50،000ރ. އަށް ވުރެ މަތީގެ އަދަދުތަކަށް ޗެކް ބޭނުންނުކުރެވޭ ގޮތް ހަދަނީ!

އެމްއެމްޢޭއިން ބޭއްވި ޕްރެސް ކޮންފަރެންސް. ޗެކް ބޭނުން ކުރުން މަދު ކުރަން އަޅާނެ ފިޔަވަޅުުތައް ވަނީ އާންމުކޮށްފައި--ފޮޓޯ:ނިޝާން އަލީ/މިހާރު

ފާތިމަތު ޝަނާ މުހައްމަދު، މިހާރު

07 އެޕްރީލް 2022 - 13:03

46 comments

ޗެކް ބޭނުންކުރުން މަދު ކުރުމަށްޓަކައި ޗެކުން ފައިސާ ނެގޭ އެންމެ މަތީ އަގެއް ކަނޑައަޅަން އެމްއެމްއޭ އިން ނިންމައިފި އެވެ.

ޗެކް ބޭނުންކުރުން މަދުކުރުމާ ގުޅޭ އެކްޝަން ޕްލޭން އިއުލާނު ކުރުމަށް މިއަދު އެމްއެމްއޭ އިން ބޭއްވި ނޫސްވެރިންގެ ބައްދަލުވުމުގައި އެމްއެމްއޭގެ އެސިސްޓެންޓް އެގްޒެކެޓިވް ޑައިރެކްޓާ ހައްވާ ލަތީފު ވިދާޅުވީ، ޗެކް ބޭނުންކުރުން މަދުކުރުމަށް 2024 ވަނަ އަހަރާ ހަމައަށް ފިޔަވަޅުތަކެއް އެޅުމަށް ކަނޑައަޅާފައިވާ ކަމަށެވެ.

ޗެކް ބޭނުން ކުރުން މަދު ކުރުމުގެ ގޮތުން އަންނަ އަހަރު ގިނަ ފިޔަވަޅުތަކެއް އެޅުމަށް ވަނީ ނިންމައިފަ އެވެ. އޭގެ ތެރޭގައި ޗެކުން ފައިސާ ނެގޭ ވަރު 50،000ރ. އަށް، ޑޮލަރުން ނަމަ 3،000 ޑޮލަރަށް ލިމިޓް ކުރުމަށް ވަނީ ކަނޑައަޅައިފަ އެވެ. އަދި ޗެކުން ފައިސާ ނަގާ ނަމަ އިތުރު ފީއެއް ނެގުމަށް ވެސް ކަނޑައަޅާފައިވެ އެވެ.

އެކްޝަން ޕްލޭނަށް އަމަލު ކުރަން ފަށާއިރު، ވޭތުވެދިޔަ ފަސް އަހަރުގެ ތެރޭ ޗެކް ބޭނުން ކުރާ ވަރު 60 ޕަސެންޓަށް ވަނީ ކުޑަ ކުރެވިފަ އެވެ. ދެހާސް ސަތާރަ ވަނަ އަހަރު 1.86 މިލިއަން ޗެކް ޕްރޮސެސް ކޮށްފައިވާ އިރު 2021 ވަނަ އަހަރު ކްލިއާ ކޮށްފައި ވަނީ ހަތް ލައްކަ ޗެކެވެ.

ޗެކް މަދުކުރަން އަޅާ ފިޔަވަޅުތައް

- ޗެކް ބޭނުން ކޮށްގެން އެންމެ ގިނަވެގެން 50،000ރ. ނެގޭ ގޮތް ހެދުން

- ޗެކް ކްލިއާ ކުރުމަށް ހޭދަވާ މުއްދަތު އިތުރު ކުރުން. ދެހާސް ސައުވީސް ވަނަ އަހަރު ޗެކެއް ކްލިއާ ކުރާ މުއްދަތު 10 ދުވަހަށް އިތުރު ކުރާނެ

- ޗެކް ކްލިއާ ކުރުމަށް އިތުރު ފީތަކެއް ނެގުން

މި ބަދަލުތައް ގެނެސްފި ނަމަ ޗެކް ބޭނުން ކުރާ ވަރު ވަރަށް ބޮޑަށް މަދު ކުރެވި 2024 ވަނަ އަހަރު އަންނަން ވާއިރަށް ޗެކް ކްލިއާ ކުރުމަށް އެމްއެމްއޭގައި އެއް ދުވަސް ކަނޑަައެޅޭނެ ކަމަށް ހައްވަ ވިދާޅުވި އެވެ.

އާންމު ގޮތެއްގައި އެންމެ ގިނައިން ޗެކުން މުއާމަލާތްތައް ކުރަނީ ސަރުކާރު ހިއްސާވާ ކުންފުނިތަކާއި އާންމު ވިޔަފާރިވެރިންނެވެ.

"މިދަނީ ވަރަށް ބޮޑު ޑިޖިޓަލް ބަދަލަކަށް. ބޭންކުތަކުން ވެސް މިކަމަށް ވަރަށް ބޮޑަށް ތައްޔާރުވާނެ. މިއަހަރު މި ހާއްސަ ކުރަނީ މިކަމަށް ތައްޔާރުވާން،" އޭނާ ވިދާޅުވި އެވެ.

ޗެކް ބޭނުން ކުރުން މަދުކުރަނީ މާލީ މުއާމަލާތްތައް ހިންގުމުގައި ޗެކްގެ ސަބަބުން ކުރިމަތިވާ މައްސަލަތައް ގިނަވާތީ، ފަސޭހަ ގޮތަކަށް މާލީ މުއާމަލާތްތައް ހިންގޭނެ ގޮތްތައް ފަހިކުރުމަށް ކަމަށް އެމްއެމްއޭ އިން ބުންޏެވެ.

މޯލްޑިވްސް އިސްލާމިކް ބޭންކް ޗެކް ބައުންސްވުން އެމްއެމްއޭ

46 ކޮމެންޓް, 21 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހަށަނަރަ

09 April 2022

އަނގައޮތިއްޔާ ކިޔިދާނެ ކޮންމެ އެއްޗެއްވެސް ބޭންކްޓްރާންސްފަރ ކުރުމުގައި ދިމާވާ މައްސަލަ ހައްލުކޮއްދޭށޭ އަހަރުމެންގެ ބޭންކްގައި ކިޔާ އާދޭސްކުރާތާ 2އަހަރު ވެގެންމިދިޔައީ ކޮށްދިން އެއްކަމެއްވެސްނެތް، ފޭކު ޓްރާންސްފަރ ސްލިޕް ގިނަވެ ކައުންޓަރުތަކުން ހިދުމަތްނުދެވިފަ، ވަގުންނަށް ފަހި ފުރުސަތު އަހަރެމެންގެ ބޭންކާހެދި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަބްޑޫޅް

08 April 2022

ތަހުޒީބުވެފައިވާ ދުނިޔޭގަ ޗެކު އުވާލިތާ ކިތަންމެ ޒަމާނެއް. ބޭންކިން ގެ ރޮނގުން، ރާއްޖެ އަދިވެސް އޮތީ ހިރިގަލުގެ ޒަމާނާއި ރަތުލޮއި ގެ ޒަމާނާ ދޭތެރޭ ހިސާބެއްގަ ދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

08 April 2022

އަހަރަކު ބިލިއަނުން ފައިދާވާ ކުންފުންޏެއް ރައްޔިތުން ފެލުމުގަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

08 April 2022

ގެރިބަކަރި ގެންގުޅޭމީހާ އަތުގައި އޮންނަފަދަ ހަންމުއްޓެއް ނުވަތަ ލަޓިބުރިއެއް ނެތްކަމުގައިވިޔަސް ޤަވަރުނަރު ތިޔަވިދާޅުވާ "ސްމާޓް ބެންކް ނުވަތަ އަހަރުމެންގެ ބެންކް ދޮރުމަތިން ކަސްޓަމަރުންނާއި ކުރިމަތިލާންހުންނަމީހާ ނިކުމެއެހުންނަނީ މިފަދަހިދުމަތްދޭ ބޭރުގެ ބެންކްތަކުގައި އެފަދައިންތިބޭ ސްޓާފުނާއި ޙިލާފަށް "ކަސްޓަމަރު ފަހާދުރަށްލުމަށް" ހުންނަމީހެއް. މިއީތެދުތޯ ބައްލަވަން ޤަވަރުނަރު އަމިއްލަފުޅަށް މިކަން ތަޖުރިބާކޮށްލެއްވުމަށް އެތަނަށް ވަޑައިގަންނަވާ.