ގެއްލުނު ގްރީން ޓެކްސްގެ ފައިސާ އަލުން ނަގާކަށް ގާނޫނުގައި ނުހިމެނޭނެ: ނަޝީދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު--ފޮޓޯ: މަޖިލިސް

މޫސާ ރަޝީދު، މިހާރު

05 ސެޕްޓެމްބަރ 2022 - 11:57

ޓޫރިޒަމާ ބެހޭ ގާނޫނަށް އެންމެ ފަހުން ގެނައި އިސްލާހާ ގުޅިގެން ދައުލަތަށް ގެއްލުނު ގްރީން ޓެކްސްގެ އަދަދު އަލުން ނަގަން ގާނޫނަކުން ކަނޑަނޭޅޭނެ ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.

މިދިޔަ ޖޫން މަހު މަޖިލީހުން ފާސްކުރި ޓޫރިޒަމާ ބެހޭ ގާނޫނަށް ގެނައި އިސްލާހުގައި ތާރީހު ޖަހާފައި އޮތް ގޮތުން، ގްރީން ޓެކްސް ނެގޭނެ މަގު އޮތީ މޯލްޑިވްސް އިންލޭންޑް ރެވެނިއު އޮތޯރިޓީ (މީރާ) އަށް ބަންދުވެފަ އެވެ.

ސަރުކާރުން މިހާރު ވަނީ އެ އިބާރާތް ބަދަލުކުރުމަށް ފަހު އަލުން ޓެކްސް ނެގޭ ގޮތަށް އިސްލާހެއް ހުށަހަޅާފަ އެވެ.

އެ އިސްލާހުގެ ބަހުސް ކުރިޔަށް ދަނިކޮށް ނަޝީދު ވިދާޅުވީ ބިލުގައި ބުނާ އެއްޗެއް މެމްބަރުންނާއި ސަރުކާރަށް ވެސް ސާފުވާން ޖެހޭ ކަމަށެވެ.

ނަޝީދު ވިދާޅުވީ ބިލުގައި ބުނާ ގޮތުން ޖުލައި ތިނަކުން ފެށިގެން މި ބިލު ތަސްދީގުކުރުމާ ދެމެދުގައި ހިނގާފައިވާ މުއްދަތުގައި ގްރީން ޓެކްސްގެ ގޮތުގައި ޓޫރިސްޓެއް އަތުން ފައިސާ ނަގައިފި ނަމަ އެ ފައިސާ އެ ފަރާތަކަށް އަނބުރާ ނުދައްކާހާ ހިނދަކު ދައުލަތަށް އަނބުރާ އެ ޓެކްސް ދައްކަން ޖެހޭނެ ކަމަށެވެ.

Gaanoonu islaahu kuri gothun green tax negun huttijje

The most trusted news source in the Maldives

Mihaaru

"ހަނދުމަފުޅު ބަހައްޓަވާތި އެ މީހާ ފުރައިގެން ހިނގައްޖެކަން. ދެން އެ މީހާ ދައްކާފައި ދިޔަ ބިލުގައި އެބައޮތްތޯ ގްރީން ޓެކްސް އަށް ކަނޑާފައި ނުވަތަ ގެސްޓްހައުސް އިން ނެތް ކަމަށްތޯ އެ މީހާ އަށް އިންވޮއިސް ކޮށްފައި ވަނީ،" ނަޝީދު ވިދާޅުވި އެވެ.

ނަޝީދު ވިދާޅުވީ ގާނޫނުއަސާސީގެ 59 ވަނަ މާއްދާގައިވާ ގޮތުން ގާނޫނުގައި ކުށެއް ކަމަށް ކަނޑައަޅާފައި ނުވާ ކަމެއް ފަހުން ހަދާ ގާނޫނަކުން އަދަބު ނުލިބޭނެ ކަމަށެވެ.

ކުރިން ކޮށްފައި އޮތް ކަމެއް، އެކަން ހިނގައިދިޔަ ފަހުން އަލުން ގާނޫނެއް ހަދައިގެން އެހެން ގޮތަކަށް އެކަން ކުރުމަށް ގާނޫނުގައި މާއްދާއެއް ނުހިމެނޭނެ ކަމަށް ވެސް ނަޝީދު ވިދާޅުވި އެވެ.

"މިހާރު ހުށަހަޅުއްވާފައިވާ ގާނޫނުގައި ތިޔަ ވިދާޅުވަނީ ކުރީގައި ކޮށްފައި އޮތް ކަމެއް އެހެން ގޮތަކަށް ހެދުމަށް. އެކަން ހިނގައިދިޔަ ފަހުން ގާނޫނެއް ހައްދަވަން. މިއީ ގާނޫނުގައި އަޅުގަނޑު ދެކޭ ގޮތުގައި މި މާއްދާއެއް ނުހިމެނޭނެ،" ނަޝީދު ވިދާޅުވި އެވެ.

މީރާގެ ތަފާސްހިސާބު ދައްކާގޮތުން ގްރީން ޓެކްސްގެ ގޮތުގައި މި އަހަރު ޖޫން މަހުގެ ނިޔަަލަށް 547 މިލިއަނަށްވުރެ ގިނަ ރުފިޔާ ލިބިފައިވެ އެވެ. އެހެންކަމުން ޓޫރިޒަމާ ބެހޭ ގާނޫނަށް ގެނެސްފައިވާ އިސްލާހު އެ ގޮތުގައި ދެމިއޮވެއްޖެ ނަމަ ދައުލަތުގެ އާމްދަނީ އަށް ގާތްގަނޑަކަށް 600 މިލިއަން ރުފިޔާގެ މަދުވުމެއް އަންނާނެ ކަމަށް ލަފާކުރެވެއެވެ.

ރައީސް މުހައްމަދު ނަޝީދު ރައްޔިތުންގެ މަޖިލިސް ޓޫރިޒަމް ގްރީން ޓެކްސް

18 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ވާނުވާ

06 September 2022

ދެން ޖީއެސްޓީ ރައްޔިތުން އަތުން ބޮޑުކޮށް އެބައި ކަވަރުކުރޭ. ރޯނު އެދުރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުސްމާނުބެ

06 September 2022

ކިހާދެރަ ކަމެއް ކަލޭމެން ފަޅުރަށަކައް ދާންވީނުން ވެރިކަން ކުރަން ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަހުތާން

06 September 2022

މަޖުލީހުގެ ރައީސް އާއި ނާއިބާއި ލީގަލްޓީމާއި، މެމްބަރުންގެ މުސާރަ ކުޑަވެގެން ވަރުބަލިވެގެން އަތްދަށުން ދިޔާއަީ! އަނެއްކާ އޭޖީގެ އެއޮތް ގާބިލް ޓީމުން ތިކަހަލަ ޅައެއްޗެއް ހަދާފާނެތަ؟ ކޮބާ ނުވިތާކަށް ރައީސް އޮފީހުގެ ލީގަލްޓީމު އޮންނާނެ ނޫންތޯ؟ ތީ ގަސްދުގައި ދޫކޮށްލިކަމެއް ނޫންބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮނިމަނިކު

06 September 2022

ގެއްލުނު ތަކެތި ގެއްލުނީ ކިހިނެތްވެގެންކަން ކާކުގެ އިހުމާލުންކަން ކާކަށް ތަންދޮދު ނުފިލާތީކަން ބުނެދީ އެކަމަށް ފުރަތަމަ ވަހަކަ ދައްކަން އެބަޖެހޭތާ. ރައްޔިތުންނަށް ލިބެންޖެހޭ ލާރި މުދާ ވާނުވާނޭގި ދޭތެރެ ދޭތެރެއިން ލޮނދިހިކަ ދެމިގަންނަހެން ދެމިގަނެވޭނަމަ ސިސްޓެމް ފެއިލްވީ ދެންތިބޭނީ ފަރަށް އަރާފަ ގިރިގިރިއަށް އުރިފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫޅު އައްޕަ

05 September 2022

ދެން ގުރީން ޓެކުހޭ ކިޔާފާ ޓޫރިސްޓު މީހާ އަތުން ނެގި ލާރިގަނޑު ބޭނުންކޮށްލަންވީތަ؟ އެހެން ކިޔާފަ ލާރިޔެއް ޓޫރިސްޓެއް އަތުން ނަގައިފައިވާނަމަ، ފުރައިގެން އެ ދިޔަ މީހާޔަށް އެ ނުދީ، ސަރުކާރަށް އެ ރައްދުނުކޮށް، ދެން އެކެވެނީ ކޮންއެއްޗެއް؟ މިވަރު ވާހަކަ ދައްކާ މީހުންގެ އިޚުލާސްތެރިކަން އަބަދު ފައިސާ ފައިސާ ކިޔާ މީހާޔާ މާ ބޮޑު ތަފާތެއް ނުހުންނާނެތާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިކުނޑި

05 September 2022

ބިލެއް ހުށަހެޅިޔަސް އެ ކިޔާލާ މީހެއްވެސް ނޫޅޭ! ކުޑަ ދަށުން ވޯޓު ލާންވީގޮތް އެނގުނީމަ ނިމުނީ! ގާނޫނުގައި ނެތް ގްރީން ޓެކްސްއެއް ފަތުރުވެރިންގެ އަތުން ނެގިމީހުން އެ ސަރުކާރަށް ދައްކަން ޖެހޭނެ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

05 September 2022

އެބަ އެންގޭ އޮޅިގެންކަން ތާރީހު ނުބައިކޮއްޖެހީ ނިކަން ޓިޕެކްސް ފުޅިޔެއް ގަނެފަ ތާރީހު ރަންގަޅު ކޮއްބަލަ،

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުޅު3

05 September 2022

މިކަލޭގެ މަޖިލީހުގެ ރިޔސަތުގަ އިނދެގެން މިހާތަނަށް ބުނި އެންމެ ހަމަ ޖެހޭ ވާހަކައަކީ މިއީ. ޝުކުރިއްޔާ އަންނި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

600 މިލިޔަން

05 September 2022

ދައުލަތަށް 600 މިލިއަން ރުފިޔާގެ ގެއްލުން ދިން މެމްބަރުންނާއި ބިލް ތަސްދީގުކުރި މީހާއާއި، އެކަމަށް އޯކޭ ދިން މީހުން ކީއްވެތޯ މީގެ ޒިންްމާ ނަގަން ނުޖެހެނީ. މި ދައްކަނީ އެންމެ މީހެއް ދެމީހަކަށް ފިއްޔެއް ނުބައިކޮށް ލިޔެވުނު ވާހަކައެއް ނޫން. 600 މިލިޔަނުގެ ޒިންމާ ތިޔަ އެންމެން ނަގަންޖެހޭނެ.