ސަފާރީ ކޭސް: ހެކި ނެތް ކަމަށް ބުނެ ކޯޓުން މައްސަލަ ބޭރުކޮށްލައިފި

ހުޅުމާލޭގައި ފަޅުގައި ސަފާރީތަކެއް: ސަފާރީއެއްގައި އަންހެނަކަށް ޖިންސީ ގޯނާކުރި ކަމަށް ބުނެ ކުރި ދައުވާ ކޯޓުން ވަނީ ބޭރުކޮށްލާފައި --- ފޮޓޯ/މިހާރު

10 އެޕްރީލް 2023 - 15:16

47 comments

ހުޅުމާލޭ ފަޅުގައި އޮތް ސަފާރީއެއްގެ ތެރޭގައި ބިދޭސީ އަންހެނަކަށް ޖިންސީ ގޯނާކުރި ކަމަށް ބުނާ މައްސަލާގައި އުފުލި ދައުވާތައް ކުރިއަށް ގެންދެވޭނެ މިންވަރަށް ހެކި ނެތް ކަމަށް ނިންމައި، އެ މައްސަލަ ހުޅުމާލޭ މެޖިސްޓްރޭޓް ކޯޓުން ބޭރުކޮށްލައިފި އެވެ.

ޖޫން، 2020 ގައި، ރާއްޖޭގައި އުޅުނު ކެންޔާ އަންހެނަކަށް ސަފާރީއެއްގެ ތެރޭގައި ޖިންސީ ގޯނާކުރި ކަމަށް ބުނެ ދައުލަތުން ދައުވާކުރީ ލ. ގަމު ތުނޑި، ނޫރަންގޭ އަބްދުﷲ ޝާންގެ މައްޗަށެވެ. އޭނާއަކީ ރައްޔިތުންގެ މަޖިލީހުގެ ހިންނަވަރު ދާއިރާގެ މެމްބަރު ޖީހާން މަހްމޫދުގެ ފިރިކަލުންނެވެ.

އެ މައްސަލަ ހުޅުމާލޭ ކޯޓުން މިދިޔަ މަހުގެ ފަހުކޮޅު ބޭރުކޮށްލީ މަދަނީ މިންގަނޑުން ބަލާއިރު މައްސަލަ ކުރިއަށް ގެންދެވޭ އެކަށީގެންވާ ހެކި ނެތް ކަމަށް ނިންމުމަށްފަހު ކަމަށް ޕްރޮސެކިއުޓާ ޖެނެރަލްގެ އޮފީހުން ބުންޏެވެ.

ހުޅުމާލޭ ކޯޓުން އެ މައްސަލަ ބެއްލެވީ އިސް މެޖިސްޓްރޭޓް ސިޔާމާ މުހައްމަދެވެ.

ޝާންގެ އިތުރުން އިތުރު ދެ މީހަކަށް ދައުވާކުރަން ޕީޖީ އޮފީހަށް ފުލުހުން ފޮނުވި އެވެ. އެކަމަކު ހެކި ނެތުމުން ކަމަށް ބުނެ އެ ދެ މީހުންގެ މައްޗަށް ދައުވާއެއް ނުކުރެ އެވެ. އެ ތުހުމަތުގައި އެ މީހުން ފުލުހުންގެ ބެލުމުގެ ދަށަށް ގެންދިއުމަށްފަހު ދޫކޮށްލުމުން ފާޑުކިޔުންތަކެއް ފުލުހުންނަށް އަމާޒުވި އެވެ.

ކުށްކުރުން ފުލުހުން ސަފާރީ ޕީޖީ އޮފީސް

47 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖާންބާޒު

12 April 2023

ކޮބާ! ރައްޔިތުން ހަނދާން ނެތޭހަ ދުވަސް ކޮށްލަފައި މައްސަލަ އޮސްބާލީދޯ؟؟؟؟؟އެއްމެން ދަންނަ ކަމެއްތީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވާވު ބޭބެ

12 April 2023

ސަރުކާރުގެ މަތީ މަޤާމުތަކުގައި ތިއްބަވާ ބޭފުޅުންނާއި އަދި އެމީހުންގެ އާއިލާ މީހުން ކުށަކަށް އަރައިނުގަންނާނެ.. ކުށެއް ކުރުމުން ނުކުރާ ކަމަކަށް އޮޓަމެޓިކް އިންވާނެ.. މި ހާދިސާ އަކީ އޭގެ މިސާލެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނބިލި

11 April 2023

މިސަރުކާރުގެ ބޮޑު އިންސާފު. މިހާ ބޭއިންސާފު، ފާޅުގައި އިންސާފާ ދެކޮޅު ސަރުކާރެއް އަދި ނާދޭ. އިންސާފު ވައުދުވެސް ފުރި ބަންޑުންޖެހިއްޖެ. 60 ގެ އަހަރުތަކަށް އަދުލު އިންސާފުގެ ނިޒާމު ސޮއްސާލައިފި