ސިޓީ ކައުންސިލުން މާލޭ ރައްޔިތުންނާ ބައްދަލުކުރުމަށް ލޮނުޒިޔާރަތް ޕާކްގައި ބޭއްވި ޖަލްސާގައި ބައިވެރިވި ބައެއް މީހުން މޭޔަރެ ވާހަކަ އަޑު އަހަނީ -- ފޮޓޯ: ފަޔާޒު މޫސާ | މިހާރު
20 ޖުލައި 2022 - 11:34
235 comments
މާލެ ސިޓީ ކައުންސިލުން ރައްޔިތުންނާ އެކު ރޭ ބޭއްވި ބައްދަލުވުމުގައި، ސަރުކާރުން މިހާރު ހުޅުވާލާފައިވާ ގޯތި ދިނުމުގެ އުސޫލުތަކާ ބޯހިޔާވެހިކަމުގެ ސިޔާސަތުތަކާ މެދު މާލެ ރަށްވެހިންނާއި އާއި ދަފްތަރުގައި ޖެހިފައި ތިބި މީހުން ދެބަސްވެ އަރައިރުން ވެއްޖެ އެވެ.
ލޮނުޒިޔާރަތް ޕާކުގައި ރޭ ބޭއްވި ޖަލްސާގައި އާންމު ރައްޔިތުންގެ ހިޔާލު ފާޅު ކުރުމަށް ފުރުސަތު ހުޅުވައިލުމުން ހައްޖަ ނަމަކަށް ކިޔާ އުމުރުން ދުވަސްވީ އަންހެނަކު ތެދުވެ ބުނީ ސަރުކާރުން ގޯތި ދިނުމުގައި މާލޭގެ ދަފްތަރުގައި ޖެހިފައި ތިބި މީހުން މަހުރޫމް ނުކުރަން އެދޭ ކަމަށެވެ.
އުމުރުން 10 އަހަރުންސުރެ މާލޭގައި ދިރިއުޅޭ މީހުން އެބަތިބި ކަމަށާއި އެ މީހުންނަށް ނުދީ ގޯތި ބަހަން އުޅޭ އުޅުން ހުއްޓުވައި ދިނުމަށް ކައުންސިލްގެ ފަރާތުން އެދޭ ކަމަށް އޭނާ ބުންޏެވެ.
"އަޅުގަނޑު މި ދަންނަވަނީ 1400 މީހުންގެ ހައްގުގައި. އަޅުގަނޑު ކޮންމެހެން ގޯތި ބޭނުންވެގެނެއް ނޫން އިނގޭތޯ. އަޅުގަނޑުގެ ހުންނާނެ ލަގްޒަރީ އެޕާޓްމަންޓެއް. ސާދަ ސަތޭކަ މީހުން އަމިއްލައަކަށް ނޫން އެތިބީ ދަފްތަރުގައި ޖެހިގެންނެއް. ބަޔަކު މީހުން އެ މީހުން ޖެއްސީމަ އެ ތިބީ ޖެހިގެން،" އޭނާ ބުންޏެވެ.
އޭނާ އެ ވާހަކަ ދެއްކުމުން އެ ތަނުގައި ތިބި މާލޭގެ ރަށްވެހިން އަޑުގަދަކޮށް ހިތްހަމަނުޖެހުން ފާޅު ކުރަން ފެށި އެވެ.
މާލެ ރަށްވެހިންގެ ޖަމިއްޔާގެ ނައިބު ރައީސް އިސްމާއިލް ނާޒިމް ތެދުވެ ވިދާޅުވީ ގޯތި ދިނުމުގެ ޝަރުތުތައް މާލޭގެ ރަށްވެހިންނަށް ހާއްސަކޮށްފައި ވާތީ އެއީ ރަނގަޅު އިންސާފުވެރި ގޮތެއް ކަމަށް ގަބޫލު ކުރައްވާ ކަމަށެވެ.
އެތައް ހާސް މާލެ ރައްޔިތުން ތިއްބާ އެންމެ 3000 ގޯއްޗަށް ހުޅުވާލާފައި ވަނިކޮށް އަނެއްކާ އޭގެ ތެރެއަށް އިތުރު ބަޔަކު ވައްދާކަށް ބޭނުން ނުވާ ކަމަށް އޭނާ ވިދާޅުވި އެވެ.
"އެ ބޭފުޅާ އަމިއްލަ އަށް ވެސް ވިދާޅުވެއްޖެ ލަގްޒަރީ އެޕާޓްމަންޓު އެބަހުއްޓޭ. ދެން ކޮން ވާހަކައެއްތޯ މިދައްކަނީ. ރަށުގައި އެބަހުރި ފަޅު ގޯތި އާއިލާ ފަރާތުން ވާރުތަވާ، އެހެންވެ ނުޖެހޭ އެ މީހުންނަށް [މާލެއިން ގޯތި] ދޭކަށް." ނާޒިމް ވިދާޅުވި އެވެ.
މާލޭ މީހުންނާ ބައްދަލުކުރުމަށް ލޮނުޒިޔާރަތް ޕާކުގައި ކައުންސިލުން ބޭއްވި ޖަލްސާގައި މޭޔަރު ޑރ. މުހައްމަދު މުއިއްޒު އާ ޑެޕިއުޓީ މޭޔަރު އަހުމަދު ނަރީޝް-- ފޮޓޯ: ފަޔާޒު މޫސާ | މިހާރު
އެކަމަށް ތާއީދު ކުރައްވާ ވާހަކަ ދެއްކެވި އެހެން މީހަކު ބުނީ ދަފްތަރު ވަގުތުން ވަގުތަށް އުވާލަން މުއިއްޒުގެ ފަރާތުން އެދިވަޑައިގަންނަވާ ކަމަށެވެ. ދަފްތަރާ ހެދި ވަރަށް ދަތިވާ ކަމަށް އޭނާ ބުންޏެވެ.
ދަފްތަރުގައި ޖެހިފައި ހުރި އެހެން އަންހެނަކު ބުނި ގޮތުގައި އޭނާ އުމުރުން ހަތް އަހަރުން ފެށިގެން އުޅެނީ މާލޭގަ އެވެ. އޭގެ ފަހުން މާލެ އަށް އުފަން އަށް ދަރިން ލިބިފައިވާ ކަމަށާއި އެ ދަރިންނަށް ވެސް ދަރިން ލިބިފައިވާ ކަމަށް އޭނާ ބުންޏެވެ. އެކަމަކު އޭނާގެ އަތުގައި ފްލެޓެއް އަދި ގޯއްޗެއް ނެތް ކަމަށް އޭނާ ބުންޏެވެ.
"މާލޭގައި 10 ބުރީ އިމާރާތް ތިބި ފަރާތްތަކަށް [ކުރީގެ ރައީސް] މައުމޫންގެ ދައުރުގައި ލ. އަތޮޅު ގަމުން ގޯތި ދިނީ އެއީ ކޮން ޝަރުތެއް ފުރިހަމަވެގެންތޯ. އެއީ ގަމު ރައްޔިތުންތޯ އަޅުގަނޑަށް ސާފުކޮށްދެއްވާ،" އޭނާ ބުންޏެވެ.
ސިޓީ ކައުންސިލުން މާލޭ ރައްޔިތުންނާ ބައްދަލުކުރުމުގެ ޖަލްސާގައި އާންމު މީހަކު ކައުންސިލް މެމްބަރުންނާ ސުވާލުކުރަނީ -- ފޮޓޯ: ފަޔާޒު މޫސާ | މިހާރު
އެކަމަށް ރައްދު ދެމުން އުމުރުން ދުވަސްވީ އެހެން އަންހެނަކު ބުނީ ދަފްތަރުގައި ޖެހިފައި ތިބި މީހުންގެ ރަށްރަށުން އެ މީހުންނަށް އަމިއްލަ ގޯތި ލިބިފައިވާ ކަމަށާއި މާލެއިން ފްލެޓާއި ގޯތި ލިބިއްޖެ ނަމަ އެތަންތަން ވެސް ދައުލަތަށް ދޫކޮށްލަން ޖެހޭ ގޮތް ހަދަން ޖެހޭ ކަމަށެވެ.
މާލެ ރައްޔިތެއް ވިޔަސް އަމިއްލަ ރަށުގައި ރެފިއުޖީންނަށް ވެގެން އުޅެން ޖެހިފައިވާ ކަމަށާއި އޭނާގެ ދަރިން އާޓިފިޝަލް ބީޗުގައި ހިލަ ގޮނޑިތަކުގައި ނިދަން ޖެހޭ ކަމަށް އޭނާ ބުންޏެވެ.
"ލ. ގަމުން އެއިރެއްގެ މަތިފަޑީގައި ތިބި ބޭފުޅުންނަށް 5000 އިން 6000 އިން 10،000 އަަކަފޫޓުން ގޯތި ދީފައި އެބަތިބި. މާރިޔާ ރީކޯ މޫސަ ރައީސް ނަޝީދު އެހެން ދަންނަވާނެ ކަމެއް ނެތް އިލްޔާސް އިބްރާހިމް. އެއީކީ މާލޭގެ ނިކަމެތި ރައްޔިތުންނެއް ނޫން އިންގޭތޯ،" ވަރަށް އަސަރާއެކު އޭނާ ބުންޏެވެ.
ރަށްރަށުގެ މީހުންނަށް ގޯއްޗަށް ކުރިމަތި ނުލެވޭތީ އެކަމުގެ ކަންބޮޑުވުން ފާޅުކޮށް ފޮނަދޫ ދާއިރާގެ މެމްބަރު މޫސާ ސިރާޖު ރައްޔިތުންގެ މަޖިލީހަށް މައްސަލައެއް ހުށަހަޅާފައިވާތީ އެކަމަށް ފާޑު ކިޔައި ހިޔާލު ފާޅު ކުރި މީހަކު ވަނީ ސިރާޖުގެ ރަށުގައި އޭނާގެ ގޯއްޗެއް ނެތްތޯ ސުވާލު އުފައްދައިފަ އެވެ.
ސިޓީ ކައުންސިލުން މާލޭ ރައްޔިތުންނާ ބައްދަލުކުރުމުގެ ޖަލްސާގައި ކުރީގެ އެލެކްޝަން ކޮމިޝަނަރު ކައުންސިލް މެމްބަރުންނާ ސުވާލުކުރަނީ -- ފޮޓޯ: ފަޔާޒު މޫސާ | މިހާރު
"މާލެ ރައްޔިތުން މިހާ ބޮޑަށް ފިއްތާލާފައި މި އޮންނަނީ. އެއްވެސް ކޮޅަކުން ނުލިބޭ ރެފިއުޖީން އަޅުގަނޑުމެންނަކީ. އެހެން މީހުން އައިސް ފައިޖައްސާލާ ކޮންމެ ތާކުން ބޯހިޔާވެހިކަން ދޭކަށް ނުޖެހޭނެ،" އޭނާ ބުންޏެވެ.
އޭނާ ބުނި ގޮތުގައި މައިބަފައިންގެ ފަރާތުން ލިބޭ ގޯތި ފަޅިކޮށްގެން ދެ އަކަފޫޓު ލިބުނަސް މިހާރު އޮތް އުސޫލުގެ ދަށުން އެތަން ވެސް ދޫކޮށްލަން ޖެހެ އެވެ. އެހެންކަމުން އެއީ ހިލޭ ދޭ ގޯތި ކަމަށް ގަބޫލު ނުކުރާ ކަމަށް އޭނާ ބުންޏެވެ.
އެ ބައްދަލުވުމުގެ ހޯސްޓް އަދި މާލެ ސިޓީ ކައުންސިލްގެ ސްޕޯކްސްޕާސަން މަރިޔަމް ޝިއުނާ ވަނީ އެއްބޭފުޅެއް އަނެއް ބޭފުޅަކާ ރައްދު ނުދިނުމަށާއި އެހެން ފަރާތްތަކުން ހިޔާލު ފާޅު ކުރަން ފުރުސަތު ދިނުމަށް އެދިފަ އެވެ.
އެ ހިޔާލުތަކާ ގުޅޭ ގޮތުން މުއިއްޒު ވަކި އެއްޗެއް ވިދާޅެއް ނުވެ އެވެ.
ނަމަވެސް ހިޔާލު ފާޅު ކުރަން ފުރުސަތު ހުޅުވައިލުމުގެ ކުރިން މުއިއްޒު ދެއްކެވި ވާހަކާގައި އޭނާ ވަނީ މިހާރު ހުޅުވާލާފައިވާ ފުރުސަތުގައި ކިރިޔާ ވެސް ޝަރުތު ހަމަވާ ފަރާތެއް ނަމަ ފޯމުލައި ކުރިމަތިލާން އެދިލައްވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަން
22 July 2022
މޮޔަ ނުގޮވާ ދައުލަތުގެ ލާރިއަކީ އެންމެންގެ ލާރި
ޚައްޤަތު
21 July 2022
މުއިއްޒު އަކަށް ތިކަމެއް ހައްލެއް ނުވާނެ. ވީއްޔާ ވާނީ އިތުރައް ގޯސް. މުއިއްޒު ހެދިމަގުތަށް ކުރީން ހަދާފަ ހުރި އެހެން މަގުތަކަށް ވުރެވެސް ގޯސް. ތިޔައީ މާރުކޭޓު ގޮޅިތަކުގެ ގުރުއަތު 3 މީހުން 3 މީހުން ވަކީން ގެން ގޮސްގެން ގުރުއަތުލީ ބޭފުޅާ. އެހެން މީހުން ނުބައިކުރުން ނޫން ކަމެއް ނުކުރާނެ. މީސްތަކުންނޭ ! ހޭއަރާ ތިބޭތި
ރާއްޖެތެރޭ މީހުން
21 July 2022
ރާއްޖެތެރޭ ރަށެއް ކައިރީ އޮތް ފަޅެއް ހިއްކައިގެން ވަކި ރަށެއްގެ ބަޔަކަށް ގޯތި ދީފައެއް ނެތް. ހުޅުމާލެއާ ގުޅީފަޅަކީ މާލެ ކަމުގައި ހެދެންޏާ ލ. ގަމަކީވެސް މާލެކަމަށް ހަދާ. މާލޭ މީހުނަށް މާލެއިން ގޯތިދީ. ފަޅުފަޅު ހިއްކައިގެން ދެންޏާ ދިވެހި ހުރިހާ ރައްޔިތުންނަށް ވާންވާނީ ހަމަހަމަ.
ކަދުރު ފާތިޔެ.
21 July 2022
ކޮން ރާއްޖެ ތެރެއެކޭ ކިޔާކަށްތަ ؟ ކ.އަތޮޅު މާލެ އަކީ ވެސް ރާއްޖެތެރޭގެ ރަށެއް. އަނެއްކޮޅުން ދިވެހި ބަހުގެ ހަމައިން ބެލި ކަމުގައި ވިޔަސް ކ.އަތޮޅު އޮތީ ރާއްޖޭގެ މެދުގައި . އެހެންވީމާ އަހަރުމެން މިބުނަނީ ތިރަށަކީވެސް ރާއްޖެތެރޭގެ ރަށެކޭ.
ގައުމީދޫ001
21 July 2022
ޙުރިހާ ރަށްވެހިންނަށްވެސް ލެވެނީ އެއްވޯޓް. މެމްބަރުން އިތުރުކުރަނީ ދަފްތަރުމީހުން ހިމަނައިގެން. ޣަނީމާ ބަހަންވީމަ ބޭކަރު ބައެއް؟’!
ލަންކާ
21 July 2022
ސ. ލަންކާ ގަ އުފަންވާ މާލޭ ބޭބީސް/ފުލުން ވާނީ ލަންކާ ރައްޔަތުންނައްތޯ މާލޭ ބޭފުލުުން ނައްތޯ؟
ކޮބާ ކޮބަ
21 July 2022
މާލޭ ރައްޔިތުން ނައް ބޯހިޔާވަހިކަން ދަތިވެގެން، ވަށައިގެން އޮތް ބޮޑު ފަޅު، މާލޭ ރައްޔިތުން ލައްވާ ވެލި އުފުލުވައިގެން ހިއްކާފަ، ދީފަ އެ އޮތީ ކޮން ބަޔަކަށްތޯ ބަލާބަލަ.. %95 ރާއްޖެ ތެރެ މީހުން..ފުރަތަމަވެސް މިކަން އެބަ ބަލަން ޖެހޭ..އެގޯތިތައް މާލޭގެ ހައްގު ވެރިންނަށް ލިބެނިކޮށް މައްސަލަ ހައްލު ވެދާނެ. މާލޭ ރައްޔިތުން، ދަރިންނާ ދަރިފަސް ކޮޅުގެ ހައްގު ގައި ތެދުވަންވީ ވަގުތު މި ވަނީ އައިސް ފައެވެ.
ލަކިސް.
21 July 2022
މާލޭ ގޮލާމެން ކަންނެތްކަމުން ބިން ހިއްކައިގެން ގޯތި ނަގަން ދިން ގިނަ ފުރުސަތު ބޭނުމެއް ނުކުރޭ. އަދި ކ.އަތޮޅު މާލޭ މީހަކު ހިއްކި ބިމެއްވެއްޖެއްޔާ ފަހުން ލާރިކޮޅެއްގެ ދަހިވެތި ކަމުގައި އޭނާ ވަނީ ބިން ވިއްކާފައި. އެހެން މީހުންގެ ބޮލަށް ކަނަކަން ކަޑާލަން ނޫޅޭ.
ފަސޭހަ ހައްލު
21 July 2022
މިކަން ހައްލުކުރެވިދާނެ މާލޭގެ މީހުން ބައިތިއްބާފަ ރާއްޖޭގެ އެހެން ރަށްރަށުގެ މީހުން މަރާލިއްޔާ.
އަބްދޫ
21 July 2022
ދަފްތަރުގެ ނަން މާލޭ ރަށް ވެހިންގެ ކައުންސިލްގެ މީހުންގެ ރަޖިސްތޓަރީ މާލޭ ގެރަށްވެހިންގެ މުލީއާގޭގެ މީހުންގެ ރަޖިސްޓަރީ މާލޭ ގެ ރަށް ވެހިންގެ ވެލާނާގެ މީހުންގެ ރަޖިސްޓަރީ މިގޮތަށް ލިއުނީމަ ދަފްތަރުގެ ނަމެއް ނަދޭ . އެކަމަކު ކައުނސިލްގަ ވެސް މަލޭގެ އަދީ ރާއްޖޭގެ ކޮންމެ ގެއެއްގަ އޮންނަ މީހުންގެ ރަޖިސްތަރިއަކީ ދަފްތަރު. ކޮންމެ ގެއަކުވެސް ދަފްތަރު އޮވޭ ދަފްތަކު ނަންބަރުވެސް ހުރޭ އައިޑީ ކާޑު ވެސް އަށް ވެސް ބަދަލުގެނައުމުން ނިމުނީ.
އޭން
21 July 2022
މައްސަލައަކީ ޝަރުތުކަނޑަ އަޅާފައޮތް ގޮތް. މާލެ މީހެއްކަމަށް ބެލެވޭނީ މާލެއިން ގޯއްޗެއް މިލުކުގައި އޮތުން ނުވަތަ އެމީހެއްގެ މަންމަ ނުވަތަ ބައްޕަގެ ފަރާތުން ގޯއްޗެއް ނުވަތަ ގޯތިންބައެއް ވާރުތައިން ލިބެންއޮތުން އަދި އެމީހަކީ މާލޭގެ ގެއެއްގައި ރަޖިސްޓްރީ އޮތް މީހަކަށްވުން.