ކާތިކް އާރްޔަން "ބޫލް ބުލައްޔާ 2" ގައި: ތިންވަނަ ބައިގައި ވެސް އޭނާ އުޅޭނެ.
03 މާޗް 2023 - 06:52
ބޮލީވުޑްގެ މަޝްހޫރު ހޮރޯ-ކޮމެޑީ ފިލްމު ސީރީޒް "ބޫލް ބުލައްޔާ"ގެ ތިންވަނަ ބައެއް ވެސް ގެނެސްދޭން ނިންމައިފި އެވެ. އަންނަ އަހަރު ގެނެސްދޭ މި ފިލްމުގައި ލީޑު ރޯލު ކުޅޭނީ ދެވަނަ ބައިގައި ވެސް އުޅުނު ކާތިކް އަރިޔަން އެވެ.
އެ ފިލްމު އިއުލާންކުރީ ކާތިކް އިއްޔެ އިންސްޓަގްރާމް ކުރި ޕޯސްޓެއްގަ އެވެ. ދެވަނަ ފިލްމުގެ މަންޒަރަކާއެކު ކުރި އެ ޕޯސްޓުގެ ކެޕްޝަންގައި ލިޔެފައިވާ ގޮތުން، ތިންވަނަ ބައި ސިނަމާގައި އަޅުވާނީ އަންނަ އަހަރު ދިވާލީގަ އެވެ.
މި ފިލްމު ޑައިރެކްޓް ކުރާނީ އަނީސް ބާޒްމީ އެވެ. އަދި ޕްރޮޑިއުސް ކުރާނީ ބުޝާން ކުމާރެވެ.
"ބޫލް ބުލައްޔާ 3" ގައި ފެންނާނެ ކާސްޓުން އަދި ޔަގީން ނުވާއިރު، އެންމެ ފަހުން ނެރުނު ބައިގައި ކާތިކްއާއެކު ތާބޫ އާއި ކިއާރާ އަދްވާނީ ވެސް ފެނުނެވެ.
ވިދުޔާ ބާލަން އާއި އަކްޝޭ ކުމާރް ލީޑު ރޯލު ކުޅުނު "ބޫލް ބުލައްޔާ"ގެ ފުރަތަމަ ފިލްމު ގެނެސްދިނީ 2007 ވަނަ އަހަރު އެވެ.
Copyright © 2024 Mihaaru · Terms and Conditions · Privacy Policy