ބޯހިމެނުން: މިހާތަނަށް ދައްކަނީ އަށް އަހަރުން އިތުރުވީ 16،800 ދިވެހިން ކަމަށް

ބަޔަކު މަގުމަތިން ހިނގާފައި ދަނީ: ބޯހިމެނުމުގައި މިހާތަނަށް ދިވެހި އާބާދީއަށް އިތުރުވީ 16،800 މީހުން ކަމަށް ތަފާސް ހިސާބުތަކުން ދައްކާ --- ފޮޓޯ/މިހާރު

މުއިއްޒު އިބްރާހިމް، މިހާރު

20 އޮކްޓޯބަރ 2022 - 21:22

63 comments

ބޯހިމެނުމުގައި މިހާތަނަށް އެއްކުރެވުނު މައުލޫމާތުން، ރާއްޖޭގެ އާބާދީއަށް އަށް އަހަރުން އިތުރުވެފައިވަނީ 16،897 ދިވެހިން ކަމަށް ދައްކައިފި އެވެ.

އަށް އަހަރަށް ފަހު ރާއްޖޭގެ ބޯހިމެނުމުގެ މަސައްކަތް ފަށައިގެން ކުރިއަށް ދާއިރު، މިއަދު ނެރުނު ތަފާސް ހިސާބުތައް ދައްކާ ގޮތުން މިއަދާ ހަމައަށް ގުނުނު އާބާދީގައި، ރާއްޖޭގައި ދިރިއުޅޭ ދިވެހިންގެ އަދަދަކީ 355،331 އެވެ.

މިއީ 2014 ވަނަ އަހަރުގެ ބޯހިމެނުމުގައި ރާއްޖޭގައި ދިރިއުޅޭ ދިވެހިންގެ އާބާދީއަށް ވުރެ 16،897 މީހުން އިތުރު އަދަދެކެވެ. އޭރު ރާއްޖޭގައި އުޅުނު ދިވެހިންގެ އާބާދީއަކީ 338،434 އެވެ.

އެ ހިސާބުތައް 2014 ވަނަ އަހަރު ރާއްޖޭގައި އުޅުނު ބިދޭސީންގެ އަދަދަށް ވުރެ މިއަދާ ހަމައަށް ގުނުނު ބިދޭސީންގެ އަދަދު 33،000 އަށް ވުރެ ވަނީ އިތުރުވެފަ އެވެ. އޭރު ރާއްޖޭގައި އުޅުނީ 63،637 ބިދޭސީން ކަމަށް ވިޔަސް، މިއަހަރުގެ ބޯހިމެނުމުގައި މިއަދާ ހަމައަށް 97،000 އަށް ވުރެ ގިނަ ބިދޭސީން ތިބި ކަމަށް ދައްކަ އެވެ. އަދި މި އަދަދަކީ އިމިގްރޭޝަންގެ ރެކޯޑްތަކުން ދައްކާ އަދަދުގެ 65 ޕަސެންޓް ކަމަށްވާތީ މި އަދަދު އިތުރަށް ފުރިހަމަކުރަން މަސައްކަތްކުރާ ކަމަށް ބިއުރޯ އޮފް ސްޓެޓިސްޓިކްސްއިން ބުންޏެވެ.

ބިއުރޯ އޮފް ސްޓެޓިސްޓިކްސްއިން ބުނި ގޮތުގައި މިއަދާ ހަމައަށް ގުނުނީ ރާއްޖެ އާއި ރާއްޖެއިން ބޭރުގައި އުޅޭ ދިވެހިންގެ ތެރެއިން 89 ޕަސެންޓެވެ. އަދި މިހާތަނަށް މައުލޫމާތު ނުލިބޭ މީހުންގެ މައުލޫމާތު އެއްކުރުމުގެ މަސައްކަތް އަދިވެސް ކުރިއަށް ދާ ކަމަށް އެ ބިއުރޯއިން ބުންޏެވެ.

އެ ބިއުރޯއިން ބުނި ގޮތުގައި މިހާތަނަށް މައުލޫމާތު ނުދެވި ތިބި މީހުން އެ ބިއުރޯގެ ހޮޓްލައިނަށް ގުޅައިގެން ނުވަތަ އޮންލައިންކޮށް ވެސް ބޯހިމެނުމަށް މައުލޫމާތު ދެވޭނެ އެވެ. އަދި މީހުން ނޫޅޭ ގެތަކުގެ މައުލޫމާތު ވެސް އެ ބިއުރޯއަށް އަންގަން އެދޭ ކަމަށް އެ ބިއުރޯއިން ބުންޏެވެ.

ބިދޭސީން އާބާދީ ބޯހިމެނުން

63 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ތަލިންކުޅުހިކިފައި.

23 October 2022

2014 ގެ ބޯހިމަފައި ފޮތުގައި ޖަހާފައި އޮތީ 344023 މީހުން ތިބިކަމަށް. މިހާރު ތިބުނަނީ 335331 މީހުންނޭ މިހާރު ތިބީ. 16897 މީހުން އިތުރުވީ ގޮތެއް ނޭނގުނު. އަނެއްކާ ވޭތުވެދިޔަ 4 އަހަރެއްހާ ދުވަހުގެ ތެރޭގައި 20 ހާސް ވަޒީފާ ޒުވާނުންނަށް އުފައްދައިފިކަމަށް ޔޫތު މިނިސްޓަރު ވިދާޅުވެއްޖެ. 8 އަހަރުގެ ތެރޭގައި 16897 މީހުން އިތުރުވެފައި މިހާވަރަށް ވަޒީފާ އުފެއްދީމާ ވަޒީފާ ނުލިބޭ މީހެއްވެސް ނެތްކަމަށް ބަަލަންޖެހިދާނެ ދޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

مرحبا

22 October 2022

ބޮލެއް ނުހިމަނާ ރަނގަޅަކަށް. ތީ އެއްވެސް އޮށްޓަރެއްހުރި ވާހަކައެއް ނޫން. ހަމަ ގައިމު ވެސް މި ގެއަކަށް ނާދޭ. މިއީ 6 މީހުން ދިރިއުޅޭ ގެއެއް. މިގޮތަށް ނުހިމަނާ ކިތަންމެ ގެއެއް ހުންނާނެ. ވ ވެދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޯދާޒަމާން

22 October 2022

ތީ ބޯހިމަނައިގެން ހޯދަންޖެހޭ މައުލޫމާތެއް ނޫން. ނޭޝަނަލް ރަޖިސްޓްރޭޝަންއިން ބައިގަޑިއިރުގެތެރޭގައި ބެލެންވާނެ މައުލޫމާތު. މީ ދުވާލަކު ބައިލައްކަ އުފަންވެފަ، ބައިލައްކަ މަރުވާ ގައުމެއް ނޫން. 200 ވަރަކަށް ކައުންސިލުން ދުވާލަކު 100 ވަރަކަށް މަރު/އުފަން ރިޕޯޓްވެސް ނުލިބޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

22 October 2022

މިފެންނަނީ އަލަމްގިރީގެ ކުޅިވަރު ގައުމުގައި އޮތް މިންވަރު. 8 އަހަރުން 16ހާސްވީމާ ބޮޑުތަކުން ކަޑައޭ. އާބާދީ ބޮޑުކޮށް ގުއި ގިނަކޮށްގެން ނޫނީ ތަރައްގީއެއް ނުވެވޭނެ. ތަރައްގީގެ ނާރެހަކީ އާބާދީ. ތަރައްގީ އެބުރޭނީ އާބާދީ ވަށައިގެން. ސަޕްލައި އެންޑިމާން އޮންނާނީ އާބާދީއެއް އޮތްތަނެއްގަ. ވިޔާފާރީގެ އަސްލަކީ ސަޕްލައި އެންޑް ޑިމާންޑް. އެއީ އިގްތިސާދުގެ މަންބައު. ވީމާ އިންޓެންސިވް ދޭން ދަރިން ގިނަކުރަން. އުއްމަތް ބޮޑުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަހް

22 October 2022

ޤާއިމު މިގެއަކަށް ނާދޭ ބޯ ހިމަނާކަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޭދޫ

22 October 2022

ތީ ކޮން ގެއެއް.؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔު1

22 October 2022

ދަރިން ހޯދަން މަވެސް ބޭނުން އެކަމަކު ދަރިން ހޯދަން ބަލާއިރު އެވަރަށް އާމްދަނީ ނުލިބޭ. 2 ކުދިންނާއި އަންހެނުން އެކީ ނިދަނީ 1 ކޮޓަރީގައިއެވެ. އަދި އަންހެނުން ވަޒީފާއަށް ފޮނުވައިގެން ނޫން ގޮތަށް އުޅެވެން ނެތް އެހެންކަމުން ދަރިއެއް ހޯދާފީޔާ ބަލާނެ ގޮތެއް ނެތް. މި ސަބަބާއި ހުރެ ދަރިން ހޯދަން ނިންމާލައިގެން މީނީ. ނަމަވެސް ދަރިން ބޭނުން އަދިވެސް