ދެން އަޅާނެ ފިޔަވަޅަކީ ގަސް ފިހާރަ ބަންދުކުރުން: މިނިސްޓްރީ

ގަސްވިއްކަން ސިޓީ ކައުންސިލުން ހުޅުވި "މާލެ ފެހި" ފިހާރަ.-- ފޮޓޯ: ފަޔާޒު މޫސާ/ މިހާރު

ފާތިމަތު އަޖްފާން، މިހާރު

21 ނޮވެމްބަރ 2022 - 13:23

ހުއްދަ ނުނަގައި ގަސް ވިއްކުމުގެ ވިޔަފާރިކުރާ ކަމަށް ބުނެ މާލެ ސިޓީ ކައުންސިލް ކޮށްފައިވާ ޖޫރިމަނާ ނުދައްކާ ނަމަ އެ ފިހާރަ ބަންދު ކުރާނެ ކަމަށް އިކޮނޮމިކް މިނިސްޓްރީން މިއަދު ބުނެފި އެވެ.

މިދިޔަ މަހުގެ 8 ގައި ހުޅުވި އެ ގަސް ފިހާރައިގެ މައްސަލާގައި ސިޓީ ކައުންސިލް 10،000ރ. އިން އެ މަހުގެ 18 ވަނަ ދުވަހު ޖޫރިމަނާކުރީ ހަތް ދުވަހުގެ ތެރޭގައި އެ ފައިސާ ދައްކާ ގޮތަށެވެ.

އިކޮނޮމިކް މިނިސްޓްރީން އޭރު ބުނީ، ސިޓީ ކައުންސިލަށް ވިޔަފާރި ކުރެވޭނީ ލޯކަލް އޮތޯރިޓީ ކުންފުނި އުފައްދައިގެން ކަމަށެވެ. ނަމަވެސް ގަހާއި ގަސްކާނާ ވިއްކާ ފިހާރަ އެ ކައުންސިލުން ހުޅުވީ އެފަދަ އެއްވެސް ކަމެއް ނުކޮށް ކަމަށް މިނިސްޓްރީ ބުނެފައި ވެ އެވެ.

އެ މައްސަލާގައި އިކޮނޮމިކް މިނިސްޓްރީގެ މީޑިއާ އޮފިޝަލް އިސްމާއިލް މާއިޒް "މިހާރު" އަށް ވިދާޅުވީ ޖޫރިމަނާ ފައިސާ އަދިވެސް ނުލިބޭ ކަމަށެވެ. އެހެންވެ، އިތުރު ފިޔަވަޅު އެޅުމަށް މަޝްވަރާ ކުރަމުން އަންނަ ކަމަށައި އޮންނަ އުސޫލުގެ ތެރެއިން ފިޔަވަޅު އަޅާނެ ކަމަށް އޭނާ ވިދާޅުވި އެވެ.

"ފުރަތަަމަ މަރުލަހާ އަކީ އެކަމެއް ހުއްޓުވުން ނުވަތަ އެކަމާ ދެކޮޅަށް ފިޔަވަޅު އަޅަން އޮންނަ އެކި މަރުހަލާތައް. އެގޮތުން ފުރަތަމަ މަރުހަލާ އަކީ ވޯނިން އެއް ދީފައި، ތަން ބަނދު ކުރަން އެންގުމާއި ޖޫރިމަނާ ކުރުން. އެކަން މިހާރު އަޅުގަނޑުމެން ކޮށްފިން،" މާއިޒް ވިދާޅުވި އެވެ.

"ދެން އޭގެ ފަހުން ޖޫރިމަނާ ދެއްކުމާއި އެ ކަންކަން ކުރަމުން ނުދާ ކަމަށް ވަންޏާ އުސޫލެއްގެ ގޮތުން ދެން އޮންނާނެ ގޮތަަކީ ތަން ބަންދު ކުރުވަން ކުރަން ޖެހޭ ކަންކަން ކުރުން."

މާއިޒް ވިދާޅުވީ، ގަސް ފިހާރަ ބަންދުކުރަން ސަރުކާރުން އަދި ނިންމާފައި ނުވި ނަމަވެސް "އުސޫލެއްގެ ގޮތުން ދެން އަަޅާނެ ފިޔަވަޅަކީ ތަން ބަންދު ކުރުން" ކަމަށެވެ.

Huhdha nunagaa gahuge viyafaari kuraathee city council 10,000 rufiyaa in joorimanaa koffi

The most trusted news source in the Maldives

Mihaaru

މާލެ ސިޓީ ކައުންސިލްގެ މީޑިއާ އޮފިޝަލް، މަރިޔަމް ޝިއުނާ "މިހާރު" އަށް ވިދާޅުވީ ސިޓީ ކައުންސިލުން ގާނޫނާ ހިލާފު ކަމެއް ނުކުރާ ކަމަށެވެ.

"ލާމަރުކަޒީ ގާނޫނުގެ ދަށުން ކައުންސިލްތަކަށް ލިބިދޭ ބާރުގެ ދަށުން، އުސޫލުގެ ތެރެއިން ކޮށްފައި އިން ކަމެއް އެއީ. އެހެންވީމާ ލީގަލް ޓީމުން އެކަމާ މެދު ގޮތެއް ނިންމުމަށް މަޝްވަރާ ކުރެވެމުން ދަނީ،" އޭނާ ވިދާޅުވި އެވެ.

ޖޫރިމަނަ ކުރި މައްސަަލާގައި މާލޭގެ މޭޔަރު ޑރ. މުހައްމަދު މުއިއްްޒު ވިދާޅުވެފައި ވަނީ ކައުންސިލަށް ލިބޭ އާމްދަނީ އިތުރުކުރަން ވިޔަފާރީގެ ޕްލޭންތަކާއެކު، ކުންފުނި ރަޖިސްޓަރީ ކުރަން އިކޮނޮމިކް މިނިސްޓްރީ އަށް ހުށަހެޅި ކަމަށެވެ. އެކަމަކު، އެއްވެސް ޖަވާބެއް ނުދީ، އެ ލިޔެކިޔުންތައް 8 މަސް ދުވަސް ވަންދެން ބޭއްވުމަށް ފަހު، ކުންފުނިތަކަށް ވިޔަފާރި ކުރެވޭ ގަވައިދަށް ބަދަލު ގެނައީ ކަމަށް އޭނާ ވިދާޅުވި އެވެ.

މުއިއްޒު ވިދާޅުވެފައިވާ ގޮތުގައި، ކުންފުނި ރަޖިސްޓަރީ ނުކޮށް ވެސް ކައުންސިލަށް އާމްދަނީ ހޯދޭނެ ގޮތްތައް އެބަހުއްޓެވެ. އެކަމަކު ވެސް ސިޓީ ކައުންސިލަށް ގާނޫނާއި ގަވާއިދާ ހިލާފު އެއްވެސް ކަމެއް ކޮށްފައި ނުވާނެ ކަމަށް މުއިއްޒު ވިދާޅުވި އެވެ.

މާލެ ސިޓީ ކައުންސިލް އިކޮނޮމިކް މިނިސްޓްރީ ޑރ. މުހައްމަދު މުއިއްޒު، މާލޭގެ މޭޔަރު މާލެ

25 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގްރީންފާމަރ

23 November 2022

ގްރީންފަމަރ 2 ތި ހުޅުވުނީ މާއަވަހަށް. އެސްޖީގެ މަސްލަހަތު ބަލަން އެބަޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުތުފީ

22 November 2022

ދައުލަތުން ކުދިވިޔަފާރިކުރުން ހުއްޓާލަންޖެހޭ. ސްޓެލްކޯ އިންވެސް އަދި ފެންކުންފުނިންވެސް އެމީހުންގެ އަމިއްލަ ބްރޭންޑް ތަކެއް ގެނެސްގެން ހިތުހުރި އަގެއްގަ ވިއްކަނީ. މިސާލަކަށް، އުސްކޮށް ކޮށްފަހުން ޢިމާރާތްތަކުގެ މަތީގެ ފްލޯރ ތަކަށް ފެންއަރުވަން ބޭނުންކުރާ ބޫސްޓަރޕަންޕް ގަންނަންޖެހެނީ އެމީހުންއަތުން. އެއަށްވުރެ އަގުހެޔޮ ކޮލިޓީ ޕަންޕް އެބަހުރި ލިބެން. މިވެސް ޒާތެއްގެ އަޅުވެތިކަމެއް. މިފަދަ ވިޔަފާރީގެ ނަތީޖާއަކީ ނަހަމަ ފައިސާހޯދުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އާންތު

22 November 2022

ބޮލަށް ވެއްޓެން ކައިރިވެފައި ހުންނަ ތަންތަނުގައި ބާޒާރުން ހޮވައިގެން ގެންނަ ތަކެތީގައި ހެދިކާ ހަދައި ވިއްކާ ބިދޭސީންނާ މެދު ގާނޫނު ނުހިނގަނީ ކީއްވެ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަންނަން

22 November 2022

ތި ގޮތަށް ޓުއަރިސްޓް ވިސާގައި އަދި ބިޒްނަސް ވިސާގައި އަހިސް ރާއްޖޭގަ މަސަކަތް ކުރަމުން ދާ މީހުން ހިފައްޓާ ކޮންމެ ފަހަރަކު ޖޫރިމަނާ ކޮއްބަަލަ. އަދި ނުގަވައިދުން އުޅޭ މީހުން ޓްރެފިކް ޗެކްޕޮއިންޓް ޖަހާގޮތަށް ޗެކް ޕޮއިންޓް ޖަހައިގެން ހިފައްޓާ ޖޫރިމަނާ ކޮއްބަލަ. ދިވެއްސެކަށް ނޫނީ ދިވެހި ވިޔަފާރި ތަކަށް ހުރިހާ ބަލާއެއް. ބިދޭސިން ވެއްޖި އައި ޕޭޖް ހަދައިގެން ގޭގެ ކައްކައިގެން ފިހާރަ ތަކަށް އަޅައި ޑިލެވަރީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާސަރު

21 November 2022

ވިޔަފާރި ކުރެވޭނީ ރަޖިސްޓްރީ ކޮށްގެން ރަޖިސްޓްރީ ނުކުރާނަމަ ޖީއެސްޓީވެސް ނުދައްކާނެ! ގާނޫނާއި ގަވައިދު ހިންގަންތިބި މީހުން ގާނޫނަށް ބޯނިލަބާނަމަ ދެންކިހިނެއް އާއްމުމީހާ ގާނޫނާއި ގަވައިދަށް ތަބާވާނީ!؟ މިމާލޭން ފެންނަނީ ގާނޫނަށް ތަބާނުވާމަންޒަރު. ސަރުކާރެއްގެ ޒިންމާއެއް ގާނޫންއާއި ގަވައިދުތައް ހިންގުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެމީހ

22 November 2022

މީ އެމޑޕ އިން ދެއްކި ނަމޫނާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙަސަން އަޙްމަދު

21 November 2022

ސިޓީ ކައުންސިލުން ކުރިޔަސް އެކަން ކުރަން ވާނީ ގަވައިދުގައި އޮންނަ ހުއްދައެއް ނަގައިގެން. ރައްޔިތުންނަށް އަގުހެޔޮކޮން ތަކެތި ލިބެން ހުރުމަކީ ގަވައިދާ ޚިލާފަށް ވިޔަފާރި ކުރެވެން ޖެހޭ ސަބަބެއް ނޫން. އަދި ބޭރު މީހަކަސް ދިވެއްސަކަސް ވަގަށް ވިޔަފާރި ކުރާތީއޭ ކިޔާފައި ވެސް ސިޓީ ކައުންސިލަކަށް ހުއްދަނެތި ވިޔަފާރި ކުރެވިގެން ނުވާނެ. ބޮޑާ ނަހާކާ އެބުނާ ހުއްދައެއް ނަގައި ޖޫރިމަނާ ވެސް ދައްކައިގެން އެކަން ކުރީމަވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖުޖު

21 November 2022

އިކޮނަމިކް މިނިސްޓަރީއިން ކުރަންހުރި ބޮޑެތި މަސައްކަތް ނުކޮށް މިކަމާ ފޫގަޅައިން ތިޔަ އުޅެނީ؟ އަހަރަމެން ދިވެއްްސަކަށް ވިޔަފާރިއެއް ފަށާ ކަމެއް ކުރިޔަކަދޭން ފަސޭހަގޮތެއް ނެތް. އެކަމު މިތާ ބިދޭސީން މިއޮށް އުދުހި ނަގަނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސާބަހޭ

21 November 2022

މުއިއްޒު އަކަސް ވެސް ދިވެހިރާއްޖޭގެ ޤާނޫނުން ބޭރުވެ ކަންކަން ކުރެވިގެން ނުވާނެ، ކައުންސިލް ލިބުނަސް އަމިއްލަ އަށް ރާއްޖޭގެ ރައީސުލް ޖުމްހޫރިއްޔާ ކަމަށް ދެކި ބޮޑާ ނުހުހޭކޭނެ. ބިރަކާއި ނުލަ ފިޔަވަރު އަޅާ އަވަހަށް. ސާބަހޭ ފައްޔާޒޫ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭދަނާ

21 November 2022

އަދިވެސް މާ ލާމަރުކަޒީވެގެން އުޅޭތި އިދިކޮޅަށް ކައުންސިލް ލިބުނީމަ އަރުތެރެބެދި ހިތިރަހަލާ ލާމަރުކަޒު ކަންފުންކޮއްފި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދޮންބެއްތަ

21 November 2022

އަގު ހެޔޮކޮއް ރައްޔިތުމީހާއަށް އެއްޗެއް ލިބެންޏާ ވާނެ ހުއްޓުވޭތޯ ބަލަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދުބޭ

21 November 2022

އަގުހެޔޮކޮންނޭ، ދިޔައިންތޯ އެތަނަށް އަގުތަށް ބަލައިލަން، ދާދި މިދާކައްދުވަހު އަހަރެން ގަހެއް ގަނެލާނަމޭހިތާ އެތަން ފެނުމުން ވަދެލިން، އެތާހުރީކީ އަހަރުމެން ނިކަމެތިންނަށް ގަސްވިއްކާކަށްނޫން، 5000 ރުފިޔާ، 3500 ރުފިޔާ، 2000 ރުފިޔާ، ދެން ހުރި ތާކުން ތާކުނުޖެހޭ ގަސްކޮޅެއް 250 ރުފިޔާ 100 ރުފިޔާއަށް ބަހައްޓާފަ ތަން ޑިޒައިން ކޮންފަހުރީ މުއްސަދިންނަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަދުރު ފާތުމަ

21 November 2022

އަގުހެޔޮނަމަ ރަނގަޅު!!! ހިލޭ ލިބުން ކަދުރު ރުއްތައް އެ ވިއްކަނީ 9000ރ އަށް މިހާ ވަރަށް ކަންނޭގެ އަގުހެޔޮވާނީ!!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްރ

21 November 2022

ތެދުވާހަކައެއް. ވަރަށް ރަނގަޅަށް ކުރައްވާފައިވާކަމެއް. ރާއްޖެއަށް ވަރަށް މުހިންމު ކަމެއް ސިޓީކައުންސިލުން މި ކުރައްވަނީ. އެހެންވެ ޣައްދާރުންނަށް ހަޖަމްނުވެގެން މިއުޅެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަރުތަ

21 November 2022

ބައެއް ފަހަރަށް ވަރަށް އަގުބޮޑު ފޯނު އައިޕެޑް ލެޕްޓޮޕް ފަދަ އެއްޗެއްޗިހި ވަރަށް އަގުހެޔޮކޮށް ރައްޔިތު މީހާއަށް ގަންނަން ލިބޭ، އެވެސް އޯކޭތަ............

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޫޓު

23 November 2022

ގަސް ވިއްކާ ގްރޫޕްތަކަށްވުރެ ރަގަޅު އެތަނުގެ އަގުތައް. 1 ފޫޓަށްވެސް ނާރާ ގަސް ގްރޫޕްތަކުގަ 200ރ އަށް ވިއްކާއިރު އެ ވައްތަރުގެ 3 ފޫޓަށްވުރެ އުސް ގަސް އެ ވިއްކަނީ 300، 400 އަށް. އެންމެ ބޮޑެތި ގަސްތަކާ ދިމާއަށް ބެލީމަ އަގުބޮޑުކަން ހުންނާނެ ފެންނަން. ބިޔަ ގަހެއް ހެއްދޭނީ އެހާ ދުވަހުން އެއަށް ހަރަދުވެސް ހިނގައިގެން. އެކަކުވެސް ބިޔަ ގަހެއް ނުވިއްކާނެ ބައިރުފިޔާއަކަށް.