ފުވައްމުލަކުގެ ހުކުރު މިސްކިތުގައި ހުންނަ އާސާރީ ގަބުރުސްތާނުގެ މަހާނަ ގަލެއް މެދުން ބިންދާލައިފައި -- ފޮޓޯ: ހެރިޓޭޖް މިނިސްޓްރީ
14 ޖޫން 2022 - 12:22
34 comments
ފުވައްމުލަކު ހުކުރު މިސްކިތުގައި އޮންނަ އާސާރީ ގަބުރުސްތާނުގެ މަހާނަ ގާތަކެއް ބިންދައި އެތަނަށް ގެއްލުން ދިނުމުން އެ މައްސަލަ ފުލުހުންނަށް ހުށަހަޅައިފި އެވެ.
މިހާރު ރާއްޖޭގައި ފެންނަން ހުރި އާސާރީ ގަބުރުސްތާނުތަކުގެ ތެރެއިން އެންމެ ދުވަސްވީ އެއް ގަބުރުސްތާނަށް ގެއްލުން ދިނީ، ހެރިޓޭޖް މިނިސްޓްރީގެ ކޮމިއުނިކޭޝަން ޑައިރެކްޓަރު އިސްމާއިލް ނާއިލް ވިދާޅުވި ގޮތުގައި މިދިޔަ އާދިއްތަ ދުވަހުގެ ރޭގެ ވަގުތެއްގަ އެވެ.
މިކަން ފުވައްމުލަކު ސިޓީ ކައުންސިލުން މިނިސްޓްރީގެ ސަމާލުކަމަށް އިއްޔެ ގެނައުމާ އެކު ފުލުހުންނަށް މައްސަލަ ހުށަހެޅީ އެވެ.
ފުވައްމުލަކު ހުކުރު މިސްކިތު އާސާރީ ގަބުރުސްތާނުގެ ދުވަސްވީ ގާތަކަށް ރޭގެ ވަގުތެއްގައި ބަޔަކު ގެއްލުންދިން މައްސަލަ މިމަރުކަޒުގެ ސަމާލުކަމަށް އައުމާއި ގުޅިގެން އެމައްސަލަ މިހާރު ވަނީ ފުލުހަށް ހުށަހަޅާފައި. އަދި މިކަމާގުޅޭ އިތުރު މައުލޫމާތު ފޮނުއްވުމަށް @FVMCouncilގަ ދަންނަވާފައި pic.twitter.com/07SEpQ3fQd
— National Centre for Cultural Heritage (@HeritageMv) June 13, 2022
"ގާތަށް ތާޅާލައިފައި، އަތިރިމައްޗަށް އުކާލައިފައި ހުރި ކަމަށް އަޅުގަނޑުމެންނަށް މައުލޫމާތު ލިބުނީ،" އޭނާ ވިދާޅުވި އެވެ.
"އެކަމާ ގުޅޭ އިތުރު މައުލޫމާތު ހެރިޖޭޓަށް ފޮނުވަން ފުވައްމުލަކު ސިޓީ ކައުންސިލަށް ވެސް ވާނީ އަންގާފައި."
ނާއިލް ވިދާޅުވި ގޮތުގައި، ގަބުރުސްތާނުގެ ދެ މަހާނަ ގަލެއް ބިންދާލާފައި އޮތެވެ. އޭގެ ތެރޭގައި ކުރީގެ ރަސްކަލެއް ކަމަށް ބެލެވޭ ބޭފުޅެއްގެ މަހާނަ ގަލެއް ވެސް ހިމެނޭ ކަމަށް އޭނާ ވިދާޅުވި އެވެ. ހިރިގަލުން ހަދާފައިވާ އެ މަހާނަގާތަކުގައި ހަތަރު ފޫޓްގެ އުސްމިން ހުރެ އެވެ. ބައެއް ގާތަކުގައި ޑިޒައިންތަކުގެ އިތުރުން ކަނޑައި ނަގައިގެން އަރަބި ބަހުން ލިޔެފައި ވެސް ހުރެ އެވެ.
އާންމުވެފައިވާ ފޮޓޯޓަކުން ފެންނަ ގޮތުގައި އެ މަހާނާ ގާތައް ވަނީ މެދުން ބިންދާލައިފަ އެވެ.
މިކަމާ ގުޅޭ ގޮތުން ފުވައްމުލަކު ސިޓީ ކައުންސިލްގެ ބަހެއް ނުލިބުނެވެ.
ފުވައްމުލަކުގެ ހުކުރު މިސްކިތުގައި ހުންނަ އާސާރީ ގަބުރުސްތާން: ބިންދާލި މަހާނާ ގަލެއް ހުންނަ ތަނުގެ ކުރީގެ ފޮޓޯއެއް -- ފޮޓޯ: އިސްމާއިލް ނާއިލް
ރާއްޖޭގެ ސަގާފަތާއި ތަރިކައިގެ ގާނޫނުގެ ދަށުން، ތަރިކަ އަށް ގެއްލުން ދިނުމަކީ ބޮޑު އަދަބެއް ލިބޭ ކުށެކެވެ. އެއީ ބޮޑެތި އަދަދުތަކުން ޖޫރިމަނާ އާއި ޖިނާއީ ދައުވާ ވެސް އަންނަ ކުށެކެވެ.
ގާނޫނު ބުނާ ގޮތުން، ތަރިކަ އަށް ގެއްލުންދިނުމުގެ ކުޑަބޮޑު މިނަށް ބަލައި، 10،000ރ. އާއި އެއް މިލިއަން ރުފިޔާއާ ދެމެދުގެ އަދަދަކުން ޖޫރިމަނާ ކުރެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަންޑޭލާ
15 June 2022
ސަރުކާރުން މިކަހަލަކަންތައްތަ ދޫކޮއްލާފައި އޮތްނާތީ މިހެންވަނީ. ނިކަން ފާޅުގައި އިމްރާނުމެން ނުކުމެބަލަ ތިކަހަލަ ފިކްރު ނައްތާލަން.
ޚަލީމް
15 June 2022
ފަތިސް ނަމާދުކޮށްގެން ސައިހޮޓަލަށް އަރާފަ ހޫނު މަސްރޮށި ނެތިގެން އުޅެނީ ފިރިހެން ބައި ދަށްވެފަ ތިބި މީހުން. އެއީ ސުންނަތެއް ނޫން.
ރާއްޖެ
15 June 2022
ޑޮޓު ގުރޫޕް ކުރާކަންތަކުން މީހުން އިސްލާމްދީންދެކެ ފޫހިވަނީ..!
ހިތާމަހުރި ކަމެއް
14 June 2022
ދީނީގޮތުން ވަކި ފިކުރެއް ގެންގުޅޭ މީހުންނަށް ބުނެލަން. ރާއްޖޭގެ އެކި ތަންޔަނުގަ ހެދިފަހުރި ދުވަސްވީ ގަބުރުސްޔާނުތަކާއި އެތަންތަނުގައި ހުންނަ ދުވަސްވީ މަހާނަ ގައުތަކާއި މަހާނަމަތީ ހަދާފަހުންނަ ޒިޔާރަތްތަކާއި ގަލުގަ ކަނޑާނަގާފަ ހުންނަ ލިޔުންފަދަ ތަކެއްޗަކީ ދީނާއި އެއްވެސް ގުޅުމެއް އޮތްކަމެއްނޫން. އެތަންތަން އެގޮތުގަ ބަހައްޓަންޖެހެނީ އަންނަންއޮތް ޖީލުތަކަށް ދިވެހިންގެ ސަގާފަތާއި އާސާރުތައް ދެނެގަތުމަށްޓަކައި. އެތަންތަނަކީ ދިވެހިންގެ ތަރިކައެއް.
ފޮނިޓައްޕު ހަސަނު
14 June 2022
ވައްޚާބީންނަކީ ހައްދުފަހަނަޅަިފައިވާ ބައެއް. ހަރުކަށި ގާނޫނަކުން ވައްހާބީން މައިތިރި ނުކޮށްފިނަމަ މިރާއްޖޭގެ މުސްތަގްބަލް ފެންނާނީ ވަރަށް އަނދިރިކޮށް.
މަސްތޫތު
14 June 2022
މިތާ އުޅޭ ސަލަފުންގެ ޝެއިޚުން ބުނާނެތެ ދެން ފަހެ އަޚުރެމެން ނުބުނައޫއޭ މަހާނަގާ ތަޅާކަށް އެކަމު މިމީހުންގެ ފަތުވާ ތަކުގަ މަހާނަގާ ތަޅަންޖެހޭ ސަބަބުތައް ދައްކައެވެ.
ހަރުބު
14 June 2022
އަލަށްތަ އިސްލާމްދީން މިޤަޢުމައް އައިސްގެން މިއުޅެނީ
ކުރުނބާ
14 June 2022
ވައްހާބީންގެ އުނދަގޫ ފެށުނީދޯ. ތަނެއްގެ މަހާނަގަލެއް ހުއްޓަސް އެމީހުން ހީކުރަނީ އެއީ އަޅުކަން ކުރާ އެއްޗެކޭ އެހާވެސް ސިކުނޑިނެތް ބަޔެއް
ޖުއްބާ
14 June 2022
ތިހުންނަނީ ދިވެހިންނައް އެންމެ ބޭކާރުކަންތައް. މިހާރު ދިވެހިންނައް ޑުރަގު ވަރިހަމަވެ ނިމިއްޖެ. 10 ކިލޯ 50 ކިލޯ 200 ކިލޯ.... އަދިވެސް އަދިވެސް. ދެންކޮން މަހާނަގަލެއްތޯ ދިވެހިންނައް އޮންނާނީ....
އ
14 June 2022
ގަބުރުސްތާނޭ ތަރިކަޔޭ މުދަލޭ ކިޔާކައް ވަކިތަނެއް މާއާސާރީވެގެން އުޅޭކަށެއް އެއްވެސް މުހިއްމެއްނޫން. ތީ މާބޯދާ ވިސްނުމެއް..