ފުވައްމުލަކުގައި ރައީސް އިބްރާހިމް މުހައްމަދު ސޯލިހުގެ ކެމްޕެއިން ޖަގަހަ ހުޅުއްވައި ދެއްވަން އެ މަނިކުފާނު ވަޑައިގަތުމުން ފުވައްމުލަކު މެދު ދާއިރާގެ މެމްބަރު ހުސައިން އާއި ފުވައްމުލަކު އުތުރު ދާއިރާގެ މެމްބަރު މުހައްމަދު ރަޝީދު މަރުހަބާ ދަންނަވަނީ.
21 ޖެނުއަރީ 2023 - 21:41
13 comments
މި އަހަރުގެ ރިޔާސީ އިންތިހާބު އެމްޑީޕީން ކާމިޔާބު ނުކޮށް، އެހެން އިންތިހާބުތައް ކާމިޔާބު ކުރުމަކީ ދަތިކަމެއް ކަމަށް ތަޖުރިބާގެ އަލީގައި ރައީސް އިބްރާހިމް މުހައްމަދު ސޯލިހު މިރޭ ފުވައްމުލަކުގައި ވިދާޅުވެއްޖެ އެވެ.
އަންނަ ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީގެ ކެމްޕެއިނަށް މިއަދު ހަވީރު މި ސިޓީ އަށް ވަޑަައިގެން އެ މަނިކުފާނުގެ ކެމްޕެއިން ޖަގަހަ ފުވައްމުލަކުގައި ހުޅުވުމަށް ބޭއްވި ޖަލްސާގައި ރައީސް ވިދާޅުވީ، 2013 ގައި ވެރިކަމުގައި އޮތީ މިހާރުގެ އިދިކޮޅު ޕާޓީ ޕީޕީއެމް ކަމަށް ވާއިރު އޭރުގެ ރައްޔިތުންގެ މަޖިލިހުގެ އިންތިހާބާއި ލޯކަލް ކައުންސިލްތަކުގެ އިންތިހާބު ބޮޑުތަނުން ޕީޕީއެމް ނެގި ކަމަށެވެ. އެކަމަކު، އޭގެ ފަހުން 2018 ގައި އެމްޑީޕީ ވެރިކަމަށް އައިސް 2014 ގައި ބޭއްވި ރައްޔިތުންގެ މަޖިލިހުގެ އިންތިހާބާއި ކައުންސިލް އިންތިހާބު ބޮޑުތަނުން އެ ޕާޓީ ނެގި ކަމަށް ވިދާޅުވި އެވެ.
"އެހެންވީމާ ފުރަތަމަ ކުރަންވީ ކަމަކީ ފުރަތަމަ ކުރަންޖެހޭ ކަންތައް. ދެހާސް ތޭވީސް ކާމިޔާބު ނުކޮށެެއް ކުރިއަށް އޮތް ހުރި އިންތިހާބުތައް އަޅުގަނޑުމެންނަށް ކާމިޔާބު ވުމަކީ ދަތި، ދުރު ކަމެއް. އެހެންވީމާ 24 ބޭނުންވެގެން ކަމަށް ވިޔަސް 26 ބޭނުންވެގެން ކަމަށް ވިޔަސް ފުރަތަމަ ކުރަންވީ ކަމަކީ 23 ކާމިޔާބު ކުރުން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
އެ މަނިކުފާނު އެދިވަޑައިގަތީ އެމްޑީޕީގެ ސީނިއާ ލީޑަޝިޕްގެ ބޭފުޅުން އެ ކަމަށް މަސައްކަތް ކޮށްދެއްވުމަށެވެ.
ފުވައްމުލަކަކީ މި ސަރުކާރުން އެންމެ އިސްކަންދޭ އެއް ސިޓީ
ރައީސް މިރޭ ވިދާޅުވިގޮތުގައި، ފުވައްމުލަކަކީ އެ މަނިކުފާނުގެ ސަރުކާރުގައި އެންމެ ބޮޑު އިސްކަމެއް ދޭ އެއް ސިޓީ ކަމަށެވެ. އެހެންވެ، މިހާތަނަށް ސަރުކާރުން ކޮށްދިން ކަންކަން ފާހަގަކުރެއްވި އެވެ.
އެ މަނިކުފާނު ވިދާޅުވީ، ފުވައްމުލަކަށް ކަމެއް ކޮށްދެވޭތޯ ކޮންމެ ސަރުކާރަކުން ވެސް މަސައްކަތްތައް ކޮށްފައިވާ ކަމަށާއި އެކަމަކު 2018 ގައި އެމްޑީޕީން ވެރިކަމަށް އައިސް ޖެހުނީ ކުރިން ކޮށްފައި ހުރި ކަންތައް ދެވަނަ ފަހަރަށް ކުރަން ކަމަށެވެ. އެއީ ރޭވުންތެރިކަމެއް ނެތި ކުރިން އެ ކަންތައް ކުރުމުން ކަމަށް ވިދާޅުވި އެވެ. އޭގެ މިސާލެއްގެ ގޮތުން ރައީސް ފާހަގަކުރެއްވީ ފުވައްމުލަކުގެ ނަރުދަމާގެ ނިޒާމުގެ މަސައްކަތެވެ.
"ބޮޑު ހަރަދަކުން ކޮށްފައި އޮތް ކަމެއް. އެހެން ނަމަވެސް މަގުމަތިން އޭރު ކޯދުލާފައި އަރަނީ ކޯނޗެއްތޯ؟ ދިރިއުޅެވެން ނެތް. މީހަކަށް ހަމަނޭވާ ނުލެވޭ. ބޮޑު ހަރަދު ކޮށްގެން އިރާދަކުރެއްވިއްޔާ މިއަދު މި ވަނީ އެ ކަމުން ސަލާމަތް ވެފައި،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހުގެ ކެމްޕެއިން ޖަގަހައެއް ފުވައްމުލަކުގައި ހުޅުވަން މިރޭ ބޭއްވި ޖަލްސާގައި އެ މަނިކުފާނު ވާހަކަފުޅު ދައްކަވަނީ.
ރައީސް ވިދާޅުވިގޮތުގައި ފުވައްމުލަކުގައި ވަށައިގެން ހުރި މަގުތަކާއި އެތެރޭގެ މަގުތައް ވެސް ކައުންސިލްގެ ލަފާގެ މަތިން އަދި އާންމުން ބޭނުންވާ ގޮތަށް އަންނަނީ ހަދަމުންނެވެ. އަދި ގިރާ ސަރަހައްދު ހިމާޔަތްކުރުން ވެސް "އެ ދަނީ ބާރަށް ކުރިއަށް" ކަމަށް އެ މަނިކުފާނު ވިދާޅުވި އެވެ.
"އެ އަށް ފަހު އޭގެ ބޭރުގައި ބޮޑު މަގެއް ހެދިގެން ދާނެ،" ރައީސް ވިދާޅުވި އެވެ.
ރައީސް އިބްރާހިމް މުހައްމަދު ސޯލިހުގެ ކެމްޕެއިން ޖަގަހައެއް ފުވައްމުލަކުގައި ހުޅުވަން މިރޭ ބޭއްވި ޖަލްސާގައި ބައިވެރިވި ބައެއް މީހުން.
އެ މަނިކުފާނު ވިދާޅުވީ، ފުވައްމުލަކުގެ ހޮސްޕިޓަލަށް އިތުރުކުރާ ބައިގެ މަސައްކަތް ވެސް މިހާރު ނިމިފައިވާ ކަމަށާއި ފުވައްމުލަކުގެ މީހުން ބޭނުންވާ ގޮތަށް އެ ހޮސްޕިޓަލުން ސީޓީ ސްކޭންގެ ހިދުމަތް ލިބޭނެ ގޮތް ވެސް ހަދައިދޭނެ ކަމަށެވެ.
"އެ އަށް ފަހު ދެން އޮތީ މި ރަށުގައި އާ ހޮސްޕިޓަލެއް އަނެއްކާ އެޅުން. އެހާ ހިސާބަށް ވެސް މަޑުނުކޮށް، މި ދެންނެވިހެން މި ގެނެވުނު އެކްސްޓެންޝަނާއެކު ހިދުމަތްތައް އިރާދަކުރެއްވިއްޔާ މިނިސްޓަރު ނަސީމް ފުރިހަމަ ކޮށްދެއްވާނެ،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
ރައީސް އިބްރާހިމް މުހައްމަދު ސޯލިހުގެ ކެމްޕެއިން ޖަގަހައެއް ފުވައްމުލަކުގައި މިރޭ ހުޅުއްވައި ދެއްވުމަށް ފަހު، އެ މަނިކުފާނާއި ފުވައްމުލަކުގެ މޭޔަރު އިސްމާއިލް ރަފީގް ސަކާމް ކުރައްވަނީ.
ރައީސް ވިދާޅުވިގޮތުގައި ފުވައްމުލަކުގެ ބަނދަރުގެ މައްސަލަ ހައްލު ކުރުމަށްޓަކައި، ބަނދަރު ބޮޑުކުރެވޭނެ ގޮތްތަކެއް ވެސް ސަރުކާރުން ބަލާނެ އެވެ. އެއާއެކު، ފުވައްމުލަކުގެ މަސްވެރިން ބާނާ މަސް ރަށަށް ކިރޭނެ ގޮތެއް ހޯދުމަށް މަޝްވަރާ ކޮށްފައިވާތީ އެކަން މިހާރު އޮތީ އެސްޓީއޯއާ ހަވާލުކުރުމުގެ މަގުމަތީގައި ކަމަށް ވިދާޅުވި އެވެ.
"ފަހަރެއްގައި ދެން މި ވަގުތު ލަސްވެފައި އޮވެދާނެ. އެހެން ނަމަވެސް އެ ކަން އަވަސް ކުރުމަށް އަޅުގަނޑުމެން މަސައްކަތް ކުރާނަން،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
އެހެންވީމާ 24 ބޭނުންވެގެން ކަމަށް ވިޔަސް 26 ބޭނުންވެގެން ކަމަށް ވިޔަސް ފުރަތަމަ ކުރަންވީ ކަމަކީ 23 ކާމިޔާބު ކުރުން،"--- ރައީސް
ރައީސް ވިދާޅުވީ، ފުވައްމުލަކުގެ މީހުން ބޭނުންވާ ތަރައްގީ މި ސަރުކާރުން ގެންނާނެ ކަަމަށާއި އެ ކަން ކުރެވޭނީ ވެރިކަމުގައި ތިބެގެން ކަމަށެވެ.
"މަގުމަތީގައި ތިބެގެން އެ ކަމެއް ނުކުރެވޭނެ. އެހެންވީމާ ތިޔަބޭފުޅުން މި މަހުގެ 28 ވަނަ ދުވަހު މި ބާއްވާ ޕްރައިމަރީގައި ފުންކޮށް ވިސްނުމަށް ފަހުގައި، މަގުމަތި ނުވާ ގޮތަށް ތަރައްގީގެ މަޝްރޫއުތަކާއިގެން ކުރިއަށް ދެވޭ ގޮތަށް އެ ނިންމުން ނިންމުމަކީ އަޅުގަނޑުގެ އެދުމެއް. ތިޔަބޭފުޅުންގެ ވޯޓު ކެންޑިޑޭޓް ނަމްބަރު 2 އަކަށް ދެއްވުމަކީ އަޅުގަނޑު އެދޭ އެދުމެެއް،" ރައީސް އިބްރާހިމް މުހައްމަދު ސޯލިހު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
22 January 2023
ވެރިން ހަލާކުކުރަނީ ރައްޔިތުން. ސިޔާސީ މީހުން ރަށްރަށަށް އައީމަ މިމީހުން ހީވަނީ އީދެއް އައިސްގެން އުޅޭހެން. ހަގީގަތަކީ ޖީލުތަކެއް ނެތިގެން މިދަނީ ކުލީ ކޮޓަރީގެ އުޅެމުން، ބޭސް ސިޓީއަށް ސަލާންޖަހަމުން، ލިބޭ އެއްޗަކުން ދެކޮޅު ނުޖެހި އުޅޭތާ. މިވަރުންވެސް ވެރިންނަށް ސަނާކިޔުމާއި އެމީހުންގެ ފައިބުޑުން ނެއްޓެން ނޭގިގެން ދިވެހިން އުޅެނީ
ސައުދޫނައް ޒަންޖީ
22 January 2023
ފޯއްމުލަކަށް އަރައި ރައީސް " ފޯއްމުލަކަކީ ސަރުކާރުން އެއްމެ އިސްކަންދޭ ސިޓީ" އައްޑުއަށް އަރައި ރައީސް " އައްޑުއަކީ ސަރުކާރުން އެއްމެ އިސްކަންދޭ ސިޓީ" ކުޅުދުއްފުށީ މީހުން ރައީސް ލައްވާ އިތުރުފުޅު ހައްދަވާކަށް ބޭނުން ނުވާތީ އެރަށު ބަޔަކު ރައީސް ދެއްކި ވާހަކަ އަޑުއަހާކަށް ނުދިޔަ! ރައީސް ކޮންމެ ތަނަކަށް ގޮސް ހަމަ އެއްވާހަކައެއް! އަދުލު އިންސާފު ނެތް މިރާއްޖޭގައި ވެރިން ދައްކަނީ ދައްކާނެވާހަކައެކެވެ.
ހަމަ ކޮސް
22 January 2023
އިބޫ އަށް ތާއިދުކުރާ އެންމެ ކޮމެންޓެއް ވެސް ނެތް. ކީކޭ ހިތައް އަރައިގެންބާ އެ އުޅެނީ ވެރިކަމާ ކުރިމަތިލާން. ފުރަތަމަ ނަޝީދު އާ އެކު އެއްބަސްވުމެއްގަ ސޮއެކޮށް ދައުރު މެދުތެރޭ އިންތިހާބް ބާއްވަން ވަޢުދުވި. ދެން ކޮވިޑޭ ކިޔަ ކިޔާ ހުއްޓަ ދައުރު މިއޮށް ނިމެނީ. އަނެއްކާ އަނެއް ފަސް އަހަރުދޭށޭ ކިޔައިގެން އާދޭސް މިކުރަނީ ކޮން ހައިސިއްޔަތަކުންބާ.
ކަތްދައިތަ
22 January 2023
ޑިމޮކްރަޓިކް ވެއްޓެއްގައި ވެރިންދައްކާ ކަހަލަ ވާކަހައެއްނޫން ތިދައްކަނީ ތިދައްކަނީ ހުދުމުހުތާރު ވެރިން މުޅިނިޒާމް ބަނޑުދަށައްލައި އަދުލުއިންސާފު ނެތިކޮށްލާނެވާހަކަތަކެއް ވެރިކަމުގެ ނިޒާމް ރަނގަޅުވެ ރައްޔެތުމީހާއައް އެކަން އިންގުން ވާނަމަ ސަރުކާރައް ވޯޓްލިބޭނެ އެކަންއެގޮތައް ނުދާނަމަ އިދިކޮޅައް ވޯޓް ލިބޭނެ މިހާރު މިވެރިކަމާ ރައްޔެން ނުރުހޭތަން ފެންނާތީ ގަދަބާރުން ވޯޓް ހޯދަން ތިގޮތައް ތިވާހަކަ ބައްޓަންތިކުރަނީ
ގައުމީދޫ001
22 January 2023
#ފިކުރެއްގެބިރުން ފުވައްމުލަކުގައި ބޭއްވި ޖަލްސާ އިން ފުވައްމުލަކަށް ގެނެސްދިނީ މާޔޫސްކަން . ހިލޭ ޑިގްރީ ޕްރޮގްރާމްގެ ވާހަކަ ޖަލްސާތަކުގައި ދައްކަމުން، އޭލެވެލް އަދި ޑިގްރީ އަށް ކިޔެވުމުގެ ފުރުސަތު އޮތް ރަށެއްގައި ، ކިޔަވާ ނިންމާ ކުދިންނަށް ކޯލްސެންޓަރުތައް މެދުވެރިކޮށް ޓެލެފޯން އޮޕަރޭޓަރުންގެ ވަޒިފާ ހަމަޖައްްސާ ވާހަކަދެއްކީމަ ދެކޮޅެއްނުޖެހޭ ނޫންތޯ!؟
ޕުޓިން
22 January 2023
ސޯލިހު ރާޖާ ރަށު ތެރޭން ކޮންމެސް އެހެން ކަމަކާ އުޅެބަޔަ. ވެރިކަމާ ހެދި ބޫތު ކެޑުނަސް ބޮޑުވަރޭ
ދިއްދޫމީހާ
22 January 2023
ބަލަ ހޮސްޕިޓަލް އަޅާވާހަކަ ދައްކާ އިރު އިހަވަންދޫގެ ހޮސްޕިޓަލްގެ އާއިމާރާތް ބިންގާ އަޅަނީއޭ ކިޔާފަ ރަސްމިއްޔާތެއް ބާވާފަ ދެއްކި ފޮޓޯއެ އެފޮޓޯ ގަނޑު ހޯރަފުށިން ދިއްދޫން އޭދަފުށިން ކުޑަހުވަދޫން މިހާރު އެފޮޓޯ ހުރީ މަލިކުގާ ދެން ވިސްނާލާ މިވެރިންނަ ވޯޓްއެ ދޭނެ ގޮތެއް ވަހީދުއަ ވީވަރުވެސް ނުވާނެ
ޅޮހެއް އިބުރާހީމް އަކީ
22 January 2023
ކިތަންމެ 23 އެކޭ ކިޔަސް ރައްޔިތުން އިބޫ ބަލައެއް ނުގަންނާނެ
ކިމް
21 January 2023
ނުދޭނަން އެމްޑީޕީޔަކަށް ވޯޓެއް
އިބޫ ފެކްޝަން ގދ.ތިނަދޫ
21 January 2023
އިންތިހާބޭ ބޮލޭ ނުކިޔާ ގޯތިދޭން އުޅެބަލަ ހަވަރު ތިނަދޫގައި 64 ހެކްޓަރު ބިން ޔާމިނު ސަރުކާރުގަ ހިއްކާފަ އެއޮތީ ރީތިވެގެންނެއްނޫނޭ އެއީ ތިނަދޫ ރައްޔިތުންނަށް ބޯހިޔާވަހިކަން ދޭން ހިއްކިބިމެކޭ. 5 އަހަރުގެ ދައުރެއް ނިންމާފަ އައިސް އަނެއް ދައުރަށް ކެންޕޭނު ކުރަން ތިނަދޫއިން ގޯތި ދޫކުރާނަމޭ ބުނީމާ އަހަރުމެންވީ ބާރަށް އަތްޖަހާފަ މަނިކުފާނަށް ވޯޓުދޭންތޯއެވެ. ކޮބާހޭ ޓާޝަރީ ހޮސްޕިޓަލާއި ހުވަދޫ އިންޓަނޭޝަނަލް އެއާޕޯޓާއި ބޮޑުކުރި އައިސް ސްޓޯރޭޖު