ޓޫރިޒަމް މިނިސްޓަރު ޑރ. އަބްދުﷲ މައުސޫމް މިހާރަށް އިންޓަވިއު ދެއްވަނީ.-- ފޮޓޯ: އަހުމަދު އަވްޝަން /މިހާރު
16 އޯގަސްޓް 2021 - 10:56
11 comments
ހުއްދަ ނެތި ޓޫރިސްޓުން ގެންގުޅުމަކީ ޓޫރިޒަމް ނޫން ކަމަށާއި އެއީ ހިއުމަން ޓްރެފިކިން ކަމަށް ޓޫރިޒަމް މިނިސްޓަރު އަބްދުﷲ މައުސޫމް މިއަދު ވިދާޅުވެއްޖެ އެވެ.
މައުސޫމް މިހެން ވިދާޅުވީ ރާއްޖެ އައި ބިދޭސީންތަކަކަށް އޮޅުވާލައި، އެ މީހުން މަގުމަތިކުރި މައްސަލައެއް ފެންމަތިވެފައި ވަނިކޮށެވެ.
އެކަމަށް ރައްދު ދެއްވައި މައުސޫމް ކުރެއްވި ޓުވީޓެއްގައި ވިދާޅުވީ ހިއުމަން ޓްރެފިކިން އާއި ޓޫރިޒަމްއާ ވަރަށް ތަފާތު ކަމަށާއި ތަންތަނުގައި ޓޫރިސްޓުން ހުއްދަ ނެތި ބޭތިއްބުމަކީ ހިއުމަން ޓްރެފިކިންގެ އަމަލެއް ކަމަށެވެ.
"ކަމާ ގުޅޭ އިދާރާތަކުން އެފަދަ ކަންތައްތައް ބަލައި ފިޔަވަޅު އަޅުއްވާނެ ކަމުގެ ހަބަރު ލިބުމުން ކުޑަކޮން ހިތްހަމަޖެހިއްޖެ،" މައުސޫމް ވިދާޅުވި އެވެ.
އެނގިފައިވާ ގޮތުގައި ހެންވޭރުގެ މަގެއްގައި ރޭ މަގުމަތިވެފައި ތިބީ ރާއްޖޭގައި ޗުއްޓީ ހޭދަ ކުރުމަށް އައި ބައެކެވެ. އެ މީހުން ވަނީ ހޮޓަލަށް ދައްކަން ޖެހޭ ފައިސާ ކަމަށް ބުނެ އެޖަންޓަކު އެ މީހުން އަތުން ފައިސާ ވެސް ނެގި ކަމަށްވެ އެވެ.
ކުޑަކުދިންނާ އެކު އެ މީހުން ފޮށިތައް ހިފައިގެން މާލޭ މަގުމަތީގައި ތިބުމުން އާންމުން ވަނީ ފުލުހަށް ގުޅައިގެން ޝަކުވާ ހުށަހަޅައިފަ އެވެ.
ބައެއް ރަށްރަށުގެ ގެސްޓް ހައުސްތައް މި ދުވަސްވަރު ފުރިފައި ވަނީ އިންޑިއާ މަގުން އެހެން ގައުމުތަކަށް ނުދެވޭތީ ރާއްޖޭ މަގުން ދަތުރުކުރަން އަންނަ އިންޑިއާ މީހުންނާ އެކުގަ އެވެ. ގެސްޓް ހައުސްތަކުގެ ޖާގައަށްވުރެ އިތުރަށް މީހުން ގެނެސް އާންމުންގެ ގޭގޭގައި ވެސް ޓޫރިސްޓުން ބައިތިއްބާ މައްސަލަ ފާހަގަވެފައިވާ ކަމަށާއި އެކަމާ ފިޔަވަޅު އަޅާނެ ކަމަށް ފުލުހުން ވެސް ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގައިސް
16 August 2021
ބޮންދުން އެކަން އެބަކުރޭ ރަންކޮޅާ
ވަހީދު
16 August 2021
ނުކަތާ ވަރަށް ރާއްޖެއަށް މީހުން ގެނައުމަކީ ވެސް ހިއުމަން ރައިޓްސް އާއި ދެކޮޅުކަމެއް
އޮނަރަބްލް އަފީފު ދީދީ.
16 August 2021
ހުއްދަނެތި ޓްއަރިސްޓުން ބޭތިއްބުމަކީ "ހިއުމަންސް ޓްރެފިކިންގެ އަމަލަކަށްވާފަދައިން" ދައުލަތާއިއެކު ރިސޯޓް ހިންގުމަށް އެއްބަސްވެ ކުށްޔަށް ނަގާފައިވާ ރަށަކަށް "އެއްބަސް ވުމާއި އެއްގޮތަށް ކުލި ނުދައްކާ ތިބުމަކީ" ކޮރަޕްޝަންގެ އަމަލެއް ކަމަށްވެސް ބަލާން ވާނެ. # އަޑުއިވޭގޮތުން އައްޑޫސިޓީގެ އެންމެދުވަސްވީ ރިސޯޓަކީ ދައުލަތުގެ %30 ޙިއްސާއޮތް ތަނެއް. އެކަމަކު އެތަނުން ކުއްޔެއް ޓެކުހެއް ނުދައްކާތާ 17 އަހަރު ވެއްޖެ!! ކޮބާއިތޯ ފިޔަވަޅު ؟ މީރާ އޭސީސީ ކޮބާ؟
ދަތުރު
16 August 2021
މިކުޑަ ގައުމުގައި ވެސް ހިއުމަށް ޓުރެފިކިން މައްސަލައަކީ އިއްޔެ މިއަދަކު ދިމާވެގެން އުޅޭ ކަމެއްތޯ؟ ބޮޑެތި އިސްވެރީން ސިޔާސީ މީހުން ގުޅިގެން ފައިސާ ހޯދުމަށްޓަކައި ކުރާ ވިޔަފާރިއެއް ނޫންތޯ؟ ބަގްލާދޭސް މީހުން މިގައުމުގައި ވިސާނެތި އުޅުމާއި ހުއްދަނެތި ވިޔަފާރި ކުރަނީ ގާނޫނާއި ގަވާއިދާ ޚިލާފަ ނޫންތޯ ؟އެކަމަށް ސަރުކާރު ތަކުން ކުރެވުނު ކަމެއް އެބައޮތްތޯ ؟މީގާނޫނެއް ގަވާއިދެއް ހިގާ ގައުމެއްތޯ ؟ ކީއްކުރާ މުއައްސަސާ ތަކެއްތޯ ؟ނިކަން ތަންފީޒް ކޮއްލަބަލާށެވެ.
ކަކުނިބޯ
16 August 2021
ހުއްދަނެތި ޓޫރިސްޓުން ބެހެއްޓުމަކީ ހިއުމަން ޓްރެފިކިން: މައުސޫމް ހަހަހަ ޕަކަޕަޕަކަ ޕަކާސް މިރާއްޖޭގައޮތީ މަނީ ލޮންޑްރިންގ، ހިޔުމަންޓްރެފިކިން، ޓެރަރިޒަމް، ހަހަހަ ވޯކްޕަރމިޓް ނެތް ބިދޭސީންލައްވާ މަސައްކަތް ކުރުވުން އޯކޭ ހަހަހަ ޕަކަޕަޕަކަ ޕަކާސް ޑރ ލޯޔަރ
ޖެހޭނެއޭ
16 August 2021
ޓޫރިޒަމް މިނިސްޓްރީގެ އިހްމާލު މިކަމުގައި އޮތީ ކިހާވަރަށް ތޯ ބަލަން ޖެހޭނެއޭ...
ކުޑަދައިތަބަކުރު
16 August 2021
ބިދޭސީއަކު ވިޔަސް ކޮޓަރިޔެއް ކުއްޔަށް ހިފަން އައުމުން އެހެން މީހުންނަށްވެސް ކުއްޔަށްދޭ އުސޫލުން ކޮޓަރި ކުއްޔަށް ދީފާނެ. ދެން އެމީހާ ކުށްވެރިކޮށް ޖަލަށްލާ ހިއުމަންޓްރެފިކިންނޭ ބުނުމުގެ ޙައްޤެއް ނޯންނާނެ. މިއުޅެނީ މީހެއްގެ ނުރުހުމުގައި ގަދަކަމުން ކޮޓަރިޔަކަށް ވައްދައިގެނެއްނޫން. މައުސޫމު ތަންކޮޅެއް ޒިންމާދާރު ވާހަކަ ދައްކަބަލަ.
ރިސޯރޓްބޯއި
16 August 2021
ރިސޯރޓްތަކުގައި ވަޒީފާ އަދާކުރާ ބޭރު މީހުންގެ ތެރެއިން ރިސޯރޓްގެ ކޯޓާގައި ނުހިމެނޭ މީހުން ރިސޯރޓްގައި ވަޒީފާ އަދާކުރާނަމަ އެއީ ބޮޑު މައްސަލައެއް މިކަން ބެލިއްޔާ ކީއްވާނީ، ބޭރުމީހުން ރައްޓެހިން ގޭގައި ބޭތިއްބިޔަސް ދެން ވާނީ ހިއުމަން ޓްރެފިކިންއަށްތަ؟
ހަބޭސްފުޅު
16 August 2021
އިންޑިޔާ މީހުންނަކީ މިގައުމުގެ މައިސަރުކާރުގެ ރައްޔަތުން އެމީހުން ބޭނުންތަނެއްގައި ތިބުމުގެ ހައްގު އޮންނާނެ
އެމެރިކާ
16 August 2021
އިންޑިޔާ މީހުންނަ ސެކަންޓް ހޯމް ކިޔާފަ ދައްޕަރުގަ އިންޑިޔާ މީހުންނަ ދިވެހިންނެކޭ އެއްގޮތަ ވިޒާދެން އުޅުނެއްނުން