ހިޔާ ފްލެޓް ސަރަހައްދު: ފިނިޝިން ނިންމަން ފައިސާ ނެގުމަށް ފަހު ހިޔާނަތްތެރިވާ މައްސަލަ އަށް ބަހުސް ކުރަން ފާހެއް ނުވި -- ފޮޓޯ: ނިޝާން އަލީ | މިހާރު
12 އެޕްރީލް 2022 - 11:50
14 comments
ހިޔާ ފްލެޓްތަކުގެ ފިނިޝިންގެ މަސައްކަތަށް ފައިސާ ނެގުމަށް ފަހު، އެ މަސައްކަތް ނުނިންމައި ފައިސާ އަނބުރާ ނުދޭ މައްސަލަ ސަރުކާރުގެ ސަމާލު ކަމަށް ގެނައުމަށް ރައްޔިތުންގެ މަޖިލީހަށް ހުށަހެޅި މައްސަލަ އަށް ބަހުސް ކުރަން މިއަދު ފާހެއް ނުވި އެވެ.
އިދިކޮޅު ޕީއެންސީގެ ޕާލިމެންޓަރީ ގްރޫޕް ލީޑަރު އަދި މަޑުއްވަރީ ދާއިރާގެ މެމްބަރު އާދަމް ޝަރީފް ހުށަހެޅުއްވި މައްސަލަ އަށް ބަހުސް ކުރަން ފެންނަ ކަމަށް ވޯޓު ދެއްވީ އެންމެ ހަ މެމްބަރެކެވެ. އަދި 29 މެމްބަރުން ވޯޓު ދެއްވީ އެ މައްސަލަ އަށް މަޖިލީހުގައި ބަހުސް ކުރަން ނުފެންނަ ކަމަށެވެ.
އާދަމް ޝަރީފްގެ ހުށަހެޅުއްވުމުގައި ބުނީ، ހިޔާ ފްލެޓްގެ ފިނިޝިން އަށް ދަރަންޏާއި އެހެނިހެން ގޮތް ގޮތުން ފައިސާ އާއި ތަކެތި ހޯދުމަށް ފަހު، ހަވާލުކުރި ބައެއް ކުންފުނިތަކުން މަސައްކަތް ނުކޮށް، ފައިސާ އަށް ހިޔާނާތްތެރިވެފައިވާ ކަމަށެވެ. އަދި ފޫނުބެއްދޭވަރުގެ ގެއްލުމާއި ދަތިތައް ފްލެޓް ލިބުނު މީހުންނަށް ކުރިމަތިވެފައިވާ ކަމަށް އެ މައްސަލައިގައި ވެ އެވެ.
ފްލެޓް ލިބުނު މީހުންގެ އަތުން އޮޅުވާލައިގެން، ފިނިޝިންގެ މަސައްކަތް ކުރާ ކުންފުނިތަކުގެ ނަމުގައި ފައިސާ ހޯދުމާއި މަސައްކަތް ނުކޮށް ފައިސާ އަނބުރާ ނުދޭ މައްސަލަ ސަރުކާރުގެ ސަމާލު ކަމަށް ގެންނަން ހުށަހަޅުއްވާ ކަމަށް އާދަމް ޝަރީފް ވިދާޅުވި އެވެ.
އެމްޑީޕީގެ އަޣުލަބިއްޔަތު އޮންނަ ރައްޔިތުންގެ މަޖިލީހަށް އިދިކޮޅު ފަރާތްތަކުން މި ފަހުން ހުށަހެޅި މިފަދަ އެއްވެސް މައްސަލައެއް ފާހެއް ނުވެ އެވެ.
މި ދައުރުގައި އިދިކޮޅު ފަރާތްތަކުން ހުށަހަޅައިގެން ބަހުސް ކުރަން ފާސްވީ ދެ މައްސަލައެކެވެ. އެ ފަހަރު ވެސް އިދިކޮޅަށް ވޯޓު ކާމިޔާބު ކުރެވުނީ އެމްޑީޕީގެ ތެރޭގައި އުފެދިފައިވާ ދެބައިވުންތަކުގެ ތެރެއިން ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް ތާއީދު ކުރައްވާ މެމްބަރުންގެ ވޯޓާއެކުގަ އެވެ. އެ މައްސަލަތަކަށް ވެސް ބަހުސް ކުރުމަށް ފަހު އިތުރަށް ކުރިޔަށް ގެންދާކަށް ފާހެއް ނުވެ އެވެ.
އެ މައްސަލަ އަށް އިޝާރާތް ކުރައްވައި ނަޝީދު މިއަދު ވިދާޅުވީ މަޖިލީހުގައި އެ މަނިކުފާނު ބިލްތައް ކުރިޔަށް ގެންދަވަނީ ގާނޫނުއަސާސީ ތަންދޭ އެންމެ ފުޅާމިނެއްގައި އަދި ޑިމޮކްރަޓިކް ހަމަތައް ނެގެހެއްޓުމާއި ހިޔާލު ތަފާތުވުމުގެ ފުރުސަތު ބަހުސް ކުރުމުގެ ތެރެއިން ޖާގަ ދިނުމުގައި އުންމީދުގައި ކަމަށެވެ.
ނަމަވެސް ބައެއް މެމްބަރުން ދެކެވަޑައިގަންނަވާ ގޮތުގއި ބަހުސް ހުއްޓުވުމަކީ އެއީ އެ ބޭފުޅުންނަށް އެންމެ ފައިދާ ހުރި ގޮތެވެ. ނަޝީދު ވިދާޅުވީ، އަނެއްބައި މެމްބަރުން ގަބޫލު ކުރައްވަނީ ބަހުސްކޮށް، ރައްޔިތުންނަށް އޮޅުން ފިލުވައިދިނުމަކީ އެންމެ ރަނގަޅު ގޮތް ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ގުދުގުދާބެއްޔާ
12 April 2022
މިހިރީ މިޕިންކޭ މެންގެ ފެންވަރު ކޮންމެ ކަމެއް ވިޔަސް މަޖިލިސްއަށް ބޭނުމަކީ މަޖިލިސްގައި ކަމެއް ކުރިޔަ ނުދީ ވަގުތު ގެއްލުވާލުން! ބަލަ ތިޔަ ކަންތައްތައް މަސައްކަތް ހަވާލުކުރި ފަރާތުން ސަރިއްޔަތައް ހުށަހެޅީމާ ކުރިއަށް ދާނެނޫންބާ؟
ކުންފުނިބޯޑު
12 April 2022
އެފަދަ ކުންފުނިތަކަށް ނުސީދާކޮށް ޚަރަދުކުރާމީހުން އެނގޭނަމަ މި ނިންމުމަށް ހައިރާނެއް ނުވާނެ. އެ އެޕިކް ޝެލްޓަރ އިންވެސް ޔަގީންކާމއެކު ބުނެލި ޖެނުއަރީގައި އަދި ލާރިނަގަން ނުފަށާނޭ އެނގުނު ގޮތެއް މަށަކަށް ނޭނގޭ އޭގެ ދެދުވަސް ފަހުން ރައީސް އިއުލާނު ކުރިތަންފެނުނީ ގްރޭސް ޕީރިއަޑް އިތުރުކޮށްފަ.
ރައްޔިތުމީހެއް
12 April 2022
ހުޅުމާލޭގެ ބިމުގައި ފްލެޓް އަޅާފައި އެޗްޑީސީގެ މުވައްޒަފުންނަށް ބޭނުންއިރަކުން ބޭނުން ތަނެއް ދެވޭގޮތަށް އޮވޭތަ! މިހާރުވެސް 600 ވަރަކަށް ފްލެޓް އަޅާފައި މުވައްޒަފުންނަށް ބަހާލަނީ. ދައުލަތުގައި މަސައްކަތްކުރާ އެހެން މުވައްޒަފުންނަށް މިފުރުޞަތު ނެތީ ކީއްވެ؟ އެހެން ކުންފުނިތަކުގެ މުވައްޒަފުންނަށް މިފުރުޞަތު ނެތީ ކީއްވެ؟ އެހެން މުވައްސަސާތަކުގެ މުވައްޒަފުންނަށް މިފުރުޞަތު ނެތީ ކީއްވެ؟ ހުޅުމާލެއަކީ ވަކި ކުންފުންނަކުން ބޭނުންގޮތަށް އޮތް ތަނެއްތަ!
ސައްކެޔޮ
12 April 2022
އެމީހުން ދައްކަންޖެހޭ ފައިސާ ދައްކާނެ ކަމުގެ ޔަގީންކަން އެޗްޑީސީއަށް އޮންނާނެ. އެއީ މަހަކު 15،000 ވިޔަސް. އެކަމު މިއުޅެނީ 7،500 ވެސް ނުދައްކައިގެން ބައެއް އިއްޒަތްތެރި އެހެން ރައްޔިތުނަށްވިރެ އުހުގައި އުޅިއްވާ ބޮޑެތި ބޭފުޅުންތަކެއް.
ބީތާގެފާނު
12 April 2022
މާތްކަލާކޯ ބޭފުޅާއަކަށް އެނގިއެއް ނުލައްވާތޯ ހުޅުމާލޭގަ ސްޓެލްކޯ އާ ޕޯރޓްސްލިމިޓެޑާ ފެންކުންފުނި ފަދަ އޮފީސްތަކުން ފްލެޓްއަޅާ މުވައްޒަފުންނަށް ބަހާ ބަކީބައި އެތާ ދޮރުމަރިން ހިނގާމީހުންނަށްދީ ބަހާ ހުސްކޮށްފި މާދަމާ ވަންނަވަރަށް އެތަންތަން އެހެރީ ނިމިފައި
ގުއިއްޒު
12 April 2022
ހިޔާ ފްލެޓްތައް ހަދަން އެޕާރޓްމަންޓަކަށް 52000 ޑޮލަރަށް ހެދެން އޮތްއިރު 62000 ޑޮލަރަށް ހަދަން ހަވާލުކުރި މައްސަލޔަށް ބަހުސް ކުރުމަށް މަޖިލީހަށް ލީނަމަ ހިނގީސް. އެޑަމް އެ މައްސަލަ ލައްވާ ޕްލީޒް.
ހުސޭނުބޭބެ
12 April 2022
ތިޔަ ކަމަކަކަށް މި ސަރުކާރު ކޯލިޝަންގެ މެމްބަރުންނެއް ވޯޓެއް ނުދޭނެ! ރައްޔިތުންނަށް މާ ހެޔޮއެދޭ ބަޔަކަށް ބުނެ، ރައްޔިތުން ހަނާކުރާ ސަރުކާރެއް
ތަން ހަދަން ކުރިޚަރަދުއަގުމަކޮށް ކުއްޔަށްކަނޑަންވީ
12 April 2022
ކޮބައިކޮބާ! ހީވޭބާ! ކަމެއްހެން ފެނޭބާ! އެއްކަލަ ހިޔާފްލެޓްގައި އުޅޭ 10ހާހެއްހާ މީހުންގެ ކަންތަކަކީވެސް މަޖިލިސް ކުރާ ގޭގައި ބަހުސްކުރެވޭ ވަރުގެކަމަކަށް ވެއްޖެތާއެެވެ. ހުރިހާވެސް ގޯހަކީ ތަންނަހަދާ އެޗްޑީސީން ދިނުމުން ދެން ނުނިކުމެ ނުދާނެ އިޖުތީމާޢީ މައްސަލަތަކެވެ އިޖުތިމާޢީ ބޮއިހިޔާވަހިކަމުގެ ތެރޭން ނިކުތުމެވެ. އަދި ވެސް ހެއުމަގަށް ރުޖޫއަވެ ތިމާމެންނަށް ގޯސްތަކެއް ހެދިއްޖެ ކަން ގަބޫލްކޮށް ތަންހަދަން އަމިއްލައަށް ކުރި ޚަރަދުން ކަނޑަން ނުވޭބާވައެވެ.
55559
12 April 2022
އެޗްޑީސީން ވެސް ދައްކަނީ އެ ކުންފުނި ނޭވާ ހޮޅިއަށް އެޅޭ ވާހަކަ ހިޔާ މީހުން ކުލި ނުދައްކައިފި ނަމަ. އެކަމު އެ ކުންފުނިން ކުރާ ބޭކާރު ހަރަދު ތަކޯ؟ ވަރުވަރުން ސިޔާސީ މީހުންނަށް މަގާމުތައް ބަހާއިރު… އަޅެ ނޫސްވެރިން ބަލާބަލަ އެ ކުންފުނީގެ އޮޕަރޭޝަންލް ކޮސްޓް..
ލުނބޯ
12 April 2022
އަންނަ އަހަރު ހިޔާ ފްލެޓް މުހިންމުވާނެ ވޯޓް ހޯދަންވީމަ. އެމް.ޑީ.ޕީން މި ސަހަރަށް ނާންނާތި ބޭރުކޮށްކާލަން!!!
ޖޯޖް
12 April 2022
ކަލޭގެ އަމިއއލަ ސަރަހައްދެއްތަ ތީީ
ގެވެހިންސް
12 April 2022
ޕޕޕ ވެރިކަމަށް އައިސް ކުލި 5000 އަށް ހަދާތަން ބަލަން ދެލޯބޮޑުކޮށްގެން ބަލަން މިތިބީ
ޖުހާނާ
12 April 2022
ތިހެން ކިޔާފައިވެސް ވޯޓު ދޭނީ ހަމަ އެ ބައިގަނޑަށް.
ސަސު
12 April 2022
އަދަނުވެސް މާ ބޮޑަށް ރައްޔިތުންވެގެން އުޅެނީ. ކަމަކާ މަޖިލީހުގަ ބަހުސް ކުރިއަސް ނުކުރިއަަސް ވްނެ ތަފާތެއްނެތް. ކިތަންމެ ބަހުސެއް ކުރިއަސް ކުލި ކުޑަނުވާނެ ކަމަށް ޝުހައިލް ބުނަނީ