އެކި އޮޕަރޭޝަންތަކުގައި ފުލުހުން ހޯދާފައިވާ ޑްރަގްސް ނައްތާލުމުގެ ކުރިން، މިދިޔަ މަހު ދޫނިދޫގައި ޑްރަގްސް ޓެސްޓް ކުރަނީ. -- ފޮޓޯ: ނިޝާން އަލީ/މިހާރު
20 އޮކްޓޯބަރ 2022 - 07:09
18 comments
މަސްތުވާތަކެތީގެ ވިޔަފާރީގައި ފައިސާގެ ޔަގީންކަން ކަށަވަރުކުރަން އިންސާނުން "ރަހުނު" ކޮށްގެން ގެންގުޅުމުގެ ތެރެއިން ޕާކިސްތާނުގައި ހިފަހައްޓައިގެން ގެންގުޅުނު ޒުވާނަކު އެނބުރި ރާއްޖެ އައުމުން ހައްޔަރުކޮށްފި އެވެ.
މިދިޔަ ބުރާސްފަތި ދުވަހު ހައްޔަރުކުރި އުމުރުން 22 އަހަރުގެ ޒުވާނާ ކޯޓުގައި ބުނި ގޮތުގައި އޭނާ ޕާކިސްތާނަށް ފޮނުވާފައި ވަނީ ބަޔަކު އޭނާއަށް އޮޅުވާލައިގެންނެވެ. އަދި ޕާކިސްތާނަށް ދިއުމާ އެކު އެ ގައުމުގައި ތިބި ޑްރަގް ވިޔަފާރީގެ ގްރޫޕުން އޭނާ ހައްޔަރުކޮށްގެން ގެންގުޅުނީ ކަމަށް ބުންޏެވެ.
މީގެ ކުރިން ވެސް އެކި ކުށްތަކުގެ ތުހުމަތުގައި ފުލުހުންގެ ބެލުމުގެ ދަށަށް ގެންގޮސްފައިވާ މި ޒުވާނާ ބުނި ގޮތުގައި އޭނާ އެނބުރި ރާއްޖެ އައީ ފިލައިގެންނެވެ.
އެކަމަކު ފުލުހުން ތުހުމަތުކުރާ ގޮތުގައި އޭނާ އަކީ މަސްތުވާތަކެތި ރާއްޖެއަށް އެތެރެކުރަން އެހީވެ އަދި އެ ތަކެތި އެތެރެކުރަން މަސައްކަތްކުރި މީހެކެވެ.
ކުށުގެ ތުހުމަތަށް ހައްޔަރުކުރިތާ ހަފްތާއެއް ވީއިރު ވެސް ވަކީލަކު ހަމަޖެހިފައި ނުވާތީ ފުލުހުން އަދިވެސް ތިބީ ތުހުމަތުކުރެވޭ މީހާގެ ބަޔާން ނުނެގިފައި ކަމަށް ފުލުހުން ކޯޓުގައި ބުންޏެވެ. ބަންދުގެ މުއްދަތު އިތުރުކުރުމަށް ދެ ވަނަ ފަހަރަށް އިއްޔެ ކޯޓަށް ހާޒިރުކުރުމުން ގާޒީ ނިންމެވީ ވަކީލަކު ހަމަޖެހިފައި ނުވާތީ އާއި ތުހުމަތުވާ މީހާގެ އަތުން އެއްވެސް މަސްތުވާއެއްޗެއް ފެނިފައި ނުވާތީ ދިގު މުއްދަތަކަށް ބަންދު ނުކޮށް އިތުރު 10 ދުވަސް ދިނުމަށެވެ.
ރާއްޖޭގައި މަސްތުވާތަކެތީގެ ވިޔަފާރިކުރާ މީހުން އެ މީހުންނަށް ބޭރު ގައުމުތަކުން މަސްތުވާތަކެތި ފޮނުވާ މީހުންނަށް ޔަގީންކަން ދިނުމުގެ ގޮތުން، ބަދަލުގައި މީހުން ފޮނުވައި އެ މީހުންގެ ބެލުމުގެ ދަށުގައި މީހުން ގެންގުޅޭ ކަމަށް ފުލުހުން ކުރިން ވެސް ބުނެފައިވެ އެވެ. ގެއްލިގެން ކަމަށް ބުނެ 2020 ވަނަ އަހަރުގެ ނޮވެމްބަރު މަހު އާއިލާއިން ރިޕޯޓްކުރި މީހަކު ވެސް ޕާކިސްތާނުގެ ޑްރަގް ނެޓްވޯކެއްގެ ބެލުމުގެ ދަށުގައި ހުރިކަން ފަހުން އެނގުނެވެ. އޭނާ ވެސް ފަހުން ރާއްޖެ އައުމުން ވަނީ ހައްޔަރުކޮށްފަ އެވެ.
ފުލުހުން ބުނެފައިވާ ގޮތުގައި މިގޮތަށް "ރަހުނު" ކޮށްގެން ގެންގުޅޭ ބައެއް މީހުންނަށް ބޮޑެތި އަނިޔާތައް ދޭ ފަހަރު ވެސް އާދެ އެވެ. ފޮނުވާ މަސްތުވާތަކެތީގެ އަގު ނުލިބޭ ނަމަ "ރަހުނު" ވި މީހާ ބޭނުންކޮށްގެން އެ ފައިސާ ހޯދަން ޑްރަގް ގޭންގުތަކުން މަސައްކަތްކުރެ އެވެ. އެ މީހުން ލައްވައި އެހެން ގައުމުތަކަށް މަސްތުވާތަކެތި އެތެރެކުރުމާއި އެ މީހުންގެ ގުނަވަންތައް ވިއްކުން ފަދަ ކަންކަން ވެސް ކުރާ ކަމަށް ތަހުގީގީ އިދާރާތަކުން ބުނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޜިޔާޒު
21 October 2022
ބ. ގޮއިދޫ އަކީ މިހާރު މަސްތުވާތަކެތީގެ ބޮޑުހަބެއް. މާލޭގެ ބޮޑެތި ގޭންގްތަކުން މިރަށުގަ މިކަންމުރަމުން ގެންދާތާ އެތަކެއްދުވަހެއް. މިއްޓެމެން ފަދަ މީހުން ކުޑަކުދިން ލައްވާ މިކަހަލަ އަމަލުތައް ހިންގުމަކީ ބަލާގަނެވޭނެ ކަމެއްނޫން
ވަކަފޫޅު
20 October 2022
ކޮންމެހެން ޒުވާނާއެކޭ ލިޔަންޖެހޭބާ؟ އުުމުރު އެއޮތީޖަހާފާ ދެން އެގޭނު ޒުވާނެއްތޯ މުސްކުޅިއެއްތޯ ނުވަތަ އެެހެން ކެޓަގަރީއެއްގެ މީހެއްކަން. ޒުވާނަކަށްވިއްޔާ ކުށެއް މާފުކުރަން ޖެހެނީތަ؟ ޒުވާނެކޭ ނުލިޔެ މީހެކޭ ލިޔުނިއްޔާ ކިހިނެއްވާނެބާ؟
އެމްސް
20 October 2022
ހަފްތާއެއްވީއިރުވެސް ވަކީލަކު ހަމަޖެހިފައިނުވާތީ ތުހުމަތުކުރެވޭމީހާގެ ބަޔާން ނުނެގި، 2 ވަނަ ފަހަރަށް ކޯޓަށް ހާޒިރުކުރުމުން ގާޒީ ނިންމީ ވަކީލަކު ހަމަޖެހިފައި ނުވާތީއާއި ތުހުމަތުވާމީހާގެއަތުން އެއްވެސް މަސްތުވާއެއްޗެއް ފެނިފައި ނުވާތީ ދިގުމުއްދަތަކަށް ބަންދުނުކޮށް އިތުރު 10 ދުވަސް ދޭން! ރަހުނަކީ ފައިސާގެ ޔަޤީންކަންކަމުން، އޭގެ ބޭނުންކޮށްގެން އެހެންގައުމުތަކަށް މަސްތުވާތަކެތި އެތެރެކުރުވާ އެމީހުންގެ ގުނަވަންތައް ވިއްކުމީ ޙައިރާންވާންޖެހޭ ކަމެއްނޫން!
ފޫހި
20 October 2022
ޑްރަގްބަލާ ދިޔައިމަ އޭނާ ޓެރަރިސްޓަކަށް ނުވާނެ. ދީނީ އިލްމުވެރިއަކު ޕާކިސްތާނަށް ގޮއްސަ އައިނަމަ ޓެރަރިސްޓަކަށްވެ ބަންދުކުރާނެ. އަދި ބަޔާންވެސް ނަގާނެ. އަދި އުމުރަށް ބަންދުކުރާނެ. ގައުމުގެ ހާލަތު. މާދަމާ ސުރުޙީގައި އޮންނާނީ އޭނާއަށް ލޯޔަރަކު ނުލިބުން ދޫކޮށްލިވާހަކަ.
އެމްސް
20 October 2022
ވަގުންނަކީ ޓެރަރިސްޓުންނެއް ނޫން! ޑްރަގް ލޯޑުންނަކީވެސް ޓެރަރިސްޓުންނެއް ނޫން! ރާބޮއެ، އޫރުމަސް ކާމީހުންނަކީވެސް އަދި ޓެރަރިސްޓުންނެއް ނޫން! ޑިކްޝަނަރީން "ޓެރާ" ގެ މާނަ ބަލާލީމަ ޓެރަރިސްޓުންނަކީ ކޮބައިކަން ސާފުވާނެ!
މިސްޓަރ ޓިނޭ
20 October 2022
ޓެރަރިސްޓް އަކަށް ވަނީ. ޓެރަރިސްޓް ޖަމާއަތްތަކާ ގުޅިގެން ރާއްޖޭގައިވެސް ޓެރަރިސްޓް ގެ ހަރަކާތްތައް ކުރިއަށް ގެންދިއުމަށް އުޅޭ މީހުން. ޑުރަގު އަކީ މަސްތުވާތަކެތީގެ ތެރޭގައި ހިމެނޭ އެއްޗެއް. ޑުރަގު އެތެރެކޮށް އެތަކެތީގެ ވިޔަފާރިކުރަމުން ދިޔަޔަސް ޓެރަރިސްޓް އަކަށް ނުވާނެ.
ކެމްސް
20 October 2022
އެމްސް އެވެ. ތިޔަ ބުނާ ޑިކްޝަނަރީގައި ބުނާ މާނައަކީ އެބަޔަކު ހިތުހުރި ގޮތަކަށް މާނަ ކުރާ އެއްޗެކެވެ. ހުޅަނގުގެ މީޑިއާގައި ފަލަސްޠީނު މުސްލިމަކު ގައު ބުރިއެއް އިޒްރޭލުގެ އިސްތިއުމާރު ސިފައިންގެ ވެހިކަލަކަށް އެއްލީމަ އޭނަ އެވީ ޓެރަރިސްޓާކަށެވެ. ރަޝީއާ ސިފައިން ޔޫކްރެއިން ގެ ބްރިޖަކުން އަރައިގެން އަންނާތީ އަމިއްލައަށް މަރުވެގެން އެ ބްރިޖް ގޮއްވާލި މީހާ، ހުޅަނގު ޓީވީތަކަށް ވީ ޝަހީދަކަށެވެ. ހަމައެކަން މުސްލިމަކު ކުރިނަމަ ވާނީ ޓެރަރިސްޓަކަށެވެ. އހ
އެމްސް
21 October 2022
މިހާރު ތިދެއްކެނީ ސިޔާސީ ވާހަކަ! ޕީޕީއެމް މީހާއަށް އެމްޑީޕީ ގޯސްވާނެ ވާހަކައާއި، އެމްޑީޕީ މީހާއަށް ޕީޕީއެމް ގޯސްވާނެ ވާހަކަ!
ސަންފާ އޮނު
20 October 2022
ހައްޔަރުކުރެވުނު މީހާ ދޫކޮށްލުމުގެ ބަދަލެއްގެ ގޮތުން ފައިސާ ނުވަތަ އެނޫން އެއްޗެއް ނުވަތަ ކަމެއް ހާސިލްކުރުމަށް ރަހުނެއްގެ ގޮތުން މީހަކު ހައްޔަރުކުރުމަކީ ރަހީނުކުރުން. އެމީހާ އެއީ ރަހީނެއް. މުދަލެއް ނަމަ ރަހުނެއް. ރަދީފު ބަލާ! އެކަމަކު ދިވެހި ނޫސްވެރިން އެބަ ލިޔޭ މީހަކު ރަހީނުކޮށްފިއޭ އެމީހާ މަރާލުމުގެ ބޭނުމުގައި ވިޔަސް ނުވަތަ ރުޅިވެރިކަމެއް ފިލުވައިލުމަށް ވިޔަސް އެމީހަކު ޖަހައިގަނެ ހައްޔަރުކޮށްގެން ގެންގުޅުމަށް ވެސް.
މާދަމާގެ ސުރުޚީތައް
20 October 2022
ޕޮލިސް: މީނާ ދޫކޮށްލައިފިން. ޕީޖީ: ދޫކޮށްލީ އިޖުރާރާތާ ޚިލާފަށް. ޕޮލިސް: އޮންނަ އުސޫލުގެ ތެރެއިން ތަޙްގީގަށް ބޭނުންވާ އިތުރުކަމެއް ނެތުމުން. ކޯޓު: ކޯޓުން އަމުރުކޮށްފައި ވަނިކޮށް ކޯޓަށް ނޭނގި ދޫކޮށްލީ. ސުރުޚީތައް ނިމުނީ. ރައްޔިތުން ހަނދާން ނެތުނީ. މިހާރު މާލޭ ޕޯޓުން ފެނުނު ޑްރަގް ކޮންޓޭނަރުގެ ވާހަކަދައްކާލާ އަޑު ނީވޭގޮތަށް މިކަންވެސް ނިމިގެން ހިނގައިދާނެ.
އެމްސް
20 October 2022
ޑރ. އަފރާޝީމް ޢަލީގެ ޤަތުލޯ؟ ދެން މަރާފަވީ އެކިއެކި މީސްމީހުންގެ ކަންތަކޯ؟
އިބުރާ
20 October 2022
"ކުށުގެ ތުހުމަތަށް ހައްޔަރުކުރިތާ ހަފްތާއެއް ވީއިރު ވެސް ވަކީލަކު ހަމަޖެހިފައި ނުވާތީ ފުލުހުން އަދިވެސް ތިބީ ތުހުމަތުކުރެވޭ މީހާގެ ބަޔާން ނުނެގިފައި ކަމަށް ފުލުހުން ކޯޓުގައި ބުންޏެވެ." މާނައަކީ ވަކީލަކު ނެތިއްޔާ ނެތީއޭ ބަޔާން ގަނޑެއްވެސް ނެގޭކަށް. ސާބަހޭ ޤާނޫނު ހައްދާވާ ބޭފުޅުން..
ޖަމީލުބެ
20 October 2022
ކުށްވެރިންނަށް ފަހިވާގޮތަށް ގާނޫނުތައް ފަރުމާކުރުން މިއީ އިއްތިފާގެއްތަ؟
އެމްސް
20 October 2022
މިއޮތްފަދަ ތަޢުލީމީ ޒަމާނުގަ، ޤާނޫނު ހަދާ މަޖިލިސް ފެތެނީ އެމްކިއުއޭގެ ކޮން ލެވެލް އަކަށްތޯ؟
އިބްރ
20 October 2022
ޓެރެރިސްޓަކަށް މީނާ ނުވާނެ. ޤައުމު ހަލާކުގެ ތެރެއަށް ވެއްޓިގެންމިދަނީ ޙަޤީޤީ ޓެރެރިސްޓުން ދޫވެ ދީނީ ޢިލްމުވެރިން ޓެރެރިސްޓުންނަށް ހަދައި ޖަލުތަކުގައި ބަންދުކޮށް އަދަބުދޭންފެށީމައެވެ.
އަހުމަދު މުހައްމަދު
20 October 2022
ގައިގަ ބޮން ބަނދެ މިސްކިތް ގޮއްވާތަ މީނަ
ޓެރަރ
20 October 2022
ޓެރަރިޒަމްގެ ގާނޫނު ވުޖޫދުކުރީ، މިހާރު އިދިކޮޅުގައި ތިބި މީހުންވެސް ވޯޓު ދީގެން، ބަލަންވީ ކަމުގެ އެއްކޮޅަކަށް ނޫން.
އެމްސް
20 October 2022
އާދަޔާޚިލާފަށް ބޮންދުން މިޤައުމުގެ ވަޒަންވެރިވެ، ދިވެހިންގެ ހުރިހާ ވަޒީފާތަކާއި ވިޔަފާރިތައް އަތްމަތިކުރުންވެސް ތީގެ ތެރެއަށްލަމާ؟