ޔަމަނު ހަނގުރާމައިގައި ސައުދީން ބައިވެރިވީ މިދިޔަ އަހަރުގެ މާޗު މަހު. --ފޮޓޯ:ރޮއިޓާސް
14 ޑިސެމްބަރ 2016 - 15:45
3 comments
ވޮޝިންޓަން (ޑިސެމްބަރު 14) - ޔަމަނަށް ދޭ ވައިގެ ހަމަލާތަކުގައި އާއްމުންގެ ގިނަ ބަޔަކު މަރުވަމުންދާ މައްސަލާގައި ކަންބޮޑުވުން އިތުރުވެފައި ވަނިކޮށް އެމެރިކާ އިން ސައުދީ އަރަބިއާ އަށް ވިއްކާ ހަތިޔާރު މަދުކޮށްފި އެވެ.
ޕެންޓަގަންގެ އޮފިޝަލަކު ވިދާޅުވީ ޕްރިސިޝަން-ގައިޑެޑް ހަތިޔާރު ދެން ސައުދީ އަށް ނުވިއްކާނެ ކަމަށެވެ. ރައީސް ބަރަކް އޮބާމާގެ ސަރުކާރުން ބުނީ ޔަމަނުގެ އާއްމުންނަށް އަމާޒުކޮށް ދޭ ވައިގެ ހަމަލާތަކާ މެދު ވަރަށް ކަންބޮޑުވާ ކަމަށެވެ. ޔަމަނުގައި ޖަނާޒާއެއް ކުރިއަށް ދަނިކޮށް މިދިޔަ އޮކްޓޯބަރު މަހު ދިން ވައިގެ ހަމަލާއެއްގައި 140 މީހުން ވަނީ މަރުވެފަ އެވެ. މި ހަމަލާގެ ޒިންމާ އަޅުވާފައި ވަނީ ސައުދީ ކޯލީޝަނުގެ ބޮލުގަ އެވެ.
ޔަމަނުގެ ހަނގުރާމައިގައި ސައުދީން ތާއީދު ކުރަނީ ވެރިކަމުން އެއްފަރާތްކޮށްފައިވާ އަބްދުއްރައްބު މަންސޫރު ހާދީގެ ސަރުކާރަށެވެ. ޔަމަނުގެ އިންތިޚާބީ ސަރުކާރާ ދެކޮޅަށް ހަނގުރާމަ ކުރަމުންދަނީ އީރާނުގެ މަދަދު ލިބޭ ހޫތީންނަށެވެ.
ވައިޓްހައުސްގެ ނޭޝަނަލް ސެކިއުރިޓީ ކައުންސިލްގެ ތަރުޖަމާން ނެޑް ޕްރައިސް ވިދާޅުވެފައި ވަނީ އެމެރިކާގެ ސެކިއުރިޓީ އެއްބާރުލުމަކީ ސައުދީ އަށް އޮތް "ހުސް ޗެކެއް" ނޫން ކަމަށެވެ.
ސައުދީ އަށް ހަތިޔާރު ވިއްކުން މަދުކުރި ނަމަވެސް އެމެރިކާ އިން ވަނީ ސަރަހައްދީ ރޮނގާ ގުޅޭ ޖާސޫސީ މައުލޫމާތު ފޯރުކޮށްދީ ޕައިލެޓުން ތަމްރީނުކޮށްދޭނެ ކަމަށް ބުނެފަ އެވެ. އަދި ސައުދީއާ އެކު ސޮއިކޮށްފައިވާ ތިން ބިލިއަން ޑޮލަރުގެ އަސްކަރީ ހެލިކޮޕްޓަރު ފޯރުކޮށްދިނުމުގެ މަސައްކަތް ކުރިއަށްދާނެ ކަމަށް ވެސް ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަޙްމަދު
14 December 2016
ޔަހޫދީންނާ ހުޅަނގުގެ ގައުމުތަކާ ގުޅިގެން އީރާންގެ ޝީޢީ ދައުލަތުން އަންނަނީ މުސްލިމު ސުންނީ ދައުލަތްތައް އެތެރެއިން ހަލާކުކުރަމުން. އަނެއްކޮޅުން ސުންނީ ދައުލަތްތަކުަގައި ވަނީ ފިކުރީގޮތުން ފަހަތުފަޔަށްބުރަވެ ފަރުއީ މައްސަލަތަކުގައި ޒުވާބުކުރުމާއި މަޒުހަބީ ކޯޅުމާ ހަރުކަށިކަން އާންމުވެފައި. ދާޢިޝާ އައިސިސްއާ އަލްޤާއިދާއާ މިފަދަ ހަރުކަށި ހުރިހާ ޖަމާއާތަކާ، އެމީހުން ހަރުކަށިކަމަށް ދެކޭ އެތައް ސުންނީންނަކާ އަގީދާގެ މާބޮޑު ތަފާތެއް ވަރަށްގިނަ ފަހަރު ފެންނާކަށް ނޯވޭ. ބޮޑަށް ފެންނަނީ ތަންފީޒުކުރުމުގައި ގެންގުޅޭ ވައްޓަފާޅިއާ ސިޔާސަތުގެ ތަފާތު. އެއްބަޔަކު ބަސްބުނެ ފަތުވާދިނީމާ އަނެއްބަޔަކު ނިކަން ފާޅުގައި ޖޯޝާއެކު ތަންފީޒުކުރީމާ ދެން އެއީ ހަރުކަށިވުމޭ އަނެއްފަހަރު ބުނުގެ މާނައެއް އޮތްކަމަކަށް ނުބެލެވޭ.
އަހުމަދު
14 December 2016
އެމެރިކާ ބޭނުންވަނީ ޓެރަރިޒަމް ގެ ނަމުގަ މުސްލިމުން ހައްހަރުކުރާ ނަމަ ފައިސާ އާއި ލުއި ހަތިޔާ ދިނުމަށެވެ.
އަލީ
14 December 2016
ސައޫދީ ގެ ހަމަ އެކަނި ބޭނުމަކީ ތެލުގެ ވިޔަފާރި އާ، ދީނުގެ ޓޫރިޒަމް އައް ބުރޫ ނާރާގޮތެއް ހެދުން. ކާއިރި ހިސާބު ގަޑުގެ މީހުން ޖޭވާތީ، ލަޑެއް ދީފާނެތީވެ، އެކަމައް ކުރިން ފިޔަވަޅު އަޅަނީ. ސައޫދީ އައް ވަރިހަމަ، ކިތައްމެ ބައެއް މަރުވެ ހަނާ ވިޔަސް. ދީނުގެ ޓޫރިޒަމް ނޫން ގޮތަކައް، ކާކުތަ ހަނަފަސް ވެލިގަޑެއް ބަލަން ދާނީ!!