ވޭލް ސަމްބެރިން: ވޭލް ސަބްމެރިން ހިންގާ ކުންފުނިން ހަތް މިލިއަން އަނބުރާ ދޭން ވަނީ ހުކުމްކޮށްފައި
31 އޮކްޓޯބަރ 2022 - 12:58
22 comments
ސައުދީ އަރަބިއާގައި ބޭއްވި ވޯލްޑް ފެސްޓިވަލަށް ރާއްޖޭގެ ވޭލް ސަމްބެރިން ގެންދަން ހެދި އެއްބަސްވުމެއްގެ މައްސަލާގައި ޔޫއޭއީގެ ކުންފުންޏަކަށް ވޭލް ސަމްބެރިން ކުންފުނިން 500،000 ޑޮލަރު (7.7) މިލިއަން ރުފިޔާ ދައްކަން ސިވިލް ކޯޓުން ހުކުމްކޮށްފި އެވެ.
ޔޫއޭއީގެ އެވެންޓަސް ގުރޫޕާއި ވޭލް ސަމްބެރިން ކުންފުންޏާ އެކު އެއްބަސްވެފައި އޮތީ 2019 ވަނަ އަހަރު ސައުދީގެ ޖިއްދާގައި ބޭއްވި ވޯލްޑް ފެސްޓިވަލަށް ވޭލް ސަބްމެރިން ގެންގޮސްގެން އޮޕަރޭޓް ކުރުމަށެވެ. އެހެން ނަމަވެސް އެވެންޓަސް ގްރޫޕުން ބޭނުންވި ތާރީހަށް ސަމްބެރިން ނުގެންދެވުމުން އެ ކުންފުނިން އެއްބަސްވުން އުވާލުމަށް ފަހު ވޭލް ސަމްބެރިންއާ ދެކޮޅަށް ދައުވާކުރީ އެޑްވާންސްގެ ގޮތުގައި ދިން 500،000 ޑޮލަރާއި ސައިޓް ސާވޭ ހަރަދާއި އިންޓްރެސްޓާއި ވަކީލުންގެ ފީއަށް 654،000 ޑޮލަރު ހޯދުމަށެވެ.
އެ މުއްދަތަށް ސަބްމެރިން ނުގެންދެވުނީ ސަބްމެރިން ޖިއްދާ އަށް ގެންދާނެ ބޯޓެއް ނުލިބުމުގެ ސަބަބުން ކަމަށާއި އަދި ދިމާވާ ކަމެއްގެ ސަބަބުން އެއްބަސްވާ ތާރީހަށް ސަބްމެރިން ނުގެންދެވިދާނެ ކަން އެވެންޓަސް އަށް އަންގާފައިވާނެ ކަމަށް ވޭލް ސަބްމެރިން ކުންފުނިން ބުނެފައިވެ އެވެ.
ވޭލް ސަމްބެރިން ކުންފުނިން ކުންފުނިން ބުނެފައިވަނީ އެޑްވާންސް ފައިސާގެ ތެރެއިން އަނބުރާ ދޭންޖެހޭނީ އެ ޕްރޮޖެކްޓްގެ މުއްދަތުގައި ސަމްބެރިންގެ އޮޕަރޭޝަން ހުއްޓާލާފައި އޮތް ދުވަސްތަކަށް ހިނގި ހަރަދުތައް އުނިކުރުމަށް ފަހު ކަމަށެވެ.
ސިވިލް ކޯޓުން އިއްޔެ ކުރި ހުކުމުގައި ވަނީ އެ މުއާމަލާތް ކުރިއަށް ނުގެންދެވުނީ ޖިއްދާ އަށް ސަމްބެރިން ގެންދާނެ ޝިޕަރެއް ނުލިބުމުގެ ސަބަބުން ކަމަށްވާތީ އެކަމުގައި އެއްވެސް ފަރާތެއްގެ އިހުމާލެއް ނެތް ކަމަށާއި އެހެންވެ، އެޑްވާންސް ފައިސާ އަނބުރާ ދޭންޖެހޭނެ ކަމަށެވެ.
ހުކުމުގައި ވަނީ އޮޕަރޭޝަން ހުއްޓާލާފައި އޮތް މުއްދަތަށް އެޑްވާންސް ފައިސާއިން ފައިސާ އުނިކުރަން ވޭލް ސަބްމެރިން ކުންފުނިން ހުށަހެޅި ހުށަހެޅުން އެވެންޓަސް ކުންފުނިން ގަބޫލުކޮށްފައިވާ ކަން އެނގެން ނެތް ކަމަށާއި އެހެންވެ، އެ ފައިސާ އެއްކޮށް ދައްކަން ޖެހޭނެ ކަމަށް ހުކުމުގައިވެ އެވެ.
އެކަމަކު ސައިޓް ސާވޭ ކުރުމުގެ ޚަރަދާއި އިންޓްރެސްޓާއި ވަކީލުގެ ފީގެ ގޮތުގައި ނަގައިނުދެވޭނެ ކަމަށް އެ ހުކުމުގައިވެ އެވެ. އެހެންވެ، ހުކުމުގައި ވޭލް ސަބްމެރިން ކުންފުންޏަށް އަންގާފައިވަނީ 500،000 ޑޮލަރު ދެ މަސް ތެރޭގައި ސިވިލް ކޯޓަށް ދެއްކުމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
2023
01 November 2022
އެކަންތަށް ނިންމައިފަ، އަދި މުވައްޒަފަކަށް ދޭން އެއްޗެއް އޮތަސް ދީފަ ވޯޓް ހޯދަން އަންނާތި.
ލިޓުލް މާމައިޑް
01 November 2022
މިއީ ލަދުވެތިކަމެއް އުމަރާ. އަވަހަށް ތިޔަ ދައްކާ ނިންމާލާ
ބެއްޔާބެގެ ދަަރި
01 November 2022
މިއަކަށް ނުކިޔާނެ ދޯ ދޭން ޖެހުނީއެކޭ. ބަޔަކު ދިން ފައިސާތަކެއް އެއްވެސް އިންޓަރެސްޓެއް ނެތި އަނބުރާ ދައްކަންޖެހުމަކީ ލިބުނު ނަސީބެއް. ހަގީގަތުގައި ބޭރުގެ ކުންފުންޏަށް ތިޔައޮތީ ބަރަށް ބޮޑު ގެއްލުމެއް ލިބިފަ. އިންޓަރެސްޓް ފްރީ ލޯނެއް ވޭލް ސަބްމެރިން އަށް ލިބުނީ
ސާބަހޭ
01 November 2022
ބުޗުމެން ބުނާނެ އަދިވެސް އުމަރު ރަނގަޅޭ
މައިކަލް ޖޯރޑަންއަށް ވާން އުޅެ ނުވި ސޮރު
31 October 2022
އެމެރިކާގެ ކަޅު ނަސްލުގެ އެންމެ ބޮޑެތި މުއްސަދިންގެ ތެރޭގައި ހިމެނޭ ބާސްކެޓް ކުޅުންތެރިޔާ މައިކަލް ޖޯރޑަންއަށް ތިޔަ ސަބްމެރިން ހިންގަން ހަވާލު ކުރަންފެނޭ.
ރަށުބުޅާ
31 October 2022
ތިޔައީ މާބޮޑު މައްސަލައެއް ނޫނެއްނު. އެގްރީމަންޓު ކުރިއަށް ނުގެންދެވުމުގަ އެއްވެސް ބައެއްގެ އިހުމާލެއް ނެތްކަމަށް ތިއޮތީ ހުކުމުގަ. ދެންއެޑްވާންސަށް ދިން ފައިސާ ކަނޑާފަވިޔަސް ނުކަނޑާވިޔަސް ދެއްކުމުގެ އިޚްތިޔާރު އޮތީ ވޭލް ސަބްމެރީންއަށް. ޢަދި އެފައިސާ އެއްގޮތަކަށް ނުދެއްކިޔަސް ވޭލް ސަބްމެރީނަށް ތިކަމުން ގެއްލުމެއް ނުވާނެ. ދެންއެކަމަކު ކޯޓުގައި ތެޅުވިދާނެ. އަދިހިއެއްނުވޭ ޢުމަރު ނުދީ ހުންނާނެހެންވެސް. 500000 ޑޮލަރަކީ އޭނާ ހަމަހުއްޓާ ލިބުނު އެއްޗެއް.
ކޮމާންޑް ހަރުގަނޑު ސެންޓަރ
31 October 2022
50 ހަރުގަނޑު ހޯދާފައި ސައޫދީ ހިފާނެ.
ހަރުގަނޑު ސެންޓަރުގެ ތަޅުން
01 November 2022
އައްދިއްޔޯތް! ޢުމަރު ތިކަންއޮންނާނީ ޚިޔާލީގޮތުން ކޮށްފަ. ހާދަހައިގިނަ ތެޔޮވަޅުތަކެއް ލިބޭނެޔޭދޯ!
ސަބޭ
31 October 2022
އަނހާ އުމަރާ.. ކިހިހެއް ތިޔާހެދީ؟
ކުމާރާ
31 October 2022
އަނެއްކާ ސަބްމެރިންގެ ހަރުގަނޑު ވިއްކާލަން ނުޖެހޭބާ؟
ވާސަރީވާ
31 October 2022
މިއިން ވެގެން އުޅޭގޮތަކީ އެޑްވާންސަށް ބޭރުކުންފުނިން ދިން ފައިސާ އަނބުރާ ނުދީ ހިފަހައްޓައިގެން އެތިބީ. މިވަރުގެ ތެދުވެރި މީހަކަށް ގައުމެއްގެ ވެރިކަންކުރެވޭނެތަ.