އެމްޑީޕީގެ މައި ހަރުގެ ހުސްކުރަން ދިން ނޯޓިސް ހަމަވުމުން އެހެން ބަޔަކަށް ކުއްޔަށް ދީފި

އެމްޑީޕީގެ މައި ހަރުގެ ކުރިމަތީގައި އެއްވުމެއް ކުރިއަށް ގެންދަނީ: އެތަން އަތުލައި އެހެން ބަޔަކަށް ވަނީ ކުއްޔަށް ދީފައި.-- ފައިލް ފޮޓޯ | މިހާރު

އިފްރާޒް އަލީ، މިހާރު

17 މެއި 2023 - 14:29

9 comments

މާލޭގެ އާޓިފިޝަލް ބީޗު ސަރަހައްދު ކުރިމަތީގައި ހުންނަ އެމްޑީޕީގެ މައި ހަރުގެ ހުރި ބިން ހުސްކުރަން ދިން ނޯޓިސްގެ މުއްދަތު ހަމަވުމުން ވެރިފަރާތުން، އެހެން ބަޔަކަށް ކުއްޔަށް ދީފި އެވެ.

ގިނަ ބަޔަކަށް އެއްވެ ސިޔާސީ ހަރަކާތް ހިންގޭ ގޮތަށް، އެމްޑީޕީގެ ހަރުގެ އާޓިފިޝަލްބީޗާ ކައިރީގައި ހިންގަން ފެށީ، ކުރީގެ ރައީސް އަބްދުﷲ ޔާމީންގެ ވެރިކަމުގައި ސިޔާސީ ކަންކަން އެންމެ ހަލަބޮލިވި ދުވަސްވަރެވެ. އެމްޑީޕީ ހަރުގެ ހަދާފައި ވަނީ އެ ޕާޓީގެ ހަރަކާތްތަކުގެ ކުރީ ސަފުގައި އުޅުނު، ޝަފިއްޔާ ޒުބައިރުގެ ބިމެއްގަ އެވެ.

ޝަފިއްޔާގެ ވަކީލް، ހަމްޒާ ހަލީލް މިއަދު "މިހާރު"އަށް ވިދާޅުވީ އެމްޑީޕީގެ ހަރުގެ ހިންގާ ބިން ހުސްކުރަން ދިން މުއްދަތު މިދިޔަ ހަފުތާގައި ހަމަވެފައިވާ ކަމަށެވެ. އެ މުއްދަތު ހަމަވުމާ ހަމައަށް، އެތަން ބޭނުންވެގެން ޝައުގުވެރިކަން ފާޅުކޮށް އެއްބަސްވުމަށް ބަދަލު ގެނެސްފައި ނުވާ ކަމަށް ވިދާޅުވި އެވެ.

އެކަމަކު ފުރަތަމަ ނޯޓިސްއާ އެކު، ރިޔާސީ އިންތިހާބު ކުރިއަށް އޮތުމާއި އިތުރު ތަނެއް ނެތް ކަން އަނގަބަހުން މުއާމަލާތް ހިނގި ނަމަވެސް ފަހުން އެކަމުގައި ގޮތެއް ނުނިމޭ ކަމަށް ހަމްޒާ ވިދާޅުވި އެވެ. ގޭގެ ވެރިފަރާތުން ބިން ބޭނުންވާތީ، ނޯޓިސް ދިނުމަށް ފަހު ތަނާ ހަވާލުވެފައިވާ ކަމަށް އޭނާ ވިދާޅުވި އެވެ.

"ބިމުގެ ވެރިފަރާތުން މިހާރު ވަނީ އެތަން އެހެން ފަރާތަކަށް ކުއްޔަށް ދޫކޮށްފައި،" ހަމްޒާ ވިދާޅުވި އެވެ.

އެންމެ ފުރަތަމަ އެމްޑީޕީއަށް ހަރުގެ ހުސްކުރަން ނޯޓިސްދިނީ އެ ބިން ތަރައްގީކުރަން ވެރިފަރާތުން ބޭނުންވެގެންނެވެ.

އެ ގޭގެ ވެރިފަރާތް، ޝަފީއާ ޒުބެއިރު އަންނަނީ އެމްޑީޕީގެ ހިޔާލުތަފާތުވުމުގައި، "ފިކުރެއްގެ ދިރުން" ފެކްޝަންގައި އިސްކޮށް ހަރަކާތްތެރިވަމުންނެވެ.

MDP ge mai haruge huskuran angaifi

The most trusted news source in the Maldives

Mihaaru

އެމްޑީޕީން ބުނެފައި ވަނީ ހަރުގެ ހުސްނުކޮށް ހުރީ އެތަން ބަދަލުކުރާނެ އިތުރު ތަނެއް އަދި ނުލިބިގެން ކަމަށެވެ. ތަނެއް ލިބެންދެން އެތަނުގައި ތިބެވޭނެ ގޮތް ހަދައިދޭން ގޭގެ ވެރިފަރާތުގައި އެދުނު ކަމަށް އެ ޕާޓީން ބުންޏެވެ.

އެ ޕާޓީން ބުނި ގޮތުގައި، އެ ބިމުގައި ހަރުގެ ހިންގަން ދިން އެއްބަސްވުމުގެ މުއްދަތު ހަމަވެފައި ވިޔަސް، އެތަން ހުސްކުރަން ވެރިފަރާތުން އެންގީ ސެޕްޓެމްބަރު 9 ގައި ބާއްވާ މި އަހަރުގެ ރިޔާސީ އިންތިހާބު ނިމެންދެން އެތަނުގައި ތިބެވޭނެ ކަމަށް ބުނުމަށް ފަހު އެވެ.

އެމްޑީޕީ އެމްޑީޕީ ހަރުގެ ފިކުރެއްގެ ދިރުން

9 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒައިބު

18 May 2023

ވަންނާން ތަނެއްލިބެނަސް ސާބަސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީހަމީދު

17 May 2023

ތިވީގޮތުން ދެން އެހިސާބައްވެސް ނާރާނަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒައިބު

18 May 2023

ބަލަ ނުކެރޭނެ އަރާކަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހުމަދު ފަޔާޒް 1030

17 May 2023

ނޫސްވެރިޔާ ހާދަ ހަނދާން ބަލިހެން ހީވެޔޭ ކުރީގެ ރައީސް އަބްދުﷲ ޔާމީންގެ ވެރިކަމުގައި ސިޔާސީ ކަންކަން އެންމެ ހަލަބޮލިވި ދުވަސްވަރެވެ. މިއައްވުރެން ކުރީގަ އެއްވެސް ޕާޓީ އެށްގަ ނުހިމެނޭ އެތައްހާސް ރައްޔަތުންނަކައް ލޮލުފިޔައެއްވެސް ޖަހާލިއަނުދީ ރެއާދުވާލު މަގުމައްޗަށްނުކުމެ އެތައްގެއްލުމެއްދީ އަލިފާން ބޯޅަ ދިވެހި ސިފައިންނާ ފުލުހުންނާ ދިމާލައް އުކާހެދި ދުވަސް ވެސް އަހަރެން ދެކުނިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެ ކަނބާ

17 May 2023

ހިންނަވަރުން 34234 އަކަފޫޓުގެ ބިމެއް ޕާޓީ ހަރުގެ ހަދަން ލިބިދާނެ... ކުލި: 5 އަހަރަށް ކޮންމެވެސް ގައުމެއްގެ އެމްބަސަޑަރުކަން އަދި އާއިލާ 6 ނުވަތަ 8 މީހުންނަށް ސްޓޭޓް މިނިސްޓަރުކަން...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޮޑުމީހާ

17 May 2023

ވެރިކަމުގަ ތިބެ އެމްޑީޕީ ހިންގާލަން އައި ގްރޫޕުން އެންމެ ކުޑަމިނުން ޖަގަހަ ހިންގާ އިމާރާތުގެ ގާނޫނީ މައްސަލަ ހައްލެއް ނުކުރެވުނު. މިވަރު ނާގާބިލު ބަަޔަކު ވެރިކަންކުރާތީ ފެންނަހާ މަންޒަރު ވެރިކަމުން މި ފެންނަނީ. އެއްވެސް އަމާޒެއް ނެތް، ސިވިލްސާރވަންޓުންނަށް ވުރެ ސިޔާސީ މަގާމު ގިނަ، ގައުމު ދާންވީ ކޮން މިސްރާބަކަށް ކަމެއް ނޭގޭ، 200 މީހުން ހަމަނުވާ ރަށެއްގައިވެސް 3 ބުރި އިންޖީނު އޮފީސް އިމާރާތެއް އަޅާފާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޗާގޯސް

17 May 2023

ސަރުކާރުގެ ވަޒީފާ އަދާކުރި ދުވަސްވަރު ވަޒީފާއަށް ހާޒިރު ނުވުމުގެ ރެކޯޑް އޮތް ގޮއްޔެއަކަށް އޮތް ގޯއްޗެއްގައި ތިޔަ ތަނެއް ތިޔަ ހިންގީ. އެ ގޮއްޔެއަށް ތަން އަތުލަން ފެނުނީމާ އަތުލީ. އެނިމުނީ. ސިމްޕަލް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

17 May 2023

ބިމުގެ ވެރިފަރާތުން އެމްޑީޕީއަށް ނޯޓިސްދިނުމުން ޕާޓީގެ ސެކެޓްރިއޭޓުން އެއަށް ޖަވާބުދާރީނުވެ (ސިއްރު ސިޓީއަކުން ކަމުގައިވިޔަސް) ތިބުމުގެ ސަބަބުން ވެރިފަރާތުން "ބިމުން ފައިބަން" އެންގީ އެއް ނޫންތަ. # އަހަރުމެން ރައްޔިތުން އެމްޑީޕީއާއި ޙަވާލުކުރި ވެރިކަމަށް 5 އަހަރުވުމަށް ބާކީ އޮތީ 3 މަސްދުވަސް. ރާއްޖޭގެ ރައްޔިތުންނަށް "ސިއްރުން" ކަންކަން ކުރާތީ ރާއްޖޭގެ ގިނަ ރައްޔިތުން މިހާރު ބޭނުންވެނީ އިތުރު ނޯޓިހަކާއި ނުލާ އެމްޑީޕީ ވެރިކަމުންވެސް ބާލަން.