ލޯކަލް މާރުކޭޓުގައި ވިއްކަން ބަހައްޓާފައި ހުރި ލުނބޯތަކެއް: ލުނބޯ ކިލޯއެއްގެ އަގު އުޅެނީ 100ރ. އިން މަތީގައި ފައިލް ފޮޓޯ: ނިޝާން އަލީ /މިހާރު
24 މާޗް 2022 - 12:45
28 comments
ބާޒާރުގައި ލުނބޯ ކިލޯއެއްގެ އަގު 100ރ. އަށް ވުރެ ބޮޑުވެއްޖެ އެވެ.
މިއަދު ބާޒާރުގެ ފިހާރަތަކާއި މަރުކޭޓުގެ ގޮޅިތަކުގައި ވެސް 100 އިން ދަށުން ލުނބޯ ކިލޯއެއް ލިބޭކަށް ނެތެވެ. ބައެއް ތަންތަނުގައި ކިލޯއެއް 100ރ. އަށް ހުރި އިރު ބައެއް ފިހާރަތަކުގައި 110ރ. އަށް އަދި 120ރ. އަށް ވެސް ހުއްޓެވެ.
ބާޒާރުގައި ލުނބޯގެ އަގު އުފުލެމުން އަންނަތާ މިހާރު މަހެއްހާ ދުވަސް ވެއްޖެ އެވެ. އާންމު ގޮތެއްގައި 30ރ. އިން ދަށުގައި ލުނބޯ ކިލޯއެއްގެ އަގު އުޅުނަސް މިދިޔަ ހަފުތާގައި ލުނބޯ ކިލޯއެއްގެ އަގު 75ރ. ގަ އެވެ. މިހާރު 100 އިން މަތީގައި އަގު ހުރި އިރު ގިނަ ފިހާރަތަކުގައި ލުނބޯ ނުވެސް ނެތެވެ.
"މިހާރު" އާ ވާހަކަދެއްކި ވިޔަފާރިވެރިއަކު ތުހުމަތުކުރި ގޮތުގައި ލުނބޯގެ އަގު ބޮޑުވީ ރޯދަމަހާ ދިމާކޮށް ބައެއް ވިޔަފާރިވެރިން ސްޓޮކް ހިފަހައްޓައިގެން އުޅޭތީ އެވެ. އޭނާ ބުނީ ކޮންމެ ރޯދަ މަހަކާ ދިމާކޮށް ވެސް އެފަދަ ކަންކަން ވިޔަފާރިވެރިން ކުރާ ކަމަށާއި މިދިޔަ އަހަރު ވެސް އެގޮތަށް ލުނބޯގެ އަގު އަރުވަން ބަޔަކު ގަސްތުގައި ސަޕްލައި ތާށިކޮށްލި ކަމަށެވެ.
"ކުޑަ ފައިދާއެއް ލާފައި ވިއްކުން މައްސަލައެއް ނޫން. އެކަމަކު މިހާރު މާ އަގުބޮޑުކޮށް އެ ވިއްކަނީ. ބައެއް މީހުން ގަސްތުގައި ރޯދަ މަސް އަންނަތީ މިވަގުތު ގިނަ މީހުން ލުނބޯ ގަންނާނެތީ އެ ހިފަހައްޓައިގެން ތިބޭ އަގުބޮޑުކުރަން ވެގެން،" އެ ވިޔަފާރިވެރިޔާ ކިޔައިދިނެވެ.
އޭނާ ބުނީ މިރޭ ލުނބޯގެ އާ ޝިޕްމަންޓްތައް ލިބޭނެ ކަމަށް ބެލެވޭ ކަމަށާއި އޭގެ ފަހުން އަގު ދަށަށް ދާނެ ކަމަށް ބެލެވޭ ކަމަށެވެ.
ކުރިއަށް އޮތް ރޯދަ މަހު ބާޒާރުގައި ތަކެތީގެ އަގު އުފުލޭނެ ކަމަށް ވިޔަފާރިވެރިން ވަނީ ލަފާކޮށްފަ އެވެ. ގިނަ ވިޔަފާރިވެރިން ބުނާ ގޮތުގައި ތަކެތީގެ އަގު ބޮޑުވާނީ ދުނިޔޭގެ ބާޒާރުގައި ތަކެތީގެ އަގު އުފުލިފައިވާތީ އެވެ. އަދި ރާއްޖެއަށް މުދާ ގެންނަން ކުރާ ހަރަދު ވެސް ބޮޑު ކަމަށް ވިޔަފާރިވެރިން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑޭ އަހައްމަދު
25 March 2022
އޭ މުދާ އިޙްތިޔާރު ކުރާ ވިޔަފާރިވެރިންނޭވޭ އާޚިރަތް ވިއްކާލާފަ ދުނިޔެ ގަންނަން ނޫޅޭށޭ! މާދަމާ ތިބާމަރުވިއަސް ތިޔަ އެއްކުރާ ފައިސާ އިން އެންމެ ލޯލާރިއެއް ވެސް ނުގެންދެވޭނެ. " ހެދިއަކަސް ބޮޑެތިވިހާ ޢިމާރަތާއި ގުއްބުތައް އެކަނި ތިންފިލާގައޭ ދަނީ ތިމާ އެމަރުވެގެން "
ޑަބަލް ރަޝީދު
26 March 2022
އިހްތިކާރު ނޮޓް އިހްތިޔާރު
ބޮޑުމީހާ
24 March 2022
ޓެކްސީ 5ރ ބޮޑުވީމަ ބޮޑު މައްސަލައެއް. ދެން ހުންނަ އެއްޗެއް 200 އިންސައްތަ ބޮޑުވިޔަސް ސަރުކާރުން އަޅާވެސް ނުލާ
ބޭކާރު ވާހަކަ ނުދައްކާ
24 March 2022
ޓެކްސީ 5ރ އަށްތަ ބޮޑުވީ؟؟މާލެ ހުޅުމާލެ ދަތުރު 75ރ އިން 100ރ އަށް..މީ 5ރ؟؟ބަލަ ކަލޭމެންނަކީ އަގެއް ކަނޑައަޅާފަ އޮތްއިރުވެސް ބޭނުން އަގެއް ނަގައިގެން ދަތުރުތައް ކުރާ ދަހިވެތި ބައެކޭ..ތީ ގައުމުގެ އެންމެ ފަގީރު މީހުން..ތެޔޮ އަގު ހެޔޮއިރު ނޭނގުނު 5ރ ކީއްކުރަން 1ރވެސް ހެޔޮކޮށް ދަތުރު ކޮށްދެން..
ހޭލާ
24 March 2022
ކޮބާ ފިޝަރީޒް މިނިސްޓަރީ؟ ކޮބާ އިކޮނޮމިކް މިނިސްޓަރީ؟ މިއޮތްގެން ހިތަށް އެރި ވަރަކަށް އަގުބޮޑު ކުރަނީ. މިކަމާ ބަހެއް ނުބުނެ ޓެކްސީތަކުގެ އަގުބޮޑުވީމަ އިންޒާރު ދިނަސް އަދި ކަމަކުނުދޭ.
2022
24 March 2022
ރާއްޖޭގާ ބައިވަރު ފަޅުރަށްތައް އެބައޮތް ނިކަން ހައްދަބަލަ ފިޔާ. ލުބޯ ކުކުޅުބިސަވެސް ކުކުޅުވެސް އޭރުނަ ތި އިންޑިޔާ ނުވަތަ އެހެންމީހުނަށް ސަޖިދަ ޖަހާކަށް ނުޖެހޭނެދޯ؟
މުލޭ
24 March 2022
އެއްޗެހި އަަގުބޮޑުނުކުރާ ދޯދަމަހެއް ދިޔަތަ؟ އާދަޔާޚިލާފަށް އަގު ބޮޑުކޮށް މުދާ ވިއްކާ ފަރާތްތަކަށް މި ދުނިޔޭގައި ލިބޭ އެތި ބޮޑުވެދާނެ.
ދައިތާ
24 March 2022
ލުނބޯ ގަންނާނެކަމެއްނެތް. ހިކިހުތް ޕެކެޓަކުން ރޯދަމަސް ނިމެންދެންވާނެ.
ކުޗީ
24 March 2022
އޭރުން ރޯދަ މަސް ނިމޭއިރު ހުރިހާ އެންމެންގެ ގޮހޮރު ހުންނާނީ ފޫގޮސްފަ ދޯ ...
ފަނި
24 March 2022
ހުންނާނެ ލުނބޯގެ ބަދަލުގަ ބޭނުންކުރެވޭނެ ފުޅީގަ ހުންނަ ވައްތަރު ރަނގަޅުވާނެ މިވަގުތައް.
2025
24 March 2022
ކެޕޭސިޓީ ހުރި ވިޔަފާރިވެރިން… ބާޒާރުގަ އޮތްހާ ލުނބޮޔެއް ގަނެ ބައްކޮއްގެން.. ބޮޑު އަގުގަ ވިއްކުން ހުއްޓުވެން ޖެހޭ…
ލުނބޯސޭޓު
24 March 2022
ބާޒާރުގަ ލުނބޯއަކީ ވަރަށް ޓްރިކީ އެއްޗެއް. ޓަށްކިޔާފަ އަގު ދެގުނަ ތިންގުނަ ހަތަރުގުނަވާ އެއްޗެއް. ވީމާ ބުއްދިވެރީ ލުނބޯ ތިޔާގިވާ ދަނޑިވަޅު ބަލްކްކޮށް ގަނެލާފަ ފްރިޖަށްލުން. އެކަމަކު މިހާވަރު ބުއްދިކުރާވަރަށްވުރެ ގިނަދިވެހިން ބިޒީވާނެ.
ބޭފުޅަކު
24 March 2022
ކޮންތާކު ހުރި ފުރިޖަކަށް ސްޓޮކް ކުރަނީ؟ ފަޓުލޫނު ޖީބައްތަ؟
ލުންބޯ، ފިޔާ، މިރުސް، ވެލިގާ، ބޭސް!!!
24 March 2022
އިންޑިޔާ، އިންޑިޔާ، އިންޑިޔާ، IGMH، އިންޑިޔާ، އިންޑިޔާ، އައުޓް ނުކިޔާށޭ!
ކެމްބޯޑިޔާ
26 March 2022
ބަލަ އަހަރެމެން މިހާރު ލުނބޯ ގެންނަނީ ވިއެޓްނާމުންނޭ، މާ ފުރެޝް މާއަނގުހެޔޮ