14 އޮކްޓޯބަރ 2020 - 14:33
24 comments
ކަންނެލި ދޯންޏެއްގައި އެތެރެކުރި 130 ކިލޯ ޑްރަގްގެ މައްސަލާގައި މިހާތަނަށް ހައްޔަރުކުރި މީހުންގެ ތެރޭގައި ހިމެނޭ ގއ. ވިލިނގިލިީ ލައިޓްހައުސް ޝަހީބް އިބްރާހީމަކީ އިދިކޮޅު ޕީއެންސީގެ ކައުންސިލް މެމްބަރެއްކަން ހާމަވެއްޖެ އެވެ. އޭނާ އަކީ މި މަސްތުވާތަކެއްޗާ ގުޅުން ހުރި އެންމެ އިސް އެކަކު ކަމަށް، ތުހުމަތުކުރެވެ އެވެ.
ޝަހީބު ފާހަގަކުރެވިފައި ވަނީ ޕީޕީއެމްގެ ހަރަކާތްތަކުގައި ވެސް ވަރަށް އިސްކޮށް އުޅެމުން އަންނަ އެކްޓިވިސްޓެއްގެ ގޮތުގަ އެވެ. އަދި އެންމެ ފަހުން ބޭއްވި ރައްޔިތުންގެ މަޖިލިސް އިންތިހާބުގައި ގއ. ވިލިނގިލީ ދާއިރާ އަށް އިދިކޮޅު ކޯލިޝަންގެ ފަރާތުން ވާދަ ވެސް ކުރި އެވެ.
ކުރީގެ ރައީސް އަބްދުﷲ ޔާމީންގެ ސަރުކާރުގައި އުސޫލުން ބޭރުން މީހުން އަތުން ފައިސާ ނަގައި ފްލެޓު ދިން ކަމަށް ތުހުމަތުުކުރެވުނު މައްސަލައިގައި ވެސް ޝަހީބުގެ ބައިވެރިވުން އޮތް ކަމަށް ތުހުމަތުކޮށްފައި ވެއެވެ.
ފުލުހުން ބުނި ގޮތުގައި އޭނާ އަކީ ރާއްޖެ އަށް މަސްތުވާތަކެތި އެތެރެކުރާ ކަމަށް ތުހުމަތުކުރެވޭ މައްސަލައަކާ ގުޅިގެން ފުލުހުން މިދިޔަ އަހަރުގެ ނޮވެމްބަރު މަހު އަތުލައިގަތް އީރާން ބޯޓުގެ މައްސަލައާ ވެސް ގުޅުން އޮތް މީހެކެވެ. ނަމަވެސް އެ ބޯޓުން ހައްޔަރުކުރި ހަތް މީހުންނާ ޖާމިނު ވެފައިވަނީ ޝަހީބް ކަމަށާއި އެ މައްސަލާގައި އޭނާ އާއި އީރާންގެ ހަތް މީހުން ކްރިމިނަލް ކޯޓުން ދޫކޮށްލާފައިވާ ކަމަށް ވެސް ފުލުހުން ބުންޏެވެ.
ކަނޑުމަގުން 130 ކިލޯ ޑްރަގްސް އެތެރެކުރުމުގައި އިސްކޮށް ތިބި ކަމަށް ފުލުހުން ތުހުމަތުކުރާ ދެ މީހުން
ޑްރަގްސް އެތެރެކުރި ކަންނެލި ދޯނި ފުލުހުންގެ ބެލުމުގެ ދަށަށް ގެންދިޔައީ ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން ހިންގި އޮޕަރޭޝަނެއްގައި ކަނޑުމަތިންނެވެ. އެ ދޯނި އަތުލައިގަނެ ހުޅުމާލެ ފަޅަށް ވައްދައި ފާސްކުރި އިރު އެއިން 130 ކިލޯގެ މަސްތުވާތަކެތި ފެނުނެވެ.
މި މައްސަލައިގައި ޝަހީބުގެ އިތުރުން ހއ. ހޯރަފުށީ ވައިލެޓްވިލާ އަހްމަދު މޫސާ އާއި އިތުރު ހަތަރު މީހަކު ވެސް ހައްޔަރުކޮށްފައި ވެއެވެ. އޭގެ ތެރޭގައި ކުޑަކުއްޖަކު ވެސް ހިމެނެ އެވެ.
ޝަހީބުގެ ބަންދަށް ކްރިމިނަލް ކޯޓުން 15 ދުވަހުގެ މުއްދަތެއް ދީފައިވާއިރު އަހްމަދު މޫސާ ގެ ބަންދަށް ދިނީ ފަސް ދުވަހެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހަންމާބެ
15 October 2020
ބޮޑެއްވާނީ ބޮޑަކަށް، ބޮންޑާވެސް ވާނީ ހަމަ ބޮންޑާއަށް، ފެންނަތަން ހަމަ ފެންނަން ހުންނާނީ، ދައްކަވަންހުރި ތަނެއް ދައްކަވާފަ ގެންދަވާނީ.
ކަދު ރޭ
15 October 2020
ކަލޭ މެން ލަދެއް ނުގަނޭތަ ޑްރަގު މީހުން ޕާޓީގެ އިސް ސަފުގައި ގެން ގުޅެން
އުއްމީތަކުރު
14 October 2020
މި ދޭތެރެއަކުން މާ ފޯރި ދައްކާފައި ފުލުފުލުގައި ބަޔަކު އިދިކޮޅު ކޯލިޝަނާ ގުޅުނީ މިކަމާ ގުޅިގެންބާ. އަދުރޭ އަށް ސަލާމް
ޒަރީރޫ
14 October 2020
އިރާނު ބޯޓާ ގުޅުން އޮއްވާވެސް ކޯޓުން މީނާ ދޫކޮށްލީ އަނެއްކާވެސް ދެވަނަ ފުރުސަތެއް ދޭންކަން މިފަހަރު ހައްޔަރު ކުރުމުން ސާފު ވެއްޖެ، ސާބަސް ކޯޓު.
ޙިނި
14 October 2020
މަރުހަބާ ޔާމިނު / އަދުރޭ.
ގޯސް
14 October 2020
ޖީލަކަށްފަހު ޖީލެއް ގަލާކުވަމުންދާއިރުވެސް ސާބިތުނުވެ ދޫވެގެންދަނީ ހެޔޮނުވާނެ މި މީހުން އުމުރަށް ޖަލަށްލާބަލަ. ނޫނީ މަރަން ހުކުމްކޮށްބަލަ.
ޓިނު
14 October 2020
އިންޑީއާ އައުޓު . މިވާގޮތް މިހާރު މިއެގެނީ
އަހަންމާބެ
15 October 2020
ކޮބާ އައްޑޫއިން ފެނުނު ބައިވަރު، ސިޔާސީ ހުރިހާ ދިމާލެއްގައިވެސް ތިޔަ ތުހްމަތުއޮވޭ، އެއްވެސް ކަމަކާހެދި އިންޑިޔާ އިންވެގެން ނުވާނެ، އިންޑިޔާ ހަމަ އައުޓު، ބޮޑުކޮށް އައުޓުވާންޖެހޭ.
Omega 3
14 October 2020
ޕީއެންސީ ވިޔަސް އެމްޑީޕީ ވިޔަސް ޑްރަގް ޑިލަރ އިން ދޫކުރެވިގެންނުވާނެ.
ރާއްޖެ
14 October 2020
މާފަށް އެދިފަ ސަރުކާރަށް އެއްބާރުލުން ދިނީމާ ގައުމީ މަސައްކަތަކަށް ވީ.
ވައިސޫރި
14 October 2020
މމިކަމާ ގުޅޭގޮތުން އަދުރޭ ޖަލްސާއެއްބާއްވާފައި ބަޔާނެއް ނުނެރުއްވީ ކީއްވެގެންތޯ