ސިވިލް ކޯޓުގައި މުވައްޒަފުން މަސައްކަތް ކުރަނީ.-- ފޮޓޯ: ނިޝާން އަލީ/ މިހާރު
02 ޖެނުއަރީ 2017 - 19:09
10 comments
ސިވިލް ކޯޓުން މިދިޔަ އަހަރު 3326 މައްސަލަ ނިންމާފައިވާ ކަމަށާއި އަހަރު ދުވަހަށް ވުރެ ގިނަ ދުވަސްވެފައި މައްސަލަތަކުގެ އަދަދު ތިނަކަށް މަދުކުރެވިފައިވާ ކަމަށް އެ ކޯޓުން ބުނެފި އެވެ.
އެ ކޯޓުން އާއްމުކުރި ތަފާސްހިސާބު ދައްކާގޮތުން މިިދިޔަ އަހަރު 2732 މައްސަލައެއް ކޯޓަށް ހުށަހެޅި އެވެ. އަދި 2015 ވަނަ އަހަރު ނިމުނުއިރު، ނުނިމި އޮތް 1243 މައްސަލަޔަކާ އެކު މިދިޔަ އަހަރު އެ ކޯޓުން ވަނީ 3326 މައްސަލަ ނިންމައިފަ އެވެ.
މިދިޔަ އަހަރު ނިމުނުއިރު، އެއް އަހަރަށް ވުރެ ގިނަ ދުވަސްވެފައިވާ ތިން މައްސަލައެއް އޮތް އިރު މިދިޔަ އަހަރު ހުށަހެޅި މައްސަލަތަކުގެ ތެރެއިން ނުނިމި އޮތީ 649 މައްސަލަ އެވެ.
ޝަރީއަތަށް ނުގޮސް މަޝްވަރާކޮށްގެން މައްސަލަތައް ހައްލުކުރުމަށް އުފައްދާފައިވާ ޑިސްޕިއުޓް ރިޒޮލިއުޝަން ޑިވިޝަނަށް މިދިޔަ އަހަރު 1678 މައްސަލަ ހުށަހެޅިއިރު އޭގެ ތެރެއިން 1035 މައްސަލައެއް ޝަރީއަތާ ހިސާބަށް ނުގޮސް ވަނީ ހައްލުކުރެވިފަ އެވެ.
ތަފާސް ހިސާބު ދައްކާ ގޮތުން ސިވިލް ކޯޓުން މިދިޔަ އަހަރު ދަރަނީގެ ގޮތުގައި 36.6 މިލިއަނަށްވުރެ ގިނަ ރުފިޔާ އާއި ހަތަރު ލައްކައަށްވުރެ ގިނަ ޑޮލަރު ބަލައިގެންފައިވެ އެވެ.
ކޯޓުން ނެރުނު ނަތީޖާ ދަމަހައްޓަން މަސައްކަތް ކުރަން ރާވާފައިވާނެ ކަމަށާއި މިއަހަރު ވެސް ތިން ފިޔަވައްސަކަށް ބަހައި، ފުރަތަމަ ފިޔަވަހީގެ ހަތަރު މަސް ދުވަހުގެ ތެރޭގައި އަށް މަހަށްވުރެ ގިނަ ދުވަސްވީ މައްސަލައެއް ނުބޭއްވުމަށް ކޯޓުން ވަނީ އަމާޒު ހިފައިފަ އެވެ. އަދި ދެ ވަނަ ފިޔަވަހީގެ ހަތަރު މަސް ދުވަހުގެ ތެރޭގައި ހަ މަހަށްވުރެ ގިނަ ދުވަސްވީ މައްސަލައެއް ނުބޭއްވުމަށާއި ތިން ވަނަ ފިޔަވަހީގެ ހަތަރު މަސް ދުވަހުގެ ތެރޭގައި އެ ކޯޓުގެ އެއްވެސް ގާޒީއެއްގެ އަތުގައި 40 އަށްވުރެ ގިނަ މައްސަލަ ނޯންނާނެ މިންވަރަކަށް މައްސަލަތައް ނިންމަން އަޒުމު ކަނޑައަޅާފައިވާ ކޯޓުން ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
03 January 2017
ގިނަ މިވަނީ ކިތައް އަހަރު ވީމަ ބާ؟
އީޒީދޯ
03 January 2017
ރާއްޖޭގެ ތާރީޚް ގައި ވެސް މިހާތަނަށް ސިވިލް ކޯޓަށް ނުނިންމޭ މައްސަލަ ތައް ވަނީ މިދިޔަ އަހަރު ނިންމާފައެވެ. އެއީ ރިކޯރޑް އަދަދެކެވެ. އެކަން ކަން އެހާ ފުރިހަމަ އަށް އެހިނގަނީ އެއީ މަމެން ޕިންކީންގެ ވެރިކަން ޓައިޓޭނިއަމް ޕްލޭޓެޑް ވެރިކަމަށް ވާތީއެވެ. ދެން މިއަހަރު ހުރިހާ ކޯޓް ތަކަށް 50 ބުރީގެ އިމާރާތެއް ހުޅުމާލޭގައި ކޮށް ދިނުމުން ކޮންމެ ކޯޓަކަށް 2 ފްލޯރ ދިނުމުން ހުންނާނީ ރަނގަޅަށެވެ. އަދި ރާއްޖޭގެ އާބާދީ އެއް ފަސް ކުރުމުގެ ގޮތުން 8000 އިން ދަށުގެ ހުރިހާ އާބާދީ ތައް މާލެ ސަރަހައްދަށް ބަދަލު ވުމުން އަދި ވަކިން ޚާއްސަ ކޮށް ސިިވިލް ކޯޓް ގެ މައްސަލަ ތައް ނިންމަން ފަސޭހަ ވެގެން ދާނެއެވެ.
ހުއްޗަޅޭ
03 January 2017
"މިދިޔަ އަހަރު އެ ކޯޓުން ވަނީ 3326 މައްސަލަ ނިންމައިފަ އެވެ."
އަލީ
03 January 2017
ހުުދު އަހަރެން ހުށަހަޅާފައިވާ ދެެ މައްސަލަ ނުނިމި އެބައޮތް.
އަލީ
03 January 2017
ނިންމި އަދަދު ބަލަންވީނު? ސުޕީރިއަރ ކޯޓުތަކުގެ ތެރެއިން އެންމެ ގިނަ މައްސަލަ ނިންމީ ސިވިލްކޯޓުންނޭ. ދެންކީކޭ ބުނާނީ އެކޮޔެ
ހައިސަމް
02 January 2017
ސިވިލް ކޯޓުގަހުރި އެތައްސަތޭކަ މައްސަލައެއް އާއިލާ ކޯޓަށް މިދިޔައަހަރު ބަދަލުކުރީމަ ބާކީހުރި މައްސަލަތައް މަދުވާނެދޯ!
މޫސަ
03 January 2017
ބަލަގަ އެއީ 2015 ގަ
މެންޓަލިސްޓް
02 January 2017
އެހެންވީމައި މީރާގެ ބަދަލުގައި ޓެކްސް ނެގުންވެސް ސިވިލްކޯޓަށް ބަދަލުކުރަންވީނޫންތޯ ، އޭރުން ވިޔަފާރިތަށް ކުރާމީހުން ޓެކްސް ނުދެއްކީމައި ވަގުތުން މައްސަލަބަލާ ހުކުމްކުރެވޭނެ ، އޭރުން މާބަރާަބަރަށް މީހުން ފައިސާވެސް ދައްކާެނެ ، މިހާރު ވާގޮތަކީ ޓެކްސްއަށް މަކަރުހަދައިގެން އެތަށް ބަޔަކުއެބައުޅޭ ،،، އެމީޙުންގެ މައްސަލަތަކެށް މީރާއަކަށް ރަގަޅަށް ނުބެލޭ އަދި އެފައިސާވެސް ދައުލަތަށް ނުހޯދޭ ،، ބައެއްމީހުން އެބައުޅޭ މީރާއަށް ބިރުދައްކަށް ފާޑުފާޑުގެ ޔުނިއަން ތަށް ހަދައިގެންވެސް ،، ރަގަޅަށް ބަލާލާޢިރު މުޅިޔުނިއަންގައި ތިއްބެވީވެސް ޓެކްސް ފްރޯޑްހިންގާފައިތިއްބެވި ބޭފުޅުން ،، ވަރަށްެވެދުން
ސްމޫތް
02 January 2017
މަމެން ޕިންކީންގެ ވެރިކަމުގައި ސިވިލް ކޯޓް ވެސް އެދަނީ ވަރަށް ސްމޫތް ކޮށް ހިނގަމުން ނަލަ ވައިގައި ވައިފަައްސަށް ދުއްވަމުން ހުރިހާ މައްސަލަ ތައް ކްލިއަރ އައުޓް ކުރަމުން ދޯ. މަމެން އަދިވެސް ވަރަށް ދެކެން ބޭނުންވާ ދުވަހެއް މަމެންގެ ބޮކްސް ރޭސް މިއަހަރު ޑިސެމްބަރު މަހުގައި ބޭއްވޭނެ ގޮތް ވެސް ވުން ދޯ. އެމެން ގެ ޑޮލަރު އަގު ބޮޑު ކުރި ތިން އަހަރު މިހާ ސްމޫތް ކޮށް ކަންކަން ނުދިޔައީ އެއީ ކިއެއްވެތޭ. މަމެން ގެ ވެރިކަމުގައި ހުރިހާ ކަމެއް ވެސް މިދަނީ ސްމޫތް ކޮށް ދޯ. ސްމޫތް އޮޕަރޭޓަރސް. ސްމޫތް އޮޕަރޭޓަރސް.
ދޮންދީނި
03 January 2017
ތަމެންގެ ސަރުކާރުގައި ސްމޫތު ކޮށް ނުދަނީ ކޮންކަމެއް....ކޮރަޕްޝަން އަށް އިންތިހާއަށް ސްމޫތު....އެމީހަކު އަތު ޖެހުނު އެއްޗެއް ކައިނަގަނީ ނުހަނު ސްމޫތުކޮށް...ހީވާކަހަލަ ރައްޔިތުންނަށް އެއްވެސް ކަމެއް ނޭގޭނެޔޭ..