ކުޑަކުއްޖަކު ގޮވައިގެން ދިޔަ ސިފައިންގެ މިހާ އަށް ހަމަލާދޭން އުޅުނު މީހާ ފުލުހުން ހައްޔަރުކުރަނީ.-- ފޮޓޯ: މިހާރު
09 މާޗް 2022 - 15:44
17 comments
މާލޭގައި ކުޑަކުއްޖަކު ގޮވައިގެން ސައިކަލެއްގައި ދިޔަ ސިފައިންގެ މީހަކަށް ލަކުޑިބުރިއަކުން ހަމަލަދީ، މާރާމާރި ހިންގަން އުޅުނު މީހަކު ހައްޔަރުކޮށްފި އެވެ.
ފުލުހުން ބުނީ ކުރީގެ ސްޓާ ސިނަމާ ހުންނަ އިމާރާތުގެ [މިހާރުގެ ޓްރާންސްޕޯޓް މިނިސްޓްރީގެ ކުރިމަތި] ކުރިމަތިން ސައިކަލެއްގައި ދިޔަ ދިވެހި ފިރިހެނެއްގެ ގައިގައި ޖަހައި، މާރާމާރީ ހިންގި މައްސަލައެއްގެ ރިޕޯޓް މިއަދުގެ މެންދުރު ލިބިފައިވާ ކަމަށެވެ. އެ މައްސަލައިގައި ހައްޔަރުކޮށްފައި ވަނީ އުމުރުން 34 އަހަރުގެ ދިވެހި ފިރިހެނެކެވެ.
އެ މަންޒަރު ދުށް މީހަކު "މިހާރު" އަށް ބުނީ ސިފައިންގެ މީހާ ސައިކަލުގައި ދަނިކޮށް، ސައިކަލުގެ ކުރިމައްޗަށް އަރައި ހުއްޓުވީ ކަމަށެވެ. ސައިކަލު ހުއްޓުމުން ތުނި ލަކުޑި ފަތިގަނޑަކުން ސިފައިންގެ މީހާ އަށް ހަމަލާދިން ނަމަވެސް، މާ ބޮޑު އަނިޔާއެއް ނުވާ ކަމަށް "މިހާރު" އާ ވާހަކަ ދެއްކި މީހާ ބުންޏެވެ. ކުޑަކުއްޖާ އަށް ވެސް އަނިޔާއެއް ނުވެ އެވެ.
ހަމަލާދޭން އުޅުނު މީހާގެ އަތް ކަނޑައިގެން ގޮސްފައި ހުރި ނަމަވެސް އެއީ ކިހިނެއް ވީ ކަމެއް ކަމަށް ނޭނގެ އެވެ.
ލަކުޑިބުރި ދިން ހަމަލައިން ސިފައިންގެ މީހާ އަށް މާ ބޮޑު ކަމެއް ނުވުމުން، ހަމަލަދިން މީހާގެ އަތުން ސިފައިންގެ މީހާގެ ގައިގައި ޖެހި އެވެ. އެ ވަގުތު އެ މީހާ ހުއްޓުވީ އެ ތަނުގައި ތިބި އާންމުންގެ ބައެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެޓްމޭން
11 March 2022
ބުރޯ ހާދަ ޓަފްއޭ
ޕޮލިސް ގ
10 March 2022
އައްސަލާމް އަލައިކުމް ބޭފުޅާ ނުޖައްސަވާ . އަޅުގަނޑުގެ ދަރިފުޅު އެބައިން
ލުތުފީ
10 March 2022
ޑިއުޓީގަ ތިބެގެން ބައެއް ފުލުހުންނާއި ސިފައިން ކުރާކަމަކީ އަންހެން ކުދިންގެ ނަންބަރުހޯދައިގެން އެމީހުންނަށް ގުޅައިގެގެން ސެޓްކުރުން. ބައެއްފަހަރު މީހުންގެ އަނބިންނަސާއި، މީހުންނާ ރައްޓެހިވެގެން އުޅޭ އަންހެންކުދިންނަށްވެސް ގުޅާހަދާ... މީ އެކަހަލަ ކަމަކަށްވެސް ވެދާނެ. ސިފައިންގެ މީހަކަށްވީމަ، އުޞޫލާއެއްގޮތަށް މައްސަލަ ޖެއްސުމުގެ ހުރަސްތަކެއް ހުރީކަމަށްވެސް ވެދާނެ. މިކަން ރަގަޅަށް ބަލަންޖެހޭ...
ހަމަހަމަކަން
10 March 2022
ބަލަ ފުލުހުން ވީމަ ގުޅައިގެން ނުވޭތަ
މުގުނީ
11 March 2022
ނަންބަރު ދޭތީ ދޯ ގުޅޭނީ
ކޮންމެސް މީހެއް
10 March 2022
ކުޑަ ކުއްޖާއަށް ލިބޭނީ ނަފްސާނީ އަނިޔާއޭ..އެއީ އަނިޔާއެއް ނޫންތަ؟؟
ށަވިޔަނި
10 March 2022
ވަރަށް ބޮޑު ޖަރީމާ އެއް. ހިތާމަޔަކީ ތިފަދަ ޖަރީމާ ހިންގާ މީހުނަށް ހަރުކަށި އަދަބުނުދެވުން.
ގަޓާބޯ
10 March 2022
އައްދެ! އިންޑިއާ ސިފައިން ކަމަށް ހީކޮށް މިހާރު ދިވެހި ސިފައިންނަށްވެސް ހަމަލަދޭން ފެށީތަ؟
ކައުންސެލަރު
09 March 2022
މާދަމާ ބުނާނެ އެއީ ސިކުނޑި ހޭބަލިވެފަ ހުރިމީހެކޭ. މިސްކިތަށް ކުޑަކަމު ދިޔަ މީހާވެސް އެގޮތް. ޚަތިމަށް ކުޅުޖެހިމީހާވެސް އެގޮތް. މީހަކު ބުރާންތިވެދާނެ ސަޙާދެއްމިބުނީ އިންޑިޔާ އައުޓު
ބައުންސަރ
09 March 2022
ތީގެ މީހަކަށް ވެދާނެ
ބަގަޓު
10 March 2022
ބުރާންތިވަނީ ތިބުނިކަންތަކާ އިންޑިޔާ އައުޓް އާ ގުޅުވާތީ
ހެގެލް
09 March 2022
މަނަމަ ވަގުތުން ތަޅާ ތިރިއަރުވާލާނަން އެވަރުން ނުވިއްޔާ ފަހުންވެސް ހޯދާފަ ހޭއަރުވާލާނަން. ކޯޓުން އިންސާފު ނުލިބޭނެކަން ކަށަވަރު
ސޮލް
10 March 2022
އިންސާފެއް ނުލިބޭނެ.
ށަވިޔަނި
10 March 2022
އެހެން ނަހަދާތި. ކޯޓުން އިންސާފު ނުލިބުނަސް އިންސާފު ލިބޭނެ.
ޛޖޖބބބ
09 March 2022
މިއީ ޖަހަންއުޅުނު ނީހާނަމަ މީނަގެ މޫނު ބްލާރކުރީ ކީއްވެ؟
ހުސެން
09 March 2022
ކުޑަކުއްޖެއްގެ ހާޒިރުގައި ތިޔަފަދަކަމެއް ކުރުމަކީ ވަރަށްބޮޑު މައްސަލައެއް، ތިޔަކަމުން ކުއްޖާއަށް ލިބުނު ނަފުސާނީ ގެއްލުމުގެ އަސަރު އެތައްޒަމާނަކަށް ދެމިގެންދާނެ، ޖެންޑާއިން ތަދައްޚުލް ވާންޖެހޭ މައްސަލައެއް، އެއްވެސް ސަބަބަކާހުރެ ކުޑަކުއްޖެއްގެ ހާޒިރުގައި ހަމަލާދީ މާރާމާރީ ހިންގުމަކީ ބަލައިގަނެވޭނެކަމެއްނޫން