އެމްއޭސީއެލްގެ ސީއީއޯގެ މަގާމުން ގޯޑަން ވަކިކޮށްފި

މީގެ އަހަރެއްހާ ދުވަސް ކުރިން އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރުގެ މަގާމަށް އައްޔަންކުރި ގޯޑަން އެންޑްރޫ ސްޓުވާޓް އެ މަގާމުން އިއްޔެ ވަކިކޮށްފި އެވެ. އެހެންވެ، އެ ކުންފުނި ހިންގުމާ ވަގުތީ ގޮތުން ހަވާލުކުރީ ޑެޕިއުޓީ ޗީފް އޮފިސަރު އިބްރާހިމް ތޯހާއާ އެވެ.

ރާއްޖޭގެ މައި އެއާޕޯޓް، ވެލާނާ އިންޓަނޭޝަނަލް އެއާޕޯޓް ހިންގާ ކުންފުނިން ނެރުނު ބަޔާނެއްގައި ބުނީ، އޭނާ މަގާމުން ވަކިކުރީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން އެންގުމާ އެއްގޮތަށް ކަމަށެވެ.

އިނގިރޭސި ވިލާތަށް އުފަން ގޯޑަން މަގާމުގައި ހުންނަވައިގެން ކޮށްދެއްވި ހިދުމަތްތަކަ އެމްއޭސީއެލް އިން ޝުކުރު އަދާކުރެ އެވެ.

ޔޫރަޕް، މެދުއިރުމަތި، އުތުރު އެފްރިކާ، އޭޝިއާ، އުތުރު އެމެރިކާގައި އޭވިއޭޝަން އެންޑް ޓްރާންސްޕޯޓުގެ ދާއިރާގައި 30 އަހަރުގެ ތަޖުރިބާ ލިބިވަޑައިގެންފައިވާ ގޯޑަންއާ އެމްއޭސީއެލްގެ ހިންގުން ހަވާލުކުރީ މިދިޔަ އަހަރުގެ ޖޫން 28 ގަ އެވެ.

MACL ge CEO, MD akah UK ge beyfulhaku ayyan koffi

The most trusted news source in the Maldives

Mihaaru

ސަރުކާރުގެ ކުންފުނިތަކުގެ ތެރެއިން އެންމެ ބޮޑު ނަފާއެއް ހޯދާ ކުންފުނިތަކުގެ ތެރޭގައި ހިމެނޭ އެމްއޭސީއެލްގެ ސީއީއޯ އަދި މެނޭޖިން ޑިރެކްޓަރު ގޯޑަން މަގާމުން ވަކިކުރިއިރު، އިއްޔެ ވަނީ އެ ކުންފުންޏަށް އާ ޗީފް އޮޕަރޭޝަންސް އޮފިސަރަކު (ސީއޯއޯ) އެއް ވެސް ހަމަޖައްސައިފަ އެވެ. އިނގިރޭސި ވިލާތަށް އުފަން ޑެރެން ވިލިއަމްސް ވަނީ އިއްޔެ އިން ފެށިގެން ކުންފުނީގެ ސީއޯއޯގެ މަސްއޫލިއްޔަތާ ހަވާލުވެވަޑައިގެންފަ އެވެ. އޭނާ އަކީ އެއާ އޮޕަރޭޝަންސް މެނޭޖްމަންޓުގެ 20 އަހަރުގެ ތަޖުރިބާ ލިބިފައިވާ ބޭފުޅެކެވެ.