ޑރ. ހުސެއިން ރަޝީދު ހަސަން: ހޯނޑެއްދޫ އޮޕަރޭޝަނަށް ނުގެނެވޭ ސަބަބުތައް ވިދާޅުވި--ފޮޓޯ: މަޖިލިސް
22 އޯގަސްޓް 2022 - 10:12
14 comments
ގދ. ހޯނޑެއްދޫގެ މަސް ފެކްޓަރީ އޮޕަރޭޝަނަށް ގެނަޔަސް ސަރުކާރުން މަސް ގަންނަ އަގުތަކާ ވާދަނުކުރެވޭނެ ކަމަށާއި އެ ތަން ހަވާލު ކޮށްފައިވާ ހޮރައިޒަން ފިޝަރީޒް ކުންފުންޏަށް ފައިދާ ނުވާނެ ކަމަށް ފިޝަރީޒް މިނިސްޓަރު ޑރ. ހުސެއިން ރަޝީދު ހަސަން މިއަދު ވިދާޅުވެއްޖެ އެވެ.
އޭނާ އެހެން ވިދާޅުވީ، ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ހޮރައިޒަން ފިޝަރީޒް ކުންފުނިން 2005 ވަނަ އަހަރު ހޯނޑެއްދޫގައި ހަދަން ފެށި މަސް ފެކްޓަރީއާ ގުޅޭ ގޮތުން މަޑަވެލި ދާއިރާގެ އެމްޑީޕީގެ މެމްބަރު ހުސައިން ފިރުޝާން ރައްޔިތުންގެ މަޖިލިހުގެ މިއަދުގެ ޖަލްސާގައި ކުރެއްވި ސުވާލަކަށް ދެއްވި ޖަވާބުގަ އެވެ.
ހޯނޑެއްދޫ ފެކްޓަރީ އޮޕަރޭޝަނަށް ނުގެނެވެނީ ކީއްވެތޯ ސުވާލު ކުރުމުން ޖުމްހޫރީ ޕާޓީގެ ޑެޕިއުޓީ ލީޑަރުކަން ވެސް ކުރައްވާ ޑރ. ހުސައިން ވިދާޅުވީ އެ ކަން ކުރުމަށްޓަކައި ކުރަން ޖެހޭ މަސައްކަތް ކުރުމަށް ގިނަ ވެގެން ހަރަދު ކުރަން ޖެހެނީ 5-6 މިލިއަން ޑޮލަރު ކަމަށެވެ.
ނަމަވެސް އެ ކުންފުންޏަށް ފައިދާ ނުވާ ވިޔަފާރިއެއް އެ މީހުން ލައްވައި ކުރުވާނެ ގޮތެއް ވިސްނިވަޑައިނުގަންނަވާ ކަމަށް ވެސް މިނިސްޓަރު ވިދާޅުވި އެވެ.
"އަޅުގަނޑު އެ ކުންފުނީގެ މީހުންނާ ވާހަކަ ދެއްކީމާ އެ ބޭފުޅުން ވިދާޅުވަނީ 5-6 މިލިއަން ޑޮލަރު ހަރަދު ކޮށްގެން ތިމަންނަމެން އެ ތަނުގެ މަސައްކަތް ނިންމި ނަމަވެސް މަސް ގަނެ، ޕްރޮސެސްކޮށް، އެކްސްޕޯޓު ކުރުމުގެ ވިޔަފާރި ކުރުމަކީ މިހާރު އަގުތައް ހުރި ގޮތުން ވައިބަލް ކަމަކަށް ނުވެއޭ،" މިނިސްޓަރު ވިދާޅުވި އެވެ.
އޭނާ ވިދާޅުވި ގޮތުގައި އެ ކުންފުންޏަށް އެންމެ ދަށްކޮށް މަސް ގަނެވޭނެ ފްލޯ ޕްރައިސްއަކީ 13ރ. އެވެ. ނަމަވެސް ސަރުކާރު ކުންފުނި، މިފްކޯ އިން މަސްވެރިންގެ އަތުން 17ރ. އަށް މަސް ގަނެ އެވެ.
"ހޯނޑެއްދޫ އޮޕަރޭޝަނަށް ގެނަޔަސް 17ރ. އަށް މަސް ގަނެގެން އޭގެން ފައިދާ ވާނެ ކަމަށް އެ ކުންފުންޏަށް ނުފެންނާތީ އަދި ކޮމްޕެޓިޝަންގައި ބައިވެރިވިޔަސް އެ މީހުންނަށް އެކަށީގެންވާ މަހެއް ނުލިބޭނެ ދެއްތޯ 13ރ. އަށް 17ރ. އަށް ލިބެންޏާ،" މިނިސްޓަރު ވިދާޅުވި އެވެ.
ހޯނޑެއްދޫގައި ކޯލްޑް ސްޓޯރޭޖް ހަދައި މަސައްކަތް ފެއްޓިތާ 16 އަހަރު ވެއްޖެ އެވެ. ނަމަވެސް އެ ތަން އޮޕަރެޝަނަށް ނުގެނެވި އޮތުމުން ގދ. އަތޮޅު ކައުންސިލުން ވަނީ ކަންބޮޑުވުން ފާޅުކޮށް އެއްބަސްވުން ބާތިލު ކުރުމަށް ގޮވާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުންޖިޗޭ
22 August 2022
މިހާރު މިފެންނަނީ ކޯލިޝަނުން ޕާޓީއަށް އަޅާ ބައިގެ މަންފާ، މަހުޖަނުގެ މަޞްލަޙަތު ޙިމާޔަތްކޮށް ރައްޔިތުންނަށް އޮޅުވާލަން ދައްކާވާހަކަތަކެއްމީ، ޕާޓިއަށްވުރެ ރައްޔިތުން އިސްވާތަނެއް ނުފެނޭ، ވަފާތެރިވާން މަސައްކަތްކުރަނީ ވަޒީރުކަމުގެ ސްލޮޓަށް ސްޕޮންސަރުކުރި ޕާޓީއަށް، ޚިދުމަތްކުރެވެނީ އެޕާޓީގެ މަޞްލަޙަތު ޙިމާޔަތްކުރެވޭތޯ؟ ކޮންމެހެން އެތައްއަހަރެއްވީއިރު އެތަނުން ކުރާހާކަމަކީ މަތިއަޅުވައިގެން ޑިއުޓީފްރީކޮށް މުދާ އެތެރެކުރުން، މާބޮޑަށްފައިދާވާކަމެއްއެއީ.
އޮނަރަބްލް އަފީފު ދީދީ
22 August 2022
ލަދުހަޔާތުގެ ކަންފުޅެއްވެސް އަދި ވިޔަފާރީގެ އަލިފުބާ އިގޭމީހަކު ތިކަހަލަ ގޮތްފޮތްކެޑިފައިވާ ކަހަލަ ވާހަކަނުދައްކާނެ. # އޭނާ އެރަށްނެގީ އެކަންކުރެވޭނެކަން އެގި ފިޒިބިލިޓީ ސްޓަޑީޒް އާއި ބިޒިނެސް ޕްލޭނެއްވެސް ހެދުމެއް ނެތިތޯ؟! ސަރުކާރުން ހޮރައިޒެން އާއި ރަށް ޙަވާލުކޮށްފައިވަނީ އުސޫލް ތަކުގެ ބޭރުން ޙިޔާނާތަށް މަގުފަހިވާގޮތަށްތޯ؟! އިންސާފުން ކޮށްފައިއޮތް ކަމެއްނަމަ އަގުމަގުކޮށް ދައުލަތަށް އަވަހަށް ރަށް ނަގާ. ތިގޮތަށް ރަށް ބަނޑު އަޅައިގެން ނުތިބެވޭނެ.
އަހްމަދ
22 August 2022
ހުސައިން ރަސީދު. ބުނަން ރަނގަޅުވާހަކައެއް. 2005ވަނަ އަހަރު މަހުގެ އަގުހުރީ ކިލޯއެއް 17ރުފިޔާއަށްތޯ؟ 16އަހަރުވީއިރު ކީއްތޯކުރީ.
އަޅުކަލޭގެ
22 August 2022
ރާއްޖެއިން ބޭރުގައި ބަހައްޓައިގެން ހިލޭ ކިޔަވައިދީފައި ވަޒީފާ ދީފައި ބަލަހައްޓާ މީހާ ނޭދޭ ގޮތަކަށް ވާހަކައެއް ނުދެއްކޭނެދޯ!
ސޭކުބެ
22 August 2022
ތީ ހަޤީޤަތް ކަމުގަވިއަސް ތިޖަވާބަކީ ރައްޔިތުން ބަލައިގަންނަންޖެހޭ ޖަވާބެއްނޫން. ހޮރައިޒަން ފިޝަރީޒް އަށް އޮޕަރޭޓްކުރެވެން ނެތިއްޔާ ސަރުކާރުން އެބަޖެހޭ އަދުލުވެރިކަމާއެކު އެތަން ވަކިކޮށް ސަރުކާރުގެ ކުންފުނިން މަސްގަންނަން. ރައްޔިތުން ބޭނުންވަނީ ކުރިއެރުން.
އަލިފުޅު1111
22 August 2022
ޤާސިމް ކުރެން އަހާބަލަ ށ.ކީކިމިނި ނަގައިގެން 25 އަހަރުވީއިރުވެސް އެންމެ މަހެއްވެސް ގަތިންތޯ؟ ހައިރާންވަނީ މިއިންތަނެއް ޤާސިމްއަތުން ނެގޭނެ ގޮތެއްވެސް ނޯންނާތީ. ޚިދުމަތް ނުދެވެންޏާ ރަށްތައްނަގަނީ ކީއްކުރަން؟ ގައިމު އޭރުން ރިސޯޓެއް ހަދަންވެސް މީހަކު ތިއިންރަށެއްގެ ބޭނުން ކޮށްފާނެ ވިއްޔަ. މިކަހަލަ ނުލަފާ މީހުނަށް ވޯޓްއަޅާ މީހުން އުޅޭތީ ދެރަވަނީ
ކަހެރުވައް
22 August 2022
ހެހެހެހެހެ...ގަން އެއާޕޯޓަށް ވީ ކިހިނެތްތޯވެސް ނަހުލާ ކައިރިން އަހާލަން ބޭނުން. ޗަމްޕާމެން މިލިއަން ޑޮލަރު ހަރަދުކުރީ ހަމައެކަނި ބިންހިއްކާ ރަންވޭއެއް އަޅާލަންތޯ.؟ ނުވަތަ އިންޓަނޭޝަނަލް ފްލައިޓްތައް ގިނަކޮށް ފުރިހަމަ އެއާޕޯޓަކަށް ހަދަންތޯ ނުވަތަ އައްޑޫ މީހުންނަށް ކުރި ޖެއްސުމެއްތޯ؟؟
ރާއްޖެތެރެބޭރު
22 August 2022
މައްޗަށް ތިބޭ މީހުން ގައި ހިރުވާނެ ރާއްޖެތެރޭ ރަށަކަށް ބޮޑު ކުރިއެރުމެއް ލިބެންޔާ
ޣަނީ
22 August 2022
މީހަމަސީދާ ސަރުކާރުން މަސްގަންނަނި ހަމަ އަގައްވުރެ ބޮޑުކޮއް ކަމައް ދައްކަން ދެއްކިވާހަކައެއް.
އަރިވާ
22 August 2022
ދެން ކޮބާ ގޭދަށު މަސްފެކްޓަރީ..އެވެސް ބޮޑުފައިދާ ހޯދަން ދެއްކިވާހަކައެއްތަ؟؟
ޢެޑްމުންޑޯ
22 August 2022
ކަލޭމެން ބުނާ ކޮންމެ އެއްޗެއް ގަބޫލުކޮއްގެން ތިބެންވީ ދޯ