މީހަކު ވިޔަފާރިކުރި ތަކެތި ޕްލާސްޓިކް ކޮތަޅަކަށް އަޅައިގެން ގެންދަނީ -- ފައިލް ފޮޓޯ: މިހާރު
28 ނޮވެމްބަރ 2022 - 15:07
26 comments
ފިހާރަތަކުން ވިޔަފާރި ކުރުމުން ދޭ ޕްލާސްޓިކް ކޮތަޅުން ދެ ރުފިޔާގެ ފީއެއް ނަގަން ޖެހޭ ގޮތަށް ކުނި މެނޭޖުކުރުމާ ބެހޭ ބިލު ރައްޔިތުންގެ މަޖިލީހުން މިއަދު ފާސްކޮށްފި އެވެ.
ސަރުކާރުގެ ފަރާތުން ކޮމަންޑޫ ދާއިރާގެ މެމްބަރުން މުހައްމަދު ރަޝީދު ހުށަހެޅުއްވި އެ ބިލު ދިރާސާކޮށް، މަޖިލީހުގެ ތިމާވެއްޓާ ބެހޭ ކޮމިޓީން އެކުލަވާލި ރިޕޯޓް ފާސްކުރީ 52 މެމްބަރުންގެ ވޯޓާ އެކު އެވެ.
އެ ބިލުގައި އޮތީ ފިހާރަތަކުން މުދާ ވިއްކާއިރު، ޕްލާސްޓިކް ކޮތަޅަށް ލާފައި ތަކެތި ވިއްކާ ނަމަ، ކަސްޓަމަރުންގެ އަތުން ކޮތަޅަކަށް ދެ ރުފިޔާގެ ފީއެއް ނަގަން ޖެހޭ ގޮތަށެވެ. ދައުލަތުން އަންނަ އަހަރަށް ކަނޑައެޅި ބަޖެޓުގައި ވެސް އެކަން ކުރަން އޮތީ ހިމަނައިފަ އެވެ.
ފިހާރަތަކުން ކަސްޓަމަރަށް ދޭ އިންވޮއިސް ނުވަތަ ރަސީދުގައި ކަސްޓަމަރުގެ އަތުން ޕްލާސްޓިކް ކޮތަޅަށް ނެގި އަގު ހިމަނަން ޖެހޭނެ ކަމަށް ވެސް އެ ބިލުގައިވެ އެވެ.
އެ ބިލު ގާނޫނަކަށް ވުމުން، ހަތަރު މަސްދުވަހުގެ ތެރޭގައި އެގޮތަށް އަމަލުކުރަން ޖެހޭނެ އެވެ.
ކޮތަޅު ހިލޭ ލިބޭނެ ހާލަތުތައް
• ޑިއުޓީ ފްރީ ފިހާރަތަކުން ކުރާ ވިޔަފާރި
• ބަންދު ނުކޮށް ހުންނަ ތާޒާ މަސް އެޅުމަށް ބޭނުންކުރާ ކޮތަޅު
• ބަންދު ނުކޮށް ހުންނަ ހަނޑޫ، ހަކުރު އަދި ފުށް އެޅުމަށް ބޭނުންކުރާ ކޮތަޅު
• 50 އަށް ވުރެ ގިނަ ޕްލާސްޓިކް ކޮތަޅު ހިމެނޭ ކޮތަޅު ބޮނޑި
• ކުނި މެނޭޖުކުރާ ފަރާތްތަކަށް ވިއްކާ ކަޅު ކޮތަޅު
ބިލުގައި ބުނެފައި ވަނީ ޕްލާސްޓިކް ކޮތަޅުން ނަގާ ޓެކްސް މީރާއަށް ދައްކަން ޖެހޭނެ ކަމަށެވެ. އެ ޓެކްސް ނުނަގައި ޕްލާސްޓިކް ކޮތަޅު ދީފި ނަމަ 5،000ރ. އާއި 50،000ރ. އާ ދެމެދުގެ އަދަދަކުން ޖުރިމަނާ ކުރާނެ ކަމަށެވެ.
ކޮތަޅު ވިއްކައިގެން ނަގާ ފައިސާގެ އަދަދުގެ ސައްހަކަން ކަށަވަރު ކުރުމަށް، ގާނޫނަށް އަމަލުކުރާތާ ހަ މަސްދުވަހުގެ ތެރޭގައި ކަމާބެހޭ މިނިސްޓްރީން ގަވައިދެއް އެކުލަވާލަން ޖެހޭނެ ކަމަށް ވެސް އެ ބިލުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހުމޫދުކކކނނ
30 November 2022
ގައުމެއް ހިތުހުރި ގޮތަކަށް ގެންދިޔާމަ ދެން އަޅަން ޖެހޭނެ ހައެތި އަޅަނީ ކކކ
މަހުމޫދު
30 November 2022
ގައުމެއް ހިތުހުރި ގޮތަކަށް ގެންދިޔާމަ ދެން އަޅަން ޖެހޭނެ ހައެތި އަޅަނީ
ބޫގަލް މިއާ
29 November 2022
ނަސީބަކުން ގޭދޮށު ކުދިފިހާރަތަކަކީ ބިދޭސީންގެ ފިހާރަތައް. އެމީހުން ބުނީ ރެގިއުލާ ކަސްޓަމަރުން އަތުން ކޮތަޅަށް އަގެއް ނުނަގާނަމޯ. އަގުނެގިޔަސް ނުނެގިޔަސް ކާކަށްހޯ އެނގޭނީ. އެއްވެސްކަމެއް ނުބެލޭ ކަންޓްރީ މޯލްޑިވްސް މީ ބަރާބަރު ކަންޓްރީ އޯ.
އުސްމާނުބެ
29 November 2022
މިހާރުވެސް އެސްޓީ އޯއިން ތިބަރާބަރައް ނަގަ ، ދެހެން ވީމަ މަދަމައިން ފެށިގެން 4 ރުފިޔާ ނަގާނެތާ
ރޭސިސްޓު ކެޕިޓަލިސްޓު ސިޔާސަތު
29 November 2022
އަހުންވެސް އިގުތިސޯދުރަގަޅުވެ ތިމާވެށި ސަލާމަތްކުރަން ބޭނުމޭ. ސުވާލަކީ ރިސޯޓުތަކުން ބޭރުކުރާ ކުނިން ޓެކުސް ނުނަގަނީ ކީއްވެހޭ؟ ބަޖެޓު ދަރަނި ކުޑަކުރަން ބޮޑުމުސާރަނަގާ ވެރިންނާ ސިޔާސީމީހުންގެ މުސާރައިން އިންކަމް ޓެކުސް ނުނަގާ އާއްމު ނިކަމެތި ރައްޔިތުން ގަންނަ އެއްޗިހިން ޓެކުސް ބޮޑުކުރަނީ ކީއްވެހޭ؟
ޓެކުސްބެއްޔާ އައުޓް
29 November 2022
އަހަރުން ރައްޔިތުން އަޅާ ފިޔަވަޅައްވެސް ޓެކުސްނަގާތި. މިފަހަރު. ސާބަހޭ ސޯލިހު!!
ކޮތަޅު
29 November 2022
އަބަދުވެސް އެތިބެނީ ރައްޔިތުން ފެލާނެ މޮޅުޗައްކަރަކައް ވިސްނަވިސްނާ
ޕިޓަކޮން
29 November 2022
މޫދަށް އެރުނަސް ގައިގަ ތަތްލަނީ ތިޔަ ކޮތަޅު، ބީޗުގަ އިށީނގެލިޔަސް އައިސް ޖެހެނީ ތިޔަ ކޮތަޅު، މަގުމަތީ ދުއްވާލިޔަސް އައިސް އޮޅެނީ ތިޔަ ކޮތަޅު، ދަތުރަކުދާސް ލޯންޗެއް ދުއްވާލިޔަސް އޮޅެނީ ބުރަފަތީ ތިޔަ ކޮތަޅު، މަހެއް ކާން ބޭނިޔަސް އޭގެ ބަނޑުތެރޭ ފުނޑިފައި ހުންނަނީ ތިޔަ ކޮތަޅު. އެބަޖެހޭ ތިޔަށްވުރެ ހަރުކަށިވާން.
ޕަބުޖީބު
29 November 2022
ފެންޓަސީއާ އެސްޓީއޯގެ އުނދަގޫ ބޮޑުކަމުން އަހަރެން މިހާރު އުޅެނީ ރީޔޫސްކުރެވޭ ސަޅި ކޮތަޅެއް ހޯދައިގެން. އެޔަށް އަޅައިގެން އަންނަނީ ކޮންމެ އެއްޗެއްވެސް. ކަރުދާސް ކޮތަޅުވެސް ވިއްކަނީ ވިއްޔާ އެ ފިހާރަތަކުން.
މި ތަފާތަކީ
29 November 2022
ސޯލިހު ކަމެއް ކުރަން އުޅުނަސް ރައްޔިތުންގެ ޖީބަށް ބުރަ ނުވާ ގޮތަކަށް ކުރާކަށް ނޭގެ... އަޅެ މޮޅެތި ރާއްޖެތެރެ ހާލު ސްޕީޗް ދޭއިރު ކުރާ ދޯދިޔާ ކަންތަކުގެ ސައިޑް އިފެެއްކްޓެއް އެއްވެސް ގޮތަކަށް ނޭގެ،،، ގައިމު ޔާންޓެ ބުރިޖް ފުލެޓް އެއާޕޯޓު ހޮސްޕިޓަލް އަޅާ ފައިބައިގެން ދިޔަ އިރު އަދި ދަވާލި އިރުވެސް މީހަކަށް ވީނުވީއެއްވެސް ނޭގުނު.. ނުވީތާކަށް ޑޮލަރު އަގަށް ވެސް ނާދެ ބަދަލެއް