ިސިނަމާލެ ބްރިޖު މަތިން ޓެކްސީއެއް ދަތުރުކުރަނީ: ޓެކްސީތަކުން ނަގާ އަގު ބޮޑުކުރަން ޓެކްސީ ސެންޓަރުތަކުން ވަނީ ނިންމައިފައި.-- ފައިލް ފޮޓޯ: މިހާރު
07 މާޗް 2022 - 11:11
48 comments
ޓެކްސީގެ ހިދުމަތުން ނެގޭ އަގުތައް އާންމުކޮށް، އެ އަގަށް ވުރެ ބޮޑުކޮށް އެ ހިދުމަތް ދޭ ނަމަ ފިޔަވަޅު އަަޅާނެ ކަމުގެ އިންޒާރު ފުލުހުން ވެސް ދީފި އެވެ.
ފުލުހުންގެ "ރޯޑް ޕޮލިސް" ގެ ފޭސްބުކް ޕޭޖުގައި ކުރި ޕޯސްޓެއްގައި، ޓެކްސީގެ ހިދުމަތުން ނެގޭނެ އަގުތައް ހިމަނައި ބުނެފައި ވަނީ އެ އަގުތަކުގެ އިތުރަށް އަގެއް ނުނެގޭނެ ކަމަށާއި ޓެކްސީގެ ޑިކީ އަށް ނުވަތަ ޓެކްސީގެ ތެރެއަށް އަރުވާ ދާގީނާއަކަށް އިތުރު އަގެއް ވެސް ނުނެގޭނެ ކަމަށާއި ކަނޑައަޅާފައިވާ އަގުތަކަށް ވުރެ އިތުރަށް އެއްވެސް އަގެއް ނަގައިފި ނަމަ އެކަން އަންގަން އެދޭ ކަމަށެވެ.
"މި އަގަށް ވުރެ އިތުރަށް އަގު ނަގާކަމުގައިވާ ނަމަ ގާނޫނާއި ގަވާއިދާ އެއްގޮތްވާ ގޮތުގެ މަތިން ފިޔަވަޅު އެޅޭނެ އެވެ،" އެ ޕޯސްޓުގައި ބުނެފައިވެ އެވެ.
އެ ޕޯސްޓްގައި ހުރި އަގުތަކަކީ ޓްރާންސްޕޯޓް މިނިސްޓްރީން ޓެކްސީގެ ހިދުމަތް ދެވޭނެ ކަމަށް ކަނޑައާޅަފައިވާ އަގުތަކެވެ.
އެ އަގުތަކަށް ވުރެ އިތުރަށް ޓެކްސީތަކުން ފައިސާ ނަގާ ނަމަ ޓަރާންސްޕޯޓް މިނިސްޓްރީ އަށް ރިޕޯޓްކުރަން ފުލުހުން ވަނީ އެދިފަ އެވެ.
ފުލުހުންގެ އެ އިންޒާރު އައީ ދުނިޔޭގެ ބާޒާރުގައި ތެލުގެ އަގު އުފުލެމުން ދިއުމާ ގުޅިގެން ޓެކްސީތަކުން ނަގާ އަގު އަންނަ ބުރާސްފަތި ދުވަހުން ފެށިގެން ބޮޑުކުރާނެ ކަމަށް ޓެކްސީ ސެންޓަރުތަކުން ބުނެފައިވަނިކޮށެވެ.
މާލެ އަދި ހުޅުމާލެ އެތެރޭގައި ޓެކްސީ ދަތުރެއް މީގެ ކުރިން 25ރ. އަށް ކުރި ދުވަސްވަރު ޕެޓްރޯލް ލީޓަރެއް ލިބުނީ 8ރ. އަށެވެ. އެކަމަކު، އިއްޔެ އިން ފެށިގެން ލީޓަރެއް 14.60ރ. އަށް އުފުލުމުން، މާލެ ސަރަހައްދުގައި ޓެކްސީ ދުއްވާ ހުރިހާ ސެންޓަރެއްގެ އިއްތިފާގުން ދަތުރުތަކުގެ އަގު ބޮޑުކުރަން ނިންމީ ކަމަށް ޓެކްސީ ޑްރައިވަރުން ބުނެ އެވެ.
ޓެކްސީ އަގުތައް ބޮޑުކުރާނެ ތަފްސީލު:
- މާލޭގެ އެތެރޭގެ ދަތުރެއް- 30ރ.
- ހުޅުމާލޭގެ ފޭސް އެކެއް އަދި ދޭއްގެ ދަތުރުތައް - 25ރ.
- މާލެއިން ހުޅުމާލެ އަށް - 100ރ.
- މާލެ އާއި ހުޅުމާލެ އިން އެއާޕޯޓަށް - 80ރ.
- ހުޅުމާލޭގެ ފޭސް ދެއަކުން މާލެ އަށް - 120ރ.
- ހުޅުމާލޭގެ ފޭސް އެކަކުން ހުޅުމާލޭގެ ފޭސް ދެއަކަށް - 40ރ.
- މާލެ އާއި ހުޅުމާލެ އިން ސީޕްލޭން ޓާމިނަލަށް - 100ރ.
- ހުޅުމާލޭގެ ފޭސް ދެއަކުން ސީޕްލޭން ޓާމިނަލަށް - 120ރ.
އެގޮތަށް އަގު ބޮޑުކުރަން ނިންމިޔަސް ރޭގަނޑު 12:00 އިން ހެނދުނު 6:00 އާ ހަމަ އަށް ކުރާ ޓެކްސީ ދަތުރުތަކުން އިތުރަށް ފަސް ރުފިޔާ ނަގަން ވަނީ ނިންމައިފަ އެވެ.
އެކަމާ ގުޅިގެން ޓްރާންސްޕޯޓު މިނިސްޓްރީން ބުނެފައި ވަނީ ދަތުރުތައް ކޮށްދޭ އަގުތައް ބޮޑުކުރަން ޓެކްސީ ސެންޓަރުތަކުން ނިންމިޔަސް، އެކަން އެ ގޮތަށް ނުކުރެވޭނެ ކަމަށެވެ. މިނިސްޓްރީން ފާސްކޮށް، އިއުލާން ކޮށްފައިވާ އަގަށް ވުރެ ބޮޑު އަގު ދަތުރުތަކަށް ނަގާ ފަރާތްތަކާ މެދު ގާނޫނާއި ގަވާއިދުގައިވާ ގޮތަށް ފިޔަވަޅު އަޅާނެ ކަމަށް އެ މިނިސްޓްރީން ވެސް އިންޒާރުދިނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބަބޫ
09 March 2022
ދުވާލަކު 4 ދަތުރު މިނަގަނީ. ދެން އޮންނާނީ ޒޯނުގަ ބާއްވާފަ. ސަރުކާރުން ހުއްދައެއްގެ ދަށުން ދެވޭ ހިދުމަތެއްގައި މިގޮތަށް ކަންތަށް ކުރުމަކީ ބަލައިގަނެވޭނެކަމެއްނޫން. ދުވާލަކު 4 ދަތުރު ކޮށްފަ ނިންމާލާތީ ޓެކްސީ ނުލިބެނީ މަގުމަތީހެެގަ ހުރެ ގަޑި ދެގަޑިއިރު ވާއިރުވެސް. ކުޑަ އަގެއްގައި ކިރަނ ޖެހުނީމަ އެ ބޭނުންވާވަރު ހޯދަން ގިނަ ވަގުތު ހިދުމަތްދޭންޖެހޭނެ. ޓެކްސީ ޑްރައިވަރުން ނަކަށް ނުކެރޭނެ ކާންބޯން ކިރާމަސައްކަތް ހުއްޓާލާކަށް
ތޭރަ
08 March 2022
އެހެން ހުރިހާ އެއްޗެއްގެ އަގު ބޮޑުވިޔަސް ދިވެހިންނަށް އޯކޭ. ޓެކްސީ ކުރާ މީހާ ގަދަ ހޫނުގަ، ވިއްސާރައިގަ އެކުރާ ބުރަ މަސައްކަަތައް 5 ރުފިޔާ ބޮޑުކޮށްދޭން ބުނީމަ ދޯ ގޯހީ؟ ޢެމީހުން ވެހިކަލަށް އެލިބޭ ގެއްލުން ވެސް އެއީ ކިހާ ބޮޑު ހަރަދެއް. ޢަދި ތެޔޮ. ވ ދެރަ ވޭ މިހެން ކަންތައް ވާތީ
އީސަ
08 March 2022
ޓެކްސީ ތަކަކީ މިގައުމުގެ ހަތަރުވަނަ ބާރު
ނސޖނސ
08 March 2022
ސަރުކާރުން މުވައްޒަފުން ލާފަ ޓެކްސީ ކުރަން ފަސަން ވީ
ބޯނުބައި ސަރުކާރު
08 March 2022
ސަރުކާރުން ޑްރައިވަރުން ލައިގެން މިހާރުވެސް ޓެކްސީ އެބަ ކުރޭ، އެހެރަ އުފުލަނީ ބަސް ފުރެންދެން މީހުން އަރުވައިގެން ދަތުރަކައް އެެބަ ނަގާ 1000ރ. ކީއްތަވާނީ މީހަކު އަތުނއް 2ރ ނަގަން ހަމަ ރަންގަޅުވާނެ. ރައްްޔިތު މީހާގެ ބަހުގަ، ރައްޔިތުމީހާގެ ތެޔޮ އަޅައިގެން ބޮޑު އަގު ނަގާއިރު ހަމަ އޯކޭ. ނިކަން ކަަނޑަ އަޅާބަލަ ރައްޔިތުންގެ ރައްތަކުގަ ރިސޯޓް ހަދައިގެންތިބި މީހުނައް ދިވެހިންނަށްް ރިސޯޓަށް ދެވެންވާނޭ 200ރ ފިޔާ އަށް ތިޔަ މިނިސްޓަރުވެސް ތެޅި ފޮޅޭނެ އޭރުން.
ޑޮކްޓާރ. ބަނާނާ
08 March 2022
ސަރުކާރުގެ މިނިސްޓްރީ ތަކުގައި އެތައް ބައިވަރު ސިޔާސީ ވެރިން އެބަތިބި .... ތެލުގެ އަގު އިންތިހާޔަށް ބޮޑުވާއިރު ޓެކްސީތަކުގެ ފީ ގެ މައްސަލަ އަކީވެސް ޓްރާންސްޕޯޓްގެ ވެރިން ރޭވުންތެރިކަމާއި އެކު ދުރާލާ ވިސްނާ ގޮތެއް ނިންމަން ޖެހޭ ފަދަ ކަމެއް! ކޮންމެ މައްސަލއެއްގެ ހައްލަކީ ފުލުހުން ކަމަށް ނިންމާނަމަ ސިޔާސީ ވެރިން އަންބޮނޑި ބަދެގެން ބޮޑު މުސާރަ ނަގައިގެން މަގާމުތަކުގައި ތިބުމުގެ ބޭނުމަކީ ކޮބައިތޯ؟؟؟ މިސުވާލަށް ޖަވާބުދެއްވާ! ވ. ސަލާމް!
އަލިފުހާ
08 March 2022
ޕެޓްރޯލު އަގުބޮޑުވެގެން 25 އަށް ހެދީވެސް އޭރު ލީޓަރެއް 18 ރުފިޔާއަށް. އޭގެ ފަހުން ޕެޓްރޯލު އަގުހެޔޮވެގެން ޓެކްސީ އަގު ހެޔޮވީ ތަ؟
އަންނައުނު
08 March 2022
އިކޮނޮމިކް މިނިސްޓަރަށް ޤައުމުގެ ޙާލަތު ރައްޔިތުންނަށް އެކްޕްލެއިން ކޮށްދެން ނޭންގުން އެއީ ޑްރައިވަރުންގެވެސް ކަސްޓަމަރުންގެ ވެސް މއްސަލައެއް ނޫން. ޑްރައިވަރުންނަށް ޙައްގު މިންވަރު ލިބެން ޖެހޭ. އަސާސީ ހައްގަކީ ހަމަ އެކަނި މާލޭގަ ދަތުރު ކުރުމެއް ނޫން. ކެފޭ ހޮޓާ ތަކުގަ ރަންވިއްކާ ވިއްކުންވެސް ކޮންޓްރޯލް ކިރެވެން ޖެހޭނެ. މާލެ ވެރިން ޖީބު ފުރަން މަހި ކުލިވެސަ ފިކްސް ކުރެވެން ޖެހޭނެ. ކާބޮ ތަކެއްޗޯ؟ ......
ޢަރުތަ
08 March 2022
8ރ ގަ ހުރެފަ ޕެޓްރޯލް ލީޓަރެއް 14.60ރ އަށް ބޮޑު ކުރީ އެއްޔެތަ. 8ރ އިން 14.60ރ އަށް ކުއްލިއަކަށް ބޮޑުވުމަކީ ވަރަށް ބޮޑު މައްސަލައެއް،
ބަފާބެ
08 March 2022
ސުކުރު ކޮއްބަލަ މިޔޮއްހުރިހާ ދުވަހު ބޮޑު ކުރަން ނުކިޔާ ކުޑަ އަގުގަ ދަތުރު ކުރެވުނީތީ
ދިވެއްސެއް...
08 March 2022
ތަންކޮޅެއް ކުރިން ހަމަ މިގޮތަައް އިތުރަށް އަގުނަގާނަމަ ރިޕޯޓުކުރަން ވައިބަރ ނަމްބަރެއް ފުލުހުން އާންމުކުރި. ވީކަމެއް ނެތް. އަަޅުގަޑު އެނަންބަރަށް އެންމެ ފުރަތަމަ މައްސަލައެއް ރިޕޯޓުކުރީމަަ، "އޯކޭ" ޖަހާފަ ފުލުހުން ރިޕްލަައި ކޮށްލި. ދެންފަހުން ރިޕްލައިވެސް ނުކުރޭ. މިހާރު އެބުނަނީ އެސްއެމްއެސް ކުރާޝޭ. ތާފާާތު ނަތީޖާއެއް ނިކުންނާނެތަ؟
ލަފުޒު
07 March 2022
ޓެކްސީ ތަކަކީ އަމިއްލަ ސަރުކާރެއްތޯ؟