ޚަބަރު / ޓޫރިޒަމް މިނިސްޓްރީ

އެޗްޕީއޭގެ އުސޫލާ ޚިލާފުވާ ރިސޯޓު/ގެސްޓު ހައުސްތަކުގެ ހުއްދަ ބާތިލް ކުރާނެ ކަމުގެ އިންޒާރު ދީފި

ސިނަމޮން ރިސޯޓު-- ފޮޓޯ: ސިނަމޮން ހިޓެލް

ކޮވިޑް-19އާ ގުޅިގެން އެޗްޕީއޭ އިން އާންމު ކޮށްފައިވާ އުސޫލުތަކާ ހިލާފުވާ ރިސޯޓުތަކާއި ގެސްޓު ހައުސްތައް އޮޕަރޭޓު ކުރުމުގެ ހުއްދަ ބާތިލު ކުރާނެ ކަމުގެ އިންޒާރު ޓޫރިޒަމް މިނިސްޓްރީން މިއަދު ދީފި އެވެ.

އެޗްޕީއޭއިން އާންމު ކޮށްފައިވާ ވަކި އުސޫލަކަށް އަމަލުކުރާ ގޮތަށް ރިސޯޓުތައް ހުޅުވީ މިދިޔަ ޖުލައި މަހު އެވެ. ލޯކަލް ޓޫރިޒަމަށް ގެސްޓު ހައުސްތައް ހުޅުވީ މިދިޔަ މަހު އެވެ. މިޗތަންތަން ހުޅުވާފައި ވަނީ އުސޫލާ އެއްގޮތަށް ކަންކަން އިންތިޒާމު ކޮށްފައިވޭތޯ ބެލުމަށް ފަހު، ގަވާއިދަށް ހުރި ރިސޯޓުތައް ވަކި ހުއްދައެއްގެ ދަށުންނެވެ.

ޓޫރިޒަމް މިނިސްޓްރީން އެ ތަންތަނަށް ފޮނުވި ސާކިއުލާއެއްގައި ބުނީ ވަކި ހާއްސަ އުސޫލަކަށް އަމަލުކުރަން އަންގައި ހުޅުވަން ހުއްދަ ދިނުމުން ގިނަ ތަންތަނުން އަމަލުކުރަނީ ގަވާއިދާ އެއްގޮތަށް ކަމަށެވެ. ނަމަވެސް ބައެއް ތަންތަނުން އުސޫލާ ހިލާފުވާކަން ފާހަގަވާ ކަމަށާއި އެކަމާ މެދު ކަންބޮޑުވާ ކަމަށް މިނިސްޓްރީން ބުންޏެވެ.

ޓޫރިޒަމް މިނިސްޓްރީން ބުނިގޮތުގައި، އެޗްޕީއޭ އިން ގަވައިދުތައް ހަދާފައި ވަނީ ޓޫރިސްޓުންނާއި މުވައްޒަފުންގެ ވެސް ރައްކާތެރިކަމަށްޓަކަ އެވެ. އެހެންވެ، އޭގެ މުހިންމުކަން އެ މިނިސްޓްރީގެ ސާކިއުލާގައި ހަނދާން ކޮށްދިނެވެ. ރިސޯޓުތަކާއި ގެސްޓު ހައުސްތަކުން އެޗްޕީއޭގެ އުސޫލާ ހިލާފުވާކަން ދެން ފާހަގަ ކުރެވޭ ނަމަ މި ހާލަތުގައި އެތަނެއް ހުޅުވަން ދީފައިވާ ހުއްދަ ވަކި މުއްދަތެއް ނެތް ގޮތަށް ބާތިލު ކުރާނެ ކަމުގެ އިންޒާރު ޓޫރިޒަމް މިނިސްޓްރީން ދިނެވެ.

އެ މިނިސްޓްރީން މިހެން ބުނެފައި މިވަނީ ދ. ކަނޑިންމަ ރިސޯޓުގައި ކޮވިޑް-19 ފެތުރިފައިވާ ދަނޑިވަޅެއްގަ އެވެ. އެ ރިސޯޓުގެ މުވައްޒަފަކަށް ދ. ކުޑަހުވަދޫ ހޮސްޕިޓަލުގައި ފަރުވާދެމުން ދަނިކޮށް މަރުވި އިރު އެ މީހާ ކޮވިޑަށް ޕޮޒިޓިވްވުމުން ބެލި ބެލުމުން މިހާތަނަށް އެ ރިސޯޓުން 46 މީހަކު ވަނީ ޕޮޒިޓިވްވެފަ އެވެ.

އެ ކޭސްގައި ރިސޯޓު މެނޭޖްމަންޓުގެ އިހުމާލު އޮތް ކަމުގެ ތުހުމަތުތަކެއް ދަނީ ކުރެވެމުންނެވެ. ނަމަވެސް އެފަދަ އެއްވެސް މައްސަލައެއް ބަލާކަން އެޗްޕީއޭއިން ކަށަވަރުކޮށްދީފައެއް ނުވެ އެވެ.

26 ކޮމެންޓް, 26 ރިއެކްޝަންސް

icon happy icon happy 73%
icon sad icon sad 4%
icon angry icon angry 23%
icon wow icon wow 0%
icon inlove icon inlove 0%
The name is already taken The name is available. Register?

ކޮމެންޓްތައް

އެންމެ ފަސް މަގުބޫލް

މާފުށީ ރައްޔިތެއް

05 November 2020

އެހެން ކަމަށްވާނަމަ މާފުށީ ހުރިހާ ގެސްޓް ހައުސް ތައް ޖެހޭނީ ބަންދު ކުރަން... މާފުށީގަ މާސްކު އެޅުން މަޖުބޫރީ އާންމު ރައްޔިތުން... ފަތުރުވެރިން ނުޖެހޭ މާސްކު އަޅާކަށް.....

The name is already taken The name is available. Register?

ހަސަނު

05 November 2020

ކަޑިންމަ ބަންދު ކުރޭ..

The name is already taken The name is available. Register?

ސަންޖޭ

05 November 2020

އެހެންތަ؟ ނުވާނެ އެއްކަ މެއް ވެސް. އިނގިރޭސި ހަރުބަހެއްގައި އޮންނާނެ " ބާކިން ޑޯގްސެލްޑަ މް ބައިޓް"

The name is already taken The name is available. Register?

ރާއްޖެ

05 November 2020

ކޮބާ ކުރެއްދޫގެ މައްސަލަ.؟ ތި ކަހަލަ އަޑުތައް މި ވަނީ ޖަމަލު ފޮޑިއަށް.

The name is already taken The name is available. Register?

އިޔެ3

05 November 2020

ގަވާއިދާއި ހިލާފުވުމުން ފުރަތަމަ ފަހަރުވެސް ޖޫރިމަނާ ކުރަންޖެހޭ. ޖޫރިމާނަކުރުމުން ލިބޭ ފައިސާއަކީ ވާރުތަމުދަލެއްް ނޫން. އަހަރެމެންގެ ފައިސާ. ޖޫރިމަނާކޮށް ފައިސާ އަތުލާ. އޭގެން ވެންޓިލޭޓަރެއް ގަނެވޭނެ.

The name is already taken The name is available. Register?

ޙުސޭނު އަސަދު

05 November 2020

މިހަރުން މިހާރަށް ކަޑިންމައިގެ މައްސަލަ ބަލާ އިހުމާލުވާ ފާރާތްތަކަށް އެންމެ ޖަރުކަށި ފިޔަވަޅި އަޅަން ގޮވާލަން. އެއީ ކޮންމެ މީހަކު ކަމަކު. މިމީހުންނާހެދި މުޅިގައުމު ހަލާކު.

The name is already taken The name is available. Register?

ާހަސަންބެ

04 November 2020

ރިސޯޓްތަކަކީ އެއްދުވަހަކުވެސް ޤާނޫނާއި ޤަވާއިދާ އުސޫލުތަކާއި އެއްގޮތަށް ހިންގާ ތަންތަންކަން ދެނެހުރީ ކާކުތޯ.؟ އަބަދުވެސް ހިންގާނީ ހިންގާނެ ގޮތަކަށް. ތިބުނާ އިސޫލުތަކާއި އެއްޗެއްޗެއްވެސް އޮންނާނީ އޮތްތަނެއްގާ. ޜީތިކޮށްލަން ނެރެވޭނީ ނޫސްބަޔާނެއް ކަހަލައެއްޗެއް. ޙަމަދާނި އެއްމަގަކުން. ކޮރޮޕްޓް ތަންތަނުގައި ޤާނުނާއި ގަވާއިދާއި އެއްޗެހި ދުވާނީ ނިކަމެތި އާދައިގެ ރައްޔިތުންގެ ފަހަތުން ހަންމުށީގެ ސިފައިގާ. އެއްކަލަ ރަށްތައް ވެސް އެހިންގަނީ ނޫންތޯ؟

The name is already taken The name is available. Register?

ފޯމަރއެކުޓިވިސްޓު

04 November 2020

އެކަމަކު ދިވެހިންނަށް ވަޒީފާ ނުދިނަސް އޯކޭ ދޯ ، ދިވެހިންނަށް ވަޒީފާ ނުދިނަސް އަޅާނުލަނީ ހަމަ އެކަން ކުރަން ބޭނުން ނުވާއްޗޭތަ ތިޔަބުނަނީ ، އެމްޑީޕީ އެކްޓިވިސްޓުން ބުނާނެ ތޯއްޗެ ޔާމީނުވެސް އަޅައެއް ނުލިޔޭ ، މިވަރު ގަޅިން އުޅޭ ގައުމަކު މިހާރު ވާވަރުވެސް ވާކަން ރަނގަޅޭނުން.

The name is already taken The name is available. Register?

މޫސަ123

05 November 2020

ދިވެހީން އުޅެންޖެހޭނީ ބޭރު މީހުންގެ ދަށުގަ މީ ހުރިހާރިސޯޓެއްގެ ހާލަތު ބޭރުމީހުނަށްވުރެ މުސާރަވެސް ކުޑަވާނެ

The name is already taken The name is available. Register?

ދޭސީ

04 November 2020

ނޫނޭ ވާ ކުޅަދާނަ. ރިޒޯޓެއްގެ އިހުމާލުން މުވައްޒަފެއް މަރުވީމަ ބޮޑުވަރަކަށް ކޮށްލަން ކެރުނު ކަމަކީ ފިޔަވަޅު އަޅާނެ ކަމުގެ އާއްމު އިއުލާނެއް ކޮށްލުން. ޑޮލަރު ބޭނުންވިޔަސް ބޮޑުވަރު

The name is already taken The name is available. Register?

ޒަރީރޫ

05 November 2020

މިހާރު އެގޮތަށް ނިންމާ ސިއްކަޖެހީތަ!؟ ތިހެންބުނުމަކުން ތީއަދި އެއްވެސް ބުރަދަނެއްހުރި ނިންމުމަކަށް ނުވާނެ.

The name is already taken The name is available. Register?

ހަސަނު

04 November 2020

ބޭކާރު ހާސަރު.. ފުރަތަމަ ކަނޑިންމަ އަށްހަރުކަށި ފިޔަވަޅު އަޅާ.. އޭގެ ފަހުން ފޮނި ވާހަކަ ދައްކާނީ.. ކަނޑިންމައަށް ފިޔަވަޅު ނޭޅުމަކީވެސް އަނިޔާްެއް...

The name is already taken The name is available. Register?

އިތުރު ލިޔުންތައް

މަގްބޫލް ލިޔުންތައް

Daily News Digest

Deliver popular news headlines to your inbox!

Subscribe

Download Mihaaru News App

Offline Alerts

SMS 'sub mihaaru' to 5454

Share your opinion about "Mihaaru" new website

"މިހާރު"ގެ އާ ވެބްސައިޓާ ބެހޭ ގޮތުން ހިޔާލު ފޮނުވުމަށް

ނަން އަދި ޚިޔާލު ޖައްސަވާ!
Please fill in name and opinion.
ތިޔަ ޚިޔާލު ލިބިއްޖެ. ޝުކުރިއްޔާ!
We have recieved your message. Thank You!