ކެންސަރު ބަލީގެ މީހުންނަށް އައިޖީއެމްއެޗްގައި ހަދާފައިވާ ކީމޯތެރެޕީ ސުއިޓް: އެ ހޮސްޕިޓަލުގައި ކެންސަރަށް ސްކްރީންކުރަން އަންނަ މަހު ފަށަން އަންނަނީ ތައްޔާރުވަމުން.
08 ޖެނުއަރީ 2017 - 15:27
10 comments
ކެންސަރު ބައްޔަށް ސްކްރީން ކުރަން އަންނަ މަހު ފެށުމަށް ތައްޔާރުވަމުން އަންނަ ކަމަށް އިންދިރާގާނދީ މެމޯރިއަލް ހޮސްޕިޓަލް (އައިޖީއެމްއެޗް) އިން މިއަދު ބުނެފި އެވެ.
ސަރުކާރުގެ މައި ހޮސްޕިޓަލްގެ ސީއީއޯ ފަރުހަތު ޝަހީރު "މިހާރު"އާ ވާހަކަދައްކަވަމުން ވިދާޅުވީ ކެންސަރު ބައްޔަށް ފަރުވާ ދިނުމަށް އެ ހޮސްޕިޓަލްގައި ކީމޯ ތެރަފީ ޑިޕާޓްމަންޓެއް ހެދުމުގެ މަސައްކަތް ކުރަމުން އަންނަ ކަމަށެވެ.
"އެތަނުގެ މަސައްކަތް އަދި މުޅިން ނުނިމޭ. ނަމަވެސް އަޅުގަނޑުމެންގެ ޓާގެޓަކީ އަންނަ މަހު އެކަން ފެށުން،" އޭނާ ވިދާޅުވި އެވެ.
ފަރުހަތު ވިދާޅުވީ ކެންސަރު ބައްޔަށް ފަރުވާ ދިނުމަށް އޮންކޮލޮޖިސްޓަކާއި ދެ ނަރުހުން ގެނެސް އެ ހޮސްޕިޓަލުގެ ސާޖަރީ ޑިޕާޓްމަންޓާ ގުޅިގެން ފަރުވާދިނުމުގެ މަސައްކަތް ފެށުމަށް ނިންމާފައިވާ ކަމަށެވެ.
"އަޅުގަނޑުމެން މިކަން މި ފަށަނީ އަމިއްލަ އަށް. އަދި މިކަމަށް ބޭނުންވާ ދިވެހިން ވެސް ތަމްރީނުވަމުން އެބަދޭ،" އޭނާ ވިދާޅުވި އެވެ.
ފަރުހަތު ވިދާޅުވީ ފުރަތަމަ ފަށައިގަންނަ އިރު އެ ހޮސްޕިޓަލުގައި ކެންސަރަށް ސްކްރީން ކުރުމާއި ރޭޑިއޯ ތެރެޕީ ދެވޭނެ ފެސިލިޓީއެއް ގާއިމު ކުރެވޭނެ ކަމަށެވެ. އަދި އެ އަށް ވުރެ ބޮޑު ފަރުވާ ދިނުމަށް އަދިވެސް އެ ހޮސްޕިޓަލުން ލަފާދޭނީ އިންޑިއާގެ އާރުސީސީ އަށް ކަމަށް ވެސް އޭނާ ވިދާޅުވި އެވެ.
"ފުރަތަމަ ފަށައިގަންނަ އިރު ބައެއް ކަހަލަ ފަރުވާގެ ކަންތައްތައް ކުރެވޭނެ. ކެންސަރުގެ ހުރިހާ ޕޭޝަންޓުންނަށް ކީމޯ ދޭކަށް ނުޖެހޭ. އެހެންވެ ފުރަތަމަ ފަށައިގަންނަ އިރު ސްކްރީނިން އާއި ކީމޯ އެޑްމިނިސްޓާ ކުރުން ހިމެނޭނެ،" ފަރުހަތު ވިދާޅުވި އެވެ.
ކެންސަރު ބައްޔަށް ފަރުވާދޭނެ ޑިޕާޓްމަންޓެއް އައިޖީއެމްއެޗްގައި ގާއިމު ކުރަން ނިންމާފައިވާ އިރު މިދިޔަ އަހަރުގެ ކުރީކޮޅު ސަރުކާރުގެ އެ ހޮސްޕިޓަލްގައި ކެންސަރު ބައްޔަށް ފަރުވާދޭ ކީމޯތެރަފީ ސުއިޓެއް ވެސް ވަނީ ހުޅުވައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަސީ
09 January 2017
ތިޔައީ ވަރަށްރަގަޅު ޚިދުމަތެއް Chemotherapy Suite ..
އުދުހޭ
09 January 2017
ކެންސަރުގެ ހުރިހާ ޕޭޝަންޓުންނަށް ކީމޯ ތެރަޕީ ދޭންނުޖެހެންޏާ ކީއްވެތޯ ނަންބޯޑުގައި ކީމޯތެރަޕީ ޖަހާފާ އޭނީ؟
އައްޔަ
09 January 2017
އަލައްތޯ ތިޔަފަދަ ބޯޑެއް ތިޔަފެނުނީ،،،
ލަވްލީ
08 January 2017
ވަރަށްވެސް އުފާވެރި ހަބަރެއް ޝުކުރިއްޔާ ރައީސް ޔާމީން
ގުޑް
08 January 2017
އައިޖީއެމްއެޗްގައި ކެތް ލެބެއް ވެސް ހެދުނީ އެވެ.މިހާރު އައި ޖީއެމްއެޗްގެ އެތެރެ އައިޑީ ވެސް ހީވަނީ ޔޫރަޕް ތަނެއް ހެން ދޯ. ކުރީގައި ހުރި އިންޑިއަން ކިބަޅީ ސްޓައިލް ގަނޑު މިހާރު އެތަނުން ވަރަށް ބޮޑަށް ކެނޑިއްޖެ ދޯ.،
ޗިކުސް
08 January 2017
ތި ހިދުމަތް ދިނުމަށް ވުރެވެސް މުހިންމު މި އަށް ވުރެ އަވަހަށް ޑޮކްޓަރ ދެއްކޭ ގޮތް ހެދިޔަސް.
ލޮލް
08 January 2017
ކީމޯތެރަޕީގެ ސްޕެލިން ރަގަޅުތަ؟
މޫސާ އަބުދުﷲ
09 January 2017
ރަގަޅެއްނޫން ދޯ އެޗް އަކުރު ކަޑާލާ..
ޒުލު
10 January 2017
ބަސް ބަހުގެ ސުޕެލިންގ ނޭގެންޏާ ގޮސް ގޫގުލްގަ ޖަހާބަލަ. ކޮން ލޮލް އެއް. އެއޮތީ ރަނގަޅަށް ޖަހާފަ. ޕިސް ޕިސް
ޒާބެ
08 January 2017
ތިޔައީ ވަރަށް ބޮޑު ކުރިއެރުމެއް ފަރުހަތު ސަރ އަކީ ހިންގުންތެރި ކުޅަދާނަ ބޭފުޅެއް ގައުމުދެކެ ލޯބިވާ ބޭފުޅެއް މިފަދަ ބޭފުޅުންނާ ކަންކަން ހަވާލުކުރުމުން ކޮރަޕްޓެއް ނުވާނެ ރަތްޔިތުން ހާސްވާކަށް ނުޖެހޭނެ.. ބޮއްސުންލައިގެން ގޮސްފައިވާ ތަންތަން ރަގަޅުކުރެވޭނީ މިފަދަ ބޭފުޅުންނަށް ވަރަށްބޮޑަށް ސުކުރިއްޔާ..