މޯލްޑިވިއަންގެ އޭޓީއާރް-72 މަރުކާގެ ބޯޓެއް ފްރާންސް ގެ ޓުލޫސް-ބްލެންޔެކް އެއާޕޯޓުގައި: ޔޫރޯސްޕޮޓް
30 ސެޕްޓެމްބަރ 2022 - 13:12
29 comments
ގައުމީ އެއާލައިން، މޯލްޑިވިއަން އިން މި އަހަރު އަލަށް ގަނެފައިވާ ތިން ބޯޓު އަންނަ މަހު ރާއްޖެ ގެނެވޭނެ ކަމުގެ އުންމީދު އެބައޮތް ކަމަށް އައިލެންޑް އޭވިއޭޝަނުން މިއަދު ބުނެފި އެވެ.
އެ ކުންފުނީގެ އޮފިޝަލަކު "މިހާރު" އަށް ވިދާޅުވީ ގައުމީ އެއާލައިންގެ ފްލީޓަށް އިތުރުކުރާ އާ ބޯޓުތައް އެ މުއްދަތުގައި ރާއްޖެ ގެނެވޭނެ ކަމަށް މިހާރު ލަފާކުރެވޭ ކަމަށެވެ.
މޯލްޑިވިއަންގެ އާ ބޯޓުތައް އުފައްދަނީ ރީޖަނަލް އެއާކްރާފްޓް އުފެއްދުމުގައި ދުުނިޔޭގައި އެންމެ މަގުބޫލު އޭޓީއާރު ކުންފުނިންނެވެ.
މޯލްޑިވިއަންގެ އޭޓީއާރު-72 މަރުކާގެ ބޯޓެއް ފްރާންސްގެ ޓުލޫސް-ބްލެންޔެކް އެއާޕޯޓުން ފެންނަ ފޮޓޯއެއް ސޯޝަލް މީޑިއާގައި އިއްޔެ ވަނީ އާންމުކޮށްފަ އެވެ. އެ ފޮޓޯ އާންމުކުރީ "ޔޫރޯސްޕޮޓް" ކިޔާ ޕޭޖަކުންނެވެ.
އަލަށް ގެންނަ ބޯޓުތަކުގެ ތެރޭގައި ހިމެނެނީ އޭޓީއާރު 72 ސީރީޒްގެ ދެ އެއާކްރާފްޓާއި އޭޓީއާރު-42 ސީރީޒްގެ ބޯޓެކެވެ. އެ ބޯޓުތައް ގަތުމަށް ޖުމުލަ 60 މިލިއަން ޑޮލަރު (925 މިލިއަން ރުފިޔާ) ހަރަދުވާނެ ކަމަށް އައިލެންޑް އޭވިއޭޝަނުން ބުންޏެވެ.
އޭޓީއާރު 72 މަރުކާރުގެ ބޯޓުތަކުން 74 މީހުންނަށް ދަތުރުކުރެވޭއިރު އޭޓީއާރު 42 މަރުކާރުގެ ބޯޓުތަކުގެ ޖާގައަކީ 50 އެވެ.
އައިލެންޑް އޭވިއޭޝަންގެ މެނޭޖިން ޑިރެކްޓަރު މުހައްމަދު މިހާދު ވިދާޅުވެފައިވާ ގޮތުގައި، އަންނަ އަހަރުގެ ކުރީކޮޅު ވެސް މޯލްޑިވިއަން އަށް އޭޓީއާރުގެ އިތުރު ތިން ބޯޓު ހޯދާނެ އެވެ. އެތެރޭގެ އުދުހުންތަކުގައި އެ އެއާލައިނުން ބޭނުންކުރާ ހުރިހާ ބޯޓެއް ކުރިއަށް އޮތް ދެ އަހަރުގެ ތެރޭގައި އާ ކުރާނެ ކަމަށް އޭނާ ވިދާޅުވި އެވެ.
ލޯނު ނަގައިގެން ވިޔަސް ބޯޓުތައް ބަދަލުކުރުން ލަސްވެއްޖެ، ދެން އޮތީ އެ މަރުހަލާ! https://t.co/EAg9x6HpHc
— Mihaaru (@Mihaarunews) September 19, 2022
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެޕްޓަން އާދިލް
01 October 2022
ވިލާ އެއަރ ގަ އުޅުނު އެއްވެސް ކުއްޖަކާ ދޭތެރޭ ނިކަމެތިކޮށް ކަން ކުރެވިފައިވާ ނަމަ މަޢާފަށް އެދެން.
އާދިލް ބްރަދަރ
30 September 2022
ކީއްވެޔޯ މަގޭ ނަމުގަ ކޮމެންޓެއް ނެތީ މި ފަހަރު؟
މަގޭބުނީ
01 October 2022
އަސްލު ކޮމެންޓް ކުރާވަރަށްވުރެ ރަނގަޅަށް މިކަން ކުރާއުޅޭހެން ހީވާތީ...
ހަހަ
30 September 2022
ބޯޓުތައް ގެންނަނީ ކޮންތާކުން ލާރިހޯދައިގެންބާ؟ އެކި ކުންފުނިތަކަށް ދައްކަން ހުންނަ ލާރި ނުދައްކާ އެތައްސަތޭކަ މިލިއަނެއް އެބަހުރި!
ސާއިމު
30 September 2022
މަ ގެންދެބަޔަ. ޓިކްޓޮކްގަ ވީޑިއޯ ހަދައިގެން މޯލްޑިވިއަން އިސްތިހާރު ކޮށްލާނަން. މަށަކީ ޓިކްޓޮކް އިންފުލުއެންޒާއެއް
ފެންފޯއްދޫނި
30 September 2022
އަލަށްގެންނަ ބޯޓްތައް ބައު ބޯޓްގެ ގޮތުގައި ވިއްކާލާނީއެއްނޫން..
ކްރޫސް
30 September 2022
ޕިސް. ތިދެން ކޯންޗެއް؟ އެއާރބަސް އޭ380 އާއި އޭ350 އަދި ބޮއިން ބީ777 އާއި ބީ787 ގެ ބޯޓުތައް ގެނެސްބެޔަ.
ތައްޓޭ
30 September 2022
ޑޮމެސްޓިޓް އެއަރޕޯޓް ތަކުގައި ބޯއިންގ ބޯޓްފަހަރެއް ނުޖެއްސޭނެ...
ދޮންއަމާ
01 October 2022
ދިވެހިންނަން އެނގޭނީ ތިޒާތުގެ ކޮމެންޓް ކުރަން އޭ380 ބޯޓުގެނެވިދާނެ އެކަމަކު އެއަށް އެރޭ ފެންވަރުގެ މީހުން ނެތީމަ މައްސަލަޔަކީ އޭ380 ބޯޓުގެންނަން ގޮވާމީހުން 1000ރ އަށްވުރެ ޓިކެޓެެއްގެ އަގު ބޮޑިއްޔާ އަހަރެމެން ފަގީރުންފެލަނީއޭކިޔާފަ ތިބޭނީ މަގުމަތީގަ ބޯޑު ހިފައިގެން މުޒާހަރާއަށް
2022
30 September 2022
ތި މޯލްޑިވިއަންގެ ޓިކެޓް އޮފީސް ބަންދުކޮށްފަ ހުންނަނީ ކޮވިޑޭކިޔައިގެން ދެން މިޖެހެނީ އެޖެންޓުން އަތުން ބޮޑުއަގުގަ ޓިކެޓްގަންނަން.... ބޮއިހަލަކި
ގަލްބް
30 September 2022
ނުޖެހޭނެ އެޖެންޓެއް ކައިރިއަށް ދާކަށް. ޢެޕުން ވެބްސައިޓުން އަދި ވައިބަރއިންވެސް ގަނެވޭ. އަދިވެސް ތިއުޅެނީ 1980 ގަ ވިއްޔަ. ތަންކޮޅެއް ތަހުޒީބުވެބަލަ.
އުދުހޭ
30 September 2022
އޮންލައިންކޮށް މޯލްޑިވިއަން އެބްސައިޓުން ޓިކެޓް ގަނެބަލަ.
ބޮޑުމީހާ
30 September 2022
ފުރަތަމަ ލައްކައިން މުސާރަދޭ މީހުންގެ މުސާރަ ކުޑަކޮށްބަލަ. ތީ ހުސް ދިވެހި ރައްޔިތުންގެ ޓެކްސް ފައިސާ
ސާމްބޯ
30 September 2022
އަހަރެން ގޮސްގެން ތިކަން ފެށޭނީ. އަހަރެން މި ރާއްޖޭގެ އޭޓީއާރުގެ އެންމެ މޮޅު ޕައިލަޓު
ފްލެކްސް
30 September 2022
ބައްޔެއްނު. އެންމެ ބަރު އޭޓީއާރު ޕައިލެޓްތީ.
ޗީޕޭ
30 September 2022
ރެޑުބުލް ދަޅެއް ދިނީމަ ކަެމެން އެއްމެން ބޭނުން ގޮތަކަށް ޝެޑިއުލް ހަދާ ދީފާނަން