ކަރަންޓް ކެނޑުނީ ގްރޭޓާމާލެ އިންޓަކަނެކްޝަން ގްރިޑަށް ދިމާވި ޓެކްނިކަލް މައްސަލައަކާ ގުޅިގެންނެވެ. ޓެކްނީޝަނުން މިހާރު އަންނަނީ ގްރިޑް ރީކަނެކްޓް ކުރުމުގެ މަސައްކަތް ކުރަމުން ކަމަށް ސްޓެލްކޯ އިން ބުނޭ.
ސްޓެލްކޯ ގެޑް އޮފީސް-- ފައިލް ފޮޓޯ: ފަޔާޒު މޫސާ/މިހާރު
17 އޯގަސްޓް 2022 - 12:14
19 comments
ސްޓެލްކޯ އިން ބުނީ، މާލެ އާއި ހުޅުމާލެ އިން ކަރަންޓުގެ ހިދުމަތް ކެނޑުނީ، ހުޅުމާލޭގެ އިންޖީނުގޭގައި އަޕްގްރޭޑިންގެ މަސައްކަތްތަކެއް ކުރަމުން އަންނަނިކޮށް ކަމަށް. އެ ތަނުގެ ދެ އިންޖީނު ނިވުމާ ގުޅިގެން އެ މައްސަލަ ހައްލުކޮށް، އިންޓަ ކަނެކްޝަން ގްރިޑް އެނަޖައިޒް ކުރުމުގެ ކަންކަން ކުރިއަށް ގެންދާ ކަމަށް އެ ކުންފުނިން ބުނޭ.
މުޅި މާލެ އިން ދެންމެ ކަރަންޓުގެ ހިދުމަތް ކެނޑިއްޖެ އެވެ.
ސްޓެލްކޯގެ މީޑިއާ އޮފިޝަލް ވިދާޅުވީ، ދިމާވި ޓެކްނިކަލް މައްސަލަތަކެއްގެ ސަބަބުން މުޅި މާލެ އާއި ހުޅުމާލޭގެ ސަރަހައްދަކުން ކަރަންޓު ކެނޑިފައިވާ ކަމަށެވެ. އެ މައްސަލަ ހައްލުކޮށް ބައެއް ސަރަހައްދުތަކަށް ކަރަންޓު ދެމުން އަންނަ ކަމަށް އޭނާ ވިދާޅުވި އެވެ.
އޮފިޝަލް ވިދާޅުވި ގޮތުގައި ކަރަންޓުގެ ހިދުމަތް މެދު ކެނޑުނީ ގްރޭޓާމާލެ އިންޓަކަނެކްޝަން ގްރިޑަށް ދިމާވި ޓެކްނިކަލް މައްސަލައަކާއި ގުޅިގެންނެވެ. ޓެކްނިޝަނުން މިހާރު އަންނަނީ ގްރިޑް ރީކަނެކްޓް ކުރުމުގެ މަސައްކަތް ކުރަމުންނެވެ.
މައްސަލަ ހައްލުކޮށް، މާލެއަށް ކަރަންޓް އަލުން ދެވޭނެ ސީދާ އިރެއް ސްޓެލްކޯ އިން ނުބުނެ އެވެ.
މީގެ މަހެއްހާ ދުވަސް ކުރިން ވެސް މާލޭގެ ބޮޑު ބަޔަކުން ވަނީ ކަރަންޓު ކެނޑުނެވެ. އެ ފަހަރު ވެސް ކަރަންޓު ކެނޑުނީ ޓެކްނިކަލް މައްސަލައަކާ ހުރެ ކަމަށް ސްޓެލްކޯ އިން ބުންޏެވެ.
އެ ކުންފުނިން ބުނެފައިވާ ގޮތުގައި އަހަރަކު ގާތްގަނޑަކަށް ހަތް ޕަސެންޓަށް ކަރަންޓުގެ ޑިމާންޑު އިތުރުވަމުން އަންނަ ކަމަށް ސްޓެލްކޯގެ ތަފާސްހިސާބުތަކުން ދައްކަ އެވެ. މާލެ ސަރަހައްދަށް ޖަމާވާ މީހުންގެ އަދަދު އިތުރުވެ، ކަރަންޓުގެ ޑިމާންޑު މަތިވުމުގެ ނަތީޖާ އަކީ ކަރަންޓު ކެނޑުމުގެ މައްސަލަތައް އިންތިހާ އަށް ބޮޑުވުމެވެ. މާލެ އާއި ހުޅުލެ އާއި ހުޅުމާލެ އެއް ކަރަންޓު ވިއުގައަކުން ގުޅުވައިދޭން "ގްރޭޓާ މާލެ އިންޓަކަނެކްޝަން ގްރިޑް ޕްރޮޖެކްޓް" ކުރިއަށް ގެންދިޔައީ އެ މައްސަލައަށް ދާއިމީ ހައްލެއް ހޯދަން ކަމަށް ސްޓެލްކޯ އިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަޝްހޫރު ސްކޭޓަރު
17 August 2022
ރާއްޖޭގެ އެންމެ ބޮޑު އެއް ކުންފުނީގެ އެމްޑީކަން ކުރީގައި ޕްރިންސިޕަލްކަން ކުރި މީހަކަށް ދޭއިރު، ކުންފުނިތަކުގެ ކަންތައް ބަލަހައްޓާ ބޯޑެއް ވެސް އޮވޭ. ހިންގުމުގެ ތަޖުރިބާ ހުރިތޯ ވެސް ބަލާލުން ރަގަޅެއްނު؟ ސްޓެލްކޯ ހިންގުމަކީ ސްކޫލެއް ހިންގުން ކަހަލަ ކަމެއްހެން ހީވާނަމަ ދެން ދުވާލު ދެއިރަށް ކަރަންޓު ދިއުމުން ކަންބޮޑުވާނެކަމެއް ނެތް. ސިޔާސީ މަގާމުތަކުގެ ގޮތުގައި ކުންފުނި ހިންގަން ހަވާލުކުރާނީ ކުންފުނި ބަނގުރޫޓުކުރަން
ަސަރީފޫ..
17 August 2022
ކޮބާ އީސީ ސަރީފޫ… ކެބަލް ބުރިއެއް ހިފައިގެން ޕްރެސްކޮންފަރެންސް އެއް ނުބާއްވާތަ؟ ދުނިޔެ ނުދެކޭފަދަ މޮޅު އިންޖިނިއްރެއް އޯވަރ ނައިޓަކުން ހަސިލްކުރި މީހަކު މިނޫނީ ނޫޅެނެ. ސްޓެލްކޯގަ އުމުރު ހެދަކޮށް ކިޔެވި ތަޖުރިބާ އިންޖިނިއަރއަށް ވުރެއް ސަރީފު މޮޅީ ދޯ؟
އެމްސް
17 August 2022
މުޅި މާލެއިން ކަރަންޓް ދިއުމަކީ ޢާއްމު ކަމެއް!
ސީޒަން ޖެކުހަން
17 August 2022
ޝަރިއްޕެއާ ހަވާލުކުރަންވީ ކަރަންޓެއްނޫން. އޭނާއާ ހަވާލުކުރަންވީ ފުލެޓު. އޭނާ އެކަމަށް ވަރަށް މޮޅުކަމަށް ވަނީ ސާބިތުކޮށްދީފާ.
ނާމްދި ކާނޫ
17 August 2022
ސްޓެކްލޯއަށް އާ އެމް ޑީ އެއްއައި ފަހުން ހާދަ (ނިސްބަތުން) ގިނައިން ކަރަންޓު ކަންޑާގެން އެބަ ދެޔޭ!
އަބްޑޫޅް
17 August 2022
ހޫނ. ފުއްޕާފަ ތިޔައުޅެނީ، ކަލޭމެންނަކީ ހަމަ، ތިންވަނަ ދުނިޔޭގެ ޓިނު ތެލި، ދޮންކެޔޮ ޖުމްހޫރިއްޔަތެއް ދޯ؟ ތިޔަ ހާމަ ކުރީ އެ ކަމުގެ ފުރިހަމަ ދަލީލު. ދެން ކޮންތާކަށް ވަންނާނީ؟ ޕޮސް ޕޮސ.
އަހުމަދު އަލީ
17 August 2022
މިހާރު ހުރި އެމް ޑީ ދާ ކޮންމެ ތަނެއްގެ ހާލަތު . ކޮންމެސް ގޮތަކުން ކަންތައް ގަނޑެއް ހިންގާ ނުލާ ނުހުންނާނެ.
ބޮޑާކިބުރު
17 August 2022
އަދިވެސް އީސީ ސަރީފޫއާ ތަން ހިންގަން ހަވާލުކޮށްގެން ބަލަައްޓަގެން ތިބޭ!
ބްލެއް
17 August 2022
ކުރިން ބުރުގަ ވޯޓު. މިފަހަރު ކަރަންޓުކޮޅު ކާލާނީ.
1828
17 August 2022
މާލެ ނޫން އެހެން ހައްލެއް ބޭނުންވޭ
ކިރު ސައި
17 August 2022
ތިޔަ ބޭނުންވާ ހައްލު އިރާދަކުރެއްވިއްޔާ އަޅުގަނޑުމެން ހޯދާނަން.
ށަވިޔަނި
17 August 2022
12 ޖެހިތާހެން ކުއްލިއަކަށް ޓީވީ އަށް ނޯ ސިގްނަލްއަރާފި. އިރުކޮޅަކުން ރަނގަޅުވެފަ 10 ވަރަކަށް މިނެޓްފަހުން ކަރަންޓް ހިނގައްޖެ. ދެން ވީގޮތެއް ބަލަން މިހާރު ނޫސް ހުޅުވުމުން ވީގޮތް މިއެނގުނީ. ބަލަ ތިމައްސަލަ ދިމާނުވަންޏާ އަހަރުމެން ޔޫރަޕް އެމެރިކާ ލިސްޓަށް އަރާފާނެ. އެއިރުން އެހީލިބުން ހުއްޓިދާނެ.