ހުރަވީ ލޯންޗުގެ ސިފައިންނާއި ޗީފް އޮފް ޑިފެންސް ފޯސް މޭޖަ ޖެނެރަލް ޝިޔާމާއި ކޯސްޓްގާޑުގެ ބައެއް ވެރިންނާއެކު ޑިފެންސް މިނިސްޓަރު އާދަމް މިއަދު ފޮޓޯއަކަށް ހުއްޓިވަޑައިގެން.--- ފޮޓޯ: އައިމިނަތު ޝިފްލީން/މިހާރު
15 ޖެނުއަރީ 2017 - 18:51
17 comments
ރާއްޖޭގެ ކަނޑުގެ ސަރަހައްދަށް ގެއްލުނު ސްރީ ލަންކާގެ މަސްބޯޓު ހޯދުމުގައި ކޯސްޓްގާޑުން ކާމިޔާބު ހޯދާފައިވާތީ އެކަމަށް ސަރުކާރުން ތައުރީފުކޮށްފި އެވެ.
ހަތަރު މީހުންނާއެކު ގެއްލިގެން ހޯދަމުން ދަނިކޮށް މިދިޔަ ބުދަ ދުވަހުގެ ރޭ ހދ. މަކުނުދޫ ބޭރުން ފެނުނު މަސް ބޯޓު ހޯދައި މީހުން ސަލާމަތްކުރި ކޯސްޓްގާޑުގެ ހުރަވީ ލޯންޗަށް، ޑިފެންސް މިނިސްޓަރު އާދަމް ޝަރީފް އުމަރު މިއަދު ޒިޔާރަތް ކުރައްވައި ވިިދާޅުވީ ކޯސްޓްގާޑުން ދިވެހި އަސްކަރިއްޔާ އާއި މުޅި ގައުމު ފަހުރުވެރިކޮށްދީފި ކަމަށެވެ.
އަދި އޭގެ ސަބަބުން ބޭރު ގައުމުތަކުގައި ވެސް ދިވެހިންގެ ނަން ރީތިވެގެން ހިނގައްޖެ ކަމަށް ވިދާޅުވި އެވެ.
ލަންކާގެ މަސް ބޯޓު ކޯސްޓްގާޑުން ހޯދަން ފެށީ ލަންކާގެ ސަރުކާރުގެ އެދުމަކަށެވެ. އޭގެ ހަފުތާއެއްހާ ކުރިން، ރާއްޖޭގެ މަސް ދޯންޏަކަށް ހއ. ތުރާކުނު ބޭރުން އެހެން ބޯޓެއް ވެސް އޮޔާދަނިކޮށް ވަނީ ފެނިފަ އެވެ. ދެވަނަ ބޯޓު ފެނުނީ ބުދަ ދުވަހުގެ ރޭ ފަތިހު، މަކުނުދޫގެ ހުޅަނގުން 153 ނޯޓިކަލް މޭލު ބޭރުން ހުރަވީ ލޯންޗަށެވެ.
ލަންކާގެ މި ދެ ބޯޓު ހޯދައިދިނީތީ އެ ގައުމުގެ ސަފީރު ވެސް ވަނީ ރާއްޖެއަށް ޝުކުރު އަދާކުރައްވައިފަ އެވެ.
މިިނިސްޓަރު ވިދާޅުވީ ސިފައިން ހޯދި ކާމިޔާބީގެ ސަބަބުން ބޭރު ގައުމުތަކާއެކު ސިޔާސީ ގޮތުން އޮންނަ ގުޅުން ވެސް ބަދަހިވެގެންދާނެ ކަމަށެވެ.
"މިއީ މުޅި ގައުމަށް ވެސް ލިބުނު ވަރަށް ބޮޑު ކާމިޔާބީއެއް،" އާދަމް ޝަރީފް ވިދާޅުވި އެވެ.
ކޯސްޓްގާޑުގެ ބައެއް ސިފައިންނާ ޑިފެންސް މިނިސްޓަރު އާދަމް މިއަދު ސަލާމް ކުރައްވަނީ.---ފޮޓޯ: އައިމިނަތު ޝިފްލީން/މިހާރު
ކޯސްޓްގާޑަށް އެ ބޯޓު ފެނުނު އިރު އޭގައި ތިބި މީހުންގެ ތެރެއިން އެކަކުގެ ހާލު ވަރަށް ދެރަ އެވެ. އެކަމަކު އޭނާގެ ހާލު މިހާރު ރަނގަޅު އިރު އިއްޔެ ރޭ އެ އެންމެން ވެސް ވަނީ މާލެ ގެނެސްފަ އެވެ.
ނޫސްވެރިންނާ ވާހަކަ ދައްކަމުން އެ މީހުން ބުނީ އެންމެ ބޮޑަށް ފާހަގަވީ ސިފައިން ބެހެއްޓި އޯގާތެރިކަން ކަމަށާއި އެ ހެޔޮކަމުގެ އަގު ވަޒަން ވެސް ނުކުރެވޭނެ ކަމަށެވެ.
ޗީފް އޮފް ޑިފެންސް ފޯސް މޭޖަ ޖެނެރަލް އަހްމަދު ޝިޔާމުގެ އިތުރުން ކޯސްޓްގާޑުގެ އިސްވެރިން ވެސް ބައިވެރިވެ ވަޑައިގެންނެވި އެ ރަސްމިއްޔާތުގައި ޑިފެންސް މިނިސްޓަރު ވިދާޅުވީ ސިފައިންގެ ކަނޑުގެ ފްލީޓަށް އެންމެ ފަހުން ހޯދި ދުވެލި ބާރު ފާސްޓް އިންޓަސެޕްޓާގެ ފަސް އުޅަނދުގެ މަގްސަދަކީ ވެސް މީހުންގެ ފުރާނަ އާއި މުދާ ރައްކާތެރިކުރުން ކަމަށެވެ.
ހުރަވީ ލޯންޗުގެ ބައެއް ފަޅުވެރިން: ޑިފެންސް މިނިސްޓަރު އާދަމް ވަނީ މި ސިފައިންނާ މިއަދު ބައްދަލު ކުރައްވައި މަރުހަބާ ވިދާޅުވެފައި.---ފޮޓޯ: އައިމިނަތު ޝިފްލީން/މިހާރު
މިނިސްޓަރު ވިދާޅުވީ އިންސާނެއްގެ ފުރާނަ މިލިޔަން ޑޮލަރުން ވެސް އަގު ނުކުރެވޭނެ ކަމަށާއި އެހެންވެ، މުޅި ގައުމުގެ މިނިވަންކަމާއި އިސްތިގްލާލު ދެމެހެއްޓުމަށް ހޭދަ ކުރާ ފައިސާ އަކީ އޭގައި ވަކި މިންގަނޑެއް ގެންގުޅެވޭނެ ކަމެއް ނޫން ކަމަށެވެ. އަދި ބަޔަކު ކަނޑުމަތީ ބެހިގެންދާ ހާލަތެއްގައި ވަސީލަތްތައް މަދުވުމުގެ ސަބަބުން އެހީތެރިކަން ފޯރުކޮށްނުދެވިއްޖެ ނަމަ ގައުމެއްގައި އޭގެ ޒާތުގައި މިނިވަންކަން ނެތް ކަމަށް ވެސް ވިދާޅުވި އެވެ.
"ގައުމަށް ނުރައްކަލެއް ކުރިމަތިވާއިރު، ސަލާމަތްވާނެ ވަސީލަތެއް ނެތް ނަމަ އެއީ ހިތާމަ ކުރަން ޖެހޭ ކަމެއް. އެހެންވެ އެ ތަރާދަކުން ކިރޭނެ އެއްޗެއް ނޫން،" އާދަމް ޝަރީފް ވިދާޅުވި އެވެ.
މިނިސްޓަރު ވަނީ މި އޮޕަރޭޝަނުގައި ބައިވެރިވި ހުރަވީ ލޯންޗުގެ ސިފައިންނާ ވަކިވަކިން މަރުހަބާ ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މެގޫ
16 January 2017
ހުރަވީ ލޯންޗަށް އެމީހުން ސަލާމަތް ކުރުމަށް އެހިސާބަށް ދެވުނީ ރައީސް ޔާމީނު ދިވެހި ޤައުމު ކުރިޔަށްގެންދިއުމަށް ކުރައްވާ ބުރަމަސައްކަތުން
ބަދަވި
16 January 2017
ނަންރީތިވަނީ ހުރިހާ އުޅަނދެއް މާލޭ ފަޅުތެރޭގައި އަޅާފަ ބޭައްވުމަށް
ފާތުމާ
16 January 2017
ފެބް 7 ގައިވެސް ރީތިނަން ހޯދައިދިން.. ހެހެހެ
ޒަކީ
16 January 2017
ކޮންމެ ދުވަހު ޑޮލަރު ގަތުމުގައި ވައްކަން ކުރާ ވާހަކަވެސް ހަމަ އޯސަމް ހަބަރެއްގެގޮތުގައި އަޑުއިވޭދޯ
މުޙައްމަދު
16 January 2017
ކަމެއް ކުރެވުނަސް ކަލަގޮވުމަކީ ރަނގަޅުކަމެއްނޫން!
ބެކަމް
16 January 2017
ސަލާމަތީ ބާރުތަކުން ރާއްޖޭގެ ނަން ކުރިން ވެސް ރީތި ކޮށްދިނެއްނުން 7 ފެބްރުއަރީގަ ނުކުމެ!
ޑޭން
16 January 2017
ތިއީ ކޯސްޓް ގާދުގެ ބޭނުމަކީ. ރައްޔިތުންގެ ލާރިން މުސާރަ ދޭ ހަމަ އެކަނި ސަބަބު. އެހެންވެ އާދަޔާ ހިލާފު ކަމެއް ކުރި ކަމަކަށް ނުދެކެން.
Mishy
15 January 2017
މި ބޭފުޅާ ޔާމީނުގެ ނަމެއް ނުކިޔާތަ؟
ޗޭންޖްއިޓް
15 January 2017
ކޯސްޓް ގާރޑުން ރާއްޖެގެ ނަން ރީތި ކޮށް ދިނުން އެއީ ހުރިހާ ދިވެހިންނަށް ލިބިގެންދާނެ ރީތި އުފާވެރި ކަމެކެވެ. އެއީ މަމެންގެ ވެރިކަން ކުރިއަށް ގެންދާ ގޮތް ސްމޫތް ކަމުން ނޫންތޯ އެހެން އެެވަނީ. މިފަދަ އުފާވެރި އޯޓަމް ބްރީޒް ތައް ދެން ކޮންމެ ދުވަހަކު ވެސް ދިވެހި ރައްޔިތުންނަށް އަޑު އިވި ދިވެހި ރައްޔިތުންގެ ބްލަޑް ޕްރެޝަރ ވެސް ދަށްވެ ސްޓޭބްލް ވާނެ އޭ މަމެން ބުނަން ނެތީމު އިނގޭ. މަމެންގެ ވެރިކަމުގައި ރާއްޖެ ލިޓިލް ސިންގަޕޯރ އަށް ބަދަލު ކުރުމަށް ޓަކައި ކުރަން ޖެހޭ ހުރިހާ ކަމެއް މިދަނީ ކުރަމުންނެވެ. ޗޭންޖް އިޓް އީވެން ވެލް އިނަފް ޗޭންޖް އިޓް. ދިސް އިޒް އޮންލީ ގެޓިންގް ނޯން ޓު އަސް.
ޢަލީ
15 January 2017
މިތާ ސަލާމަތީބާރުތަކުން ކުރާ ކަމަކީ ފިތުނަ އުފެއްދުން
ދެރަ
15 January 2017
ރަނގަޅު ކަމެއް ކޮށްދެވުނީމަ އޭގެ އަގުވެސް ވަޒަން ކުރަންވާނެ. މަރުހަބާ ކޯސްޓްގާޑަށް!