ހޮސްޕިޓަލަށް ނުގޮސް އޭޑީކޭން މިހާރު ނަމްބަރު ނެގޭނެ: އަފްއާލް

އޭޑީކޭ ހޮސްޕިޓަލުން ހިދުމަތް ހޯދުމަށް ބަޔަކު ކައުންޓަރު ކައިރީ މަޑުކޮށްލައިގެން: ހޮސްޕިޓަލަށް ނުގޮސް ވެސް މިހާރު ނަމްބަރު ނެގޭ-- ފޮޓޯ: މިހާރުު

އާމިނަތު ޝިފްލީން، މިހާރު

13 ޖެނުއަރީ 2017 - 10:43

19 comments

ޑޮކްޓަރަށް ދެއްކުމަށާއި އެކި ހިދުމަތްތައް ހޯދުމަށް ހޮސްޕިޓަލަށް ނުގޮސް ޓޯކަން ނަމްބަރު ނެގޭނެ ގޮތެއް އޭޑީކޭ ހޮސްޕިޓަލުން ތައާރަފް ކޮށްފި އެވެ.

މޯބައިލް ފޯނު އެޕްލިކޭޝަނެއް ކަމަށްވާ "ކިއުބީ" ބޭނުންކޮށްގެން، ޑޮކްޓަރަށް ދެއްކުމާއި ސްކޭން ކުރުމާއި ލެބޯޓަރީ ޓެސްޓުތައް ހެދުން ފަދަ ކަންކަމަށް މެމޯ ހައްދަން މިހާރު ޓޯކަން ނަމްބަރު ނެގެ އެވެ.

ޑޮކްޓަރަށް ދައްކަން ނުވަތަ ޓެސްޓު ހެދުމަށް ނަމްބަރު ނެގުމުން، އެ ހިދުމަތް ހޯދުމަށް ތިބި މީހުންގެ އަދަދާއި އެ ވަގުތު ހިދުމަތް ދެމުން އަންނަ ނަމްބަރު އެނގެ އެވެ. އަދި އެ މީހަކު ނެގި ނަމްބަރަށް ހިދުމަތް ދެވޭނެ ކަމަށް ލަފާކުރާ ވަގުތާއި ނަމްބަރު ކައިރިވުމުން ފޯނަށް އެލާޓް އަންނާނެ އެވެ.

"ކިއުބީ" އެޕްލިކޭޝަނުން މި ކިއުއާރް ކޯޑު ސްކޭންކޮށްލުމުން އޭޑީކޭގެ ޓޯކަން ނަންބަރު ފޯނުން ލިބޭނެ

ކުރިން މިގޮތަށް ކިޔޫ ނަމްބަރު ހޯދުމަށް ކޮންމެ ފަހަރަކު ވެސް ޖެހެނީ އެސްއެމްއެސްއެއް ކުރާށެވެ.

އަލަށް ތައާރަފްކުރި ހިދުމަތް ހޯދުމަށް queuebee އެޕްލިކޭޝަން ފޯނަށް އެޅުމަށް ފަހު އޭޑީކޭގެ ކިއުއާރް ކޯޑް އެ އެޕްލިކޭޝަނުން ސްކޭންކޮށްލުމުން އޭޑީގެ ހިދުމަތްތައް ހޯދުމަށް ބޭނުންވާ ޓޯކަން ނަންބަރު ނެގޭނެ އެވެ.

އޭޑީކޭގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވީ ޑޮކްޓަރަށް ދެއްކުމަށް ގޮސް ގިނަ އިރުތަކެއް ވާންދެން ހޮސްޕިޓަލުގައި މަޑުކުރަން ޖެހޭ ކަމަށާއި މި ހިދުމަތުގެ ސަބަބުން ވަގުތު ސަލާމަތް ވާނެ ކަމަށެވެ.

އަދި ކުރިމަގުގައި އޮންލައިންކޮށް މެމޯ ހައްދައި އެއަށް އޮންލައިންކޮށް ފައިސާ ދެއްކޭނެ ގޮތް ހެދުމަށް މަސައްކަތް ކުރާ ކަމަށް ވެސް އޭނާ ވިދާޅުވި އެވެ.

އަފްއާލް ވިދާޅުވީ މިއީ އަލަށް ފެށި ހިދުމަތަކަށް ވުމުން އެޕްލިކޭޝަން ބޭނުން ކުރާއިރު ދަތިތަކެއް ދިމާވެދާނެ ކަމަށާއި އެކަމަކު ކުރިއަށް އޮތް ތަނުގައި އެކަންކަން ރަނގަޅު ކުރާނެ ކަމަށެވެ.

ކިއުބީ ބޭނުންކޮށްގެން ބައެއް އޮފީސްތަކުގައި މިހާރުވެސް ނަންބަރު ދޫކުރެ އެވެ.

ސިއްހަތު ހޮސްޕިޓަލް އޭޑީކޭ ހޮސްޕިޓަލް އޭޑީކޭ އަހުމަދު އަފްއާލް

19 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޢަލީ

15 January 2017

އޭ ޑީ ކޭ އަކީ ނަމްބަރެއް ނަގަން އެންމެ ގިނަ ވަގުތު ހޭދަވާ އެއްތަން. ރަގަޅު މަޢްލޫމާތު ލިބޭނެ ގޮތެއް ނުހުރޭ ފަސޭހަގޮތަކަށް. އެއްތަނަކުން ނަމްބަރ ނަގައިގެން 2 ގަޑި ފަހުން ބުނެފާނެ ތިނަމްބަރ ދޫކުރަނީ 2 ވަނަ ފްލޯރ އިންނޭ. އަސްލު ތަން ރީތިކޮށް ހުއްޓަސް ޚިދްމަތް އަގުބޮޑުވެފަ ކޮލިޓީވެސް ދަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު

15 January 2017

އަދިވެސް ރަނގަޅެއްނޫން. މައްސަލައަކީ ކައުންޓަރުގައި ތިބޭކުދިންގެ ސްޕީޑް މާބޮޑަށްވެސްދަށީ. ދެރުފިޔާ ބައި ދިގެން ގެންގުޅޭތީ ކައުންޓަރުގައި އެއްވެސް ކުއްޖަކު ހަރުނުލާ. އެހެންވީމާ އެއްވެސް އެކްސްޕީރިއެއްންސެއްނުހުރޭ އެކުދިންގެ. އަހަރެން ފިޒިޔޯ ހަދަން ކޮންމެ ދުވަހަކު މެދުނުކެނޑި މެމޯ ހައްދާތާ މިހާރު މިވަނީ 2 މަސްދުވަސް. އެހެންވީމާ ގޭގައި ތިބެގެން ނަންބަރުނަގައިގެން ފައިސާ ދެއްކޭނެގޮތް ހަމަނުޖެހޭހާ ހިނަދަކު އަދި އެއްވެސް ކުރިއެރުމެއް ނުފެންނާނެ. އަދި ކޮބާ މީގެ 15 އަހަރު ކުރީގައިވެސް ތިތަނުގައި ހުރީ 6 ކައުންޓަރ މިއަދު 2017 ގައިވެސް ހުރީ 6 ކައުންޓަރ. މިހާރުވެސް މެމޯ ހައްދަން އެންމެ މަދުވެގެން 1 ގަޑިއިރު ނަގާ. ގިނަފަހަރަށް 2 ގަޑިއެއްހާއިރު ނަގާ. މިހާބޮޑުބިމެއް 75 ހާސް ރުފިޔާގެ ކުއްޔަކަށް ދިނީމަ މިއީތޯ ޚިދުމަތް ދެއްވަންޖެހޭގޮތަކީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަކީބެސް

15 January 2017

ދެން ހޮސްޕިޓަލް އަށް ނުގޮސް ގޭގަ ތިބެގެން ޑޮކްޓަރ އަށް ދެއްކޭނެ ގޮތް ހަދާދެއްވާ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗިކުސް

14 January 2017

ކުރިން ވެސް މެމޯ ތިރީގަ އިންނަ ނަމްބަރ އެސްއެމްއެސް ކުރީމަ ކިއު ނަމްބަރ އިގޭ ގޮތައް މެސެޖެ އާދެ . އެކަމަކު ބުނެލަން އޮތީ އެ ހިދުމަތް އެދެވިގެންވާ ގޮތެއްގައި އާއްމުންނަށް ފޯރު ނުކޮއްދެވޭޔޭ ތިތަނުން. މޮޅެތި އެޕް ތާރަފް ކޮއްގެން އަތައް ނުގޮވާފިއްޔާ ރަގަޅު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެރަދާ

14 January 2017

ނަމްބަރ ނަގަން ބޭނުން ވާ ކޮންމެ ފަހަރަކު ފޯނު ހިފާގެން ކޮމްޕިއުޓަރު ކާރިޔަށް އައިސްތޯ ތިކޯޑް ސްކޭން ކުރަންވީ. މީރާ ގަ ހުރޭ ކުޑަކާޑެއްގަ ކިއުއާރް ކޯޑް ޖަހާފަ ބޭނުންމީހަކު ގެންދަން. ފަސޭހައިން ނަމްބަރ ނެގޭ އެހެނވީމަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔަ

14 January 2017

ދެރަދާ އެވެ. މި ސުކޭން ފޯނުން ކުރަންޖެހެނީ އެއްމެ ފަހަރަކުއެވެ. އޭރުން ތި ފޯނު އޭޑީކޭއަށް ރަޖިސްޓްރީ ވެވުނީއެވެ. އޭގެ ފަހުން އިތުރަށް އެއްވެސް ސްކޭނެއް ތިޔަފޯނުން ކުރާކަށް ނުޖެހޭއެވެ. އޭގެފަހުން އޭޑީކޭ ގެ ޚިދުމަތްތަށް ތިޔަފޯނުން ފެންނަން ހުންނާއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާއްޖެ

14 January 2017

މަތީގައިވާ ފޮޓޯއިން ތިޔަ ފެންނަނީ ދިވެހިން ކިއު ހަދާ ގޮތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ

14 January 2017

ޥ. ބޮޑު ތެދެއް. ކިއު ހަދާގޮތްވެސް، އަދި ކިއު ގަ ހުންނަ މީހާއައް ސަރވް ކުރާނެ ގޮތްވެސް ސްކޫލް ތަކުގައި ކިޔަވާދެންވީ. ކަރުބުޑުން ދޫ އޮޅާލާފަ، ރާގު ރާގައް ރައިވަރު ކިޔަން ދަސް ކުރުމުގަ ބަދަލުގައި! އަހްލާގު ކިޔަވާދެންވީ!