ހިޔާ ފްލެޓްތައް ކައިރީ މަގުތަކުގައި ތާރު އެޅުމުގެ މަސައްކަތްކުރަނީ-- ފޮޓޯ: އެޗްޑީީސީ
21 ފެބުރުއަރީ 2022 - 15:00
ހިޔާ ފްލެޓްތައް ހިމެނޭ ސަރަހައްދުގެ މަގުތަކުގައި ތާރު އެޅުމުގެ މަސައްކަތް ކުރިއަށް އޮތް 15 ދުވަހުގެ ތެރޭގައި ނިންމާލައި މަގުތައް އާންމުންނަށް ހުޅުވައިލާނެ ކަަމަށް އެޗްޑީސީން މިއަދު ބުނެފި އެވެ.
ހުޅުމާލޭ ބަލަހައްޓާ އެޗްޑީސީން ކުރި ޓްވީޓެއްގައި ބުނީ، ހުޅުމާލޭގެ ދެވަނަ ފިޔަވަހީގެ ހިޔާ ސަރަހައްދުގެ މަގުހެދުމުގެ މަސައްކަތް ބާރަށް ކުރިއަށް ގެންދާ ކަމަށެވެ.
"ކުރިއަށް އޮތް 15 ދުވަހުގެ ތެރޭގައި ހިޔާ ސަރަޙައްދުގެ ހުރިހާ މަގެއްގައި ތާރުއަޅައި، އާންމުންނަށް ބޭނުންކުރެވޭ ގޮތަށް މަގު ހުޅުވައިލެވޭނެ،" އެޗްޑީސީން ކުރި ޓްވީޓެއްގައި ވެ އެވެ.
ހިޔާ ސަރަޙައްދުގެ މަގުހެދުމުގެ މަސައްކަތުގެ ތެރެއިން ތާރުއެޅުމުގެ މަސައްކަތް ދަނީ ބާރަށް ކުރިއަށް. އަދި ކުރިއަށް އޮތް 15 ދުވަހުގެ ތެރޭގައި ހިޔާ ސަރަޙައްދުގެ ހުރިހާ މަގެއްގައި ތާރުއަޅައި، އާންމުންނަށް ބޭނުންކުރެވޭގޮތަށް މަގު ހުޅުވާލެވިގެންދާނެ. pic.twitter.com/ex7BbAfnOw
— HDC (@hdcmaldives) February 21, 2022
ފްލެޓްތައް ހިމެނޭ ސަރަހައްދުގެ މަގުތައް ހެދުމުގެ މަސައްކަތް ނިންމަން ފުރަތަމަ އަމާޒު ހިފީ މިދިޔަ އަހަރުގެ ނޮވެމްބަރަށެވެ. އެކަމަކު، އެ ތާރީހަށް ވެސް މަސައްކަތް ނުނިމި ވަކި ހިސާބަކުން ހުއްޓުނެވެ.
އިންޑިއާގެ ކުންފުންޏަކާ ހަވާލު ކޮށްގެން ބައެއް މަގުތަކުގައި ތާރު އެޅުމުގެ މަސައްކަތް ފެށިއިރު ބައެއް މަގުތަކުގެ ފަސްގަނޑު އެއްވަރުނުކޮށް ހުރުމާއި އެކި ތަންތަނުގައި ފަސް ފުނިތައް ޖަހާފައި ހުރުމުން ވައިގަދަވުމުން ހިރަފުހާއި ވެލި، ވަޔާ އެކީ މުޅި ސަރަހައްދުގައި "އުދުހޭތީ" ޝަކުވާ ބޮޑުވި އެވެ.
އެޗްޑީސީން ކުރިން ބުނެފައިވާ ގޮތުގައި އެ މަގުތަކުގެ މަސައްކަތް ލަސްވީ ކޮވިޑް-19 އާ ގުޅިގެން އެޅި ބައެއް ފިޔަވަޅުތަކާ ހެދި އެވެ. އަދި ހުޅުމާލޭގެ ފޭސް އެކެއް އަދި ދޭއްގެ މަގުތައް ހެދުމުގެ މަސައްކަތް ކުރަމުން އަންނައިރު އެންމެ ބޮޑު އިސްކަމެއް ދެނީ ހިޔާ ފްލެޓްތައް ކައިރީގެ މަގުތައް ނިންމުމަށް ކަމަށް ވެސް ބުނެފައިވެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
120687
22 February 2022
ސަރުކާރުން މުސާރަޔަށް މީހަކު ހިފާފަ ހުރީތަ ޑިސްލައިކްކުރަން. އެހެން އެބަ ހީވޭ. ކޮންމެ ކޮމެންޓަކަށް ހެން އެބައޮތް އެއް ޑިސްލައިކް ދީފައި މަދު ކޮމެންޓެއް ފިޔަވައި. ހެވޭ. ހަމަ ސްލޯވް. ރަސްރަސްކަލުންނާއި ވެރިންނަށް އެމީހުންގެ ވެރިކަމުގެ މައިގަނޑު ސިފަޔާ ގުޅުވައި ލަގަބު ދެވޭ. މިސާލަކަށް: އެލެކްޒޭންޑަރ ދި ގްރޭޓް ތައިމޫރު ދި ލޭމް އައިވަން ދި ޓެރިބަލް ސޮލަމަން ދި ކޮންކުއަރާރ އެހެންވެ، ސްލޯލިހު ދި ފިނިހަކަ
09864
22 February 2022
ހަމައެގޮތަށް ވަގުބަންޑާރައިންނޭ ވެސް ކިޔޭނެ
ާއުނިމާ
21 February 2022
ނިކަން ކޮންމެވެސް ކުއްޖަކު ކިނބިދޫ ވޭމަންޑޫ ބުރިޖުގެ ޚަބަރެެއްވެސް...
ކޮރަލް
21 February 2022
ތިޔައީ މީގެ ދެއަހަރު ކުރީން ނިމިފަ ހުންނަން ޖެހޭ މަސައްކަތެކެވެ. އެތައް ހާސް ބަޔަކު ދިރިއުޅޭ ފްލެޓް ތަކެއްގެ ވަށައިގެން ހުރި މަގުތައް ތިޔަ ހުރީ ނުހަދަ އެވެ. އެކަމު ކުލި ނަގަން ފައި ވިއްދާ ފަ އެވެ. އެޗްޑީސީ އަށް ފައިދާ ނުވާނަމަ އެކަމެއް ކުރުމަށް ކޮންމެ ފަހަރަކު މުޒާހަރާ ކޮށް އަޑު ގަދަ ކުރަން ޖެހެ އެވެ.
ޢަޗިޑިސި
21 February 2022
ތާޜޭ ތާރޭ ކިޔާތާ ހަތަރުމަސް ފަހުން ތިަޔަކަން ތިޔަ ފެށުނީ. 15 ދުވަސް އަހަރުން.މިތިބީ ގުނަން. މިޓަވަރުގެ ކޮމަންއޭރިއާގަ އެއްވެސް އަލިކަމެއް ނުހުންނަތާ ހަފްތާއެއް ވާނެ.މާދަމާއަށް. ތިޔަބުނާ އެޗްޑީސީއަކަށް ގުޅާ މެސެޖުކުރާތާ 3 ވަނަ ދުވަސް.މީ. އަދި ހަމަ.ހިލާ ހަބަރެއްނުވޭ. ތިޔަކަން ބަލަނީ ބަލާނެ ކިޔާލަކިޔާލަ.ތިބެނީ.
ކިޑިކީ
21 February 2022
ހުޅުމާލެއިން ހައިވޭއަށް ނިކުންނަ ދިމާލުގަ އިންޓަނޭޝަނަލް ހެލްމެޓް އެރީނާއެއްވެސް އަވަހަށް ހެދުން ވަރަށް މުހިންމު، މިހާރު މަގުމަތީ މަޑުކޮށްގެން އަވީގަތިބެ ގިނަމީހުން ހެލްމެޓް އަޅަނީ.
120687
21 February 2022
ތިޔަ ބުނާ 15 ދުވަސް އައިސް ގޮސް ނިމޭ އިރުވެސް ނޭނގޭނެ. ތިޔަ ބުނާ 15 ދުވަސް ގުނަން އެންމެ ރަނގަޅު ވާނީ، ވަގުތު ކަށީގެ ހުކުމު ނުހިނގާ، ޖައްވުގެ ފުނުން ފެންނަ ކަހަލަ 'ކަޅުލޯވަޅު' (ބުލްކުހޯލް) އެއްގެ 'ތުންފަތް' (އިވެންޓް ހޮރައިޒަން) މަތީގަައި ތިބިގެން ތޯއްޗެއް. އެހެން ނޫނީ ނިމެނޭނީ ތިޔަ ބުނާ 15 ދުވަސް ނޫނީ، އެ ގުނަން ތިބޭ މީހުން. މަގެއް ހަމަ ހީނުވޭ ނިމޭނެ ހެންނެއް. ނިމުކަމެއް ނެތި މި ނިމޭ ފުރަތަމަ ސަރުކާރު ކަމަށް ވާނެ ސްލޯލިހުގެ ސަރުކާރު. ވ ވ ވެދުން
މުލޭ
21 February 2022
2023 އަންނަންދެން މަޑުކޮށްލަން ފެނޭ.
ކުރީގެބަތަލާ ސަކީނާ
21 February 2022
ކުޅުދުއްފުށި ސިޓީގެ ފުލެޓުތަކުގެ މަގުތައް ހަދާނެކަމެއްނެތް، ހިރަފުސްގަނޑަށް ރައްޔިތުން ހޭނިފަތިއްބާ ކުއްލިއަކަށް ތާރުއަޅައިގެން މަގުހަދައިފިއްޔާ ބަލިމަޑުކަމެއްވެސް ފެތުރިދާނެހެން ހީވަނީ.
ހަނުހުންނަ މީހާ1
21 February 2022
އައްޑޫ ފުލެޓްތައް ކައިރީ ތާރު އަޅާދުވަހެއް ސާފުކޮށްދީބަލަ. އައްޑޫ ފުލެޓްތަކުގަވެސް ކުޑަރަށެއްގެ ރައްޔިތުންނަށްވުރެ ގިނަ މީހުން ދިރިއުޅޭ.
ބާރަށް
21 February 2022
ޢެޗްޑީސީން ބުނަނީ މަގުތައް ހެދުން ކުރިޔަށްދަނީ ވަރަށް ބާރަށޯ!! ޙީހީ ހަލާކުވާ ވަރުވޭ. ތިހާބާރަށް ތިމަސައްކަތް ކުރިޔަށް ގެންދާތީ ދޯ 4 އަހަރު ވީއިރު 1 ކިލޯމީޓަރުގެ މަގެއް ހަދާނުލެވުނީ. ނޮވެމްބަރުމަސް ވެސް ދިޔައީ. ދެން ބުނި ޖެނުއަރީވެސް ގޮސްސި. ފެބްރުއަރީ މަސް ވެސް ނިމެނީ. މިހާރު ތިބުނަނީ މާޗް މަހުގައި ނިމޭނެކަމަށް. ޢިންޑިޔާ މީހުންގެ ސްޕީޑުގައި އަދި ތިކަން ނިންމަން 6 މަސްްވަރު ނަގާނެ ކަން ޔަގީން.
ޗޫޖާ
21 February 2022
ރަނގަޅަށް ފިޔާމިރުން އަޅައިގެން ދެބިހުގެ ބިސްގަނޑެއް އަޅައިގެން ކާލަބަލަ. ޢޭރުން ހަޖަމު ވާނެ