ކުރީގެ ރައީސް އަބްދުﷲ ޔާމީން ހއ. ދިއްދޫގައި ބޭއްވި ޖަލްސާގައި ވާހަކަދައްކަވަނީ: ވެރިކަން ލިބިއްޖެ ނަމަ ދިއްދޫގައި އެއާޕޯޓެއް އަޅައިދޭން ޔާމީން ވައުދުވެވަޑައިގެންނެވި -- ފޮޓޯ: ޕީޕީއެމް
17 އޮކްޓޯބަރ 2022 - 23:43
42 comments
ވެރިކަން ކުރަން އިތުރު ދައުރެއް ލިބިވަޑައިގެންފި ނަމަ، ހއ. ދިއްދޫގައި އެއާޕޯޓެއް އަޅައިދޭނެ ކަމަށް އިދިކޮޅުގެ ލީޑަރު އަދި ކުރީގެ ރައީސް އަބްދުﷲ ޔާމީން މިރޭ ވައުދުވެވަޑައިގެންފި އެވެ.
ހއ. ގެ ބައެއް ރަށްތަކަށް މިދިޔަ ހޮނިހިރު ދުވަހު ފެއްޓެވި ދަތުރުފުޅުގައި، އިދިކޮޅު ޕީޕީއެމްގެ ރިޔާސީ ކެންޑިޑޭޓް ޔާމީން ދިއްދޫގައި ވިދާޅުވީ ރައްޔިތުންގެ މަޖިލީހުގެ ދިއްދޫ ގޮނޑި އެމްޑީޕީ އަށް ދިނީ ވަރަށް އުއްމީދުތަކަކާ އެކުގައި ކަމަށް ވިޔަސް، ރައްޔިތުންގެ އެ އުއްމީދުތަކުގައި ކުލަ ނުޖެހުނު ކަމަށެވެ. އެ ރަށަށް ކޮށްދޭން ޖެހޭ އެއްވެސް ކަމެއް މި ސަރުކާރަށް ކޮށްދެވިފައި ނުވާ ކަމަށް ވިދާޅުވި އެވެ.
ޕީޕީއެމުން ހއ. ދިއްދޫގައި ބޭއްވި ޖަލްސާގައި އެ ރަށުގައި ރައްޔިތުން ބައިވެރިވަނީ -- ފޮޓޯ: ޕީޕީއެމް
އެ އުއްމީދުތައް ނުފުދުމުން ރައްޔިތުން އަނެއްކާ ވެސް ކަންތައްތައް ކޮށްދޭން އެ މަނިކުފާނުގެ އަރިހުގައި ދަންނަވަމުން އަންނަ ކަމަށް ޔާމީން ވިދާޅުވި އެވެ. އެހެންވެ، ޕީޕީއެމަށް 2023 ވަނަ އަހަރުގެ ރިޔާސީ އިންތިހާބު ކާމިޔާބުވެއްޖެ ނަމަ ދިއްދޫ ރައްޔިތުން ބޭނުންވާ ކަންކަން ކޮށްދެއްވާނެ ކަމުގެ ޔަގީންކަން ދެއްވި އެވެ.
އަޅުގަނޑުގެ ފަސް އަހަރެއްގެ ދައުރު ދެން ނިމިގެންދާނީ ހަމަ ގައިމު ވެސް ދިއްދޫ ފަޅު ހިއްކާފައި، އެއާޕޯޓެއް އަޅާދީފައި. -- ކުރީގެ ރައީސް ޔާމީން
"އަޅުގަނޑުގެ ފަސް އަހަރެއްގެ ދައުރު ދެން ނިމިގެންދާނީ ހަމަ ގައިމު ވެސް ދިއްދޫ ފަޅު ހިއްކާފައި، އެއާޕޯޓެއް އަޅާދީފައި،" ޔާމީން ވިދާޅުވި އެވެ.
ކުރީގެ ރައީސް އަބްދުﷲ ޔާމީން ހއ. ދިއްދު އަށް ވަޑައިގަތުމުން އެމަނިކުފާނަށް މަރުހަބާ ދެންނެވި ރައްޔިތުންނާ ސަލާންކުރައްވަނީ -- ފޮޓޯ: ޕީޕީއެމް
އެކަމަކު ޔާމީން ވީދާޅުވީ ދިއްދޫގައި އެއާޕޯޓެއް އެޅުމުގެ ކުރިން އެންމެ ފުރަތަމަ، ރާއްޖޭގެ ގައުމީ އެއާލައިން މޯލްޑިވިއަން ހިންގާ އައިލެންޑް އޭވިއޭޝަނަކީ ދިވެހިން ފަހުރުވެރިވާ ކުންފުންޏަކަށް ހަދަން ޖެހޭ ކަމަށެވެ. ޕީޕީއެމަށް ދެން ވެރިކަން ލިބިއްޖެ ނަމަ ސަރުކާރުގެ ފުރަތަމަ ދުވަސް ވެސް ފަށާނީ ތަންފީޒީ އެޖެންޑާއަކުން ކަމަށާއި ކަންކަން ދިރާސާކޮށް، ވަގުތު ނަގާލަން ބޭނުންފުޅު ނުވާ ކަމަށް ވިދާޅުވި އެވެ.
"މިހާރު މި ހިނގާ ދުވަސްތަކަކީ [މި ސަރުކާރުން ކުރާ ކަންކަމަކީ] ދިރާސާކުރަން ލިބިފައިވާ ފުރުސަތެއް،" އެ މަނިކުފާނު ވިދާޅުވި އެވެ.
"މަސްވެރިކަމަށް ކުރަން ޖެހެނީ ކޮން ކަމެއްތޯ. ދިއްދޫ އަށް ކޮށްދޭން ޖެހެނީ ކޮން ކަމެއްތޯ. ޒުވާނުންނަށް ބޭނުންވެފައި ހުރި ކަންތައްތަކަކީ ކޮބައިތޯ، މި ކަންކަން ކުރާކަށް ތަހުލީލީ މަސައްކަތްތަކެއް ކުރާކަށް ވަގުތުތަކެއް ނަގައެއް ނުލާނަން."
ކުރީގެ ރައީސް އަބްދުﷲ ޔާމީން ހއ. ދިއްދު އަށް ވަޑައިގަތުމުން އެމަނިކުފާނަށް މަރުހަބާ ދެންނެވި ރައްޔިތުންނާ ސަލާންކުރައްވަނީ -- ފޮޓޯ: ޕީޕީއެމް
ޔާމީންގެ ވެރިކަމުގައި ހދ. ކުޅުދުފުއްޓާއި ނ. މާފަރާއި ދ. ކުޑަހުވަދޫ އާއި ށ. ފުނަދޫ އަދި ޅ. މަޑިވަރުގައި ވެސް އެއާޕޯޓެއް ހެދި އެވެ. ރާއްޖޭގެ ރަސްމީ ވައިގެ ބަނދަރު ވެލާނާ އިންޓަނޭޝަނަލް އެއާޕޯޓް ތަރައްގީކުރުމުގެ އެންމެ ބިޔަ މަޝްރޫއު ވެސް ފެއްޓެވީ ޔާމީންގެ ވެރިކަމުގަ އެވެ.
ހއ. ރަށްތަކަށް ކުރައްވާ ދަތުރުފުޅުގައި ޔާމީން ގެންދަވަނީ އެ މަނިކުފާނުގެ ވެރިކަމުގައި ހިންގެވި ކަމަށް ތުހުމަތުކުރާ ބައެއް ކަންކަމުގެ ދިފާއުގައި ގިނަ ވާހަކަފުޅުތަކެއް ދައްކަވަމުންނެވެ. ކުށެއް ނުކުރައްވާ ކަމަށް ވެސް ވިދާޅުވީ ވެރިކަމުގެ ފަސް އަހަރުގައި އެންމެން ހިތްހަމަޖެހޭ ނިންމުންތައް ނިންމެވިފައި ނުހުންނާނެ ކަަމަށް ދައްކަވައި ޖެއްސެވި މިސާލުތަކުގެ ތެރޭގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖޯކް
18 October 2022
މައުމޫން، އަންނި، ވަހީދު، ޔާމީން، ސޯލިހް ގެ ދައުރުގަ ރާއްޖެ ދިޔައީ ފަހަތަށް. މިގައުމު ބޭނުންވަނީ އެއްފަހަރުވެރިކަން ކޮއްފަ ފެއިލްމެފަ ތިބި ބައެއްނޫން. ރާއްޖެ މިޔަށް ވުރެ ކުރިއެރުވޭނެ ވެރިޔެއް. ޕީޕީއެމް، އެމްޑީޕީ އަކީ ފެއިލްވެފަ އޮތް 2 ޕާޓީ. ބޭނުމެއްނޫން ވެރިކަންކުރަންނޭނގޭ ބަޔަކަށް ޗާންސްދޭކަށް. މިވެރިންގެ ދޮގު ހުވާތަކުގަ ނުޖެހޭތި.
ޖޯކް
18 October 2022
މިކަހަލަ ފީކަޅާމީހުން ފަހަތުން ދުވާނީ، ހެއްލޭނީ މޮޔައިން. އެއްފަހަރު ވެރިކަން ކުރަންލިބުން. ރަނގަޅަށް ވުރެ ގިނައީ ނުބައި. މާލެ ތެރޭ ގޭންގުންގެ ބިރުވެރިކަން، ކޮރަޕްޝަން، ކުއްކުރުން އިންތިހާޔަށް އިތުރުވި. އާ ބްރުޖު އެޅި އެއީ ރަނގަޅު ކަމެއް. އެކަމަކު ފެއިލް ދައުރެއް. ޔާމީން އައުޓް.
އިޖުރިމާޢީ މަފްހޫމް
18 October 2022
ދިއްދޫގައި އަޅާ އެއަރޕޯޜޓަކީ އަތޮޅުގެ 19 ހާސް މީހުންނާ ދޮނަކުޅީ ރިސޯޓު ކަޅިދުއްފަރު ރިސޯޓަށް ކުރިއެރުން ލިބޭނެ ރައީސް ޔާމީނުގެ މި ނިންމެވުމަކީ ހަރުދަނާ ނިންމެވުމެއް މިއީ އުތީމުގަ އެޅޭ އެއަރޕޯރޓެއް ވަށަފަރުކެލާ ފިއްލަދޫ މުރާދޫ ތަކަންދޫ މާރަންދޫގެ ކުރިއެރުމާ ގުޅިފަވާ ހއ ގެ ދަށްބިތުގެ އެއަރޕޯރޓް މިކަމުން 2023ގަ އެމްޑީޕީ ހއ ގަ ޑިފެންސަށް ކުޅެންޖެހިއްޖެ
ރޯޒަސް
18 October 2022
ދިއްދޫ މީހުންނަކީ ހަމަ އެހާ ގަމާރު ބައެއްތަ؟ އެމީހުން ފުންވިލުގައި ކުރެވޭނެކަންތަކާ ނުކުރެވޭނެކަންކަން އެމީހުންނަށްވެސް އިނގޭނެ.
ބޮކިފުރާޅު ޢީސާ
18 October 2022
އަދީބާ ޔާމީނާ ދެމީހުން އަތުގުޅާލައިގެން މިގައުމު ކޮންފަދަ އަނދިރި އަނދަވަޅަކަށްތޯ ވައްޓާލީ! ދެން މިގައުމު ދެވަނަ ކޮލަންބީޔާ ހަދާލުމުގެ ފުރުސަތެއް ނުދެވޭނެ. ދެވަނަދައުރެއް ހަނދާންނައްތާލާ!
ހާސަރު
18 October 2022
ޔާމީން މިކުރާކަމަކީ ރަށުމީހުންގެ ބޯކާލަނީ! ދެން ތިބޭނެ އެއަރޕޯޓް ނާޅާތީ އެހެން މީހަކަށް ވޯޓްނުދޭން ނިންމައިގެން!
67676
18 October 2022
މިއީ އެއްޗެއް ދިރުވާލައިގެން އުޅޭ މީހެއްތަ، އަރާ ކޮންމެ ރަށެއްގަ އެބަ ވައުދުވޭ އެއަރޕޯރޓެއް އަޅައިދޭން .. ތި ގޮތަށް ކުޅުދުއްފުށީގަވެސް އެބައޮތް އެއަރޕޯޓެއް އަޅާފަ....މީނާ މީ އެއަރޕޯރޓް މޭންތާ ދޯ.....
މުޑަހަންޖާ
18 October 2022
ޖެހިޖެހިގެން 4 އެއާޕޯޓު އެޅީމާ އޭރުން ޔަގީން އެކުރެވުނީ އުތުރުގެ އެއްވެސް އެއާޕޯޓެއް ދެކޮޅުޖެހޭގޮތަކަށް ނުހިންގޭނެކަން. ވަރަށް ބޮޑު ރޭވުމެއްގެތެރެއިން މާލޭމީހުން މިކަމެއް މިކުރަނީ. ކ.އަތޮޅުގަ މާފުއްޓާއި ހުރާފަދަ ތަންތާ އެއާޕޯޓު ހަދަންވީނު، ނަހަދާނެއޭ، އެއީ ދުވަހަކުވެސް ކުރާނެކަމެއްނޫނޭ. މިހުރިހާ މުސީބާތެއް ޖައްސަނީ އުތުރާ ދެކުނު މީހުނަށް.
@މުޑާ
18 October 2022
ޗާންސިލަރނުންގެ ފެންވަރު މިފެންނަނީ
ސެބަސިން
18 October 2022
ހަގީގީ އިކޮނޮމިސްޓުން ވަރަށް ގިނައިން އެއާރޕޯރޓް އަޅާނެ އެއީ ގައުމަށް އެތެރެވާ ޑޮލަރުތައް މަދުއެއާޕޯޓެއްހުރެގެން އެތެރެ ނުކުރެވޭނެތީ 40 ފޫޓު ކޮންޓެއިނާގަ ޑޮލަރުތައް އެއާރޕޯޓަށް ޖައްސާނީ
ބޯތަށިހަސަނު
18 October 2022
ދިއްދޫ އާ ދިމާ ބޭރު ކަނޑުގަ އަޅަންވާނީ. ޖާގަވެސް އޮންނާނެ