މީހަކު މިސްކިތުގައި ގުރުއާން ކިޔަވަނީ: ވ. ކެޔޮދޫ މިސްކިތުގައި ހުރި ހަތިމުތައް ވީދާ މައްސަލަ ވަނީ ބޮޑުވެފައި.-- ފޮޓޯ: ފަޔާޒު މޫސާ | މިހާރު
24 އެޕްރީލް 2023 - 12:33
12 comments
ވ. ކެޔޮދޫ މިސްކިތުގައި ހުންނަ ހަތިމުތައް ވީދާ މައްސަލަ ބޮޑުވެއްޖެ އެވެ.
ކެޔޮދޫ ކައުންސިލްގެ ރައީސް އަހްމަދު ސިރާޖު މިއަދު "މިހާރު" އަށް ވިދާޅުވި ގޮތުގައި، އެ ރަށު މިސްކިތުގައި ހުރި ހަތިމުތަކެއް ދެ ފަހަރެއްގެ މަތިން މިހާރު ވަނީ ވީދާލައިފަ އެވެ.
ކޮންމެ ހަތިމަކުން ވެސް އޮތީ އެކި ގަނޑުތައް ވީދައިފަ އެވެ. އެކަމަކު އެއްވެސް ގަނޑެއް އެއްކޮށް ވަކިކޮށްލައިފައެއް ނުވެ އެވެ.
"އެކަން ކުރަނީ ކާކު ކަމެއް އަދި ނޭނގެ. ޝައްކުވާ މީހަކު ވެސް ނެތް،" އޭނާ ވިދާޅުވި އެވެ.
އޭނާ ވިދާޅުވީ މިސްކިތުގައި ސީސީޓީވީ ނުހުންނާތީ އެއީ ކާކުކަން ހޯދަން އުނދަގޫވާ ކަމަށެވެ.
ހަތިމުތަކެއް ވީދާލައިގެން އެންމެ ފުރަތަމަ ކައުންސިލަށް ރިޕޯޓްކުރީ މިދިޔަ އަހަރު އޮކްޓޯބަރުގަ އެވެ. އެ ފަހަރު 10 ހަތިމު ވީދާލައިފައި އޮތެވެ. އޭގެ ފަހުން މިދިޔަ ހޮނިހިރު ދުވަހު އިތުރު 20 ހަތިމު ވީދާލައިފައި އޮތް ކަމަށް އެ ރަށު ކައުންސިލުން ބުނެ އެވެ.
ކައުންސިލުން ބުނީ އެ މައްސަލަ ފުލުހުންނަށް ރިޕޯޓްކޮށްފައިވާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
25 April 2023
ކާފަރު ޖިންނީންކުރެ ދެކޮޅުވެރި ބާގާ ޖިންނީންގެ ބަޔަކު ގަބޫލު ނުކުރާ ބައިތައް މަންސޫޚު ކުރަނީކަންނޭގެ ދޯ؟
ޕަވިޔަނި
24 April 2023
ތީ އާންމުކޮށް ސިހުރުވެރިން ކުރާ ކަންކަން. ޝައްކު ކުރެވޭ މީހުން ތިބޭނެ
ސީސީ
24 April 2023
މިސްކިތްތަކުގައި ސީސީޓީވީ ހަރުކުރަންޖެހޭ ދަރަޖައަށް ކަންކަން ދިއުމަކީ ދެރަކަމެއް!
އިބްރާހިމް ސާލިހު
24 April 2023
ރާއްޖޭގައި ބުދެއް ނުވަތަ ސަލީބަކަށް ގެއްލުމެއްދޭ މަންޒަރު ކުޅެފައި އޭގެ ވީޑިއޯއެއް އާއްމުކޮށްލައިފި ނަމަ އެކިއެކި ޖަމިއްޔާތަކާއި ދައުލަތުގެ މުއައްސަސާތަކުން ބަޔާން ނެރި އެކަން ކުރިބަޔަކު ހޯދައި އެމީހުންނަށް އަހުވަ ދައްކާނެކަން ޔަގީން. އެކަމަކު މާތްﷲގެ ކަލާމްފުޅަށް ވީދާ ކުޅުޖަހާ ހެދީމަ އެތިބެނީ ނުފެންނަ ކަމަށް ހެދިގެން
ތަރުބިއްޔަތު1
24 April 2023
މުސްހަފު ވީދުމަކީ' ބުއްދި ސަލާމަތުން ހުރި މީހެއް ނަމަ ޖިނާޢީ (ދައުލަތުގެ މުދަލަށް ގެއްލުން ދިނުމުގެ) ދައުވާ ކުރެވެން ޖެހޭނެ ކަމެއް. ސިކުނޑީ ގެ ބަލި މީހެއް ނަމަ ކެޔޮދޫ މީހުން އަށް ޝައްކު ކުރެވޭ ބަޔަކު ތިބޭނެ. ނޫނީ ތިޔަ ވެދާނެ ސުކޫލު ނުވަތަ އިހައް ދުވަހު ސުކޫލް ނިމުން ދަރިވަރުން ތަކަކަށްވެސް. ކުރާނެ ކަމެއް ނެތިގެން ލާހޫރޭ... ކޮންމެޔަކަސް ކައުންސިލުން މާ ދޯދިޔާ ކަމުން ވާ ކަންކަން މީ.
ވަހީދުބެ
24 April 2023
ސްކޫލުން ނިމޭކުދިން މުސްހަފުވީދައި މިސްކިތް ޚަރާބު ކުރަންޏާ ކޮންކަހަލަ ތައުލީމެއް 10 އަހަރުވަންދެން ތިދެވުނީ.
ސީސީ ޓީވީ
24 April 2023
ދެން ކެމެރާއެއް ހަރުކޮއްލަބަލަ. މާކަ އަގުބޮޑު އެއްޗެއް ނޫން އެޔަކީ މިޒަމާނަކު.ގަނެލާފަ މިސްކިތައް ވަންނަ އެންޓުރޭންސްގައި ހަރުކޮއްލާ. މިސްކިތާ މާތްﷲގެ ކަލާންފުޅު ހިމާޔަތްކުރަން ކުރެވޭ ހެޔޮ އަމަލަކަށް އެކަންވާނެ. ވިޔަފާރިވެރިން އުޅޭ ރަށެެއްގައި އެވަރު ވާންވާނެ. ކުރީ ޒަމާނުނަމަ ނުނިދާ ދަމަށް ތިބެގެންވެސް ތިޔަ މީހަކު މިހާރު އޮންނާނީ ހޯދާފައި. ހާދަ ކަމެއްނެތޭ ކެޔޮދޫ މީހުންގެ ދޯ
އައިބޭބެ
24 April 2023
މިހާރު ހަތިމުވީދާ ރަންނަމާރިވެސް އުޅެނީއުތަ؟
ފާނަކޮށި
24 April 2023
ހައްދުފަހަނައަޅަފައިވާ މީހެއްނަމަ އުޅޭގޮތް.....
ސަސި
24 April 2023
ދެން ހަމަ ފަސްވަރަކަށް ހާސް ރުފިޔާއަށްލިބޭ 4 ކެމަރާގެ ސީސީޓީވީ ކެމެރާ ހަރުކުރަންވީނު.
ނުރަބޯ
24 April 2023
މޮޅެތި ކޮމެންޓުނުކޮށް ތިޔަބުނާ 4 ކެމެރާ ހަދިޔާކޮށްދޭން ވީނު.
ޢަރުތަ
25 April 2023
ރައީސުލްޖުމްހޫރިއްޔާ ނޫނީ އިސްލާމިކް މިނިސްޓަރު ގޮސް އެކަންވެސް ކުރަން ޖެހޭނީ، ދެން ކީއްކުރާ ކައުން ސިލެއްތަމީ، ކާޑުޖަހާފަ ކޮންމެ ދުވަހަކު މަހަށްދިއުންތަ ކައުންސިލަށް އޮންނަނީ.