ޚަބަރު / އާއިޝަތު ނަހުލާ (އާއިޝާ)، ކުރީގެ މިނިސްޓަރު

މާލޭގައި މިނީބަހުގެ ހިދުމަތް ނުފެށެނީ ބަޖެޓް ނުދޭތީ: މިނިސްޓަރު

މާލޭގެ މަގެއްގައި ވެހިކަލްތަކެއް ދުއްވަނީ. މާލޭގައި މިނީ ބަހުގެ ހިދުމަތް ނުފެށެނީ ބަޖެޓް ނުލިބޭތީ ކަމަށް ޓްރާންސްޕޯޓް މިނިސްޓަރު މިއަދު ވިދާޅުވި.ފޮޓޯ: ފަޔާޒް މޫސާ

މުހައްމަދު ނަސީމް، މިހާރު

29 ނޮވެމްބަރ 2021 - 11:36

8 comments

މާލޭގައި މިނީ ބަހުގެ ހިދުމަތް ފެށުމަކީ ރައީސް އިބްރާހީމް މުހައްމަދު ސޯލިހުގެ ސަރުކާރުގެ ފުރަަތަމަ 100 ދުވަހުގެ ތެރޭގައި ފުއްދަން ވެވަޑައިގެންނެވި ވައުދެއް ކަމަށް ވިޔަސް، އެކަން އަދިވެސް ނުފެށެނީ ބޭނުންވާ ވަރަށް ބަޖެޓް ނުލިބޭތީ ކަމަށް ޓްރާންސްޕޯޓް މިނިސްޓަރު އައިޝަތު ނަހުލާ މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރަކު ކުރެއްވި ސުވާާލަކަށް ޖަވާބު ދެއްވަމުން މިިނިސްޓަރު ވިދާޅުވީ މިނީބަހުގެ ހިދުމަތް ފަށަން ބަޖެޓް ނުލިބުުމުން، އެހީދޭ ޖަަމާއަތްތަކުގެ އެހީ ހޯދަން ވެސް މަސައްކަތް ކުރައްވާފައިވާނެ ކަމަށެވެ. މިނީ ބަހުގެ ހިދުމަތަށް އަންނަ އަހަރުގެ ބަޖެޓްގައި 16 މިލިޔަން ރުފިޔާާ ޖަހާފައި އޮތަސް އެއީ އެކަމަށް އެކަށީގެންވާ އަދަދެއް ނޫން ކަމަށް ވެސް އޭނާ ވިދާޅުވި އެވެ.

"ހަތަރު ބަސް ނޫނީ ފަސް ބަސް ގަނެގެންނެއް އަޅުގަނޑުމެންނަކަށް [މާލޭގެ ބަސް ދަތުރުގެ] މަސައްކަތެއް ނުފެއްޓޭނެ،" އޭނާ ވިދާޅުވި އެވެ.

މާލޭގައި މިނީ ބަހުގެ ދަތުރުތައް ފެށުމަކީ ސަރުކާރުގެ ފުރަތަމަ 100 ދުވަހުގެ ތެރޭގައި ފުއްދަން ޖެހޭ ވައުދުތަކުގެ ތެރެއިން، ޓްރާންސްޕޯޓް މިނިސްޓްރީއާ ހަވާލުވެ، ނުނިމި އޮތް ހަމަ އެކަނި ކަންތައް ކަމަށް ވެސް ނަހުލާ ވިދާޅުވި އެވެ. މިނިސްޓްރީން އެކަމަށް ގިނަ މަސައްކަތްްތަކެއް ކޮށްފައި ވާނެ ކަމަށް ވެސް ވިދާޅުވި އެވެ.

ޓްރާންސްޕޯޓް މިނިސްޓަރު އައިޝަތު ނަހުލާ، ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް ޖަވާބުދެއްވަނީ. އޭނާ ވިދާޅުވީ މިނީ ބަހުގެ ހިދުމަތަށް ބަޖެޓް ނުލިބޭ ކަމަށް-- ފޮޓޯ: މަޖިލިސް

"ވަޒީރެއްގެ ގޮތުގައި އަޅުގަނޑުމެން އައްޔަން ކުރިޔަސް އަޅުގަނޑުމެެންނަށް މަސައްކަތްތައް ކުރެވޭނީ އަދި އަަޅުގަނޑުމެންނާ ހަވާލުކުރާ ޒިންމާތައް އަދާކުރެވޭނީ އަޅުގަނޑުމެންނަށް އެ މަސައްކަތަކަށް ބަޖެޓް ލިބިގެން ކަމަށް ވާތީ، އަދި އެކަމަށް އަޅުގަނޑުމެންނަށް މިހައިތަނަށް ބަޖެޓް ލިބިފައި ނުވާތީ އެކަން ނުވެ އޮތީ،" އެމްޑީޕީގެ ޗެއާޕާސަން އަދި މަޖިލީހުގެ ހެންވޭރު ހުޅަނގު ދާއިރާގެ މެމްބަރު ހަސަން ލަތީފު ކުރެއްވި ސުވާލަށް ޖަވާބު ދެއްވަމުން ނަހުލާ ވިދާޅުވި އެވެ.

އޭނާ ވިދާޅުވީ މިނީ ބަހުގެ ހިދުމަތަށް ބަޖެޓް ލިބެން އޮތީ "ބުރިބުރިކޮށްގެން" [އެކި ފަހަރު މަތިން] ކަމަށާއި، އެގޮތަށް އެކަމަށް ބޭނުންވާ ފައިސާ ހަަމަވުމުން މަސައްކަތް ފަށްޓަވާނެ ކަމަށެވެ.

ދަތުރުފަތުރު މާލެ ރައްޔިތުންގެ މަޖިލިސް އާއިޝަތު ނަހުލާ (އާއިޝާ)، ކުރީގެ މިނިސްޓަރު

8 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޮނަރަބްލް އަފީފު ދީދީ

29 November 2021

މާލެފަދަ ކުޑަކުޑަ ރަށެއްގެތެރޭގައި އިންޖީނުލީއުޅަނދު ދުއްވަން ސަރުކާރުންވިސްނުމަކީ ވަރަށްދެރަކަމެއް. # މިފަދަ އެއްގަމު އުޅަނދު ދަތުރުތަކަށް އަންދާ ތެޔޮމަދުކޮށް އިޤްތިސޯދު ކުރަންޖެހޭ. މާލެ ހުޅުމާލެއަށް ދުއްވާ ބަސްތައްވެސް އެތައް ތަނަކަށް މަޑުކުރުމުގެ ބަދަލުގައި މާލޭގެ ދޭއް ނުވަތަ 3 ސްޓޭންޑަކުން ހުޅުމާލެ ފޭސް 1 އަދި 2 ގެ މެއިން ބަސް ޓާމިނަލް ތަކަށް މީހުން އުފުލާގޮތަށް ދަތުރު ބަދަލުކޮށްލާ. މީހުން ކަންނެތް ކުރުވުމަކީ އުފެއްދުންތެރިކަން ދަށްވާކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހައްމަދު ނަޝީދު.

29 November 2021

އަޖައިބު އަންތަރީސް ނުވާނެތަ. ބަލަ ތިއީ ޕާކެއްވަރުގެ ކުޑަކުޑަ ރަށެކޭ. ބައިސިކަލް ދުއްވަބަލަ. ކިހާ ބޮޑު ކަމެއްތަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިނި ބަސް

29 November 2021

ކަމާނާއަކަށް ތިކަމެއްނުވިއެއްނު. އަވަހަށް ޢިސްތިޣުފާދެއްވާ. ރީތި އުސޫލު ހިޔާރު ކުރައްވާ. ވ. ވެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

29 November 2021

މިދައުލަތުގެ މުއްސަނދިކަމާއި ޙަޒާނާއަކީ ހަމައެކަނި ކ.އަތޮޅު މާލޭ ބިންވެރިންގެ އެއްޗެއްތޯ؟ އަކަކިލޯމީޓަރު ހަމަނުވާ ކުޑަކުޑަ ރަށްގަނޑަކަށް އަނެއްކާވެސް އެތައް މިލިޔަން ރުފިޔާގެ ލަޤްޒަރީ ޔޫރޯ ސްޓަރ ބަސްތަކެއް ގަންނާން އުޅޭއިރު މިދައުލަތުގެ ރައްޔިތުންގެގޮތުގައި ތުރާކުނުން އައްޑުއަށް ހިމެނޭ ރަށްރަށުގައި ދިރިއުޅޭ މީހުނަށް ސާފުބޯފެނާއި ނަރުދަމާގެ ހިދުމަތް ފަދަ އަސާސީ ޙައްގުވެސް ވަނީ ނުދީ.! މިއީތޯ އިންސާފަކީ؟ ރޭސިސްޓް މިސިޔާސަތު ބަދަލުކުރާކަށް ނުވޭތޯ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮމިކްރޯން

29 November 2021

16 މިލިއަނުން ގަނެވޭނީ އެންމެ 5 ބަހެއްނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި

29 November 2021

އަދި 100 ދުވަސް ނުވަނީ ކަމަށްވާނީ. ކަމަނާގެ މިނިސްޓްރީން ކުރަންޖެހޭ ކަމެއް ދުވަހަށް ނުނިމި އޮންނާނެކަމަށް ގަބޫލެއް ނުކުރެވޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބުރާ

29 November 2021

މާނައަކީ ސިޔާސީ އޮއިވަރުގެ ތެރޭގައި ބަޖެޓްގެ ދަތިކަމާއި އެކު އެކަން ކުރައްވާނެ މަގެއް ހޯއްދަވަން އެނގި ނުލެއްވީއޭތޯ. ކަމަނާގެ އޮފީހުގެ ކުއްޔަށް އެކަނި ވެސް އަހަރެއްގެ މައްޗަށް އެތައް މިލިޔަން ރުފިޔާ އެބަ ހޭދަވޭ!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިއްޒަތްތެރި މެމްބަރުގެ މާމަ

29 November 2021

މާލެ އަށް ބަހޭ؟ އަދިވެސް ތިއުޅެނީ މިތާ ކާރުބާރު ކުޑަވެ، ޖެއްސުމަށް މީހުންނަށް ތުރާ ޖައްސާނެ އަޑު ގޮއްވާ ދުއްވާތަކެއްޗާއި މީހުން މަދުވެ، މިތަނުގެ ޕޮލިއުޝަން ކުޑަވެ ބަލިތައް ފެތުރޭލެ މަދުކަމުންތަ؟ ވިސްނަން ގެންގުޅޭ ގުނަވަނުގެ ނަން ބުނެލަދީބަލަ އަޅެ!