސްލު ސިޔާސީކަމަކަށް ތަކުރާރުކޮށް ނޫނުކެކޭ ބުނެގެން. މިހާރު ޓްރައިބުނަލް އިން ކާމިޔާބުވެ ހައިކޯޓުންވެސްވަނީ ކާމިޔާބުވެ ބަދަލުދޭންޖެހިފައި އޮތީ. އެވަރުންވެސް ވަޒީފާލިބޭގޮތެއްނުވި. (ނުނިމޭ)
މިވަރެއްނެތް
11 July 2020
ނާސިހު އަށް ސެލިއުޓުކުރަން. އަދި ތިފަދަ ނޭތްގާނީ މީހުންގެ ކަންކަން ފަޅާއަރުވާ ކުދިންނަށް ހަމަ އައްސަރިބަހާއި ސާބަސް!
ނިއްވާނުލެވުނު ރޭޑިއޯ
11 July 2020
ސާބިތު ނުވާހާ ހިނދަކު މަުސޫމް މީހަކަށް ބަލަން ވާނީ ! ޢަބުރުކަތިލައި ހަދަންވާނީ ޝަރިއަތުން ކުށްވެެރިއެއްލަމުގައި ކަނޑައެޅުމުން !
މަޒް
11 July 2020
ނޫސްވެރިންނަށް ރައްޔިތުންގެ އަބުރު ކަތިލެވޭނެ އެއްވެސް އިމެއް ނެތި.. ޖީންސީ ގޯނާއާ ދެކޮޅުވާންވީ ތުހުމަތުކުރެވޭ މީހާގެ އަބުރު ނުގެއްލޭ ގޮތަށް.. ފަހަރުގައި ތުހުމަތު ކުރެވޭ މީހާ ކުރެވުނު ތުހުމަތުން ސަލާމަތްވެއްޖެ ނަމަ އޭނާއަށް އާންމުންގެ ތެރޭ ނިކުމެ އުޅެވޭ ވަރަށް..
ޙައިއް ޖަބުޅިއާ
11 July 2020
މިހާރު މިއޮތް މަޖިލިސް ގެ ނުފޫޒު ގަދަ ކަމުން ތިފަދަ ކަންކަން ރަނގަޅަށް ބެލޭނެ ކަމަކަށް ޤަބޫލެއް ނުކުރެވޭ، ސަރުކާރުގެ އެފަދަ ގަޓެއް ނެތް
ދާއިރާ
11 July 2020
އެމްޑީޕީ ގެ ރައީސްކަމުންވެސް އޭނާ ވަކި ކުރަންޖެހޭ
ރޮމޭ
11 July 2020
ކަލޭމެންނަށް ކޮން ހައްގެއް އޮތީ ޝަރީއަތުގަ ސާބިތު ނުވަނީސް މީހުންގެ އަބުރު ކަތިލަން. އަންހެނަކު ހިތުހުރި ގޮތަކަށް ތެޅިފަ އޭނަ ބޭނުންވާހާ ކަމެއް ވާހާ ދުވަހަކު ފިރިހެންމީހާ ބުނާހާ ކަމަކަށް ރުހިފަ ބޭނުން ކަމެއް ނުވީމާ ނުކުމެ އެ ފިރިހެންމީހާގެ އަބުރު ކަތިލަމުން ދުވަންޏާ އެއީ އިޙްލާސްތެރިކަމާއެކު އޭނަގެ ޖިސްމު ރައްކާތެރި ކުރަނީކީ ނޫން. އެއަށް އަހަންނަށް ކިޔޭނެ ނަމަކީ ފްރޭމް ކުރުން.
ރިއްޗަޅޭ
11 July 2020
އެހެންވީމަ ހުރިހާ އަންހެނުންނަކީ ތެދުހަދާ ބަޔަކީތާ. ބަލަ ކިތައް ފިރެހުނުންގެ ވަޒީފާ ގެއްލި ދިރިއުޅުން ހަލާކުވެފަ އެބަހުރި ތިޔަ ގޮތަށް ފްރޭމްކޮށްގެން.
އޮށަނި
11 July 2020
ބައެއް އަންހެނުން ރާއްޖޭން ބޭރު ދަތުރުގޮސް ޚަރަދު ބަރަދު ފިރިހެނާގެ އަތުން ކުރުވާފަ އެހުރިހާ ކަމެއްގަ އުޅެފަ ފުރައްސާރައަކަށްވެ ގޯނާ އަކަށްވެސް އެބަވޭ ފައިސާވެސް ވަކިވަރަކަށް ލިބޭނީ އަބަދު އެއްވަރަކަށް ނުހުންނާނެ ދެން އެވީ އެއޮޑިން ފައިބައިގެން އެހެން އޮޑިޔަކަށް އަރަން