ތައުލީމީ ދާއިރާގެ އެންމެންގެ މުސާރަ މޭ މަހުން ފެށިގެން ބޮޑުކުރަނީ

ރައީސް ވިދާޅުވީ، ސްޓޫޑެންޓް ލޯނުގެ އިތުރު 720 ފުރުސަތު ވެސް އަންނަ ހޯމަދުވަހު ހުޅުވައިލާނެ ކަމަށް.

މިދިޔަ އަހަރުގެ ޓީޗަރުންގެ ދުވަސް ފާހަގަކުރަން އިސްކަންދަރު ސްކޫލުގައި ބޭއްވި ހަފުލާއެއް: މި އަހަރުގެ މޭ މަހުން ފެށިގެން ޓީޗަރުންގެ މުސާރަ ބޮޑުވާނެ ކަމަށް ރައީސް މިއަދު އިއުލާން ކުރެއްވި.---ފައިލް ފޮޓޯ: ފަޔާޒް މޫސާ/ މިހާރު

03 ފެބުރުއަރީ 2022 - 09:19

54 comments

ތައުލީމީ ދާއިރާގައި މަސައްކަތްކުރާ އެންމެންގެ މުސާރަ އަންނަ މޭ މަހުން ފެށިގެން ބޮޑުކުރަން ރައީސް އިބްރާހިމް މުހައްމަދު ސޯލިހު ނިންމަވައި، މިއަދު އެކަން އިއުލާން ކުރައްވައިފި އެވެ.

ރައްޔިތުންގެ މަޖިލީހަށް އިއްވެވި މި އަހަރުގެ ރިޔާސީ ބަޔާންގައި އެ މަނިކުފާނު ވިދާޅުވީ، އެ ނިންމެވުމުގެ ނަތީޖާއަކީ ގްރެޖުއޭޓް ފެންވަރުގެ ސެކަންޑަރީ ޓީޗަރެއްގެ މުސާރަ 12،628ރ. އިން 19،640ރ. އަށް ބޮޑުވުން ކަަމަށެވެ. އެއީ 56 ޕަސެންޓްގެ ކުރިއެރުމެއް ކަމަށް ވާއިރު ރައީސް ވިދާޅުވިގޮތުގައި އެ އަދަދު ކަލްކިއުލޭޓް ކުރައްވާފައި ވަނީ އިތުރު ގަޑި ނުލަ އެވެ. އިތުރު ގަޑި ހިމަނައިފި ނަމަ މުސާރަ އެ އަށް ވުރެ ބޮޑުވާނެ އެވެ.

ގްރެޖުއޭޓް ފެންވަރުގެ ސެކަންޑަރީ ޓީޗަރެއްގެ މުސާރަ 12،628ރ. އިން 19،640ރ. އަށް ބޮޑުވުން ކަމަށް ރައީސް ވިދާޅުވި. އެއީ 56 ޕަސެންޓްގެ ކުރިއެރުމެއް ކަމަށް ވާއިރު ރައީސް ވިދާޅުވިގޮތުގައި އެ އަދަދު ކަލްކިއުލޭޓް ކުރައްވާފައި ވަނީ އިތުރު ގަޑި ނުލައި.

ތައުލީމީ ދާއިރާގައި މަސައްކަތްކުރާ ހުރިހާ މުވައްޒަފުންގެ މުސާރަ ބޮޑުކުރަން ރައީސް ނިންމެވިއިރު، އެއީ އެ މަނިކުފާނުގެ ރިޔާސީ ވައުދެކެވެ. އެ ވައުދު ނުފުއްދަވައި ގިނަ ދުވަސްތަކެއް ވުމުން ޓީޗަރުންގެ ފަރާތުން ސަރުކާރުގެ ކަމާ ގުޅޭ އިސްވެރިންނަށް އެ މައްސަލަ އެކި ބައްދަލުވުންތަކުގައި ވަނީ ހުށަހަޅައިފަ އެވެ.

ތައުލީމީ ދާއިރާގެ ކާމިޔާބީތައް ފާހަގަކުރައްވަމުން ރިޔާސީ ބަޔާނުގައި ރައީސް އިބްރާހިމް މުހައްމަދު ސޯލިހު ވިދާޅުވީ، މި ދައުރުގައި 23 ސްކޫލެއްގެ ކިޔެވުން މުޅިން އަލަށް އެއް ދަންފަޅި އަށް ބަދަލުކޮށްފައިވާ ކަމަށެވެ. އަދި މިދިޔަ އަހަރު 22 ސްކޫލެއްގައި 117 ކްލާސްރޫމާއި ހަ މަލްޓިޕާޕަސް ހޯލް އިމާރާތްކުރި ކަމަށް ވިދާޅުވި އެވެ.

ރައީސް އިބްރާހިމް މުހައްމަދު ސޯލިހު، މި އަހަރުގެ ރިޔާސީ ބަޔާން އިއްވެވުމަށް ރައްޔިތުންގެ މަޖިލީހުގެ އިދާރާ އަށް ވަޑައިގަންނަވާއިރު އެ މަނިކުފާނުގެ އަރިހުގައި ރައްޔިތުންގެ މަޖިލީހުގެ ރައީސް ނަޝީދު.---ފޮޓޯ: މަޖިލިސް

"އަދި އިތުރު 55 ސްކޫލެއްގައި 473 ކްލާސްރޫމާއި 27 މަލްޓިޕާޕަސް ހޯލްގެ މަސައްކަތް އެ ދަނީ ހިނގަމުން. މި ކަމަށް ޖުމުލަ 941 މިލިއަން ރުފިޔާ ހޭދަވާނެ،" ރައީސް ވިދާޅުވި އެވެ.

އެ މަނިކުފާނު ވިދާޅުވީ، މިދިޔަ އަހަރު 4،082 ޓީޗަރަކަށް ހުނަރާއި ތަމްރީނު ދީ، އަދި މާސްޓާސް ފެންވަރަށް ކިޔަވަން ރާއްޖެ އިން ބޭރަށް 20 ޕްރިންސިޕަލަކު ފޮނުވި ކަމަށެވެ.

"މި ކަންކަން ހުއްޓުމެއް ނެތި ކުރިއަށް ގެންދެވޭނެ،" ރައީސް ވިދާޅުވި އެވެ.

ރާއްޖެ އިން ބޭރުގައި މަތީ ތައުލީމަށް ކިޔަވަން ބޭނުންވާ ދަރިވަރުންނަށް ދޭ "ސްޓޫޑެންޓް ލޯން" އާ ގުޅޭ ގޮތުން އެ މަނިކުފާނު ވިދާޅުވީ، މިދިޔަ އަހަރުގެ ނިޔަލަށް 1،500 އަށް ވުރެ ގިނަ ދަރިވަރުންނަށް އެ ލޯނު ދޫކުރި ކަމަށެވެ. އަދި އެ ސްކީމްގެ ދަށުން އިތުރު 720 ފުރުސަތު އަންނަ ހޯމަ ދުވަހު ހުޅުވައިލާނެކަން ރައީސް އިއުލާން ކުރެއްވި އެވެ.

ތައުލީމް ޓީޗަރުން ރައްޔިތުންގެ މަޖިލިސް ރައީސް އިބްރާހިމް މުހައްމަދު ސޯލިހް ޓީޗަރުންގެ މުސާރަ ބޯނަސް ރިޔާސީ ބަޔާން

54 ކޮމެންޓް, 44 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެ ޓީޗަރު

05 February 2022

އަދި މި މީހުންނަށް މިވަރަކުން ނުވާނެ. ދެން ޑިމާންޑްކުރާނީ ހިލޭ ބޯ ހިޔާވަހިކަން ދޭން. ކުރާ ބުރަ މަސައްކަތޭ ކިޔާ އެ ސިންޕަތީގަ ޑިމާންޑްކުރާނެ ފަހަރަކު ކަމަކަށް. އޯކޭ..ކޮންމެސް އެއްކަމެއްކޮށްދީ. މިގައުމުގަ މި ނޫނަސް ބުރަކޮށް ރެއާ ދުވާލު މަސައްކަތްކުރާ ގައުމު ބިނާކުރުމުގެ މަސްއޫލިއްޔަތާއިގެން އުޅޭ އެހެން މީހުންވެސް އެބަ ތިބި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަކުނިބޯ

04 February 2022

ނުވާނެތިކަމެއް ޤައުމުހިންގަނީ ބޮންޑުވިއްކާގެން ބޮންޑުދައްކަން ޖެހޭނީ ޑޮލަރުން ރާއްޖެއިން ބޭރުންނަގާފިނަމަ ޑޮލަރ ލިބެންއޮތީ ދައުލަތަށް،ކަޅުބާޒާރުން ޑޮލަރ ގަނެގެން އެހެންވީމާ ޑޮލަރެއް25 ރ އަށް އަރަން އޯކޭވަންޔާ ތިކަން ކުރެވޭނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމްސް

04 February 2022

ގިނަ ބަޔަކަށް ވަޒީފާގެ ފުރުސަތެއް ނެތް، އެހެނަސް ލައްކައަކަށްވުރެ ގިނަ ބިދޭސީންނަށް ވަޒީފާގެ ކަންކަން ވީ ޔަޤީންވެފަ! ހުރިހާ މެދުފަންތީގެ ވަޒީފާތަކުގަ ތިބީ ބިދޭސީން، ސީނިއަރ މެނޭޖްމެންޓްގަވެސް އެމީހުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިވިލް ސާވަންޓުން ހަމަހަމަ

03 February 2022

ކުރިން ބުނެފައިވޭ، އެޑްމިން މަސައްކަތްކުރާ އެންމެނަށް ލިބެންޖެހޭނީ އެއްވަރެއްގެ މުސާރައެކޭ. އެހެންވީމާ ވަކި އެޑިއުކޭޝަން މިނިސްޓްރީގައި ހާޒިރީ ބަލަހައްޓާ، މުސާރަ ހަދާ މީހުނަށް ބޮޑު މުސާރައެއް ދީގެން ނުވާނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކިޔާން

05 February 2022

އެޑިއުކޭޝަންގަ އެޗްއާރު މުވައްޒަފުން މުސާރަ ހަދާނީ.. އެޗްއާރް މުވައްޒަފުންނަށް، ޓެކްނިކަލް މުވައްޒަފުން ވީމަ މުސާރައި ގެ28% ލިބޭނެ... އެހެން މިނިސްޓަރީތަކުގެ އެޑްމިން މުވައްޒަފުންނަށް މުސާރައިގެ 35% އިތުރަށް ލިބޭނެ... އެޑިއުކޭޝަން މިނިސްޓަރީގެ މުވައްޒަފުންނަށް ނުލިބޭ، ދެން ކިހިނެތް ހުރިހާ އެޑްމިން މުވައްޒަފުންނަށް އެއްވަރަށް ލިބެޔޭ ބުނެވޭނީ.. އެޑިއުކޭޝަންގެ އެޑްމިން މުވައްޒަފުނަށް މިހާރުވެސް ދެނީ މަދުން، ޑިގްރީ، ޕޯސްޓް ގްރެޖުއޭޓް ހެދިއަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިލަދުންމަތި

03 February 2022

ޑޮލަރ 15.42 އިން 18.50 އަށް ބޮޑުވުމުން ރުފިޔާގެ އަގުވަނީ 26 ޕަސެންޓް ދަށް ވެފައެވެ. މިއާއެކު މުދަލާ ސާވިސްގެ އަގު ވަނީ 30 ޕަސެންޓާގާތަށް މައްޗަށް ގޮއްސައެވެ. މާނައަކީ، 2018 އަށް ވުރެ މިހާރު 2022 ވަނައަހަރު 56 ޕަސެންޓް ފައިސާގެ އަގުދަށްވުމާ ޚަރަދުތައް މައްޗަށް ގޮއްސަ އޮއްވާ ހަމައެކަނި ތަޢުލީމީ ދާއިރާއަށް 56 ޕަސެންޓް މުސާރަ ބޮޑުކުރީމާ އެ ޖެހެނީ ޒީރޯގަ ނޫންތޯ؟ ކޮބާ އެހެން ދާއިރާތަށް؟ އަނެއްކާ 400،000،000.00 ޑޮލަރު ދަރަންޏަށް ނަގައިގެން ކުރިއަށް އޮތް 15 އަހަރުން ވެސް ފީޒިބަލް ނުވާނެ ދިމާލަކަށް، ކަނޑު މެދަށް ވާކަހަލަ ގޮތަކަށް އަޅަން ތިޔަ އުޅުއްވާ ބްރިޖަކީ ވެސް ކޮން ކަހަލަ ދެކޮޅު ނުޖެހޭކަހަލަ ކަމެއްތޯއެވެ؟ ދެންހަމަ އެހާ ދަރަނި ނަގައިގެން ހަނިމާދޫ އެއަރޕޯޓާ، އައްޑޫ ބިން ހިއްކުން ކަހަލަ ފޫނެތް ފުފޭއަށް ފެންއެޅުން ކަހަލަ ކަންނަމުން، ދަރިންގެ ދަރިންނަށް ދަންދެން ރައްޔިތުންޖެހެނީ ދަރަނި ދަންތުރައިގައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރުގެ ފިރި

03 February 2022

އިބޫ 2023 ޔަގީނޭ ޔަގީނޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

03 February 2022

2018 ވެރިކަމަށް އައުމާއެކު މުސާރަ ބޮޑުކުރާނަން، 2019 އަންނަ އަހަރު މުސާރަ ބޮޑުވާނެ، 2020 މި ޖެނުއަރީގަ މުސާރަ ބޮޑުކުރަނީ، 2021 ޕޭކޮމިޝަނުން މުސާރަތައް ހަމަހަމަކުރަނީ، 2022 މި މޭގަ މުސާރަ ބޮޑުކުރަނީ....މީ ދެވިހިންނަށް ހައްގު މިންވަރުތޯ އެޅިހާބަތަކަށް ރިހވެގން ތިބން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯޑް

03 February 2022

ސުކުރިއްޔާ ރައީސް ސޯލިހު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބައި

03 February 2022

ކޮންތާކުންތަ ތިފައިސާ ހޯދަނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

8989

03 February 2022

އިންޑިޔާ އަށްބގާނޫނު ފާސް ކޮށްދީގެންވެސް ކޮންމެވެސް އެއްޗެއް ލިބޭނެކަމަށް އެބަލަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަމާލުއްދީން

03 February 2022

ޖަމާލުއްދީނުގައި އިތުރުގަޑީގެ ލާރިއެއް ނުދޭ އެކަމަކި އިތުރުގަޑި މަޖުބޫރުކުރޭ. ޕޭޕަރު މާކު ކުރަން ރޭގަނޑު ހޭލާއިންނަން މަޖުބޫރުކޮށް އުޖޫރައެއްނުދޭ. ދިވެހި ގާނޫނާ ގަވާއިދު ހިނގާތަނެއްނޫން މިއީ. ޕްރިންސިޕަލް ގޭގައި ކާން ކޮޕީފަތް ހައްދާތަނެއް މިއީ.