ޑްރަގް އޮޕަރޭޝަނެއްގައި އަތުލައިގަތް ބައެއް ތަކެތި. -- ފައިލް ފޮޓޯ: ޕޮލިސް
01 މެއި 2023 - 23:09
33 comments
ރާއްޖެ އައި އިރު ލަގެޖުގައި ފޮރުވައިގެން މަސްތުވާތަކެތި ގެނައި މައްސަލައެއްގައި މިދިޔަ މަހުގެ 12 ވަނަ ދުވަހު އަތުލައިގަތް އިންޑިއާ އަންހެން މީހާ އަށް ހިންދީ ބަސް ވެސް އަދި އިނގިރޭސި ބަސް ވެސް ނޭނގޭތީ އޭނާއަށް ކަންކަން ރަނގަޅަށް ނޭނގޭ ކަމަށް ބަލައި ބަންދަށް ކުރު މުއްދަތެއް ދީފި އެވެ.
ކްރިމިނަލް ކޯޓުން ގާޒީ އާދަމް މުހައްމަދު މިއަދު ނެރުއްވި އަމުރުގައި ވިދާޅުވެފައިވަނީ ލަލްތުލަންޕަރި ނަމަކަށް ކިޔާ އުމުރުން 57 އަހަރުގެ އަންހެންމީހާގެ މައްޗަށް ފުލުހުން ކުރާ ރާއްޖެއަށް މަސްތުވާތަކެތި އެތެރެކުރުމާއި ޓްރެފިކް ކުރުމުގެ ކުށުގެ ތުހުމަތުކުރެވޭ ވަރަށް ހެކި އެބަހުރި ކަމަށެވެ. މި މީހާގެ ބަންދަށް އެންމެ ފުރަތަމަ ދިނީ ތިން ދުވަހެވެ. އެއީ ވަކީލަކު އައްޔަންކުރުމަށް ދިން މުއްދަތެކެވެ. އޭގެ ފަހުން ބަންދަށް 15 ދުވަސް ދިނެވެ. މިއަދު ބަންދަށް އިތުރުކުރީ ފަސް ދުވަހެވެ.
އިތިއޯޕިއާ އިން ރާއްޖެ އައި މި މީހާގެ އަތުން 1.1 ކިލޯގެ ކޮކެއިން އާއި 4.2 ކިލޯގެ ހެރޮއިން ފެނިފައިވެ އެވެ.
ކޯޓު އަމުރުގައި ބުނެފައިވަނީ މި މީހާ އަށް ދައުލަތުން ވަކީލަކު ހަމަޖައްސައިދީފައިވާ ކަމަށާއި އެކަމަކު ހިންދީ އާއި އިނގިރޭސި ބަސް ވެސް ނޭނގޭތީ ވަކީލާ މުއާމަލާތުކުރަން ދަތިކަމެއް ހުރި ކަމަށް ފާހަގަވާ ކަމަށެވެ. އަދި ތަރުޖަމާނަކު މެދުވެރިކޮށް ވާހަކަ ދެއްކުމުން ވެސް، އެ މީހާ އަށް ކަންކަން ރަނގަޅަށް ފަހުމުވާ ކަމަށް ނުބެލެވޭ ކަމަށް ގާޒީ ވިދާޅުވެފައިވެ އެވެ.
"ކުރު މުއްދަތެއްގައި ބަންދުގައި ބެހެއްޓުމަށް ނިންމާފައިވަނީ މި ކަންކަމަށް ރިއާޔަތްކުރުމަށް ފަހު" ކަމަށް އަމުރުގައިވެ އެވެ.
އިންޑިއާގެ މި މީހާ ހައްޔަރުކުރި ދުވަހު ޕާކިސްތާނު މީހަކު ވެސް ވަނީ ގިނަ އަދަދެއްގެ މަސްތުވާތަކެއްޗާ އެކު އަތުލައިގެންފަ އެވެ. ހަމަ މީގެ ދުވަސްކޮޅެއް ކުރިން އަތުލައިގަތް ޕާކިސްތާނު އެހެން މީހަކު ވަނީ ޑްރަގް ހުރި ފޮށީގައި އޭނާގެ ނަން ޓެގް އިނަސް އެއީ އޭނާގެ ފޮށި ނޫން ކަމަށް ބުނެ ތުހުމަތަށް އިންކާރުކޮށްފަ އެވެ.
ކަމާބެހޭ އިދާރާތަކުން ބުނެފައިވާ ގޮތުގައި، ވައިގެ މަގުން މަސްތުވާތަކެތި އެތެރެކުރުމަށް މި ވިޔަފާރީގައި އުޅޭ މީހުން ބޭނުންކުރަނީ ވަރަށް ބޮޑެތި ބަލިތައް ހުންނަ މީހުންނާއި އުމުރުން ދުވަސްވީ މީހުންނެވެ. އެހެންވެ މިފަދަ މީހުން ބެލެހެއްޓުމުގައި ދައުލަތުން އުފުލަންޖެހޭ ބުރަ ބޮޑު ކަމަށް ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނޯނީ
02 May 2023
އޭނައަށް އަޑުއިވޭ ހިސާބުގަ ޔުނިފޯމްގަ ހުރި ކޮންމެވެސް މީހަކު ފޭކް ފޯންކޯލެއް ޖައްސަބަލަ ދެތިން ބަހުން، އޭނައަށް ބަސް ނޭނގޭތީ މިގައުމުގަ އޭނައަށް ލިބެން އުޅޭ ބޮޑު އަދަބުގެ ވާހަކައެއް ހަދާލައިގެން ދައްކާފަ. ނޫނީ އިންޑިއާގެ ދެތިން ތަނުގަ ކާ އެކި ޒާތުގެ އެއްޗެހީގެ ފޮޓޯ ދައްކާފަ އަހާބަލަ ކާނީ ކޮން އެއްޗެއްތޯ. އޭނަ ގައުމުގަ ކައި ނޫޅޭ ކަހަލަ އެއްޗެހި އަބަދު ކާން ބެހެއްޓީމަ ފަހަރެއްގަ ވާހަކަ ދެއްކެން ފަށާފާނެ.
9863
02 May 2023
ތިހާ ކަންކަން ނޭނގޭ މީހަކު ބޭރު ޤައުމަކަށް މަސްތުވާ ތަކެތި އެތެރެކޮށްފާނެ ކަމަކަށް ނުބެލެވޭ. އަނެއްކާ އޭނަގެ ކަންފަތަށް އަޑުއިވޭބާ؟ ނޫނީ ލޮލަށް ފެނޭބާ؟ ތިވަރުގެ މީހަކު ލޮަލަށް ނުފެންނަ ކަންފަތަށް އަޑު ނީވޭމީހަކަށްވެސް ހެދިގެން އުޅެފާނެކަމާމެދު ޝައްކުވޭ
ސަޓަޕް
02 May 2023
ތިމީހާއެއް އެނގޭ އިންޔާމީހުން ވާހަކ ދައްކާ ބަހެއް ދަންނަ މީހަކު ހުރިތޯ އިންޑިޔާ އެމބަސީ އަށް ދާންވީނު. އެއީތާ އެމީހާގެ ހައްޤުބހޯދައި ދިނުމަކީ!!! މާރިޔަންތަ ކީއްވެތަ އިއްޔެ އައި މިނިސްޓަރާ މިކަމާ ވާހަކަ ނުދެއްކެވީ
ޕަރސަން
02 May 2023
އިންޑިއާ މީހެއްވިއްޔާ ހިންދީ ނޫން ބަހެއްވެސް އިނގިދާނެދޯ. ނުލާހިކު ބަސްގިނަ ތަނެއް އެއީ. މަށަށްހީވަނީ އަތުލައިގަތީމަ ހަމަ ނޭނގޭކަމަށް ހަދަނީހެން
ދޯދޯދޯ
02 May 2023
ދެތިންދުވަހު އަޅާނުލައި ހަނދާނުންގެއްލިފައި ބަހައްޓާލަބަލަ. ބައިވަރުބަސްއެނގޭނެ. އެހެނެއްވެސް ނުހެދޭނެދޯ! ޙައްޤުތަށް ވަރަށްގިނަވާނެދޯ!
ވޯރާ
02 May 2023
ދެން ހިއުމަން ރައިޓްސް ކޮމިޝަން ވެސް ހޭލާނެ ތިމީހާއައް ފިޔަވަޅެއް އަޅައިފިއްޔާ. އޭއްޗެކޭ މީއްޗެކޭ ކިޔާފަ ފުރުވާލާ. މިޤައުމުގަ އެންމެ ފުޅާކޮއް ހިންގާ ވިޔަފާރިތީ. ލާހިކެއް ނޫން ހުއްޓުވާކައް.
އޭލިއަން
02 May 2023
ތި ވާނީ އޭލިއަންއަކަށް. ޕާސްޕޯޓެއް އޮތްތަ އެ މީހާ އަތުގައި އަނެއްކާ؟ އަޖައިބެއް ފަހެ ނުވާނެތަ މީހަކު! އިންޑިއާ އެމްބަސީއެއް މި ރާއްޖޭގައި ހުރޭ! އިންޑިއާ އެމްބަސީން ތަރުޖަމާނެއް ހަމަޖައްސައިދީފާނެ ދައުލަތުން އެދިއްޖެއްޔާ!
އަލީ މައުސޫމް
02 May 2023
ދެން ކުރު މުއްދަތެއްތަ އަދިވެސް. ދިގު މުއްދަތަކަށް ސްކޫލެއްގަ ބައިންދަން ހުކުމް ކޮށްބަލަ. ކިޔާ އެއްޗެއް އެނގެންދެން
ގުރާ
02 May 2023
އިންޑިއާ މީހެއްވީމަ ކުރެވޭނެ މާބޮޑު ކަމެއް ނޯންނާނެ، އެހެންނޫނަސް ޑުރަގު ކިލޯއިން ގެނައިމަ ކޮންމެވެސް ބަހަނާއެއް ދައްކާފައި ދޫކޮށްލުން ނޫންގޮތެއް ނޯވޭ. ތިޔަމީހާ އަކީ މަންމަނެއް ކަމަށް ނިންމާފައި ދޫކޮށްލާ!
ނަސްރު45
02 May 2023
ސަޅި ކޯޓުތަކުން ތިޔަ ނިންމާ ގޮތް ސިންގަޕޫރާއި ވަރަށް އެއް ވައްތަރު، އެންމެ ފުރިހަމަ ވާނީ ދެން ތިޔަ އެތެރެކުރާ މިހުން ހިފާއްޓާ އޮފިސަރުން ނަށް ޖަލު ހުކުމް އަންނަން ފެށީމާ.