އުމްރާގެ އަޅުކަމުގެ އިރުޝާދު ދޭ މޯބައިލް ފޯން އެޕްލިކޭޝަންގެ ސްކްރީންޝޮޓްތަކެއް
03 އެޕްރީލް 2023 - 07:05
އުމްރާގެ އަޅުކަމަށް ދާން ގިނަ ތައްޔާރީތަކެއް ވެ އެވެ. ޒިކުރުތައް ދަސްކޮށް، ބޭނުންވާ މުހިންމު މައުލޫމާތު ސެޝަންތަކުގައި ބައިވެރިވެ އެވެ. އެކަމަކު، ޒުވާން ޑިވެލޮޕަރު އަހްމަދު މަންސޫރު، އޭނާގެ އުމްރާ ދަތުރަށް ތައްޔާރުވާން ކުރީ ތަފާތު ކަމެކެވެ.
އުމްރާ ގުރޫޕުތަކުން ބަހާ ގައިޑު ފޮތްތަކުގެ ބަދަލުގައި، މަންސޫރު އުފެއްދީ، އުމްރާގެ އަޅުކަމުގެ އިރުޝާދު ދޭ މޯބައިލް ފޯން އެޕްލިކޭޝަނެކެވެ.
"އުމްރާ ދަތުރު" ގެ ނަންދީފައިވާ އެ އެޕްގައި ގުރުއާނާއި ހަދީސުން ސާބިތުވެފައިވާ އުމްރާގެ އަޅުކަމުގެ ކޮންމެ ފިޔަވަޅެއްގައި ކަންކުރާނެ ގޮތާއި، ކިޔާނެ ދުއާތަކާއި ޒިކުރުތަކުގެ މާނަ ތަފްސީލާ އެކު ފެނެ އެވެ. އަދި ގިނަ ގައިޑް ފޮތްތަކާ ހިލާފަށް، މަންސޫރުގެ އެޕްގައި ކޮންމެ ދުއާއަކާއި ޒިކުރެއް، އައިސްފައިވާ ހަދީސެއް ނުވަތަ ގުރުއާނުގެ އާޔަތުގެ ރެފަރެންސް ދީފައިވެ އެވެ.
Excited to announce the release of @UmrahDhathuru app to the App Store and Google Play. Stay tuned for more features I'm working on for future versions IA.
— Umrah Dhathuru App (@UmrahDhathuru) March 28, 2023
App Store: https://t.co/iWa6kxY4u4
Play Store: https://t.co/0C9qgqwRIg pic.twitter.com/nxr1jZWCnI
ފިނޭންސް މިނިސްޓްރީގެ ޑިވެލޮޕަރެއްގެ ގޮތުގައި މަސައްކަތްކުރާ މަންސޫރު "މިހާރު" އަށް ބުނީ މި ރޯދަ މަހު އޭނާ އުމްރާ އަށް ފުރުމުގެ ކުރިން، އެޕްގެ މަސައްކަތް ފެށީ މިދިޔަ ޖެނުއަރީ މަހު ކަމަށެވެ.
"ޖެނުއަރީ މަހު ފަށައިގެން، ފެބްރުއަރީ މަހު އެޕް ޑިވެލޮޕްކޮށް ނިންމާލިން. ދެން ގާތްގަނޑަކަށް ދެ ހަފްތާ ވަރު ހޭދަވި، އެއަށް ބޭނުންވި ޑޭޓާތައް ހޯދަން. އެއީ ދުއާތަކާއި، އެހެނިހެން އިރުޝާދުތަކާއި މާނަތައް،" މަންސޫރު ބުންޏެވެ.
ދުއާތައް ހޯދައިގެން، އެ ދުއާތަކުގެ އަސްލު ހަދީސް ނުވަތަ އާޔަތްތައް ހޯދުމުގެ މަސައްކަތް ވެސް މަންސޫރު ވަނީ ކޮށްފަ އެވެ. އަދި ދުއާތައް ޗެކްކުރުމާއި، ބައެއް ދުއާތަކުގެ މާނަ ހޯދުމުގައި އޭނާ ވަނީ އިލްމުވެރިންގެ އެހީ ހޯދައިފަ އެވެ.
ޑިވެލޮޕަރު އަހްމަދު މަންސޫރު
މަންސޫރު ބުނި ގޮތުގައި، މި އެޕް ހެދިއިރު ދިމާވި އެންމެ ބޮޑު އެއް ގޮންޖެހުމަކީ، ޞަހީހް ބުހާރީ އާއި ޞަހީހް މުސްލިމް ހަދީސް ފޮތްތަކުގެ ދިވެހި ތަރުޖަމާގެ ސޮފްޓު ކޮޕީ ލިބެން ނެތުމެވެ.
"އުންމީދު ކުރަން ގިނަ ބަޔަކު މި އެޕް ބޭނުންކުރާނެ ކަމަށް. ރަނގަޅުކޮށްލަންޖެހޭ ކަމެއް ފާހަގަކުރެވިއްޖެ ނަމަ އަޅުގަނޑަށް އަންގާލަދިނުން އެދެން" އޭނާ ބުންޏެވެ.
މިދިޔަ ހަފްތާގެ އަންގާރަ ދުވަހު ރިލީޒްކުރި މި އެޕް މިހާރު އެޕް ސްޓޯރުންނާއި އެޕަލް ސްޓޯރުން ލިބޭނެ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
ކްރޯޑް
11 April 2023
ކިހިނެއް އަންގާނީ ސަޢުޔު ކުރަން ފަށާއިރު ކިޔާ ޒިކުރުގެ ތެރޭގައި އެބަ އުޅޭ ތަކުރާރު ވުމެއް
ماشاءالله تبارك الله
03 April 2023
جزاك الله خير
ޢިބުރާހިމް މުޙަންމަދު
03 April 2023
"ޙައްޖު ދަތުރު" މިނަމުގާ ވެސް މިފަދަ އެޕެއް އުފައްދައި ދެއްވާނެކަމަށް އުންމީދު ކުރަން. ތި ކުރެއްވި މަސައްކަތަށް ﷲ ބަރަކާތް ލައްވާށި ހެޔޮގޮތް މިންވަރު ކުރައްވާށި އާމީން
ޢަޒްރާ ޢަލީ
03 April 2023
އަލްޙަމްުދުލިﷲ ހާދަ ރަނގަޅު މަސައްކަތެކޭ ތިނިންމާލީ ތިބާއަށް ހެޔޮޖަޒާ ދެއްވާށީ އާމީން
ހަންޑި މުހައްމަދު
03 April 2023
ވަރަށް ރީތި ގަހެއް ފަހަތުން އެބަފެނޭ. މަންސޫރު ކޮންތާކުން ހޯދި ގަހެއް؟
ފުރޭތަ މުޙައްމަދު
03 April 2023
ހަންޑިމެންނަށް މުޅިން ފެންނާނީ ގަސް.
ގަސްމުހައްމަދާ
03 April 2023
އެކަހަލަ ގަސް ލިބޭނެ މާލޭގެ ގަސްވިއްކާ ފިހާރަތަކުން.
ދިގު މުހައްމަދު
04 April 2023
ހަމަ ގަސްތަ ހަންޑި މުހައްމަދައް ރީތިވެގެން ތިއުޅެނީ؟
ށައި
03 April 2023
ޥަރަށް ރަގަޅު ކުއްޖެ ބަރަކާލައްވާށި
މުހައްމަދު ތައުފީޤު
03 April 2023
ތިޔައީ ޤައުމީ މަސައްކަތެއް އަހްމަދު މަންސޫރު ތިޔަކޮއްދެއްވި މަސައްކަތަށް ފައްފަށުން ސުކުރު ަަަ މަސައްކަތުގައި ކުރިޔަށް ދިއުމުގެ ހެއު ތައުފީޤު ދެއްވާށި.........