މާލެ ހުޅުމާލެ ބްރިޖު މަތީގައި ވެހިކަލްތަކެއް. ހަތަރު ފުރޮޅުލީ އުޅަނދު ރަޖިސްޓްރީ ކުރުމަށް ގަރާޖު ސިޓީ އުވާލަން ހުށަހެޅި އިސްލާހު ކޮމިޓީން ފާހެއް ނުކުރި.--- ފޮޓޯ/މިހާރު
11 ނޮވެމްބަރ 2021 - 20:39
20 comments
ގަރާޖެއްގައި ޕާކު ކުރެވޭނެ ކަމުގެ ލިޔުމެއް ނެތި ހަތަރު ފުރޮޅުލީ އުޅަނދު ރަޖިސްޓަރީ ކުރެވޭ ގޮތަށް އެއްގަމު ދަތުރުފަތުރުގެ ގާނޫނަށް އިސްލާހު ގެނައުމަށް ނުފެންނަ ކަމަށް ގައުމީ ތަރައްގީ އާއި ތަރިކަ ކޮމިޓީން ނިންމައި އެ ބިލު މަޖިލިސް ތަޅުމަށް ފޮނުވައިފި އެވެ.
ކާރާއި ޕިކަޕު ފަދަ އުޅަނދުތައް މާލޭގައި ރަޖިސްޓަރީ ކުރަން ހުށަހަޅަން ޖެހޭނީ ގަރާޖަކާ އެކުގައި ކަމަށް ޝަރުތު އުވާލާ ގޮތަށް ގާނޫނު އިސްލާހު ކުރަން ހުށަހެޅުއްވީ ނޮޅިވަރަމް ދާއިރާގެ އަމިއްލަ މެމްބަރު މެންބަރު މުހައްމަދު ނަޝީދު އަބްދުﷲ އެވެ.
އޭނާ އެ އިސްލާހު ހުށަހެޅުއްވީ ބައެއް ގަރާޖުތަކުގެ ވެރިފަރާތްތަކުން ގަރާޖު ސިޓީގެ ނާޖާއިޒު ފައިދާ ނަގައި ގަރާޖު ކުލީގެ ގޮތުގައި ބޮޑެތި އަދަދުތަކުން ފައިސާ ނަގާ މައްސަލަ ހައްލު ކުރުމުގެ ބޭނުމުގައި ކަމަށް އެ ބިލުގައި ބުނެފައިވެ އެެވެ.
މިދިޔަ އޭޕްރީލް މަހު ހުށަހެޅި އެ ބިލަށް މަޖިލީހުގައި ބަހުސްކުރުމަށްފަހު ފުރަތަމަ ތަރިކަ ކޮމިޓީއަށް ފޮނުވުމުން އެ ކޮމިޓީން ކުރީގެ މާލެ ސިޓީ ކައުންސިލާއި ކަމާބެހޭ އިދާރާތަކާއެކު މަޝްވަރާކުރުމަށް ފަހު ނިންމީ ގަރާޖު ސިޓީ އުވާލުމަށެވެ. އެކަމަކު އެ ނިންމުމަށް މަޖިލީހުގެ ގިނަ މެންބަރުންތަކެއް ދެކޮޅު ހެއްދެވި އެވެ. އަދި އެ ބިލު ދެވަނަ ފަހަރަށް ކޮމިޓީއަށް ފޮނުވާލީ އެވެ.
އެހެންވެ އެ ގާނޫނަށް އިސްލާހު ގެނައުމުގެ މަސައްކަތް ނިންމާލުމުގެ ކުރިން ކޮމިޓީން ވަނީ މާލެ ސިޓީގެ ކައުންސިލާ ބައްދަލުކޮށްފަ އެވެ.
އެ ބައްދަލުވުމުގައި މޭޔަރު ޑރ.މުހައްމަދު މުއިއްޒު ވިދާޅުވީ މާލެ މިހާރު ވެސް ވަރަށް ބޮޑަށް ތޮއްޖެހިފައި އޮތް އިރު އިތުރު ވެހިކަލްތައް އެތެރެކުރާއިރު އެ ބާއްވާނެ ޖާގައެއް ނެތި ދޫކޮށްލާ ކަމުގައިވާ ނަމަ އެކަމުން ނުކުންނާނީ ވަރަށް ނުރަނގަޅު ނަތީޖާއެއް ކަމަށެވެ.
އެހެންވެ ހާއްސަކޮށް މާލެ އެތެރެކުރާ ވެހިކަލް ކޮންޓްރޯލު ކުރުމުގެ މަސައްކަތް ކުރަމުންދާ ދަނޑިވަޅެއްގައި ގަރާޖު ސިޓީ އުވާލުމަކީ އެންމެ އެކަށީގެންވާ ވަގުތު ނޫން ކަމަށް ވިދާޅުވި އެވެ.
އެ މައްސަލަ ކޮމިޓީން ދިރާސާކުރުމަށް ފަހު ގިނަ މެންބަރުން ވެސް ނިންމީ ގަރާޖު ސިޓީ އުވާލުމަކީ މާލެ ތޮއްޖެހުމަށް މަގުފަހިވާނެ ކަމެއް ކަމުގަ އެވެ. ވޯޓުގައި ބައިވެރިވީ ފަސް މެންބަރުންގެ ތެރެއިން ހަތަރު މެންބަރުން ވޯޓު ދެއްވީ ގަރާޖު ސިޓީ އުވާލާ އިސްލާހު ގެންނަން ނުފެންނަ ކަމަށެވެ.
އެހެން ނަމަވެސް މެންބަރު ނަޝީދު ހުށަހެޅުއްވި އިސްލާހުގެ މަގްސަދު ހާސިލުކުރުމަށްޓަކައި ގަރާޖު ސިޓީގެ ސަބަބުން ދިމާވާ މާލީ ތަކުލީފު ތަކާއި ޕާކިންގެ މައްސަލަ އަށް ހައްލު ހޯދުމަށް ސިޓީ ކައުންސިލާއި ޓްރާންސްޕޯޓު އޮތޯރިޓީގައި ދަންނަވަން ރިކޮމެންޑޭޝަން ރިޕޯޓުގައި ހިމެނި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
120687
13 November 2021
ކުޑަސިޓީވެސް، ތީމުގޭސިޓީވެސް އަލުން ތަޢާރަފުކުރަން ފެންނަނީ، މާލެ ސިޓީ ވަށައި ކުރީގެ ބުރުޒުތައް ރާނާއި، ހަތަރުކަށިމަތި މާލެ ނޫން މީހުންގެ ނިކަމެތިކަން ހާމަވާނެ ހުރިހާ ކަމެއްވެސް އަލުން ކުރަންވީ. މާލޭ މަގުތަކަށް ރަށްރަށުން އަކިރި ގެނެސް އަޅައި، މިހުރިހާ ކަމެއްވެސް އަލުން ބަލުން ކުރަންވީ ހަމަ.
ގަރާޖު ކާނާ
13 November 2021
ކިޔާބާތުހޭ. އަނދުންގެ ގަރާޖުގައި 6000 ކާރު، އޮޓޯ ގަރާޖުަގއ 4500 ކާރު. ރަންމުތްގޭ "ގަރާޖުަގއި" 75 ކާރު. ޕްރޫވްމީ ރޯންގް
ގަރާޖް ސިޓީ
12 November 2021
ކިހިނެއް އުއްވޭނީވެސް. ހާދަހާ ލާރިއެކޭ ގެއްލިގެން ދާނީ. އުމުރު ހަމަވާ ކާރުތައްވެސް ތޫޓީފޮއިވް ތައުޒްންޑ ދެނިކޮށް ރެޖިސްޓަ ކުރެވެޔޯ.. އެހެންވެގެން ކަސްޓަމްސްއިން އެއެއްޗިހި އެތެރަ އެކުރެވެނީ.. ހަމަ ޢުމުރު ހަމަވެއްޖެނަމަ އިމްޕޯޓު ނުވެވޭގޮތްވެސް ހެދޭނެ ދޯ ބަޔަކު އެކަން ކުރަން އުޅުނިއްޔާ! ސަރުކާރެއް ނޫނޭ ކަޑައީ، މިއީވެސް ވަރުގަދަ ވެކްސިންއެއް ބޭނުންވާ “ކޮރަޕްޝަން” ކިޔާ ބައްޔެއް. ސަރުކާރު ބަދަލުވިޔަސް “ހޯސްޓް” ދެމިއޮންނާތީ ބަދަލެއް ނުފެންނަނީ
ކުދު
12 November 2021
ގަރާޖު ސިޓީން ވެހިކަލް އެތެރެކުރުން ކޮންޓްރޯލް ނުކުރެވޭއިރު ކޮން ބޭކާރުވާހަކައރއްހެއްޔެވެ. ތި ގަރާޖް ސިޓީގެ ބޭނުމަކީ ނާޖާއިޒް މަންފާއެއް ބަޔަކަށް ހޯދާދިނުން ހެއްޔެވެ؟
ވާވާ
12 November 2021
ގަރާޖް ސިޓީ ދޭއިރު، އެއްގަރާޖަކަށް ކިތައްސިޓީ ދީފައިވޭތޯއާއި، އެގަރާޖްގައި ބޭއްވެނީ ކިތައްއުޅަނދުތޯވެސް ބަލާނުލައެވެ. އެއްގަރާޖެއްގައި ވިހިތިރީސް އުޅަނދު ރަޖިސްޓްރީކޮށްފައި އެބަހުއްޓެވެ. ކޮންމެ އުޅަނދަކަށް 80 ހާހުން ފެށިގެން މަތީގެ އަދަދުތަކުން ފައިސާ އެބަނަގައެވެ.
މ އަސްލު
12 November 2021
މިނޫނީ ނެތްއެއްޗެއް ގެންނަން މަޖުބޫރު ކުރާ ބައެއް ތިބޭނެތަ؟...
ސަންޕަދަރި
12 November 2021
ކުރަންވީ ކަމަކީ މާލޭގެ މަގުތަށް ހަލާކުކުރާ 6 ކުންފުނި, ސްޓެލްކޯ, އެމްޑަބްލިއުއެސްސީ, ދިރާގު, އޫރިދޫ, މީޑިއާނެޓް, އާރއޯއެލް, މިތަންތަން ބޮޑު އަދަދަކުން ޖޫރިމަނާ ކުރން, މީ ސިޓީ ކައުންސިލުން މިހާރުން މިހާރަށް ކުރަންޖެހޭކަމެއް, މިއަދު މަގު ހެދިއްޔާ,މާދަމާ މިމީހުން މަގު ކޮނެލާ ހަލާކުކޮށްލާނެ. ސަރުކާރަށް ޖެހޭނީ މަގު ހަދަހަދާ ތިބެން.
ރޯނުބަދުރު
12 November 2021
ކުރަންވީ ކަމަކީ ވާނުވާ ދަސްކުރަންވީ. ބަސްމަދުކުރަންވީ. ތަންދޮރު އޮޅުންފިލުވަންވީ
އަހްމަދު މާހިރު
12 November 2021
މައްސަލައަކީ ގަރާޖު ސިޓީއެއް ނޫނެވެ. މައްސަލައަކީ ތަންފީޒު ނުކުރެވޭ ކަމަކަށް ވާތީއެވެ. ކޮރަޕްސަނަށް ހުޅުވާދޭ ދޮރަކަށް ވާތީއެވެ. 4 ކާރު ޖާގައަށް 100 ކާރު ޖައްސާ 3 ވަނަބުރި 5 ވަނަބުރީގަ ޕާކު ކުރާގޮތަށް ހުއްދަދީ ކާރަކަށް 75000 އާއި 130000 ރުފިޔާ ކޮރަޕްސަނަށް ނަގާތީއެވެ. ދައުލަތަށް ވަންނަ ނަމަވެސް ކިތަންމެހައިވެސް ރަނގަޅެވެ. މިހާރު ތިކަން އޮތީ ސިޓީ ކައުންސިލްއަށެވެ. ހައްޓަކު ހޭ ނުހުންނާނެ ކަމާމެދު ސައްކު ކުރާނެ މީހަކު މި ފަސްގަޑަކު ވެސް ނެތެވެ.
??
13 November 2021
ސިޓީކައުންސިލަށް އެކަން އޮތީ މިދިޔަ ހައެއްކަމަސްތެރޭތަ؟ އޭގެ ކުރިންނޯ! ކަދުރުކޮޅެއްވެސް ލޮލަށް ނުފެނި ކަދުރުކަޅުދައްތަ ކައިލީ މި ހަމަސްތެރޭތަ؟ ހީނހީނ ހަލާކު
ރައްޔިތުންނަށް އުޅެންދަތި ގައުމެއް
12 November 2021
ބޭކާރު، ކަޑައެޅިގެން ދޮގު ކަން އެގޭ ކަންކަންވެސް އުސޫލަށް މިހަދާލަނީ.
ކުޗީ
12 November 2021
ރަނގަޅު ނިންމުމެއް. މީގަ ނުބައި ހަދަނީ ޓްރާންސްޕޯޓް އޮތޯރިޓީ ގައި ތިބޭ ބައިގަނޑެއް. ގާނޫނު ރަނގަޅު ގޮތުގައި ތަންފީޒް ނުކުރުމަކީ ގާނުނު ގަވާއިދު އުވާލަން ޖެހޭ ސަބަބެއް ނޫން.