ސަރުކާރު ކޯލިޝަނުގެ އެއް ބައިވެރިޔާ އަދާލަތު ޕާޓީގެ ރައީސް އަދި ހޯމް މިިނިސްޓަރު އިމްރާން އަބްދުﷲ. ފޮޓޯ: މިހާރު
15 މެއި 2022 - 10:45
15 comments
އެމްޑީޕީގެ ޗެއާޕާސަނަަކު އިންތިހާބުކުރަން އިއްޔެ ބޭއްވި އިންތިހާބުން އެނގުނީ ރައީސް އިބްރާހިމް މުހައްމަދު ސޯލިހާއެކު ކޯލިޝަން ޕާޓީތައް އެކުގައި މަސައްކަތްކޮށް، ގައުމަށް ހެޔޮ ގޮތްތައް ހޯދޭނެކަން ކަމަށް ސަރުކާރު ކޯލިޝަނުގެ އެއް ބައިވެރިޔާ އަދާލަތު ޕާޓީގެ ރައީސް އަދި ހޯމް މިިނިސްޓަރު އިމްރާން އަބްދުﷲ މިއަދު ވިދާޅުވެއްޖެ އެވެ.
އޭނާ އެހެން ވިދާޅުވިއިރު، ޗެއާޕާސަނަކު އިންތިހާބުކުރަން މިދިޔަ 17 އަހަރުގެ ތެރޭގައި ބޭއްވި އެންމެ ވާދަވެރި އިންތިހާބު ކާމިޔާބުކުރީ ރައީސް އިބްރާހިމް މުހައްމަދު ސޯލިހުގެ ތާއީދާއެކު ނުކުންނެވި އިކޮނޮމިކް މިނިސްޓަރު ފައްޔާޒު އިސްމާއިލެވެ. އޭނާއާ ވާދަކުރެއްވީ ކުރީގެ ރައީސް އަދި އެމްޑީޕީގެ ރައީސް މުހައްމަދު ނަޝީދުގެ ތާއީދު އޮތް މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ (އިންތި) އެވެ.
ވަގުތީ ނަތީޖާ ދައްކާ ގޮތުން ފައްޔާޒު ކާމިޔާބު ކުރެއްވީ ވޯޓުގެ 58 ޕަސެންޓް ހޯއްދަވައިގެންނެވެ. އިންތި އަށް ހޯއްދެވުނީ 42 ޕަސެންޓެވެ.
އެ އިންތިހާބުގެ ނަތީޖާ އަށް ފަހު އިމްރާން ކުރެއްވި ޓުވީޓެއްގައި ވިދާޅުވީ، ބައެއް ހާލަތުތަކުގައި ސިޔާސީ ޕާޓީތަކުގެ އެތެރޭގެ މަސްލަހަތުތައް ގުޅިފައިވަނީ މުޅި ގައުމާއި ރައްޔިތުންނާ ކަމަށެވެ. އަދި ރައީސް އިބްރާހިމް މުހައްމަދު ސޯލިހާއެކު ކޯލިޝަން ޕާޓީތައް އެކުގައި މަސައްކަތްކޮށް ގައުމާއި ރައްޔިތުންނަށް ހެޔޮގޮތްތައް ހޯދޭނެ ކަމަށް ވެސް އޭނާ ވިދާޅުވި އެވެ.
"...މަރުހަބާ ފައްޔާޒު އަދި އެމްޑީޕީ،" އިމްރާންގެ ޓުވީޓްގައި ވެ އެވެ.
އިންތިހާބުގެ ކާމިޔާބީ އަށް ފަހު ކުރެއްވި ޓުވީޓެއްގައި ފައްޔާޒު ރޭ ވިދާޅުވީ، އެމްޑީޕީގެ މެމްބަރުން ދިން ވޯޓަކީ ޕާޓީ އާއި ސަރުކާރާ އެއްކޮށް ގޮސް 2023 ގެ ރިޔާސީ އިންތިހާބު ކާމިޔާބުކޮށް، މެމްބަރުން އެދުނު ގޮތަށް ޕާޓީ ''ހިންގާލަން'' ދިން ވޯޓެކެވެ.
އިންތިހާބުގެ ކުރިން "މިހާރު" އަށް ދެއްވި އިންޓަވިއުއެއްގައި ފައްޔާޒު ވިދާޅުވެފައިވަނީ އެމްޑީޕީގެ ރިޔާސީ ކެންޑިޑޭޓެއްގެ ގޮތުގައި ރައީސް އިބްރާހިމް މުހައްމަދު ސޯލިހު ދެވަނަ ދައުރަކަށް ނުކުންނަވައިގެން ނޫން ގޮތަކަށް އެ ޕާޓީ އަށް 2023 ކަށަވަރުވާނެ ތަނެއް އޭނާއަށް ފެނިވަޑައިނުގަންނަވާ ކަމަށެވެ. އިންތިހާބުގައި ވާދަކުރައްވާނެ ކަމަށް ރައީސް މިހާތަނަށް އިއުލާން ނުކުރެއްވިޔަސް އޭނާގެ އުއްމީދަކީ ރައީސް އިންތިހާބަށް ނުކުމެވަޑައިގަންނަވާނެ ކަން ކަމަށާއި އެ މަނިކުފާނަށް އިންތިހާބު ކާމިޔާބު ކޮށްދެއްވަން މަސައްކަތް ކުރައްވާނެ ކަމަށް ފައްޔާޒު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1206
15 May 2022
އިހަށް ވެސް ފަހަށް ވެސް އެ ބައިގަނޑަށް ކުރި ތާއީދެއް ނޯންނާނެ. އެހެންނެއް ނޫން، އަދާލަތު ޕާޓީގެ އިލްމުވެރިންނަށް ދީނީ ހައިސިއްޔަތުން ކުރި އިތުބާރަކަށްޓަކައި ފުރަތަމަ ފަހަރު ވޯޓެއް ދިނިން. އެ ވޯޓު ވީ ހިތި ހަބަރަށް ވުރެ ހިތި އެއްޗަކަށް. ކަށިޖެހޭނީ ހޮރަކުން އެއް ފަހަރު. އެ އިތުބާރު ވެއްޔާ މޮޑެވި ބީވެ ނިމި ހިނގާއްޖެ. މަގާމުގެ ދަހިވެތިކަން ތިޔަ ޕާޓީގެ މީހުން ފުށުން ފެނުނީ އިންތިހާއަށް. ނާއިބު ރައީސްކަމުގެ ދަހިވެތި ކަމުގައި ދިޔަ މީހާ ވެސް ހިމެނޭ.
1206
15 May 2022
މަތިންބައިން ޖެހުމުގެ ސަގާފަތް ދޫކޮށްލާ އިމްރާން. އިމްރާން މެން ވޯޓަށް ހިނގައިގެން ދެން މި ގަމުގައި ލިބޭނެ ވޯޓެއް ނެތް. ހަގީގަތަކީ ސިޔާސީ ކަންކަން ހިނގަމުން މި ދަނީ ފައިސާއާއި މަގާމުގެ ނުފޫޒުން. ފައިސާއެއް ވެސް ނުފޫޒެއް ވެސް ކުޑަތާ ތާއީދެއް ނެތް ބަޔަކަށް ކުރެވޭނީ ކީއް، އިސްލާމްދީން ހޯދައިދިން އިއްޒަތުން ދުނިޔެ ގަތުން އެއީ ގެއްލުން ބޮޑު ލަދު ހުތުރު ވިޔަފާރިއެއް. މި ހެން މި ބުނީކީ ފަހަރެއްގައި ވެސް އެމް.ޑީ.ޕީ އަށް ތާއީދު ކުރާތީއެއް ނޫން 1/2
ޗެކްފޮޓޯ
15 May 2022
ފަހަތުގަ ހުޅިކޮޅަކާއެކު ބެލީމަ އަޅެ ސަޅިއެއްނޫންތަ..
މުރާސިލް
15 May 2022
ރައީސާއި އެކު ކޯލިޝަން ޕާޓީތައް ހެޔޮ ގޮތް ހޯދަން އިމަރުނާނު ހުންނަވާށެވެ. އެކަމަކު ރައްޔިތުންތިބީ ތިޔަ ކޯލިޝަނަށް 2023 ދީގެން ހެޔޮގޮތް ހޯދާ ގޮތަކަށް ނޫނެވެ. އިމުރާމުމެންކަލަ ވއިޖެހޭ އަތަކަށް އެނބުރޭ މީހުން ގޮވައިގެން އެއްވެސް ބަޔަކަށް ހެޔޮ ގޮތެއް ނުހޯދޭނެއެވެ.
ބޮޑުމީހާ
15 May 2022
ހެޔޮގޮތަކީކޮބާތޯ؟ ޝެއިޚް، ނަހުލާ، ޔުމްނާއަށް މިނިސްޓަރުކަން ލިބުންތޯ! ދިވެހިން 24 ގަޑިއިރު މަސައްކަތްކޮށްގެން ހޯދާ ފައިސާކޮޅުގެ 90 އިންސައްތަ ދެނީ ކުއްޔަށް. ކޮބާތަ ކޯލިޝަން ރައީސް އަޅަން ބުނި 20000 ފްލެޓް. މަނިކްފާނު އެޕާރޓްމަންޓެއްގަ އޮތަސް ދިވެހިން އުޅެނީ ވަރަށް ހާލުގަ. ދެރައީ ވޯޓަކާއި ޖެހުނީމަ ވޯޓުން އެކަން ނުދައްކާކަން. ހާލުގައި އުޅޭލެއް ބޮޑުކަމުން ވަޒީފާއިން ވަކިކޮށްފާނެތީ، އާސަންދަ ނުލިބިދާނެތީ ނޫނީ ކޮންމެވެސް މާލީ މަންފާއަށް ވޯޓް ވިއްކަނީ
ސަސ
15 May 2022
އަބަދުވެސް އިމްރީން ހުންނާނީ ހައްޤުމަގުގަ. އެކަމަކާ މީހަކު ސުވާލެއް ކުރާކަށް ނުޖެހޭނެ.
ޏނބބބބ
15 May 2022
ތިފޮޓޯގަ އިމްރާން ހީވަނީ ފަހަތަށް ހުޅިއެއްޖަހާފަ އިންނަހެން
ޭަަހަމަ
15 May 2022
ޥެންޓިލޭރު މައްސަލަ ނުބެލުނީމަ އެގޭ ތިކަން
ފައިވާން
15 May 2022
ޝޭޚެކޭ ކިޔައިގެން އުޅޭ ބޮޑު ދޮގުވެރިއެއް. މޭޑޭގަ ގެންގުޅުނު ޑޮކިއުމެންޓްތައް ކޮބާހޭ. މީސްމީހުންގެ ބޮލުގަ ބޮޑެތި އިލްޒާމު އަޅުވާ ރައްޔިތުންނަށް އޮޅުވާލައިގެން ތިހެން އަބަދު މަގާމުގަ ނުތިބެވޭނެކަން ދަންނާތި.
ދިއްދޫމީހާ
15 May 2022
އަހަރެމެން ކުޑައިރު ކުޅެން އުޅޭއިރު އިންގިލި ކަނޑާގެން ނުވަތަ ވެއްޓިފަ ކަކޫކޮޅު މަށާގެން ދިޔާމަ ކާފަމެން ބޭސްއަޅާދީ ހަދާދޯ؟؟ އޭގެ މާނައަކީ ކާފަމެންނަކީ ޑޮކްޓަރުންނެއް ނޫންދޯ؟؟ ޝެއިހް ކިޔާއިރު ދުވަހަކުވެސް ދަރުސެއް ދިން އަޑުއެހެިންތައް؟؟
ދިއްދޫ ސޮރު
15 May 2022
ދިއްދޫ މިއަހަރުގެ އިހުޔާ ފޯރަމް ނުބަލަންދޯ؟
އަބަތަ
15 May 2022
ފޮޓޯއިން ހީވަނީ ބޮލުގައި ހުޅިއެއް ޖަހައިގެން ހުންނެވިހެން!!