ބޫޓުން ފެނުނުު ޑްރަގް: ފުލުހުން ކުޑަ ކާޑު ފޮނުވި ކަމަށް ބުނާ ވާހަކަ ދޮގުކޮށްފި

ބޫޓެއްގައި ފޮރުވައިގެން ކުރިން އެތެރެކުރި ޑްރަގްތަކެއް: 2013 ވަނަ އަހަރު މިފަދަ ގޮތަކަށް ޑްރަގް އެތެރެ ކުރި ބައެއްގެ މައްޗަށް ކުރި ދައުވާ ސާބިތުވެފައި ނުވަނީ ޗެއިން އޮފް ކަސްޓަޑީގައި މައްސަލަ ޖެހިގެން

ނަޖާހް މަސްއޫދު، މިހާރު

29 ސެޕްޓެމްބަރ 2022 - 13:57

22 comments

މީގެ ނުވަ ވަރަކަށް އަހަރު ކުރިން އިންޑިއާއިން ރާއްޖެ އަށް އައި މީހަކު އަރައިގެން ހުރި ބޫޓުގެ ތެރެއިން ބައި ކިލޯގެ ޑްރަގް ފެނުނު މައްސަލައިގައި ފުލުހުން ޗެއިން އޮފް ކަސްޓަޑީއާ ގުޅޭ ހުރިހާ ލިޔުމެއް ޕްރޮސެކިއުޓާ ޖެނެރަލްގެ އޮފީހަށް ފޮނުވި ކަމަށް ބުނާ ވާހަކަ އެ އޮފީހުން ދޮގުކޮށްފި އެވެ.

އިންޑިއާއިން 2013 ވަނަ އަހަރު ރާއްޖެ އައި ދެ މީހަކު ހައްޔަރުކޮށް، ދައުލަތުން ދައުވާކުރީ އޭގެ ތެރެއިން އެކަކުގެ ބޫޓު ތެރެއިން ބައި ކިލޯގެ ޑްރަގް ފެނުމުންނެވެ. އެކަމަކު ކްރިމިނަލް ކޯޓުން އެ މައްސަލަ ބަލައި ކުށް ސާބިތުނުވާ ކަމަށް ވަނީ ހުކުމްކޮށްފަ އެވެ. އެ މީހުން ސަލާމަތްވީ މަސްތުވާތަކެތީގެ ޗެއިން އޮފް ކަސްޓަޑީ ލިޔުންތައް ދައުލަތުން ހުށަހަޅާފައި ނެތުމުންނެވެ. އެކަމަކު، ފުލުހުން ބުނެފައި ވަނީ ޕީޖީ އޮފީހަށް ހުރިހާ ލިޔުމެއް ހަމައަށް ފޮނުވި ކަމަށެވެ.

އެހެންނަމަވެސް، ޗެއިން އޮފް ކަސްޓަޑީގެ ހުރިހާ ލިޔުމެއް ފުލުހުން ޕީޖީ އޮފީހާ ހަވާލު ކުރި ކަމަށް ބުނާ ވާހަކަ އެ އޮފީހުން މިއަދު ވަނީ ދޮގުކޮށްފަ އެވެ. ޕީޖީ އޮފީހުގެ އޮފިޝަލަކު "މިހާރު" އަށް ވިދާޅުވީ، ޗެއިން އޮފް ކަސްޓަޑީގެ ލިޔުންތަކުގެ ތެރެއިން ފުލުހުން ޗެއިން އޮފް ކަސްޓަޑީގެ ކުޑަ ކާޑު ޕީޖީ އޮފީހަށް ފޮނުވާފައި ނެތް ކަމަށެވެ.

ފުލުހުންގެ ސްޕޯކްސްޕާސަން ޔޫނުސް ސޮބާހް މީގެ ކުރިން ވިދާޅުވެފައި ވަނީ އެ މައްސަލާގައި ދައުވާކުރަން ފޮނުވިއިރު ޗެއިން އޮފް ކަސްޓަޑީއާ ގުޅޭ ހުރިހާ ލިޔުންތަކެއް ފޮނުވާފައިވާނެ ކަމަށާއި އެކަމުގެ ޔަގީންކަން ޑްރަގް އެންފޯސްމަންޓް ޑިޕާޓްމެންޓުންނާއި ތަހުގީގު ޓީމުން ދޭ ކަމަށެވެ. އަދި އެ ލިޔުން ކްރިމިނަލް ކޯޓަށް ފޮނުވާފައި ނެތްކަން އެނގުނީ ހުކުމުން ކަމަށް އޭނާ ވިދާޅުވި އެވެ.

މި މައްސަލައާ ގުޅިގެން ފުލުހުން އެކި ގޮތްގޮތަށް މީޑިއާ އަށް މައުލޫމާތު ދޭ ކަމަށް ބުނެ އެކަމާ ގުޅިގެން ޕީޖީ އޮފީހާއި ފުލުހުންނާ ވާހަކަ ހައްލުތަކެއް ހޯދަން މަސައްކަތް ކުރަމުންދާ ކަމަށް ޕީޖީ އޮފީހުގެ އޮފިޝަލު ވިދާޅުވި އެވެ.

ޗެއިން އޮފް ކަސްޓަޑީއަކީ ފުލުހުން އެއް ކުރާ ހެކި ފުލުހުންގެ ތެރޭގައި އެކަކު އަތުން އަނެކަކު އަތަށް ގެންދާއިރު، އެ ހެއްކަށް އެއްވެސް ބަދަލެއް ގެނެސްފައިނުވާކަން ކަށަވަރު ކުރަން، ހެކިތަކަށް އެވިޑެންސް ނަމްބަރު ދީ، އެ ތަކެއްޗާ ހަވާލުވި ފަރާތްތަކުގެ މައުލޫމާތާއި، ހަވާލުވި ވަގުތާއި ތާރީހުތައް ހިމަނައި އެ ތަކެތި އެކަކު އަތުން އަނެކަކު އަތަށް ގެންދިޔަ ގޮތުގެ ސިލްސިލާ އެނގޭ ލިޔުންތަކެކެވެ.

ކްރިމިނަލް ކޯޓުގެ ހުކުމުގައި ވަނީ އެ މައްސަލާގައި ޗެއިން އޮފް ކަސްޓަޑީގެ އަސްލު ދައުލަތުން ހުށަހަޅާފައި ނުވާ ކަމަށާއި ހަމައެކަނި ހުށަހެޅީ ތަހުގީގު މަރުހަލާގައި މާ ފަހުން ފުރާފައިވާ ފޯމެއް ކަމަށެވެ. އެހެންވެ، އެއީ ދައުވާ ލިބުނު މީހެއްގެ ބޫޓު ތެރެއިން ފެނުނު މަސްތުވާތަކެތިކަން ކަށަވަރުވާނެ ގޮތެއް ނެތް ކަމަށް ހުކުމުގައިވެ އެވެ.

ފުލުހުން ޕްރޮސެކިއުޓާ ޖެނެރަލް މަސްތުވާތަކެތި

22 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޝަމީމްގެ އަމ

02 October 2022

ތަންކޮޅެއް ބޮޑުވަރު ޕީޖީ ޝަމީމު ތީ. ތި ޕީ.ޖީ އަކުން މައްސަލަ ހަވާލެއްނުވާނެ ލިޔުންތައް ހަމަނުވަނީސް. ތިކަހަލަ ،،، ނުވާނެ ތިވަރުގެ މަގާމު ދީފައި ބަހައްޓާކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޓު

02 October 2022

ކޮން ޗެއިން އޮފް ކަސްޓަޑީއެއް . ނެގި އިރުތިބި ބަޔަކު ހެކިދޭނެތާ ، ރިޕޯޓްތައް ހުންނާނެއްނުން ކޯއްޗެއްކަން އިނގެ.. ތީ ހަމަ ކޯޓުން ޑީލެއް ނިންމާލީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު މީމު

01 October 2022

މާމޮޅު ގާނޫނެއްހެދިގެން އެވާހަކަ ގޮވާބައެއްނު އެއްބަސްވީމަ ލުއި އަދަބު ނުވާނަމަ ބޮޑު އަދަބު އަމިއްޕަ އަށް އިއުތިރާފު ވުމަށްވުރެ ބޮޑުހެއްކެއް ނޯންނާނެ ނިކެމެތި މީހާ ޖަލުގަ ވެެރިންގެ މީހާ ފިނިކޮޓަރީގަ މިވެސް އިންސާފުގެ ވައްތަރެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަބަރޭ

30 September 2022

މީހާގެ ބޫޓުގަ ބައިކިލޯ މަސްތުވާ ތަކެތި ހުރިކަން ސާބިތުވޭ. މައްސަލަ އުޅެނީ ޕޮލިހުންގެ ޗެއިން އޮފް ކޮމާންޑުގަ. އެހެންވީމަ މީހާ އަށް ހަރުކަށި އަދަބު އަންނަން ވާނެ. އަދި ފުލުހުން ގެ ތެރެއިން ފަރުވާ ކުޑަވެގެން ނުވަތަ މައްސަލައެއް އުޅޭނަމަ އެކަމަކަށްވެސް ފިޔަވަޅު އަޅަން ހުކުމްގަ އޮންނަން ވާނެ. މުއައްސަސާތަކުގެ އިހުމާލުގެ ސަބަބުން މީހާ ކުރި ކުށަކީ ނުކުރާ ކުށަކަށް ނުވާނެތާ. ދިވެހިރާއްޖޭގެ ގާނޫނު ތަކަކީ ހަމަ މިހާ ތާކުންތާކު ނުޖެހޭ އެއްޗެއްކަމެއްތަ؟؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަރުބާދު

29 September 2022

ޕީޖީއައް ޑޮކިއުމެންޓް ހަމަނުވެގެން ސާބިތުނުކުރެވޭނެތީ ސަރީއަތަކައް ނުފޮނުވުނު ވެންޓިލޭޓަރގެ މައްސަލައެއް. ޑްރަގްއާގުޅޭ ހުރިހާކަމެއް ކޯޓައްފޮނުވޭ ޑޮކިއުމެންޓް ހަމަނޫންކަން އެގޭއިރުވެސް. މިހާވަރުވީމަވެސް ބުނަންވީ ޕީޖީ ވަރައްސަޅިއޭތަ؟.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

29 September 2022

ތިދައްކަނީ މީގެ 9 އަހަރު ކުރީގެ ވާހަކައެއް' ޔައުނީ. ވަހީދު ވެރިކަންކުރި އަހަރުގެ ވާހަކައެއް. އެހެންވީމަ އެލިޔުންތައް ޕީޖީ އޮފީހަށް ފޮނުވިޔަސް އެ މިހާރު ނުހުރެދާނެ. ބަގާވާތަކީ ވަރަށްގިނަ ދައުލަތުގެ ލިޔެކިޔުން ގެއްލި ވަރަށްބޮޑަށް ނިޒާމް ފުށުންޖެހޭކަމެއް. އެމައްސަލަ މިއަދާ ހަމަޔަށް ގޮތެއް ނުނިންމަ ކޯޓްގަ އޮންނަން ޖެހުންވެސް އެއީ ކުޑަކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

29 September 2022

އޯކޭ ފުލުހުން "ކުޑަކާޑު" ނުފޮނުވަޔޯ، ދެން ކުޑަކާޑު ނެތިއްޔާ މައްސަލަ ކޯޓަށް ފޮނުވީ ކީއްވެ، ލިއެކިއުން ފުރިހަމަ ނުވާނަމަ ފުލުހުންނާ ސުވާލު ނުކުރީ ކީއްވެ، ލިއެކިއުން ފުރިހަމަ ކުރަން އަލުން ފުލުހަށް ހުށަނޭޅީ ކީއްވެ، ތިޔަ ކާޑެއް ނެތިއްޔާ ކުށް ސާބިތު ނުވާނެކަން ދައުލަތުގެ ވަކީލުންނަށާ ޕީޖީ އަށްވެސް ހަމަ ރަނގަޅަށް އިނގޭ އިރު ކީއްކުރަން ތެޅި ނަކަހެއްތީ، ހަމަ ހުސް ދޮގު ގުޅިގެން ހިންގާ ޖަރީމާ ތިހުންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

1828

29 September 2022

މިއީ ރާވައިގެން ހިންގާ ޖަރީމާ. މަސްތުވާތަކެއްޗާއި ޖެހުނީމައި މިއޮއްވާ ގޮތެއް ދޯ؟ ކޮންމެވެސް އެއްޗެއް މަދުވެގެން ސާބިތުވާތަން މިހާރަކަށް އައިސް ފެނިގެން މިދަނީ. މިއީ މުޖުތަމައެއް ހަލާކުކޮށްލުމަށް ޑުރަގް ޑީލަރުންނާއި ދިވެހި ދައުލަތް ގުޅިގެން ހިންގާ މަލްޓި ބިލިއަން ޑޮލަރުގެ ޑީލެއް. މި އިހުމާލުތައް ބަލާ ފިޔަވަޅު އަޅާނެ މުއައްސަސާއެއް މި ހަތް އުޑުދަށަކު ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

29 September 2022

ކޮންމެވެސް އެއްޗެއް މަދުވެގެން ސާބިތުވާތަނެއް ނޫން، އެއްޗެއް މަދުވެގެން ސާބިތުނުވާތަން.......ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވަގުތް

29 September 2022

ޒިންމާދާރުނުވާން ދައްކާ ބަހަނާ. ތިއެއްޗެއްނެތްނަމަ، ނެތްކަން އެނގެންވީ ހުކުމާއިހަމައަށްދިޔައިމަކާއެއްނޫން. ޕޮލިހުން ތިހިންބުނަންވީކީވެސް މިއަދަކުނޫން. ތިޔައީ ކޯޕަރޭޝަނެއްގެދަށުން ރޭވިގެންހިންގާ ކުޅިވަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

29 September 2022

އެބުނާ އެއްޗެއް ނެތިގެން ކުށް ސާބިތު ނުވެ މީހާ މިނިވަން ކުރީމަ އޭގެފަހުންދޯ ފުލުހުންނަށް އިނގޭނީ، ދެން އެހިސާބުން ފުލުހުން ޖަވާބުދާރީ ވާނެތާ، މައްސަލައެއް ޕީޖީއަށް ފޮނުވާ ކޮންމެ ފަހަރަކު ޑޮކިއުމެންޓް ހަމަޔަށް ހުންނާނެ ވާހަކައާ އެކަމާ ގުޅުން ހުރިއެއްވެސް ވާހަކައެއް ނުބުނާނެ ކަންނޭގެ...........

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާބިން

29 September 2022

ޕޮލިހަށްވުރެ ޕީޖީގެ އިހުމާލު މާ ބޮޑު... ކޯޓަށް މައްސަލައެއްގައި ދާއިރު ހުރިހާ ލިޔެކިޔުމަކާއި ހެކި ހަމައަށް ހުރިތޯ ބަލާ ނެތް ނަމަ އެތަކެތި ޕޮލިހުން ހޯދަންޖެހޭނެ.. ވެންޓިލޭޓަރު ކޭސް ލިޔުން ނެތޭ ހެއްކެއް ނެތޭ ކިޔާފައިވާ ކިތައްފަހަރަށް ޕީޖީއިން އަނބުރާ ފޮނުވާލީި މިމައްސަލަގައި ކީއްވެ އެހެން ނުހެދުނީ