ފޭސް ދޭއްގައި ވެހިކަލް ދުއްވަނީ-- ފޮޓޯ: ނިޝާން އަލީ/ މިހާރު
02 މާޗް 2022 - 12:39
6 comments
ހުޅުމާލޭގެ ހިޔާ ސަރަހައްދުގެ ފުރަތަމަ ސްކޫލް މި އަހަރު ހުޅުވޭތޯ މަސައްކަތް ކުރަމުން އަންނަ ކަމަށް އެޑިއުކޭޝަން މިނިސްޓްރީން މިއަދު ބުނެފި އެވެ.
ހިޔާ ފްލެޓުތަކުގައި މީހުން ދިރިއުޅެން ފެށުމާ އެކު، ހުޅުމާލޭގެ އާބާދީ އެތައް ގުނައެއް އިތުރުވެފައިވެ އެވެ. ދެ ވަނަ ފިޔަވަހީގައި އެކަނި ވެސް 10،000 އަށް ވުރެ ގިނަ މީހުން އެބަތިއްބެވެ. ނަމަވެސް، އެ މީހުންގެ ކަންބޮޑުވުމަކީ ކައިރި ހިސާބެއްގައި ސްކޫލެއް ނެތުމެވެ.
ދެވަނަ ފިޔަވަހީގައި ހިއްކި ސަރަހައްދުގައި ދެ ސްކޫލެއް އިމާރާތްކުރަން ދެ ކުންފުންޏަކާ ވަނީ ހަވާލުކޮށްފަ އެވެ. އެއީ "ސަލާހުއްދީން ސްކޫލް" އާއި އާރްސީސީއާ ހަވާލުކުރި ސްކޫލެވެ.
މިނިސްޓްރީގެ އޮފިޝަލަކު ވިދާޅުވީ ތާރު އެޅުމަށް މަގު ބަންދުކޮށްފައި އޮތުމުން ސްކޫލް އިމާރާތްކުރަން އުނދަގޫތަކާ ކުރިމަތިވެފައިވާ ކަމަށެވެ. އެހެންވެ، މަސައްކަތްތައް ލަސްވެފައިވާ ކަމަށް އޭނާ ވިދާޅުވި އެވެ.
ނަމަވެސް، ކުރިއަށް އޮތް 15 ވަރަކަށް ދުވަހުގެ ތެރޭގައި މަގުތަކުގައި ތާރު އަޅައި ހުޅުވާލުމުން ބާރު ސްޕީޑުގައި އެ މަސައްކަތް ގެންދެވޭނެ ކަމަށް މިނިސްޓްރީން ބުންޏެވެ.
އޮފިޝަލް ވިދާޅުވީ އަމިން ކޮންސްޓްރަކްޝަން ކުންފުންޏާ ހަވާލުކޮށްގެން ހަދާ ސަލާހުއްދީން ސްކޫލް މި އަހަރުގެ ފަހުކޮޅަށް ނިންމަން މަސައްކަތްކުރާ ކަމަށެވެ. އެކަމާ ގުޅޭ އިތުރު ތަފްސީލެއް ނުލިބެ އެވެ.
އެ ސްކޫލް އަޅަން މިދިޔަ އަހަރުގެ ފެބްރުއަރީ މަހު އަމިން ކޮންސްޓްރަކްޝަނާ ހަވާލުކުރީ، މި މަހަށް ނިންމާ ގޮތަށް، 118 މިލިއަން ރުފިޔާ އަށެވެ.
މި ސަރުކާރުގެ ޕްލޭނަކީ ސްކޫލްތަކުގެ ކިޔެވުން އެއް ދަންފަޅި އަށް ބަދަލުކުރުމެވެެ. އެ ސިޔާސަތަށް ބަލައި ހުޅުމާލޭގެ ދެވަނަ ފިޔަވަހީގައި ވެސް، މިހާރު ކަނޑައަޅާފައިވާ އަދަދަށް ވުރެ އިތުރު ސްކޫލުތައް އިމާރާތްކުރަން ޖެހޭނެ އެވެ. ހުޅުމާލޭގެ ދެ ވަނަ ފިޔަވަހީގައި 14 ސްކޫލެއް އިމާރާތް ކުރާނެ ބިން ކަނޑައަޅައި އެޗްޑީސީން އެޑިއުކޭޝަން މިނިސްޓްރީއާ ހަވާލުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަހްމަދު007
02 March 2022
ވެރިކަމަށް އައިސް 2 ވަނަ ފިޔަވަހީގެ އެއްވެސް މަސައްކަތައެއް ނުކޮށް ތިބީ. އާސާސީ އެއްވެސް ހިދުމަތެއް ލިބެން ނެތް އަދި 2 ވަނަ ފިޔަވަހީގައި.
2022
02 March 2022
ހުޅުމާލޭގައި ގްރޭޑް 11، 12 (އޭލެވެލް) އަށް ކިޔެވޭނެ ގޮތެއް މިިހާރުން މިހާރަށްވެސް ހައްދަވައިދެއްވިޔަސް ކިހާ ރަގަޅު.
ބޮޑުމީހާ
02 March 2022
ވެރިކަމުގަ 3 އަހަރު ތިބެފަ 4 ވަނަ އަހަރު ސްކޫލް އަޅަން ހަވާލުކޮށް 5 ވަނަ އަހަރަށް ނިންމަން ބުންޏަސް އެކަމެއް ނުވާނެ. 3 އަހަރު ކީއްތަކުރީ؟ ކޮތަރުކޮށިތަކަށް ބަޔަކު ނުދާނެކަމަށް ދޯ ހީކުރީ. މިރާއްޖޭގައި މިހާރު ހިޔާ ފްލެޓްތަކަކީ ލަގްޒަރީތަންތަން
ށުރައިޙް
04 March 2022
އަހަރެން އުޅެނީ ހިޔާފްލެޓްގަ ކޮތަޅުކޮތަޅުގައާއި ފޮށިފޮށީގައި އެއްޗެހި ބަހައްޓައިގެން. ފަރުނީޗަރު ގަންނަން ބެހެއްޓި ލާރިކޮޅު ދިޔައީ މުށިޖަހަންށާ ދޮރު ހަރުކުރަން. ދަރިންކޮޅު އިށީނދެގެން ތިބެނީ ބިންމަތީގައި. އެއްބަޔަކަށް ލަގްޒަރީ ފެންވަރަށް ތަން ހެދުނީ ޙައްގު ނުވާ މީހުންނަށް އެޗްޑީސީން ފްލްޓް ދިނުމުން.
ާއުނިމާ
02 March 2022
އެންމެ ސުކޫލެއްނުވާނެ ހުވަދަށްވެސް
އަމީންބެ
02 March 2022
އަމީން ކޮންސްޓްރަކްޝަން އާއި ހަވާލުކުރި ސްކޫލެއް ބުނިދުވަހަށް ނިމިފަ އެބައިންތޯ. ރެހެންދި ސްކޫލް ހުޅުވައިގެން ކުދިން ކިޔަވަމުން ދިޔައިރުވެސް މަސައްކަތްކުރާވަރުން ކުރި.